1/6:ayam madhuśabdaḥ asti eva dravyapadārthakaḥ asti rasavācī |
2/6:ātaḥ ca rasavācī api |
3/6:madhuni eva hi madhu idam madhuram iti prasajyate |
4/6:tat yaḥ rasavācī tasya idam grahaṇam |
5/6:yadi hi dravyapadārthakasya grahaṇam syāt iha api prasajyeta |
6/6:madhu asmin ghaṭe asti |

1/6:raprakaraṇe khamukhkuñjebhyaḥ upasaṅkhyānam |*
2/6:kharaḥ |
3/6:mukharaḥ |
4/6:kuñjaraḥ |
5/6:nagāt ca iti vaktavyam |
6/6:nagaram |

ūṣa suṣi maṣka madhu ityetebhyo raḥ pratyayo bhavati matvarthe. ūṣaraṃ kṣetram. suṣiraṃ kāṣṭham. muṣkaraḥ paśuḥ. madhuro guḍaḥ. itikaraṇo vivakṣārthaḥ sarvatrābhidheyaniyamaṃ karoti. iha na bhavati, ūṣo 'smin ghaṭe vidyate, madhu asmin ghaṭe vidyate iti. raprakaraṇe khamukhakuñjebhya upasaṅkhyānam. khamasya asti kaṇṭhavivaram mahat kharaḥ. mukham asya asti iti sarvasmin vaktavye mukharaḥ. kuñjāvasya staḥ kuñjaraḥ. hastihanū kuñjaśabdena ucyete. nagapāṃsupāṇḍubhyaśca iti vaktavyam. nagaram. pāṃsuram. pāṇḍuram. kacchvā hrasvatvam ca. kaccuram.

ūṣasuṣimuṣkamadho raḥ 5.2.107 ūṣa suṣi maṣka madhu ityetebhyo raḥ pratyayo bhavati matvarthe. ūṣaraṃ kṣetram. suṣiraṃ kāṣṭham. muṣkaraḥ paśuḥ. madhuro guḍaḥ. itikaraṇo vivakṣārthaḥ sarvatrābhidheyaniyamaṃ karoti. iha na bhavati, ūṣo 'smin ghaṭe vidyate, madhu asmin ghaṭe vidyate iti. raprakaraṇe khamukhakuñjebhya upasaṅkhyānam. khamasya asti kaṇṭhavivaram mahat kharaḥ. mukham asya asti iti sarvasmin vaktavye mukharaḥ. kuñjāvasya staḥ kuñjaraḥ. hastihanū kuñjaśabdena ucyete. nagapāṃsupāṇḍubhyaśca iti vaktavyam. nagaram. pāṃsuram. pāṇḍuram. kacchvā hrasvatvam ca. kaccuram.

ūṣasuṣimuṣkamadho raḥ. , 5.2.106 yathāsambhavaṃ matupīniṭhanośca prāptayorūṣādibhyo ro vidhīyate. "madhuraḥ" iti. madhuśabdo'tra rasaviśeṣe vatrtate. "raprakaraṇe" ityādi. upasaṃkhyānaśabdaḥ pratipādane vatrtate. tatredaṃ pratipādanam--"deśe lubilacau ca" 5.2.104 ityataścakāro'tra vatrtate, sa cānuktasamuccayārthaḥ. tena mukhaprabhṛtibhyo'pi ro bhavati. "nagapāṇḍupāṃśu" ["nagapāṃśupāṇḍubhyaḥ kāśikā] ityādi. nagapāṃśuprabhṛtibhyaśca ro bhavatītyetadartharūpaṃ vyākhyeyamityarthaḥ. vyākhyānaṃ tu tāmeva cakārasyānuvṛttimāśritya katrtavyam()॥

ūṣasuṣi. ūṣa, suṣi, muṣka, madhu-eṣāṃ samāhāradvandvātpañcamyekavacanam. sotraṃ puṃstvam. ebhyo matvarthe rapratyayaḥ syādityarthaḥ. ūṣara iti. ūṣaḥ kṣāramṛttikāviśeṣo'syāstīti vigrahaḥ. suṣira iti. suṣiḥ=bilam,-asyāstīti vigrahaḥ. madhuśabdaḥ kṣodre dravye, mādhuryātmakarasaviśeṣe ca guṇe vartate. tatra rasaviśeṣavācina evātra grahaṇamityāha–madhumādhuryamiti. tathā bhāṣyāditi bhāvaḥ. anyathā madhudravyavati ghaṭe'pi madhurapadaprayogaḥ syāt. kharo gardabhaḥ, dhiṣṇayo vā. mukharaḥ=śabhdaṃ kurvan. kuñjaro-haltī. rūḍhaśabdā ete. `nagara'miti jātiviśeṣavācī. ata eva nagarīti ṅīṣ. pāṃsura iti. pāṃsurasyāstīti vigrahaḥ. pāṇḍura iti. pāṇḍuḥ=śuklavarṇaḥ, sa asyāstīti vigrahaḥ. kathaṃ pāṇḍaraśabda ityata āha–pāṇḍaraśabdastviti. `hariṇaḥ pāṇḍaraḥ pāṇḍu'rityamaraḥ. iti. vārtikamidam. kacchūśabdāprratyayaḥ, prakṛtehryasvaśca antādeśa ityarthaḥ. kacchuraḥ–śunāṃ rogaviśeṣaḥ.

