1/5:strīgrahaṇam kimartham na svārthikaḥ ayam svārthikāḥ ca prakṛtitaḥ liṅgavacanāni anuvartante |
2/5:evam tarhi siddhe sati yat strīgrahaṇam karoti tat jñāpayati ācāryaḥ svārthikāḥ ativartante api liṅgavacanāni |
3/5:kim etasya jñāpane prayojanam |
4/5:guḍakalpā drākṣā |
5/5:tailakalpā prasannā payaskalpā yavāgūḥ iti etat siddham bhavati |

karmavyatihāre ṇac striyām 3-3-43. iti ṇac vihitaḥ, tadantāt svārthe añ pratyayo bhavati striyāṃ viṣaye. vyāvakrośī. vyāvahāsī vartate. strīgrahaṇaṃ kimartham, yāvatā ṇac striyām eva vihitaḥ, tataḥ svārthikas tatra eva bhaviṣyati? evaṃ tarhyetaj jñāpayati svārthikāḥ pratyayā prakṛtito liṅgavacanānyativartante 'pi iti. tena guḍakalpā drākṣā, tailakalpā prasannā, deva eva devatā ityevam ādi upapannaṃ bhavati.

ṇacaḥ striyām añ 5.4.14 karmavyatihāre ṇac striyām 3.3.43. iti ṇac vihitaḥ, tadantāt svārthe añ pratyayo bhavati striyāṃ viṣaye. vyāvakrośī. vyāvahāsī vartate. strīgrahaṇaṃ kimartham, yāvatā ṇac striyām eva vihitaḥ, tataḥ svārthikas tatra eva bhaviṣyati? evaṃ tarhyetaj jñāpayati svārthikāḥ pratyayā prakṛtito liṅgavacanānyativartante 'pi iti. tena guḍakalpā drākṣā, tailakalpā prasannā, deva eva devatā ityevam ādi upapannaṃ bhavati.

ṇacaḥ striyāmañ?. , 5.4.14 "vyāvakrośī" iti. "kraśa āhvāne" (dhā. pā. 856) ityasmāṇṇaca, laghūpadhaguṇaḥ, ṇajantādañ(). sa ca kṛdagrahaṇaparibhāṣayā (vyā. pa. 126) sagatikādbavati. tena sagatikameveha pratipadikasaṃjñāṃ pratipadyate, na karmavyatihāra iti pratiṣedhādeva vṛddhipratiṣedhayorādivṛddhireva bhavati. "ṭiṅḍhāṇañ()" 4.1.15 iti ṅīp(). "vyāvahāsī" iti. "ata upadāyāḥ" 7.2.116 iti vṛddhiḥ. "tataḥ" iti. ṇajantāditi yāvat(). "svārthikāḥ prakṛtito liṅgavacanānyanuvatrtante (jai.pa.vṛ. 95) iti kṛtvā. "evaṃ tarhi" ityādinā strīgrahaṇaṃ jñāpakaṃ darśayati. "tena" ityādinā jñāpakasya prayojanam(). "ativartante'pi" iti. vyabhicarantyapītyarthaḥ. apiśabdādanuvatrtante'ṇīti. yadi svārthikānāṃ prakṛtito liṅgavacanānuvṛttivyabhicāro jñāpyate, tato guḍādibhyaḥ puṃliṅgādyanugatebhyaśca svārthe kalpabādayo bhavati, teṣāṃ puṃlliṅgavacanaṃ ca tadaiva bhavet? tataśca guḍakalpā drakṣetyevamādi nopapadyate. ta()smastu jñāpite liṅgāntarañca bhavatīti. tena sarvametadupapannaṃ bhavati. ādiśabdenāpi tailakalpā, cāturvaṇryam(), trailokyamityevamādīnāṃ grahaṇam()॥

ṇacaḥ stri. anena ṇajiti cakāro'tra viśeṣaṇārthaṃ iti dhvanitam. striyāṃ kim ?. vyatipāko vartate.

ṇacaḥ striyāmañ 1531, 5.4.14 ṇacaḥ stri. anena ṇajiti cakāro'tra viśeṣaṇārthaṃ iti dhvanitam. striyāṃ kim?. vyatipāko vartate.