1/9:iha nānā iti sahārthaḥ gamyeta |
2/9:dvau hi pratiṣedhau prakṛtam artham gamayataḥ |
3/9:na na saḥ saha eva iti |
4/9:na eṣaḥ doṣaḥ |
5/9:na ayam pratyayārthaḥ |
6/9:kim tarhi prakṛtiviśeṣaṇam etat |
7/9:vi nañ iti etābhyām asahavācibhyām nānāñau bhavataḥ |
8/9:kasmin arthe |
9/9:svāṛthe |

vi nañityetābhyāṃ yathāsaṅkhyaṃ nā nāñityetau pratyayau bhavataḥ. nasaha iti prakṛtiviśeṣaṇam. asahārthe pṛthagbhāve vartamānābhyāṃ vinañbhyāṃ savārthe nānāñau pratyayau bhavataḥ. vinā. nānā.

vinañbhyāṃ nānāñau nasaha 5.2.27 vi nañityetābhyāṃ yathāsaṅkhyaṃ nā nāñityetau pratyayau bhavataḥ. nasaha iti prakṛtiviśeṣaṇam. asahārthe pṛthagbhāve vartamānābhyāṃ vinañbhyāṃ savārthe nānāñau pratyayau bhavataḥ. vinā. nānā.

vinañbhyāṃ nānāñau nasaha. , 5.2.27 "svārthe nānāñau pratyayau bhavataḥ" iti. "anirdiṣṭārthāḥ pratyayāḥ svārthe bhavanti" (sī.pa. 125) iti kṛtvā. ñakārastvādyudāttārthaḥ॥

vaiḥ śālacchaṅkaṭacau. kriyāviśiṣṭeti. kriyāviśiṣṭakārakavācakātsvārthe śālacśaṅkaṭacpratyayo sta iti yāvat. idaṃ ca bhāṣye spaṣyaṭam.

vinañbhyāṃ nānāñau nasaha 1805, 5.2.27 vinañbhyāṃ. "nasahe"ti saṅghātaḥ pṛthaktve vartate. prakṛtiviśeṣaṇamidam. tadāha--asahārthe iti. tasya vivaraṇaṃ--pṛthagbhāve iti. vartamānābhyāmityanantaraṃ "vinañbhyā"miti śeṣaḥ. svārtha iti. pratyayārthasya anirdeśāditi bhāvaḥ. pratyayāviti. "yathāsaṅkhyaṃ nānāñā"viti śeṣaḥ. vineti. vernāpratyaye rūpam. pṛthagityarthaḥ. nāneti. naño nāñi ādivṛddhau rūpam. pṛthagityarthaḥ. "nasahe"tyasya pratyayārthatve tu netyanena na saheti gamyeta. evaṃ sati nānā na na saha, kiṃtu sahaivetyarthaḥ syāt, "dvau nañau" prakṛtamarthaṃ gamayataḥ" iti nyāyāditi bhāṣye spaṣṭam.

nānāñāviti. nāño ñakāro vṛddyarthaḥ, svarārthaśca. `na sahe'ti prakṛtiviśeṣaṇaṃ, na pratyayārtha ityādaśayenāha—asahārtha ityādi. yadi pratyayārthaḥ syāttato `dvau pratiṣedhau prakṛtamartha gamayataḥ'iti sahārtho ganyeta `na na saha=api tu sahaive'ti. tasmātprakṛtiviśeṣaṇam. etacca vyākhyānāllabhyate. yadyevaṃ sahetyeva pratyayārtho'stu vinañoḥ pratiṣedhārthatvādiṣṭasiddheḥ `vigārdabharathakaḥ'ityādau viśabdasyāpi pratiṣedhavṛttidrdaṣṭaiveti. satyam. kriyāvācino viśabdātsahārthe pratyayo vijñāyeta,—vigatena saha, vikṛtena saheti. satyādyathoktameva nyāyyam. etacca haradattagranthe spaṣṭam. svārtha iti. anirdiṣṭārthatvāditi bhāvaḥ.

vinañbhyāṃ nānāñau nasaha 1394, 5.2.27 nānāñāviti. nāño ñakāro vṛddyarthaḥ, svarārthaśca. "na sahe"ti prakṛtiviśeṣaṇaṃ, na pratyayārtha ityādaśayenāha---asahārtha ityādi. yadi pratyayārthaḥ syāttato "dvau pratiṣedhau prakṛtamartha gamayataḥ"iti sahārtho ganyeta "na na saha=api tu sahaive"ti. tasmātprakṛtiviśeṣaṇam. etacca vyākhyānāllabhyate. yadyevaṃ sahetyeva pratyayārtho'stu vinañoḥ pratiṣedhārthatvādiṣṭasiddheḥ "vigārdabharathakaḥ"ityādau viśabdasyāpi pratiṣedhavṛttidrdaṣṭaiveti. satyam. kriyāvācino viśabdātsahārthe pratyayo vijñāyeta,---vigatena saha, vikṛtena saheti. satyādyathoktameva nyāyyam. etacca haradattagranthe spaṣṭam. svārtha iti. anirdiṣṭārthatvāditi bhāvaḥ.