1/31:ekāt ākinici dvibahvarthe pratyayavidhānam |*
2/31:ekāt ākinici dvibahvarthe pratyayaḥ vidheyaḥ |
3/31:ekākinau |
4/31:ekākinaḥ iti |
5/31:kim punaḥ kāraṇam na sidhyati |
6/31:ekaśabdaḥ ayam saṅkhyāpadam saṅkhyāyāḥ ca saṅkhyeyam arthaḥ |
7/31:siddham tu saṅkhyādeśavacanāt |*
8/31:siddham etat |
9/31:katham |
10/31:dvibahvarthāyāḥ saṅkhyāyāḥ ekaśabdaḥ ādeśaḥ vaktavyaḥ |
11/31:asahāyasya vā |*
12/31:asahāyasya vā ekaśabdaḥ ādeśaḥ vaktavyaḥ |
13/31:asahāyaḥ ekākī |
14/31:asahāyau ekākinau |
15/31:asahāyāḥ ekākinaḥ |
16/31:sidhyati |
17/31:sūtram tarhi bhidyate |
18/31:yathānyāsam eva astu |
19/31:nanu ca uktam ekāt ākinici dvibahvarthe pratyayavidhānam iti |
20/31:na eṣaḥ doṣaḥ |
21/31:ayam ekaśabdaḥ asti eva saṅkhyāpadam |
22/31:tat yathā ekaḥ dvau bahavaḥ iti |
23/31:asti anyārthe vartate |
24/31:tat yathā sadhamādaḥ dyumnaḥ ekāḥ tāḥ |
25/31:anyāḥ iti arthaḥ |
26/31:asti asahāyavācī |
27/31:tat yathā |
28/31:ekāgnayaḥ |
29/31:ekahalāni |
30/31:ekākibhiḥ kṣudrakaiḥ jitam iti |
31/31:tat yaḥ asahāyavācī tasya eṣaḥ prayogaḥ |

ekaśadād sahāyavācinaḥ svārthe ākinic pratyayo bhavati. cakārāt kanlukau ca. ākinicaḥ kano vā lug vijñāyate. sa ca vidhānasāmarthyāt pakṣe bhavati. ekākī, ekakaḥ, ekaḥ. asahāyagrahaṇaṃ saṅkhyāśabdanirāsārtham. tadupādāne hi dvibahvor na syāt, ekākinau, ekākinaḥ.

ekādākinic ca asahāye 5.3.52 ekaśadād sahāyavācinaḥ svārthe ākinic pratyayo bhavati. cakārāt kanlukau ca. ākinicaḥ kano vā lug vijñāyate. sa ca vidhānasāmarthyāt pakṣe bhavati. ekākī, ekakaḥ, ekaḥ. asahāyagrahaṇaṃ saṅkhyāśabdanirāsārtham. tadupādāne hi dvibahvor na syāt, ekākinau, ekākinaḥ.

ekādākiniccāsahāye. , 5.3.52 "ākinicaḥ kano vā lugvijñāyate" iti. pratyāsatteḥ. na tu prakāraṇāntaravihitasya; viprakarṣāt(). "sa ca" ityādi yadi nityaḥ syāt? tadvidhānamanarthakaṃ syāt(). tasmādvidhānasāmathryāt? pakṣe bhavati. kiṃ punaḥ kāraṇamasahāyagrahaṇaṃ saṃkhyāśabdanirāsārthaṃ kriyate? ityāha--"tadupādāne hi" ityādi. asatyasahāyagrahaṇe saṃkhyāvācino'pyekaśabdasya grahaṇaṃ syāt(). tasmistu sati dvibahnorna syāt(). na hi dvayorbahuṣu vā caikatvasaṃkhyā vidyate. asahāyatā tu śatasyāpi bhavati; tulyajātīyānyasyābhāvāt()--śatamasahāyamiti. tenā sahāyārthasya grahaṇe dvibahvorapi pratyayaḥ sidhyati. atha kasmādākinijvadhīyate, na akanijityevocyeta, atrāpi savarṇadīrghatveneṣṭaṃ sidhyatyeva? na sidhyati; "ato guṇe" 6.1.94 pararūpatvam(), yasyeti 6.4.148 lopaśca prāpnoti. akāroccāraṇasāmathryānna bhaviṣyati? naitadasti; asti hrakāroccāraṇasya prayojanam(). kim()? bhasaṃjñāyāmanyaḥ padasaṃjñānibandhano'vagraho mā bhūditi. tasmādākinijeva viṣeyaḥ॥

ekādākiniccā'sahāye , 5.3.52 ekādākiniccā. asahāyavācakādekaśabdātsvārthe ākinicyapratyayaḥ syādityarthaḥ.

ekādhākiniccā. asahāyavācina ekaśabdādākinic syāt. kunlukāviti. ākinicaḥ kano vā pakṣe luk. tayorevānena sūtreṇa vidhānāt. asahāyagrahaṇaṃ saṅkhyāśabdanirāsārtham, anyathā prasaddhatvātsaṃkhyāprakaraṇācca tasyaiva grahaṇaṃ syāt. iṣṭāpattau tu dvitve bahutve ca na syādekākinau ekākina iti. na hi dvayorbahuṣu vā ekatvasaṃkhyā'sti. asahāyatvaṃ tu parasparātiraktasahāyā'bhāvena dvayorbahūnāmapi bhavati. iha akinijevāyaṃ vaktavyaḥ, savarṇadajīrgheṇa siddhamiṣṭam. `yasyeti ce'ti lopaścā'kāroccāraṇasāmathryānna bhavatītyādi haradattagranthe sthitam.

ekādākiniccā'sahāye 1494, 5.3.52 ekādhākiniccā. asahāyavācina ekaśabdādākinic syāt. kunlukāviti. ākinicaḥ kano vā pakṣe luk. tayorevānena sūtreṇa vidhānāt. asahāyagrahaṇaṃ saṅkhyāśabdanirāsārtham, anyathā prasaddhatvātsaṃkhyāprakaraṇācca tasyaiva grahaṇaṃ syāt. iṣṭāpattau tu dvitve bahutve ca na syādekākinau ekākina iti. na hi dvayorbahuṣu vā ekatvasaṃkhyā'sti. asahāyatvaṃ tu parasparātiraktasahāyā'bhāvena dvayorbahūnāmapi bhavati. iha akinijevāyaṃ vaktavyaḥ, savarṇadajīrgheṇa siddhamiṣṭam. "yasyeti ce"ti lopaścā'kāroccāraṇasāmathryānna bhavatītyādi haradattagranthe sthitam.