1/19:vibhaktitve kim prayojanam |
2/19:vibhaktitve prayojanam itpratiṣedhaḥ |*
3/19:idānīm |
4/19:na vibhaktau tusmāḥ iti itpratiṣedhaḥ siddhaḥ bhavati |
5/19:yadi evam kimaḥ at kva prepsyan dīpyase kva ardhamāsāḥ |
6/19:atra api prāpnoti |
7/19:tau ca uktam |*
8/19:kim uktam |
9/19:vibhaktau tavargapratiṣedhaḥ ataddhite iti |
10/19:idamaḥ vibhaktisvaraḥ ca |*
11/19:idamaḥ vibhaktisvaraḥ ca prayojanam |
12/19:itaḥ |
13/19:iha |
14/19:idamaḥ tṛtīyādiḥ vibhaktiḥ udāttā bhavati iti eṣaḥ svaraḥ bhavati |
15/19:tyadādividhayaḥ ca |*
16/19:tyadādividhayaḥ ca prayojanam |
17/19:yataḥ |
18/19:yatra |
19/19:vibhaktau iti tyadādividhayaḥ siddhāḥ bhavanti |

dikśabdebhyaḥ saptamīpañcamīprathamābhyo digdeśakāleṣvastātiḥ 5-3-27 iti vakṣyati. prāgetasmād dikṣaṃ śabdanād yānita ūrdhvam anukramiṣyāmo vibhaktisaṃjñās te veditavyāḥ. vakṣyati pañcamyās tasil 5-3-7. tataḥ. yataḥ. kutaḥ. tasilādīnāṃ vibhaktitve prayojanaṃ tyadādividhayaḥ idamo vibhaktisvaraśca. iha. ūḍidam iti vibhaktyudāttatvaṃ siddhaṃ bhavati. ataḥ paraṃ svārthikāḥ pratyayāḥ, teṣu samarthādhikāraḥ prathamagrahaṇaṃ ca pratiyogyapekṣatvān na upayujyate iti nivṛttam. vāvacanaṃ tu vartata eva. tena vikalpena tasilādayo bhavanti, kutaḥ , kasmāt, kutra, kasminiti.

prāgdiśo vibhaktiḥ 5.3.1 dikśabdebhyaḥ saptamīpañcamīprathamābhyo digdeśakāleṣvastātiḥ 5.3.27 iti vakṣyati. prāgetasmād dikṣaṃ śabdanād yānita ūrdhvam anukramiṣyāmo vibhaktisaṃjñās te veditavyāḥ. vakṣyati pañcamyās tasil 5.3.7. tataḥ. yataḥ. kutaḥ. tasilādīnāṃ vibhaktitve prayojanaṃ tyadādividhayaḥ idamo vibhaktisvaraśca. iha. ūḍidam iti vibhaktyudāttatvaṃ siddhaṃ bhavati. ataḥ paraṃ svārthikāḥ pratyayāḥ, teṣu samarthādhikāraḥ prathamagrahaṇaṃ ca pratiyogyapekṣatvān na upayujyate iti nivṛttam. vāvacanaṃ tu vartata eva. tena vikalpena tasilādayo bhavanti, kutaḥ , kasmāt, kutra, kasminiti.

