1/20:chedādipathibhyaḥ vigrahadarśanāt nityagrahaṇānarthakyam |*
2/20:chedādipathibhyaḥ nityagrahaṇam anarthakam |
3/20:kim kāraṇam |
4/20:vigrahadarśanāt |
5/20:vigrahaḥ dṛśyate |
6/20:chedam arhati |
7/20:panthānam gacchati iti |
8/20:vikārārtham tarhi idam nityagrahaṇam kriyate |
9/20:vikāreṇa vigrahaḥ mā bhūt iti |
10/20:virāgaviraṅgam ca |
11/20:panthaḥ ṇa nityam iti |
12/20:vikārārtham iti cet akaṅādibhiḥ tulyam |*
13/20:vikārārtham iti cet akaṅādibhiḥ tulyam etat |
14/20:yathā akaṅādibhiḥ vikāraiḥ vigrahaḥ na bhavati evam ābhyām api na bhaviṣyati |
15/20:kim punaḥ iha akartavyam nityagrahaṇam kriyate āhosvit anyatra kartavyam na kriyate |
16/20:iha akartavyam kriyate |
17/20:eṣaḥ eva nyāyaḥ yat uta sanniyogaśiṣṭānām anyatarāpāye ubhayoḥ api abhāvaḥ |
18/20:tat yathā |
19/20:devadattayajñadattābhyām idam kartavyam iti |
20/20:devadattāpāye yajñadattaḥ api na karoti |

nityagrahaṇaṃ pratyayārthaviśeṣaṇam. chedā'dibhyo dvitīyāsamarthebhyo nityam arhati ityasminnarthe yathāvihitaṃ pratyayo bhavati. chedaṃ nityam arhati chaidikaḥ. bhaidikaḥ. cheda. bheda. droha. doha. varta. karṣa. saṃprayoga. viprayoga. preṣaṇa. saṃpraśna. viprakarṣa. virāga viraṅgaṃ ca. vairaṅgikaḥ.

chedā'dibhyo nityam 5.1.64 nityagrahaṇaṃ pratyayārthaviśeṣaṇam. chedā'dibhyo dvitīyāsamarthebhyo nityam arhati ityasminnarthe yathāvihitaṃ pratyayo bhavati. chedaṃ nityam arhati chaidikaḥ. bhaidikaḥ. cheda. bheda. droha. doha. varta. karṣa. saṃprayoga. viprayoga. preṣaṇa. saṃpraśna. viprakarṣa. virāga viraṅgaṃ ca. vairaṅgikaḥ.

chedādibhyo nityam?. , 5.1.63 "nityagrahaṇam()" iti. atha vibhāṣāyā nivṛttyarthaṃ nityagrahaṇena kasmānna vijñayate? aśakyaṃ tannivṛttyarthaṃ vijñātum(). vināpi nityagrahaṇena mahāvibhāṣānivṛttiḥ śakyate vijñātum(). tathā hi--chedādibhyaḥ pūrveṇaiva ṭhaki siddhe punarvacanādeva nityavidhirbhaviṣyati, kiṃ nityagrahaṇena? tato nityagrahaṇamahanyahanyarhatvāt? "tadarhati" 5.1.62 ityasyārthasya viśeṣaṇaṃ vijñāyate. tathā ca jātamārambhasya prayojanamiti vākyaṃ na nivartate. "virāgo viraṅgañca" iti. virāgaśabdaṣṭhakamutpādayati viraṅgādeśaṃ cāpadyate. nityaṃ virāgamarhati vairaṅgikaḥ. pratyayasanniyogena cāyasādeśa iti pratyayābhāvādvākye na bhavati॥

chedādibhyo ābhīkṣṇyamiti. paunaḥpunyamityarthaḥ. tannityamarhatītyarthe dvitīyāntebhyaśchedādibhyo yathāvihitaṃ pratyayaḥ syādityarthaḥ. chaidiko vetasa iti. `ārhā'diti ṭhak. `tadarhati' ityeva siddhe ābhīkṣṇa eveti niyamārthamidaṃ sūtram. vastutastu nityamiti nābhīkṣṇyārthakaṃ pratyayārthakoṭi praviṣṭaṃ, kiṃtu apākṣikārthakam `samarthānāṃ prathamādvā' iti vāgrahaṇānuvṛttinivṛttyarthamityabhipretya vigrahavākyasyāpi loke darśanānnityagrahaṇaṃ na kartavyamityuktaṃ bhāṣye. evaṃca chedādibhyaḥ pākṣikapratyayasya `tadarhatī'tyeva siddhatvātsūtramevedaṃ nārabdhavyamiti. phalati. virāga viraṅgaṃ ceti. gaṇasūtramidam. ukte'rthe virāgaśabdo viraṅgādeśaṃ labhata ityarthaḥ cādārhīyaṣṭhak.

