1/9:kimartham parimāṇe iti ucyate na pramāṇe iti vartate |
2/9:evam tarhi siddhe sati yat parimāṇagrahaṇam karoti tat jñāpayati ācāryaḥ anyat pramāṇam anyat parimāṇam iti |
3/9:ḍāvatau arthavaiśeṣyāt nirdeśaḥ pṛthak ucyate |*
4/9:na etat jñāpakasādhyam anyat pramāṇam anyat parimāṇam iti |
5/9:uktaḥ atra viśeṣaḥ |
6/9:mātrādyapratighātāya |*
7/9:evam ca kṛtvā mātrādīnām pratighātaḥ na bhavati |
8/9:bhāvaḥ siddhaḥ ca ḍāvatoḥ |*
9/9:ḍāvatvantāt mātrajādīnām bhāvaḥ siddhaḥ bhavati |

1/10:vatupprakaraṇe yuṣmadasmadbhyām chandasi sādṛśe upasaṅkhyānam |*
2/10:vatupprakaraṇe yuṣmadasmadbhyām chandasi sādṛśe upasaṅkhyānam kartavyam |
3/10:na tvāvān anyaḥ divyaḥ na parthivaḥ na jātaḥ na janiṣyate |
4/10:tvavataḥ purūvaso |
5/10:yajñam viprasya mavataḥ |
6/10:tvatsadṛśasya |
7/10:matsadṛśasya iti |
8/10:[ḍāvatau arthavaiśeṣyāt nirdeśaḥ pṛthak ucyate |
9/10:mātrādyapratighātāya |
10/10:bhāvaḥ siddhaḥ ca ḍāvatoḥ (R IV|120)]

tadasya ityeva. yattadetebhyaḥ prathamāsamarthebhyaḥ parimāṇopādhikebhyaḥ asya iti ṣaṣṭhyarthe vatup pratyayo bhavati. yat parimāṇam asya yāvān. tāvān. etāvān. pramāṇagrahaṇe 'nuvartamāne parimāṇagrahaṇaṃ pramāṇaparimāṇayor bhedāt. ḍāvatāvarthavaiśeṣyān nirdeśaḥ pṛthagucyate. mātrādyapratighātāya bhāvaḥ siddhaśca ḍāvatoḥ. vatupprakaraṇe yuṣmadasmadbhyāṃ chandasi sādṛśya upasaṅkhyānam. na tvā vāṃ anyo divyo na pīrthivo a jāto na janisyate. tvāvataḥ purūvaso yajñaṃ viprasya māvataḥ. tvatsadṛśasya, matsadṛśasya ityarthaḥ.

yattadetebhyaḥ parimāṇe vatup 5.2.39 tadasya ityeva. yattadetebhyaḥ prathamāsamarthebhyaḥ parimāṇopādhikebhyaḥ asya iti ṣaṣṭhyarthe vatup pratyayo bhavati. yat parimāṇam asya yāvān. tāvān. etāvān. pramāṇagrahaṇe 'nuvartamāne parimāṇagrahaṇaṃ pramāṇaparimāṇayor bhedāt. ḍāvatāvarthavaiśeṣyān nirdeśaḥ pṛthagucyate. mātrādyapratighātāya bhāvaḥ siddhaśca ḍāvatoḥ. vatupprakaraṇe yuṣmadasmadbhyāṃ chandasi sādṛśya upasaṅkhyānam. na tvā vāṃ anyo divyo na pīrthivo a jāto na janisyate. tvāvataḥ purūvaso yajñaṃ viprasya māvataḥ. tvatsadṛśasya, matsadṛśasya ityarthaḥ.