prāgdiśo vibhaktiḥ. , 5.3.1 "vibhaktisaṃjñāste vedivyāḥ" iti. vibhaktirityeṣa śabdaḥ saṃjñā yeṣāṃ te tathoktāḥ. nanu ca vibhaktiśabdaḥ suptiṅāṃ saṃjñā, saṃjñā ca pradeśavākyeṣūccāritā saṃjñinaṃ pratyāyayatīti suptiṅāṃ vibhaktisaṃjñāvidhānamanarthakaṃ syāt(). yathā vṛddhiśabdaḥ svābhidheye laukike'rthe guṇībhūto'pyādaic? prati saṃjñātvamanubhavati, tathā vibhaktiśabdo'pi tasilādīn? prati saṃjñātvena veditavyaḥ. atha tatraiva kasmānnocyate--"supo vibhaktiśca prāgdiśaśca" iti, evaṃ sati punarvibhaktigrahaṇaṃ katrtavyaṃ na bhavati? naivaṃ śakyam(); evaṃ hi nyāse sati "kuta ārabya prāgdiśīyāḥ? iti na jñāyate. kiñca "digādibhyo yat()" 4.3.54, "tenaikadik()" 4.3.112 iti cānekaṃ śāstre diggrahaṇamityavadhirapi sandihreta. "kiṃsarvanāmabahubhyaḥ" 5.3.2 ityevamādeśca kārahrasyāvadhidarśanārthaṃ punariha "prāgdiśaḥ" iti vācyameva syāt(). tasmādyathānyāsameva sādha. "tataḥ, yataḥ" iti. "aṣṭana ā vibhaktau" 7.2.84 ityanuvatrtamāne "tyadādīnāmaḥ" 7.2.102 ityatvam(), "na vibhaktau tusmāḥ" 1.3.4 iti sakārasyetsaṃjñāpratiṣeṣaḥ, "taddhita ścāsarvavibhaktiḥ" 1.1.37 ityavyayatvādvibhakta#erluk(). "kutaḥ" iti. "ki tihoḥ" 7.2.104 iti kimaḥ kubhāvaḥ. "tyadādividhayaḥ" iti. tyadādayo'tra dibhaktinibandhanāḥ. "tataḥ" iti. tyadādividheratvasyodāharaṇam(). "iha iti. idamo vibhaktisvarasya. idamaḥ saptamyantāt? "idamo haḥ" 5.3.11 iti hapratyayaḥ, "idama iś()" 5.3.3 itīśādeśaḥ. "ūḍidampadādyappumraidyubhyaḥ" 6.1.165 iti idamaḥ parasyodātatvaṃ vibhaktitve sati siddhaṃ bhavati. atra tu pratyayasvareṇaiva siddhamādyudāttatvam(). tasmāccodāharaṇadigiyaṃ pradarśita. idaṃ tvatrodāhāraṇaṃ yuktam()--"itaḥ" iti. ivamastasil(), pūrvavadiś(). atacra hrasati vibhaktitve liti pratyayāt? pūrvapadādyudāttatvaṃ ["pūrvamādyudāttatvaṃ"-mudritapāṭhaḥ (vārāṇasī-1967)] syāt(). tasmistu "ūḍidam()" 6.1.165 ityādinedamaḥ parasya tasa ādyudāttatvaṃ siddhaṃ bhavati. nanu ca satyapi vibhaktitve paratvāllitsvareṇa bhavitavyam()? naiṣa doṣaḥ; "liti" 6.1.187 ityatra hi "ūjidam()" 6.1.165 ityādikaṃ sūtramanuvarttiṣyate litsvarabādhanārtham(). nanvevamapi naiva vibhakterudāttatvaṃ sidhyati? tatra hi "sāvekācastṛtīyādivibhaktiḥ" 6.1.162 ityatastṛtīyādigrahaṇamanuvatrtate, na ca tasilādayastṛtīyādigarahaṇena gṛhrante. tṛtīyaikavacanamāranya ā pañcamādhyāyaparisamāpteryāvān? pratyayo vibhaktisaṃjñaḥ sarvo'sau tṛtīyādiḥ. "ataḥ param()" ityādi. sāmathryaṃ hi nāma sambandhārthatā; sā ca pratiyoginamapekṣata eva yana sahaikārthībhāvo bhavati tasmin? pratiyogini sati, nānyathā. prāthamyamapi pratiyogyapekṣameva. dvitīyaṃ hi pratiyoginamapebhya prathamamityucyate. ita uttaraṃ pratyayāḥ prakṛtyartha eva bhavantīti, na tadviṣau dvitīyasya pratiyoginaḥ sambhavaḥ; tadabhāvāt? sāmathryaprāthamyayorapi nāstyeva sambhavaḥ; tayoḥ pratiyogyapekṣatvāt(). yataścaitadevam(), tataḥ "sāmathryādhikāraḥ prathamagrahaṇañca nopayujyate" iti dvayamapi nivṛttm(). yadyevam(); vāvacanasyāpi nivṛttiḥ prāpnoti, ekayoganirdiṣṭatvāt()? ityāha--"vāvacanaṃ tu vatrtata eva" iti. tasya svaritatvāditi bhāvaḥ. "tena vikalpena" ityādi. tenottarasūtre vāgrahaṇānuvṛtteḥ phalaṃ darśayati॥

prāgdiśo vibhaktiḥ 1200, 5.3.1 dikchabdebhya ityataḥ prāgvakṣyamāṇāḥ pratyayā vibhaktisaṃjñāḥ syuḥ॥

atha pañcamādhyāyasya tṛtīyāpāde prāgdiśīyaprakaraṇaṃ nirūpyate. prāgdiśo vibhaktiḥ. dikchabdena taddhaṭitaṃ sūtraṃ vivakṣitamityabhipretyāha–dikchabdebhya ityata iti. vibhaktisaṃjñakā iti. tatphalaṃ tu `na vibhaktau tusmāḥ' iti niṣedhaḥ, tyadādyatvam, idama `ūḍidaṃpadādī'ti svaraśca. svārthikā iti. svīyaprakṛtyarthe bhavā ityarthaḥ. tasilādiṣvarthanirdeśā'bhāvāt, `atiśāyane' ityādīnāṃ prakṛtyarthaviśeṣaṇatvācceti bhāvaḥ. nivṛttamiti. atropapattiḥ– `samarthānā'mityatroktā. anuvartata eveti. vyākhyānamevātra śaraṇam.

prāgdiśo vibhaktiḥ 1922, 5.3.1 atha pañcamādhyāyasya tṛtīyāpāde prāgdiśīyaprakaraṇaṃ nirūpyate. prāgdiśo vibhaktiḥ. dikchabdena taddhaṭitaṃ sūtraṃ vivakṣitamityabhipretyāha--dikchabdebhya ityata iti. vibhaktisaṃjñakā iti. tatphalaṃ tu "na vibhaktau tusmāḥ" iti niṣedhaḥ, tyadādyatvam, idama "ūḍidaṃpadādī"ti svaraśca. svārthikā iti. svīyaprakṛtyarthe bhavā ityarthaḥ. tasilādiṣvarthanirdeśā'bhāvāt, "atiśāyane" ityādīnāṃ prakṛtyarthaviśeṣaṇatvācceti bhāvaḥ. nivṛttamiti. atropapattiḥ--"samarthānā"mityatroktā. anuvartata eveti. vyākhyānamevātra śaraṇam.