1/18:vaprakaraṇe maṇihiraṇyābhyām upasaṅkhyānam |*
2/18:vaprakaraṇe maṇihiraṇyābhyām upasaṅkhyānam vaktavyam |
3/18:maṇivaḥ |
4/18:hiraṇyavaḥ |
5/18:chandasi īvanipau ca |*
6/18:chandasi īvanipau ca vaktavyau vaḥ ca matup ca |
7/18:rathīḥ abhūt mudgalanī gaviṣṭau |
8/18:sumaṅgalīḥ iyam vadhuḥ |
9/18:ṛtavānam |
10/18:maghavānam īmahe |
11/18:ut vā ca udvatī ca |
12/18:medhārathābhyām iraniracau |*
13/18:medhārathābhyām iraniracau vaktavyau |
14/18:medhiraḥ |
15/18:rathiraḥ |
16/18:aparaḥ āha : vāprakaraṇe anyebhyaḥ api dṛśyate iti vaktavyam |
17/18:bimbāvam |
18/18:kurarāvam iṣṭakāvam |

keśaśabdād vaḥ pratyayo bhavati matvarthe anyatarasyām. nanu ca prakṛtam anyatarasyāṃ grahaṇam anuvartata eva? matup samucāyārthaṃ tadityuktam. anena tu iniṭhanau prapyete. tataścātūrūpyaṃ bhavati, keśavaḥ, keśī, keśikaḥ, keśavāniti. vaprakaraṇe 'nyebhyo 'pi dṛśyate iti vaktavyam. maṇivaḥ. hiraṇyavaḥ. kurarāvaḥ. kumārāvaḥ. kuñjāvaḥ. rājīvam. iṣṭakāvaḥ. vimbāvaḥ. arṇaso lopaśca. arṇavaḥ. chandasīvanipau ca vaktavayau. rathīrabhūn mudgalānī gaviṣṭhau. sumaṅgalīriyaṃ vadhūḥ. vanip maghavānamīmahe. vakārāmatupau ca. udvā ca udvatī ca. medhārathābhyāmiranniracau vaktavyau. medhiraḥ. rathiraḥ.

keśād vo 'nyatarasyām 5.2.109 keśaśabdād vaḥ pratyayo bhavati matvarthe anyatarasyām. nanu ca prakṛtam anyatarasyāṃ grahaṇam anuvartata eva? matup samucāyārthaṃ tadityuktam. anena tu iniṭhanau prapyete. tataścātūrūpyaṃ bhavati, keśavaḥ, keśī, keśikaḥ, keśavāniti. vaprakaraṇe 'nyebhyo 'pi dṛśyate iti vaktavyam. maṇivaḥ. hiraṇyavaḥ. kurarāvaḥ. kumārāvaḥ. kuñjāvaḥ. rājīvam. iṣṭakāvaḥ. vimbāvaḥ. arṇaso lopaśca. arṇavaḥ. chandasīvanipau ca vaktavayau. rathīrabhūn mudgalānī gaviṣṭhau. sumaṅgalīriyaṃ vadhūḥ. vanip maghavānamīmahe. vakārāmatupau ca. udvā ca udvatī ca. medhārathābhyāmiranniracau vaktavyau. medhiraḥ. rathiraḥ.

keśādvo'nyatarasyām?. , 5.2.108 iniṭhanoḥ prāptayormatupi cedamārabhyate. nanu ca prakṛtamanyatarasyāṃgrahaṇamastyeva, tatkimarthaṃ punarivaṃ kriyate? ityāha--"nanu ca prakṛtam()" ityādi. "vaprakaraṇe" ityādi. itikaraṇo hetau. keśaśabdādyathā vapratyayaḥ, evamanyebhyo'pi tathā vapratyayo dṛśyate, tasmādvaktavyaṃ vyākhyeyam(). tathā vyākhyānaṃ katrtavyaṃ yathāsāvanyebhyo bhavatītyarthaḥ. tatredaṃ vyākhyānam()--ihāpi sa eva cakāro'nuktasamuccayārtho'nuvatrtate, tenānyebhyo'pi bhavatītyarthaḥ.

keśavaḥ. keśī. keśikaḥ. keśavān. (anyebhyo'pi dṛśyate). maṇivaḥ. (arṇaso lopaśca). arṇavaḥ..

keśādvo'nyatarasyām 1193, 5.2.108 keśavaḥ. keśī. keśikaḥ. keśavān. (anyebhyo'pi dṛśyate). maṇivaḥ. (arṇaso lopaśca). arṇavaḥ॥

keśādro'nyatarasyām. `matvarthe' iti śeṣaḥ. nanvihā'nyatarasyāṅgrahaṇaṃ vyarthaṃ, samarthānāmiti vāgrahaṇenaiva vākyasya siddhatvāt. naca mahāvibhāṣayā apavādena mukte autsargikasyā'pravṛtteḥ `pāremadhye ṣaṣṭha\ufffdā ve'tyatroktatvādiha matupo'pravṛttyāpattau tatpravṛttyarthamanyatarasyāṅgrahaṇamiti vācyaṃ, `prāṇisthā'diti sūtrādanyatarasyāṅgrahaṇasya samuccayārthakasyā'nuvṛttyaiva tatsiddherityata āha–prakṛteneti. iniṭhanoriti. iniṭhanorapītyarthaḥ. anyathā `sidhmādibhyaśce'tyatreva matubeva samuccīyeta, natviniṭhanāviti bhāvaḥ. tathāca vapratyaye iniṭhanormatupi ca catvāri rūpāṇītyāha–keśava ityādi. \r\nanyebhyo'pīti. vārtikamidam. keśādanyebhyo'pi matvarthe vo dṛśyata ityarthaḥ. arṇasa iti. vārtikamidam. arṇaso vapratyayaḥ prakṛteḥ sakārasya lopaścetyarthaḥ.\r\narṇava iti. arṇaḥ=jalam. tatprabhūtamasminnastīti vigrahaḥ. idaṃ tu vārtikaṃ bhāṣye na dṛśyate.

keśādvo'nyatarasyām 1890, 5.2.108 keśādro'nyatarasyām. "matvarthe" iti śeṣaḥ. nanvihā'nyatarasyāṅgrahaṇaṃ vyarthaṃ, samarthānāmiti vāgrahaṇenaiva vākyasya siddhatvāt. naca mahāvibhāṣayā apavādena mukte autsargikasyā'pravṛtteḥ "pāremadhye ṣaṣṭha()ā ve"tyatroktatvādiha matupo'pravṛttyāpattau tatpravṛttyarthamanyatarasyāṅgrahaṇamiti vācyaṃ, "prāṇisthā"diti sūtrādanyatarasyāṅgrahaṇasya samuccayārthakasyā'nuvṛttyaiva tatsiddherityata āha--prakṛteneti. iniṭhanoriti. iniṭhanorapītyarthaḥ. anyathā "sidhmādibhyaśce"tyatreva matubeva samuccīyeta, natviniṭhanāviti bhāvaḥ. tathāca vapratyaye iniṭhanormatupi ca catvāri rūpāṇītyāha--keśava ityādi. anyebhyo'pīti. vārtikamidam. keśādanyebhyo'pi matvarthe vo dṛśyata ityarthaḥ. arṇasa iti. vārtikamidam. arṇaso vapratyayaḥ prakṛteḥ sakārasya lopaścetyarthaḥ.arṇava iti. arṇaḥ=jalam. tatprabhūtamasminnastīti vigrahaḥ. idaṃ tu vārtikaṃ bhāṣye na dṛśyate.