yattadetebhyaḥ parimāṇe vatup?. , 5.2.39 "yāvān()" iti. "ā sarvanāmnaḥ" 6.3.90 ityakāraḥ. ugidacām()" 7.1.70 iti num(), "atvasantasya cādhātoḥ" 6.4.14 iti dīrghaḥ, halṅyādisaṃyogāntalopau. pramāṇaparimāṇaśabdau paryāyāviti matyamāno paścodayet()--atra kasmāt? parimāṇagrahaṇaṃ kriyate, yāvatā pramāṇagrahaṇamanuvatrtata eveti? taṃ pratyāha--"pramāṇe iti vatrtamāne" ityādi. sa punaranayoḥ pramāṇaparimāṇayorbhedaḥ "parimāṇaṃ tu sarvataḥ, āyāmastu pramāṇaṃ syāt()" iti prāgeva vyākhyātaḥ. "ḍāvatāvarthavaiśeṣyāt()" iti. "ḍāvatau" iti pūrvācāryasaṃjñāpratipāditāpekṣo'yaṃ nirdeśaḥ, te hi yattadetebyo ḍāvatumeva pratyayaṃ kṛtavantaḥ. viśiṣyata iti viśeṣaḥ, viśeṣasya bhāvo vaiśeṣyam(). arthasya vaiśeṣyamarthasya viśiṣṭatvamityarthaḥ. pramāṇaśapabdasyānyo'rthaḥ, parimāṇaśabdasya cānyo'rtha iti bhinnārthatvamanayoḥ; tasmādarthavaiśeṣyāḍḍāvatau vidhātavye parimāṇaśabdasya nirdeśaḥ pṛthagucyate. ucyata iti kriyata ityarthaḥ. kimarthaḥ pṛthignirdeśaḥ kriyate? ityāha-"mātrādyapratighātāya" iti. pṛthignirdeśenārthabede siddhe sati mātrajādīnāṃ bādhā mā būdityevamarthaḥ pṛthagnirdeśaḥ kriyata ityāha. athaikatve tu prakṛtisāmānye mātrajādayo vidhīyamānā utsargā bhavanti, prakṛtiviśeṣāt? tu vatub? vidhīyamāno'pavādau bhavati, "apavādenotsargo bādhyate" iti yattadetebhyo mātra jādayo na syuḥ, tataśca tatpramāṇamasya tanmātramityādi na sidhyet(), arthabhedyutsargāpavādabhāvo nāstīti na bhavatyeṣa doṣaprasaṅgaḥ. kiñca--"bhāvaḥ siddhaśca ḍāvatoḥ" iti. "ḍāvatoḥ" iti pañcamī. arthabhede sati vatuppratyayāntānmātrajādīnāmutpattiśca siddhā bhavati. parimāṇe vatub? bhavati--yat? parimāṇamasya yāvāniti. tadantāt? parimāṇe mātrajādayo bhavanti--yāvat? parimāṇamasya yāvanmātram(). athaikatve tu "uktārthānāmaprayogaḥ" (vyā.pa.60) ti matupā'bihitatvādasyārthasya tadantānmātrajādayo na syu-. "tvāvataḥ, māvataḥ" iti. maparyantayoryuṣmadasmadoḥ "pratyayottarapadayośca" 7.2.98 iti tvāmādeśau pūrvavadāttvam()॥

yattadetebhyaḥ. tadasyetyanuvartate. asya tatparimāṇamityarthe parimāṇavācibhyaḥ prathamāntebhyaḥ kim, yad, tad, etad, ebhyo vatup syādityarthaḥ. yāvāniti. yacchabdādvatup. upāvitau. `ā sarvanāmnaḥ' ityāttvam, suḥ, `ugidacāmi'ti num, `atvasantasye'ti dīrghaḥ, halṅyādisaṃyogāntalopau. evaṃ tāvān, etāvān.

yattadetebhyaḥ parimāṇe vatup 1816, 5.2.39 yattadetebhyaḥ. tadasyetyanuvartate. asya tatparimāṇamityarthe parimāṇavācibhyaḥ prathamāntebhyaḥ kim, yad, tad, etad, ebhyo vatup syādityarthaḥ. yāvāniti. yacchabdādvatup. upāvitau. "ā sarvanāmnaḥ" ityāttvam, suḥ, "ugidacāmi"ti num, "atvasantasye"ti dīrghaḥ, halṅyādisaṃyogāntalopau. evaṃ tāvān, etāvān.

