1/10:kim ayam subantasya prāk ṭeḥ bhavati āhosvit ṅyāpprātipadikasya |
2/10:kutaḥ sandehaḥ |
3/10:ubhayam prakṛtam |
4/10:anyatarat śakyam viśeṣayitum |
5/10:kim ca ataḥ |
6/10:yadi subantasya yuṣmakābhiḥ asmakābhiḥ yuṣmakāsu asmakāsu yuvakayoḥ āvakayoḥ iti na sidhyati |
7/10:atha prātipadikasya tvayakā mayakā tvayaki mayaki iti atra api prāpnoti |
8/10:astu subantasya |
9/10:katham yuṣmakābhiḥ asmakābhiḥ yuṣmakāsu asmakāsu yuvakayoḥ āvakayoḥ iti |
10/10:anokārasakārabhakārādau iti vaktavyam |

1/7:akacprakaraṇe tūṣṇīmaḥ kām |*
2/7:akacprakaraṇe tūṣṇīmaḥ kām vaktavyaḥ |
3/7:āsitavyam kila tūṣṇīkām etat paśyataḥ cintitam |
4/7:śīle kaḥ malopaḥ ca |*
5/7:śīle kaḥ malopaḥ ca vaktavyaḥ |
6/7:tūṣṇīśīlaḥ |
7/7:tūṣṇīkaḥ |

1/8:iha bhinatti chinatti iti śanami kṛte śap prāpnoti |
2/8:bahukṛtam bahubhuktam bahupītam iti bahuci kṛte kalpādayaḥ prāpnuvanti |
3/8:uccakaiḥ nīcakaiḥ akaci kṛte kādayaḥ prāpnuvanti |
4/8:nanu ca śnambahujakacaḥ apavādāḥ te bādhakāḥ bhaviṣyanti |
5/8:śnambahujakakṣu nānādeśatvāt utsargapratiṣedhaḥ |*
6/8:śnambahujakakṣu nānādeśatvāt utsargapratiṣedhaḥ vaktavyaḥ |
7/8:samānadeśaiḥ apavādaiḥ utsargāṇām bādhanam bhavati |
8/8:nānādeśatvāt na prāpnoti |

1/31:kavidheḥ tamādayaḥ pūrvavipratiṣiddham |*
2/31:kavidheḥ tamādayaḥ bhavanti pūrvavipratiṣedhena |
3/31:kavidheḥ avakāśaḥ kutsādīnām vacanam prakarṣasya avacanam |
4/31:paṭukaḥ |
5/31:mṛdukaḥ |
6/31:tamādīnām avakāśaḥ prakarṣasya vacanam kutsādīnām avacanam |
7/31:paṭutaraḥ |
8/31:paṭutamaḥ |
9/31:ubhayavacane ubhayam prāpnoti |
10/31:paṭutarakaḥ |
11/31:paṭutamakaḥ |
12/31:tamādayaḥ bhavanti pūrvavipratiṣedhena |
13/31:kadā cit chinnakatarādayaḥ |*
14/31:kadā cit chinnakatarādayaḥ bhavanti vipratiṣedhena |
15/31:chinnakataram |
16/31:chinnakatamam | ekadeśipradhānaḥ ca samāsaḥ |*
17/31:ekadeśipradhānaḥ ca samāsaḥ kavidheḥ bhavati pūrvavipratiṣedhena |
18/31:ardhapippalikā |
19/31:ardhakośātakikā |
20/31:uttarapadārthapradhānaḥ ca sañjñāyām kanvidhyartham |*
21/31:uttarapadārthapradhānaḥ ca samāsaḥ kavidheḥ bhavati pūrvavipratiṣedhena |
22/31:kim prayojanam |
23/31:sañjñāyām kanvidhyartham |
24/31:sañjñāyām kan yathā syāt |
25/31:navagrāmakam |
26/31:navarāṣṭrakam |
27/31:navanagarakam |
28/31:kadā cit dvandvaḥ |*
29/31:kadā cit dvandvaḥ kavidheḥ bhavati pūrvavipratiṣedhena |
30/31:plakṣakanyagrodakau |
31/31:plakṣanyagrodhakau iti |

tiṅaśca 5-3-56 ityeva. avyayānām sarvanāmnāṃ ca prāgivīyeṣvartheṣu akac pratyayo bhavati, sa ca prāk ṭeḥ, na parataḥ. kasya apavādaḥ. uccakaiḥ. nīcakaiḥ. śanakaiḥ. sarvanāmnaḥ khalvapi sarvake. viśvake. ubhayake. prātipadikāt, supaḥ iti dvayam api iha anuvartate. tatra abhidhānato vyavasthā bhavati. kvacit prātipadikasya prāk ṭeḥ pratyayo bhavati, kvacit subantasya. yuṣmakābhiḥ , asmakābhiḥ, yuṣmakāsu, asmakāsu, yuvakayoḥ, āvakayoḥ, ityatra prātipadikasya. tvayakā, mayakā, tvayaki, mayaki ityatra subantasya. akacprakaraṇe tūṣṇīmaḥ kāmpratyayo vaktavyaḥ. sa ca mittvādantyātacaḥ paro bhavati. tuṣṇīkām āste. tūṣṇīkāṃ tiṣṭhati. śīle ko malopaśca vaktavyaḥ. tūṣṇīṃśīlaḥ tūṣṇīkaḥ. tiṅaśca 5-3-56 iti prakṛtamatra sambadhyate. pacataki. jalpataki.

