1/10:evakāraḥ kimarthaḥ |
2/10:niyamārthaḥ |
3/10:na etat asti prayojanam |
4/10:siddhe vidhiḥ ārabhyamāṇaḥ antareṇa evakāram niyamārthaḥ bhaviṣyati |
5/10:iṣṭataḥ avadhāraṇārthaḥ tarhi |
6/10:yathā evam vijñāyeta |
7/10:ajādī guṇavacanāt eva iti |
8/10:mā evam vijñāyi |
9/10:ajādī eva guṇavacanāt iti |
10/10:kim ca syāt na vyañjanādī guṇavacanāt syātām |

iṣṭhannīyasunau ajādī sāmānyena vihitau, tayorayaṃ viṣayaniyamaḥ kriyate, guṇavacanādeva bhavatastau na anyasmāditi. paṭīyān. laghīyān. paṭiṣṭhaḥ. laghīṣṭhaḥ. iha na bhavataḥ, pācakataraḥ, pācakatamaḥ iti. eva kāraḥ iṣṭato 'vadhāraṇārthaḥ, pratyayaniyamo 'yaṃ na prakṛtiniyamaḥ iti. paṭutaraḥ. paṭutamaḥ.

ajādi guṇavacanādeva 5.3.58 iṣṭhannīyasunau ajādī sāmānyena vihitau, tayorayaṃ viṣayaniyamaḥ kriyate, guṇavacanādeva bhavatastau na anyasmāditi. paṭīyān. laghīyān. paṭiṣṭhaḥ. laghīṣṭhaḥ. iha na bhavataḥ, pācakataraḥ, pācakatamaḥ iti. eva kāraḥ iṣṭato 'vadhāraṇārthaḥ, pratyayaniyamo 'yaṃ na prakṛtiniyamaḥ iti. paṭutaraḥ. paṭutamaḥ.

ajādī guṇavacanādeva. , 5.3.58 "pācakataraḥ" iti. kartṛśaktimato dravyasyābhidhānāddravyavacano'yaṃ pācakaśabdaḥ. athaivakāraḥ kimarthaḥ, yāvatā siddhe vidhirārabhyamāṇo vināpi tena niyamārtho bhavati()ityāha-"evakāraḥ" ityādi. asati hrevakāre viparītamavaṣāraṇaṃ vijñāyate--ajādī eva guṇavacanāditi, tataśca yata evakārastato'nyatrāvadhāraṇamiti prakṛtiniyamaḥ syāt(). evaṃ ca guṇavacanasyājādyoniyatatvāt? tatastarabādirnaṃ syāt(). evakāre tu prakṛtyanantaramuccāryamāṇe sati pratyayārthaniyamo'yaṃ bhavati na prakṛtiniyama iti paṭutaraḥ, paṭutama iti siddhaṃ bhavati. etayorapi siddhyarthaṃ "guṇavacanādiṣṭhannīyasunau" iti sūtraṃ na kṛtam(). tadā vidhyarthatvādetau taraptamaporapavādatvādbādhakāviti tayorabhāve paṭutaraḥ, paṭutama iti na sidhyet()॥

ajādī. taraptamupau iṣṭhannīyasunau ceti catvāraḥ pratyayā anukrāntāḥ. teṣāṃ madhye yau ajādī iṣṭhannīyasunau tāvityarthaḥ. tadāha–iṣṭhannīyasunāviti. pācakataraḥ, pācakatama iti. kriyāśabdatvādābhyāmiṣṭhannīsunau neti bhāvaḥ. `guṇavacanādajādī eve'ti viparītaniyamavyāvṛttyartha evakāraḥ. tena paṭutaraḥ paṭutama ityādi siddham.

ajādī guṇavacanādeva , 5.3.58 ajādī. taraptamupau iṣṭhannīyasunau ceti catvāraḥ pratyayā anukrāntāḥ. teṣāṃ madhye yau ajādī iṣṭhannīyasunau tāvityarthaḥ. tadāha--iṣṭhannīyasunāviti. pācakataraḥ, pācakatama iti. kriyāśabdatvādābhyāmiṣṭhannīsunau neti bhāvaḥ. "guṇavacanādajādī eve"ti viparītaniyamavyāvṛttyartha evakāraḥ. tena paṭutaraḥ paṭutama ityādi siddham.

ajādī guṇavacanādeva. iṣṭato'vadhāraṇārtha evakāraḥ. tena pratyaya niyamo'yam. evakārā'bhāve tu `guṇavacanādajādipratyayāveve'ti prakṛtiniyamo'pi sambhāvyeta. tathā ca paṭutaraḥ, paṭutama ityādi na sidhyet.

ajādī guṇavacanādeva 1502, 5.3.58 ajādī guṇavacanādeva. iṣṭato'vadhāraṇārtha evakāraḥ. tena pratyaya niyamo'yam. evakārā'bhāve tu "guṇavacanādajādipratyayāveve"ti prakṛtiniyamo'pi sambhāvyeta. tathā ca paṭutaraḥ, paṭutama ityādi na sidhyet.