yattadetebhyaḥ. yāvānityādi. `ā sarvanāmnaḥ'ityātve `ugidacā'miti num. `atvasantasya ce'ti dīrghaḥ. halḍa\ufffdādilopasaṃyogāntalopau. `pramāṇe'ityanuvartamāne parimāṇagrahaṇaṃ pramāṇaparimāṇayorbhedātkṛtam. tathā ca vārtikam—`ḍāvatāvarthavaiśeṣyānnirdeśaḥ pṛthagucyate. mātrādyapratighātāya bhāvaḥ siddhaścaḍāvatoḥ. iti. asyārthaḥ—iha śāstre vatupaṃ vidhāya tasmin pare ātvaṃ vihitam. pūrvācāryāstu ḍāvatuṃ vidadhire, tadvītyā nirdeśo'yaṃ ḍāvatāviti. viśeṣyate iti viśeṣaḥ, tasya bhāvo vaiśeṣyaṃ, tasmāt, arthabhedādityarthaḥ. arthabhedastu—`parimāṇaṃ tu sarvataḥ. āyāmastu pramāṇaṃ syā'diti prāgevokta iti bhāvaḥ. nanvanayorarthabhede sati yāvānadhvā yāvatī rajjurityādi na sidhyet, atra hrāyāmamātraṃ gamyate. yadyupamānādbhaviṣyatīti brāūṣe, tarhi pramāṇagrahaṇamevānuvarttyatāṃ, yāvānadhvetyādiprayogāśca mukhyāḥ santu. ye tu parimāṇe prayogāḥ `yāvān dhānyarāśi'rityādayaḥ, ta evopamānādbhavantu. tatrāha— `mātrāditi'. `yattadetebhyaḥ'iti viśeṣavihito hi vatup sāmānyavihitān mātrajādīn bādheta. tena tanmātramityādi na syāt. parimāṇagrahaṇe sati tu bhinnopādhikatvādvatupaḥ pramāṇe vihitamātrajādibhiḥ saha bādhyabādhakabhāvo neti bhāvaḥ. nanvevamapi bādhaḥ syādeva, `pramāṇe dvayasa'jityatra prasthamātramityādisiddhaye pramāṇagrahaṇasya paricchedakamātraparatayā vyākhyātatvena vatupo yattadetebhyo vihitatvena viśeṣavihitatvātanapāyāt. tasmāt `yattadetebhyo vatup ce'tyeva sūtryatāṃ, māstu parimāṇagrahaṇam, astu ca pramāṇe ityarthādhikāraḥ, tena `yāvatī rajjuḥ' `yāvān dhānyarāśi'rityādiprayogāḥ sarve'pyupacāraṃ vinaiva nirvahantītyaparamanukūlamata āha— `bhāvaḥ siddhaśceti'. ḍāvatoriti pañcamyantam. arthabhede sati vatvantānmātrajādīnāmutpattiḥ sidhyati. tatparimāṇamasya tāvaddhānyaṃ rāśīkṛtam. tāvatpramāṇamasya kuḍa\ufffdādeḥ `tāvanmātram'. yādṛgrāśīkṛtasya dhānyāderdaidhryaṃ tādṛśaṃ kuḍa\ufffdāderapītyarthaḥ. ekaviṣayatve tu vatupaiva viśiṣṭasya prameyasyoktatvādvatubantānmātrajādayo na syuḥ. yasya hi tāvatpramāṇaṃ tasyatadapi pramāṇam. jānupramāṇakaṃ jalādi yasya pramāṇaṃ tadapi jānupramāṇakamiti vaktuṃ śakyatvāt. evaṃ ca tāvacchabda eva prayujyeta na tu `tāvanmātra'mityādi. anyathā tatpramāṇamasya tanmātram. tanmātraṃ pramāṇamasya tanmātramātramityevaṃ mātrajādibhyaḥ pratyayamālāprasaṅgāt.

