Kāśikāvṛttī1:
antikabāḍhayoḥ yathāsaṅkhyaṃ neda sādha ityetāvādeśau bhavato 'jādyoḥ parataḥ. t
See More
antikabāḍhayoḥ yathāsaṅkhyaṃ neda sādha ityetāvādeśau bhavato 'jādyoḥ parataḥ. tayośca
sattvaṃ pūrvavad vijñeyam. nimittabhūtayor yathāsaṅkhyam atra eṣyate
sarvāṇīmānyantikāni, idameṣāmatiśayena antikam nediṣṭham. ubhe ime antike, idam
anayoratiśayena antikaṃ nedīyaḥ. idam asmān nediyaḥ. sarve ime bāḍhamadhīyate, ayam
eṣām atiśayena bāḍham adhīte sadhiṣṭhaḥ. ubhāvimau bāḍham adhīyāte, ayam anayoratiśayena
bāḍham adhīte sādhīyaḥ. ayam asmāt sādhīyo 'dhīte.
Kāśikāvṛttī2:
antikabāḍhayor nedasādhau 5.3.63 antikabāḍhayoḥ yathāsaṅkhyaṃ neda sādha ityetā
See More
antikabāḍhayor nedasādhau 5.3.63 antikabāḍhayoḥ yathāsaṅkhyaṃ neda sādha ityetāvādeśau bhavato 'jādyoḥ parataḥ. tayośca sattvaṃ pūrvavad vijñeyam. nimittabhūtayor yathāsaṅkhyam atra eṣyate sarvāṇīmānyantikāni, idameṣāmatiśayena antikam nediṣṭham. ubhe ime antike, idam anayoratiśayena antikaṃ nedīyaḥ. idam asmān nediyaḥ. sarve ime bāḍhamadhīyate, ayam eṣām atiśayena bāḍham adhīte sadhiṣṭhaḥ. ubhāvimau bāḍham adhīyāte, ayam anayoratiśayena bāḍham adhīte sādhīyaḥ. ayam asmāt sādhīyo 'dhīte.
Nyāsa2:
antikabāḍhayornedasādhau. , 5.3.63 "nimittyoḥ" ityādi. nimittau pratya
See More
antikabāḍhayornedasādhau. , 5.3.63 "nimittyoḥ" ityādi. nimittau pratyayau, tayoḥ parata ādeśavidhānāt(). kasmāt? punariṣyamāṇo na bhavati? alpācyatasya paranipātāt(). sa hi lakṣaṇāntarānapekṣatāmācaṣṭe. tena yathāsaṃkhyalakṣaṇamapīha nāpekṣyate. yadyevam(), sthānyādeśayorapi yathāsaṃkhyaṃ na prāpnoti? mā bhūdyathāsaṃkhyam(), āntaratamyādvyavasthā bhaviṣyati. nanu ca vyavasthākāri cellakṣaṇāntaraṃ nāpekṣyate, sthāne'ntaratamaparibhāṣāpi (1.1.50) na prāpnoti? naitadasti; nirveśānyathātvaṃ hi nirdeśakṛtā vyāvasthā nāstītyetadeva bodhayati, yā tvarthakṛtā vyavasthā tāṃ na nivatrtayati. api cādeśapratipattaye "ṣaṣṭhī sthāne yogā" 1.1.48 ityeṣā paribhāṣā niyogato'pekṣaṇauyā. taccheṣabhūtā "sthāne'ntaratamaḥ 1.1.49 iti paribhāṣā kathaṃ śakyā nāpekṣitum()॥
Bālamanoramā1:
antikabāḍhayoḥ ajādyoriti. śeṣapūraṇamidam. antika, bāḍha anayoriṣṭheyasunoḥ par
See More
antikabāḍhayoḥ ajādyoriti. śeṣapūraṇamidam. antika, bāḍha anayoriṣṭheyasunoḥ parataḥ `neda'
`sādha' etāvādeśau sta ityarthaḥ. nediṣṭhaḥ nedīyāniti. ayamanayoratiśayenāntika
ityarthaḥ. sādhiṣṭhaḥ sādhīyaniti. ayamanayoratiśayena bāḍha ityarthaḥ. bāḍho–bhṛśaḥ.
`bhṛśapratijñayorbāḍha'mityamaraḥ. `ativelabhṛśā'tyarthātimātrodgāḍhanirbhara'miti ca.
Bālamanoramā2:
antikabāḍhayornedasādhau , 5.3.63 antikabāḍhayoḥ ajādyoriti. śeṣapūraṇamidam. an
See More
antikabāḍhayornedasādhau , 5.3.63 antikabāḍhayoḥ ajādyoriti. śeṣapūraṇamidam. antika, bāḍha anayoriṣṭheyasunoḥ parataḥ "neda" "sādha" etāvādeśau sta ityarthaḥ. nediṣṭhaḥ nedīyāniti. ayamanayoratiśayenāntika ityarthaḥ. sādhiṣṭhaḥ sādhīyaniti. ayamanayoratiśayena bāḍha ityarthaḥ. bāḍho--bhṛśaḥ. "bhṛśapratijñayorbāḍha"mityamaraḥ. "ativelabhṛśā'tyarthātimātrodgāḍhanirbhara"miti ca.
1.Source: Arsha Vidya Gurukulam
2.Source: Sanskrit Documents