chedādibhyo nityam 1706, 5.1.63 chedādibhyo ābhīkṣṇyamiti. paunaḥpunyamityarthaḥ. tannityamarhatītyarthe dvitīyāntebhyaśchedādibhyo yathāvihitaṃ pratyayaḥ syādityarthaḥ. chaidiko vetasa iti. "ārhā"diti ṭhak. "tadarhati" ityeva siddhe ābhīkṣṇa eveti niyamārthamidaṃ sūtram. vastutastu nityamiti nābhīkṣṇyārthakaṃ pratyayārthakoṭi praviṣṭaṃ, kiṃtu apākṣikārthakam "samarthānāṃ prathamādvā" iti vāgrahaṇānuvṛttinivṛttyarthamityabhipretya vigrahavākyasyāpi loke darśanānnityagrahaṇaṃ na kartavyamityuktaṃ bhāṣye. evaṃca chedādibhyaḥ pākṣikapratyayasya "tadarhatī"tyeva siddhatvātsūtramevedaṃ nārabdhavyamiti. phalati. virāga viraṅgaṃ ceti. gaṇasūtramidam. ukte'rthe virāgaśabdo viraṅgādeśaṃ labhata ityarthaḥ cādārhīyaṣṭhak.

chedādibhyo. nityagrahaṇamiha `nityaṃ krīḍājīvikayo'rityatreva mahāvibhāṣayā prāptasya vākyasya nivṛttyarthaṃ na bhavati, ārambhasāmathryādeva tannivṛttisiddheḥ, kiṃ tu pratyayārthaviśeṣaṇamiti dvanayati—chedaṃ nityamarhatīti. bhāṣye tu nityagrahaṇaṃ pratyākhyātaṃ. sūtrameva māstviti tadāśaya iti manoramā. ayaṃ bhāvaḥ—- nityagrahaṇamiha pratyayārthaviśeṣaṇaṃ na bhavati, nityaṃ chedamarhatītyasyārthasyāsambhavāt. kālāntara eva tasya chedapravartanāt. na cātra nityagrahaṇatyāge'pi chedamarhatītyādivigrahavākyanivṛttaye sūtrasyāvaśyakatvātattatpratyākhyānaṃ na yujyata iti śaṅkyam. vigrahavākyasya bhāṣyādisaṃmatatvāditi dik. cheda bheda droha doṣetyādayaśchedādayaḥ. gaṇasūtramāha— virāgeti.

chedādibhyo nityam 1319, 5.1.63 chedādibhyo. nityagrahaṇamiha "nityaṃ krīḍājīvikayo"rityatreva mahāvibhāṣayā prāptasya vākyasya nivṛttyarthaṃ na bhavati, ārambhasāmathryādeva tannivṛttisiddheḥ, kiṃ tu pratyayārthaviśeṣaṇamiti dvanayati---chedaṃ nityamarhatīti. bhāṣye tu nityagrahaṇaṃ pratyākhyātaṃ. sūtrameva māstviti tadāśaya iti manoramā. ayaṃ bhāvaḥ----nityagrahaṇamiha pratyayārthaviśeṣaṇaṃ na bhavati, nityaṃ chedamarhatītyasyārthasyāsambhavāt. kālāntara eva tasya chedapravartanāt. na cātra nityagrahaṇatyāge'pi chedamarhatītyādivigrahavākyanivṛttaye sūtrasyāvaśyakatvātattatpratyākhyānaṃ na yujyata iti śaṅkyam. vigrahavākyasya bhāṣyādisaṃmatatvāditi dik. cheda bheda droha doṣetyādayaśchedādayaḥ. gaṇasūtramāha---virāgeti.