yattadetebhyaḥ parimāṇe vatup 1402, 5.2.39 yattadetebhyaḥ. yāvānityādi. "ā sarvanāmnaḥ"ityātve "ugidacā"miti num. "atvasantasya ce"ti dīrghaḥ. halḍa()ādilopasaṃyogāntalopau. "pramāṇe"ityanuvartamāne parimāṇagrahaṇaṃ pramāṇaparimāṇayorbhedātkṛtam. tathā ca vārtikam---"ḍāvatāvarthavaiśeṣyānnirdeśaḥ pṛthagucyate. mātrādyapratighātāya bhāvaḥ siddhaścaḍāvatoḥ. iti. asyārthaḥ---iha śāstre vatupaṃ vidhāya tasmin pare ātvaṃ vihitam. pūrvācāryāstu ḍāvatuṃ vidadhire, tadvītyā nirdeśo'yaṃ ḍāvatāviti. viśeṣyate iti viśeṣaḥ, tasya bhāvo vaiśeṣyaṃ, tasmāt, arthabhedādityarthaḥ. arthabhedastu---"parimāṇaṃ tu sarvataḥ. āyāmastu pramāṇaṃ syā"diti prāgevokta iti bhāvaḥ. nanvanayorarthabhede sati yāvānadhvā yāvatī rajjurityādi na sidhyet, atra hrāyāmamātraṃ gamyate. yadyupamānādbhaviṣyatīti brāūṣe, tarhi pramāṇagrahaṇamevānuvarttyatāṃ, yāvānadhvetyādiprayogāśca mukhyāḥ santu. ye tu parimāṇe prayogāḥ "yāvān dhānyarāśi"rityādayaḥ, ta evopamānādbhavantu. tatrāha---"mātrāditi". "yattadetebhyaḥ"iti viśeṣavihito hi vatup sāmānyavihitān mātrajādīn bādheta. tena tanmātramityādi na syāt. parimāṇagrahaṇe sati tu bhinnopādhikatvādvatupaḥ pramāṇe vihitamātrajādibhiḥ saha bādhyabādhakabhāvo neti bhāvaḥ. nanvevamapi bādhaḥ syādeva, "pramāṇe dvayasa"jityatra prasthamātramityādisiddhaye pramāṇagrahaṇasya paricchedakamātraparatayā vyākhyātatvena vatupo yattadetebhyo vihitatvena viśeṣavihitatvātanapāyāt. tasmāt "yattadetebhyo vatup ce"tyeva sūtryatāṃ, māstu parimāṇagrahaṇam, astu ca pramāṇe ityarthādhikāraḥ, tena "yāvatī rajjuḥ" "yāvān dhānyarāśi"rityādiprayogāḥ sarve'pyupacāraṃ vinaiva nirvahantītyaparamanukūlamata āha---"bhāvaḥ siddhaśceti". ḍāvatoriti pañcamyantam. arthabhede sati vatvantānmātrajādīnāmutpattiḥ sidhyati. tatparimāṇamasya tāvaddhānyaṃ rāśīkṛtam. tāvatpramāṇamasya kuḍa()ādeḥ "tāvanmātram". yādṛgrāśīkṛtasya dhānyāderdaidhryaṃ tādṛśaṃ kuḍa()āderapītyarthaḥ. ekaviṣayatve tu vatupaiva viśiṣṭasya prameyasyoktatvādvatubantānmātrajādayo na syuḥ. yasya hi tāvatpramāṇaṃ tasyatadapi pramāṇam. jānupramāṇakaṃ jalādi yasya pramāṇaṃ tadapi jānupramāṇakamiti vaktuṃ śakyatvāt. evaṃ ca tāvacchabda eva prayujyeta na tu "tāvanmātra"mityādi. anyathā tatpramāṇamasya tanmātram. tanmātraṃ pramāṇamasya tanmātramātramityevaṃ mātrajādibhyaḥ pratyayamālāprasaṅgāt.