1/8:kim yaḥ śītam karoti saḥ śītakaḥ yaḥ vā uṣṇam karoti sa uṣṇakaḥ |
2/8:kim ca ataḥ |
3/8:tuṣāre āditye ca prāpnoti |
4/8:evam tarhi uttarapadalopaḥ atra draṣṭavyaḥ |
5/8:śītam iva śītam |
6/8:uṣṇam iva uṣṇam |
7/8:yaḥ āśu kartavyān arthān cireṇa karoti saḥ ucyate śītakaḥ iti |
8/8:yaḥ punaḥ āśu kartavyān arthān āśu eva karoti saḥ ucyate uṣṇakaḥ iti |

śītoṣṇāśabdābhyāṃ kāriṇyabhidheye kan pratyayo bhavati. kriyāviśeṣaṇād dvitīyāsamarthādayaṃ pratyayaḥ. śītaṃ karoti śītakaḥ. alaso, jaḍa ucyate. uṣṇaṃ karoti uṣṇakaḥ. śīghrakārī, dakṣa ucyate.

śītoṣṇābhyāṃ kāriṇi 5.2.72 śītoṣṇāśabdābhyāṃ kāriṇyabhidheye kan pratyayo bhavati. kriyāviśeṣaṇād dvitīyāsamarthādayaṃ pratyayaḥ. śītaṃ karoti śītakaḥ. alaso, jaḍa ucyate. uṣṇaṃ karoti uṣṇakaḥ. śīghrakārī, dakṣa ucyate.

śītoṣṇābhyāṃ kāriṇi. , 5.2.71 "kriyāviśeṣaṇāt()" iti. kriyāviśeṣaṇasya hi karmatvaṃ pratipāditam(). "kāriṇi" iti. tācchīlye ṇiniḥ. tasya ca prayoge ṣaṣṭhī pratiṣiddhā, tasmāt? karmaṇi dvitīyayaiva bhavitavyam(). kriyāviśeṣaṇācchītādiśabdād()dvitīyāsamarthātpratyayo vijñāyate. tena neha śotoṣṇaśabdo sparśaviṣaye vatrtamānau pratyayamutpādayataḥ. kva tarhi? māndye, śaighrye ca; yasmādāvaśyake ṇiniḥ. na sa padārtho'sti yaḥ śītoṣṇasparśau niyogataḥ karoti. tuṣārātapāvapi hi nāvaśyaṃ kurutaḥ; pratibandhasambhavāt(). karttṛśaktistu padārthānāṃ niyateti sā śaktiḥ karttṛtve kaścinniyogato mandaṃ karoti, kaścit? śīghramiti yujyata evāvaśyakatvam()॥

śītoṣṇābhyāṃ śītamiva śītaṃ mandamityarthaḥ. uṣṇamiva uṣṇam. śīghramityarthaḥ. ābhyāṃ kriyāviśeṣaṇābhyāṃ dvitīyāntābhyāṃ kansyādityarthaḥ. ya āśu kartavyānarthāścireṇa karoti sa śītaka ucyate, yastu anāśu kartavyānā\ufffdova karoti sa uṣṇaka ucyata iti bhāṣye. saṃjñāyāmityanuvṛtterayamartho labhyata iti kaiyaṭaḥ. tadāha– śītako'lasa iti. uṣṇakaḥ śīghrakārīti ca.

śītoṣṇābhyāṃ kāriṇi 1848, 5.2.71 śītoṣṇābhyāṃ śītamiva śītaṃ mandamityarthaḥ. uṣṇamiva uṣṇam. śīghramityarthaḥ. ābhyāṃ kriyāviśeṣaṇābhyāṃ dvitīyāntābhyāṃ kansyādityarthaḥ. ya āśu kartavyānarthāścireṇa karoti sa śītaka ucyate, yastu anāśu kartavyānā()ova karoti sa uṣṇaka ucyata iti bhāṣye. saṃjñāyāmityanuvṛtterayamartho labhyata iti kaiyaṭaḥ. tadāha--śītako'lasa iti. uṣṇakaḥ śīghrakārīti ca.

śītoṣṇābhyām. śītamiva śītam. mandamityarthaḥ. śūte sati kāryakaraṇe pāṭavā'bhāvāt. uṣṇamivoṣṇam. śīgramityarthaḥ. kriyāviśeṣaṇābhyāṃ dvitīyāntābhyāṃ pratyayaḥ. kṛdyoga lakṣaṇā ṣaṣṭhī tu kriyāviśeṣaṇānnetyuktam. mukhyārthavṛttibhyāṃ tu pratyayo na bhavati, anabhidhānāt.

śītoṣṇābhyāṃ kāriṇi 1423, 5.2.71 śītoṣṇābhyām. śītamiva śītam. mandamityarthaḥ. śūte sati kāryakaraṇe pāṭavā'bhāvāt. uṣṇamivoṣṇam. śīgramityarthaḥ. kriyāviśeṣaṇābhyāṃ dvitīyāntābhyāṃ pratyayaḥ. kṛdyoga lakṣaṇā ṣaṣṭhī tu kriyāviśeṣaṇānnetyuktam. mukhyārthavṛttibhyāṃ tu pratyayo na bhavati, anabhidhānāt.