ūṣasuṣimuṣkamadho raḥ , 5.2.106 ūṣasuṣi. ūṣa, suṣi, muṣka, madhu-eṣāṃ samāhāradvandvātpañcamyekavacanam. sotraṃ puṃstvam. ebhyo matvarthe rapratyayaḥ syādityarthaḥ. ūṣara iti. ūṣaḥ kṣāramṛttikāviśeṣo'syāstīti vigrahaḥ. suṣira iti. suṣiḥ=bilam,-asyāstīti vigrahaḥ. madhuśabdaḥ kṣodre dravye, mādhuryātmakarasaviśeṣe ca guṇe vartate. tatra rasaviśeṣavācina evātra grahaṇamityāha--madhumādhuryamiti. tathā bhāṣyāditi bhāvaḥ. anyathā madhudravyavati ghaṭe'pi madhurapadaprayogaḥ syāt. kharo gardabhaḥ, dhiṣṇayo vā. mukharaḥ=śabhdaṃ kurvan. kuñjaro-haltī. rūḍhaśabdā ete. nagapāṃsviti. vārtikamidam. "nagara"miti jātiviśeṣavācī. ata eva nagarīti ṅīṣ. pāṃsura iti. pāṃsurasyāstīti vigrahaḥ. pāṇḍura iti. pāṇḍuḥ=śuklavarṇaḥ, sa asyāstīti vigrahaḥ. kathaṃ pāṇḍaraśabda ityata āha--pāṇḍaraśabdastviti. "hariṇaḥ pāṇḍaraḥ pāṇḍu"rityamaraḥ. kacchvā iti. vārtikamidam. kacchūśabdāprratyayaḥ, prakṛtehryasvaśca antādeśa ityarthaḥ. kacchuraḥ--śunāṃ rogaviśeṣaḥ.

ūṣusuṣi. samāhāradvandve sautraṃ puṃstvam. `syādūṣaḥ kṣāra mṛttikā'. `ūṣavānūṣaraḥ'ityamaraḥ. suṣischidram. iti. mahatkaṇṭhavivaraṃ khaṃ, tadvānityarthaḥ. gardabhe rūḍho'yam. mukharo vācāla iti haradattaḥ. jātiśabdo'yam. tathā ca `nagarī'tyatra ṅīṣ bhavati. nagaśabdo'yamaśmādiṣu paṭha\ufffdte iti vuñchaṇādisūtreṇāsya siddhatvādasmādro'yaṃ na vaktavya iti haradattaḥ. pāṇḍura iti. pāṇḍuḥ śuklo varṇastadvān. avyutpanna eveti. guṇamātre guṇini ca vartate. `hariṇaḥ pāṇḍaraḥ pāṇḍuḥ'ityamaraḥ. `guṇe śuklādayaḥ puṃsi guṇiliṅgāstu tadvatī'ti ca.

ūṣasuṣimuṣkamadho raḥ 1453, 5.2.106 ūṣusuṣi. samāhāradvandve sautraṃ puṃstvam. "syādūṣaḥ kṣāra mṛttikā". "ūṣavānūṣaraḥ"ityamaraḥ. suṣischidram.raprakaraṇe khamukhakuñjebhya upasaṅkhyānam. khara iti. mahatkaṇṭhavivaraṃ khaṃ, tadvānityarthaḥ. gardabhe rūḍho'yam. mukharo vācāla iti haradattaḥ.nagapāṃsupāṇḍubhyaśca. nagaramiti. nagā vṛkṣāḥ, parvatāśca. jātiśabdo'yam. tathā ca "nagarī"tyatra ṅīṣ bhavati. nagaśabdo'yamaśmādiṣu paṭha()te iti vuñchaṇādisūtreṇāsya siddhatvādasmādro'yaṃ na vaktavya iti haradattaḥ. pāṇḍura iti. pāṇḍuḥ śuklo varṇastadvān. avyutpanna eveti. guṇamātre guṇini ca vartate. "hariṇaḥ pāṇḍaraḥ pāṇḍuḥ"ityamaraḥ. "guṇe śuklādayaḥ puṃsi guṇiliṅgāstu tadvatī"ti ca.kacchvā hyasvatvaṃ ca. kacchvā iti. kacchūstvagrogaviśeṣaḥ.