1/4:caturaḥ chayatau ādyakṣaralopaḥ ca |*
2/4:caturaḥ chayatau vaktavyau ādyakṣaralopaḥ ca vaktavyaḥ |
3/4:turīyam |
4/4:turyam |

1/12:atha kimartham thaṭthukau pṛthak kriyete na sarvam thaṭ eva syāt thuk eva vā |
2/12:thaṭthukoḥ pṛthakkaraṇam padāntavidhipratiṣedhāṛtham |*
3/12:thaṭthukoḥ pṛthakkaraṇam kriyate padāntavidhipratiṣedhāṛtham |
4/12:padāntavidhyartham padāntapratiṣedhāṛtham ca |
5/12:padāntavidhyartham tāvat |
6/12:parṇamayāni pañcathāni bhavanti |
7/12:rathaḥ saptathaḥ |
8/12:padantasya iti nalopaḥ yathā syāt |
9/12:padāntapratiṣedhāṛtham |
10/12:ṣaṣṭhaḥ |
11/12:padāntasya iti jaśtvam mā bhūt |
12/12:iha caturthaḥ iti padāntasya iti visarjanīyaḥ mā bhūt iti |

ḍaṭiti anuvartate,tadiha saptamyā vipariṇamyate. ṣaṭ kati katipaya caturityeṣāṃ ḍaṭi puratasthugāgamo bhavati. katipayaśabdo na saṅkhyā. tasya asmādeva jñāpakāt ḍaṭ pratyayo vijñāyate. ṣaṇṇāṃ puraṇaḥ ṣaṣṭhaḥ. katithaḥ. katipayathaḥ. caturthaḥ. caturaśchayatāvādyakṣaralopaśca. caturṇāṃ pūraṇaḥ turīyaḥ, turyaḥ.

ṣaṭkatikatipayacaturāṃ thuk 5.2.51 ḍaṭiti anuvartate,tadiha saptamyā vipariṇamyate. ṣaṭ kati katipaya caturityeṣāṃ ḍaṭi puratasthugāgamo bhavati. katipayaśabdo na saṅkhyā. tasya asmādeva jñāpakāt ḍaṭ pratyayo vijñāyate. ṣaṇṇāṃ puraṇaḥ ṣaṣṭhaḥ. katithaḥ. katipayathaḥ. caturthaḥ. caturaśchayatāvādyakṣaralopaśca. caturṇāṃ pūraṇaḥ turīyaḥ, turyaḥ.

ṣaṭkatikatipayacaturāṃ thuk?. , 5.2.51 "tadiha saptamyā" ityādi. pūraṇādhikāre hrayaṃ vidhīyamāno ḍaṭsanniyogana vidhīyate. tatra yadyapi saptamau nāsti, tathāpi ḍaṭi parato vijñāyate. tenārthādvibhaktivapariṇāmo bhavatīti ḍaḍiti yadvatteta tadiha saptamyā vipariṇamyate. "katipayaśabdo na saṃkhyā" iti. laukikatvābhāvāt? saṃkhyā na bhavati; loke'sya saṃkhyātvenāprasiddhatvāt. śāstrīyo'pi na bhavati; śāstre saṃkhyāsaṃjñā'vidhānāt(). yadi na saṃkhyā, kaṃthamasya ḍaṭ(), yatra paratasthugvidhīyate? ityāha--"tasya" ityādi. yadetaḍḍaṭi parataḥ katipayaśabdasya thugvidhānaṃ tata eva jñāpakāḍḍaṭ()pratyayo'sya bhavatītyavasīyate. "ṣaṣṭhaḥ" iti. ṣṭtvam(). ṭilopo'tra na bhavati. thugvidhānasāmathryāt(). āgamasya pūrvāntakaraṇaṃ bhasaṃjñārtham(). yadi parādiḥ kriyate tato bhasaṃjñā na syāt(), tathā cāsatyām(), "svādiṣvasarvanāmasthāne" 1.4.17 iti padasaṃjñā syāt(). tataśca ṣaṣṭha ityatra jaśtvaṃ prasajyeta. "caturthaḥ" iti. atra rephasya "visarjanīyasya saḥ" 8.3.34 iti satvam(). pūrvānte tu saṃjñāyāṃ satyāṃ na bhavati॥

eṣāṃ thugāgamaḥ syāḍḍaṭi. ṣaṇṇāṃ ṣaṣṭhaḥ. katithaḥ. katipayaśabdasyāsaṃkhyātve'pyata eva jñāpakāḍḍaṭ. katipayathaḥ. caturthaḥ..

