1/16:śṛṅkhalam asya bandhanam karabhe iti anirdeśaḥ |*
2/16:śṛṅkhalam asya bandhanam karabhe iti anirdeśaḥ |
3/16:agamakaḥ nirdeśaḥ anirdeśaḥ |
4/16:na hi tasya śṛṅkhalabandhanam |
5/16:śṛṅkhalavatyā asau rajjvā badhyate |
6/16:siddham tu tadvannirdeśāt luk ca |*
7/16:siddham etat |
8/16:katham |
9/16:tadvannirdeśaḥ kartavyaḥ luk ca vaktavyaḥ |
10/16:śṛṅkhalavat bandhanam iti |
11/16:saḥ tarhi tadvannirdeśaḥ kartavyaḥ |
12/16:na kartavyaḥ |
13/16:iha yat na antareṇa yasya pravṛttiḥ bhavati tat tasya nimittatvāya kalpate |
14/16:na ca antareṇa śṛṅkhalam bandhanam pravartate |
15/16:atha vā sāhacaryāt tācchabdyam bhaviṣyati |
16/16:śṛṅkhalasahacaritam bandhanam śrṅkhalam bandhanam iti |

śṛṅkhalaśabdāt prathamāsamarthādasya iti ṣaṣṭhyarthe kan pratyayo bhavati, yat tat prathamāsamarthaṃ bandhanaṃ ced tad bhavati, yat tadasya iti nirdeṣṭaṃ karabhaścet sa bhavati. śṛṅkhalaṃ bandhanam asya karabhasya śṛṅkhalakaḥ. uṣṭrāṇāṃ bālakāḥ karabhāḥ. teṣāṃ kāṣṭhamayaṃ pāśakaṃ pāde vyātiṣajyate, taducyate śṛṅkhalam iti. yadyapi rajjvādikam api tatra asti tathāpi śṛṅkhalam asya asvatantrīkaraṇe bhavati sādhanam iti bandhanam ityucyate.

śṛṅkhalam asya bandhanaṃ karabhe 5.2.79 śṛṅkhalaśabdāt prathamāsamarthādasya iti ṣaṣṭhyarthe kan pratyayo bhavati, yat tat prathamāsamarthaṃ bandhanaṃ ced tad bhavati, yat tadasya iti nirdeṣṭaṃ karabhaścet sa bhavati. śṛṅkhalaṃ bandhanam asya karabhasya śṛṅkhalakaḥ. uṣṭrāṇāṃ bālakāḥ karabhāḥ. teṣāṃ kāṣṭhamayaṃ pāśakaṃ pāde vyātiṣajyate, taducyate śṛṅkhalam iti. yadyapi rajjvādikam api tatra asti tathāpi śṛṅkhalam asya asvatantrīkaraṇe bhavati sādhanam iti bandhanam ityucyate.

śṛṅkhalamasya bandhanaṃ karabhe. , 5.2.78 nanu ca na śṛṅkhalamātreṇa karabho badhyate, kiṃ tarhi? rajjavādikena ca, tatkathaṃ śṛṅkhalaṃ bandhanamucyate? ityāha--"yadyapi" ityādi. yadyapi tatra rajjvādikamapyaparamasti, tathāpi śṛṅkhalamasya tantrīkaraṇaṃ prati sādhanaṃ bhavatyeva, na hi tena tadbhavati. tataḥ śṛṅkhalaṃ bandhanamucyate. rajjvādikamapi yadi bandhanaṃ bhavati, bhavatu! na hratrāvadhāryate--śṛṅkhalameveti॥

sa eṣāṃ grāmaṇīḥ. `grāmaṇīrnāpite puṃsi śreṣṭhe grāmādhipe triṣu' ityamaraḥ. karabha iti. uṣṭrabālakaḥ.

sa eṣāṃ grāmaṇīḥ 1428, 5.2.78 sa eṣāṃ grāmaṇīḥ. "grāmaṇīrnāpite puṃsi śreṣṭhe grāmādhipe triṣu" ityamaraḥ. karabha iti. uṣṭrabālakaḥ.