avyayasarvanāmnām akac prāk ṭeḥ 5.3.71 tiṅaśca 5.3.56 ityeva. avyayānām sarvanāmnāṃ ca prāgivīyeṣvartheṣu akac pratyayo bhavati, sa ca prāk ṭeḥ, na parataḥ. kasya apavādaḥ. uccakaiḥ. nīcakaiḥ. śanakaiḥ. sarvanāmnaḥ khalvapi sarvake. viśvake. ubhayake. prātipadikāt, supaḥ iti dvayam api iha anuvartate. tatra abhidhānato vyavasthā bhavati. kvacit prātipadikasya prāk ṭeḥ pratyayo bhavati, kvacit subantasya. yuṣmakābhiḥ , asmakābhiḥ, yuṣmakāsu, asmakāsu, yuvakayoḥ, āvakayoḥ, ityatra prātipadikasya. tvayakā, mayakā, tvayaki, mayaki ityatra subantasya. akacprakaraṇe tūṣṇīmaḥ kāmpratyayo vaktavyaḥ. sa ca mittvādantyātacaḥ paro bhavati. tuṣṇīkām āste. tūṣṇīkāṃ tiṣṭhati. śīle ko malopaśca vaktavyaḥ. tūṣṇīṃśīlaḥ tūṣṇīkaḥ. tiṅaśca 5.3.56 iti prakṛtamatra sambadhyate. pacataki. jalpataki.

avyayasarvanāmnāmakacprāk? ṭeḥ. , 5.3.71 "kasyāpavādaḥ" iti. nanu ca bhinnadeśatvāt? kākacorvirodho nāsti, na cāsati virodhe bādhyabādhakabhāvaḥ, tataḥ kathaṃ kasyāpavādaḥ? naiṣa doṣaḥ; naivāvaśyaṃ deśakṛta eva virodho bhavati, api tvarthakṛto'pītyuktam()---"akac()pratyayena samānorthaḥ" iti. akacā dyotitatavāt? tasyārthasya kapratyayo na bhaviṣyati. yadyatra prātipadikādityanuvṛtteḥ prātipadikasya prāk? ṭerakajvidhīyate, tvayakā mayaketyādi na sidhyati? atha supa iti prāk? ṭervidhīyeta, evamapi yuṣmakābhiriti na siṣyati? ityata āha--"prātipadikātsupaḥ" iti. "dvayamapi" ityādi. nanu ca dvayānuvṛttāvapi kvacit? subantasyaiva prākṭerbhavati, kvacit? prātipadikasya--ityeṣā vyavasthā na labhyate? ityāha--"tatra" ityādi. vacanagrahaṇaṃ vyavasthārthamihānuvatrtate. tena yatra prātipadikasya prākṭerutpadyamānenārthadyotanaṃ śakyate kartum(), tatra prātipadikasya prāk? ṭerbhavati; yatra subantādutpannenārthadyotanaṃ śakyaṃ sampādayituṃ, tatra subantasyaiva. akacaścitkaraṇamantodāttārtham(). taddhi saprakṛteḥ samudāyasya. tathā ca vakṣyati--"citaḥ saprakṛterbahvakajartham()" (vā. 6.1.163). "tūṣṇīmaḥ kāmpratyayo vaktavyaḥ" iti. yathāsambhavaṃ kutsādiṣvartheṣu. cakāro deśavidhyarthaḥ. "śīle ko malopaśca" iti. śīlamiti na svabhāva evocyate, kiṃ tarhi? niyamo'pi. tathā hi--śīlavān? bhikṣurityabhidhīyate, yaḥ samyaṅniyamamanupālayatīti. tena yo'pi niyamaparatayā vācaṃ niyamayati so'pi tūṣṇīka ucyate॥

avyayasarvanāmnām. anuvartata iti. `maṇḍūkaplutye'ti śeṣaḥ. avyayasarvanāmnāṃ tiṅantānāṃ ca ṭeḥ prāgakacpratyayaḥ syādityarthaḥ. akaci kakārādakāra uccāraṇārthaḥ. cakāra it. kakārāntaḥ pratyayaḥ. ayamapi prāgivādadhikāraḥ.

avyayasarvanāmnāmakac prāk ṭeḥ , 5.3.71 avyayasarvanāmnām. anuvartata iti. "maṇḍūkaplutye"ti śeṣaḥ. avyayasarvanāmnāṃ tiṅantānāṃ ca ṭeḥ prāgakacpratyayaḥ syādityarthaḥ. akaci kakārādakāra uccāraṇārthaḥ. cakāra it. kakārāntaḥ pratyayaḥ. ayamapi prāgivādadhikāraḥ.

avyayasarvanāmnām. anuvartate iti. maṇḍūkaplutyeti bāvaḥ. `ṅyāp?prātipadikāt' `supaḥ'iti cānuvartata eva.

avyayasarvanāmnāmakac prāk ṭeḥ 1514, 5.3.71 avyayasarvanāmnām. anuvartate iti. maṇḍūkaplutyeti bāvaḥ. "ṅyāp()prātipadikāt" "supaḥ"iti cānuvartata eva.