ṣaṭkatikatipayacaturāṃ thuk 1181, 5.2.51 eṣāṃ thugāgamaḥ syāḍḍaṭi. ṣaṇṇāṃ ṣaṣṭhaḥ. katithaḥ. katipayaśabdasyāsaṃkhyātve'pyata eva jñāpakāḍḍaṭ. katipayathaḥ. caturthaḥ॥

ṣaṭkati. thuki kakāra it. ukāra uccāraṇārthaḥ. kittvādantyādacaḥ paraḥ. ṣaṣṭha iti. apadāntatvātṣasya na jaśtvam. caturtha iti apadāntatvānna rephasya visargaḥ.

ṣaṭkatikatipayacaturāṃ thuk 1827, 5.2.51 ṣaṭkati. thuki kakāra it. ukāra uccāraṇārthaḥ. kittvādantyādacaḥ paraḥ. ṣaṣṭha iti. apadāntatvātṣasya na jaśtvam. caturtha iti apadāntatvānna rephasya visargaḥ. catura iti. vārtikamidam. caturśabdātṣaṣṭha()ntātpūraṇe chayatau staḥ. ādyakṣarasya lopaśceti. "ca" iti saṅghātasya lopaścetyarthaḥ.

ṣaṭkati. iha ṣaṣṭhīnirdeśabavāt ṣaḍādīnāmāgamitvaṃ spaṣṭamiti tadānukūlyaṃnānuvṛtto ḍaṭ saptamyā vipariṇamyate. tadāha—ḍaṭīti. ḍaṭa eva thuṭ tu na kṛtaḥ, ṣaṣṭho ṣakārasya jaśtvuprasaṅgāt. caturthe rephasya visargaprasaṅgācca. na caivaṃ `nāntā 'diti sūtre'pi ḍati pare mugeva vidhīyatāmiti vācyaṃ, pañcamaḥ saptama ityādau nalopā'bhāvāpatteḥ. viśeṣavihitābhyāmapi chayabhdyāṃ ḍaṭpratyayo na bādhyate, thugvidhānasāmathryāt. tena `caturtha'iti siddham. ādyakṣareti. acsahitaṃ vyañjanamakṣaraśabdenocyate, acsahitasyādevryañjanasyetyarthaḥ. `vyañjanasahitasyāderaca'iti vyākhyāne tu dvirvacananyāyena takārasyāpi lopaḥ syāditi haradattaḥ. `ādevryañjanasye'ti vyākhyāne pramāṇaṃ tu —-`dvitīyatṛtīye' bodhyaḥ.

ṣaṭkatikatipayacaturāṃ thuk 1411, 5.2.51 ṣaṭkati. iha ṣaṣṭhīnirdeśabavāt ṣaḍādīnāmāgamitvaṃ spaṣṭamiti tadānukūlyaṃnānuvṛtto ḍaṭ saptamyā vipariṇamyate. tadāha---ḍaṭīti. ḍaṭa eva thuṭ tu na kṛtaḥ, ṣaṣṭho ṣakārasya jaśtvuprasaṅgāt. caturthe rephasya visargaprasaṅgācca. na caivaṃ "nāntā "diti sūtre'pi ḍati pare mugeva vidhīyatāmiti vācyaṃ, pañcamaḥ saptama ityādau nalopā'bhāvāpatteḥ.caturaśchayatā vādyakṣaralopaśca. caturaśchayatāviti. viśeṣavihitābhyāmapi chayabhdyāṃ ḍaṭpratyayo na bādhyate, thugvidhānasāmathryāt. tena "caturtha"iti siddham. ādyakṣareti. acsahitaṃ vyañjanamakṣaraśabdenocyate, acsahitasyādevryañjanasyetyarthaḥ. "vyañjanasahitasyāderaca"iti vyākhyāne tu dvirvacananyāyena takārasyāpi lopaḥ syāditi haradattaḥ. "ādevryañjanasye"ti vyākhyāne pramāṇaṃ tu ----"dvitīyatṛtīye"ti sūtre "turyāṇī"ti nirdeśo bodhyaḥ.