śāṇād vā 5-1-35 ityeva. dvitripūrvāc chāṇāntāt prātipadikādārhīyeṣvartheṣu aṇ pratyayo bhavati, cakārād yac ca vā. tena trairūpyaṃ samadyate. dvaiśāṇam, dviśāṇyam, dviśāṇam. traiśāṇam, triśāṇyam, triśāṇam. parimāṇāntasya asaṃjñāśāṇayoḥ 7-3-17 iti paryudāsādivṛddhireva bhavati.

śāṇād vā 5.1.35 adhyardhapūrvāt dvigoḥ ityeva. śāṇaśabdādadhyardhapūrvād dvigorārhīyeṣvartheṣu vā yat pratyayo bhavati. ṭhaño 'pavādaḥ. pakṣe so 'pi bhavati, tasya ca luk. adhyardhaśāṇyam, adhyardhaśāṇam. dviśāṇyam, dviśāṇam. triśāṇyam, triśāṇam. śatāc ca iti vaktavyam. adhyardhaśatyam, dhyardhaśatam. dviśatyam, dviśatam. triśatyam, triśatam.

dvitripūrvādaṇca. , 5.1.35 "tena trairūpyaṃ sampadyate" iti. ekaṃ rūpaṃ sūtranirdiṣṭe'ṇi, dvitīyaṃ cakārasamuccite yati, tṛtīyaṃ vāśabdaprāpitasya ṭhaño lukadi. "dviśāṇam()" iti. ṭhaño luk()॥

atha śāṇāntadvigorudāharaṇaṃ vakṣyanviśeṣamāha–dvitripūrvādaṇ. ca vārtikamidam. cādyaditi. pākṣiko yat cakāreṇa samuccīyata ityarthaḥ. tataśca yato.ñabhāve ṭhañapi labhyate. tadāha-tena trairūpyamiti. aṇā, yatā, ṭhañā cetyarthaḥ. aṇi parimāṇāntasyetyuttarapadavṛddhimāśaṅkyāha–parimāṇāntasyeti. ṭhañādayastrayodaśeti. `prāgvate'riti ṭhañ, `ārhā'diti ṭhak, `śatācce'ti ṭhanyatau, `saṃjñāyāḥ' iti kan, `viṃśatitiṃ?raśadbhyā'ti ḍbun, `kaṃsā'diti ṭiṭhan, `śūrpā'dityañ, `śatamāne'tyaṇ, `viṃśatikātkhaḥ' iti khaḥ, khāryāḥ' iti īkan, `paṇapāde'ti yat, `dvitrī'ti vārtikoktā'ṇ. ityeva trayodaśetyarthaḥ. prakṛtā iti. prakrāntā ityarthaḥ. samarthavibhaktaya iti. `samarthānāṃ prathamādve'ti sūtralabhyasamarthaviśeṣaṇībhūtaprathamoccāritatattadvibhaktaya ityarthaḥ.

śāṇādvā 1677, 5.1.35 śāṇādvā. pakṣe. ṭhañiti. ārgāditi ṭhagvidhau parimāṇaparyudāsāṭṭhañici bhāvaḥ. tasya lugiti. ṭhaña iti bhāvaḥ. atra adhyarthapūrvāditi dvigoriti cānuvartata ityabhipretya adhyarthapūrvādudāharati--adhyardhaśāṇyam adhyardhaśāṇāmiti. yati ṭhaño luki ca rūpam.

dvitripūrvādaṇ. vārtikamidaṃ vṛttikṛtā sūtreṣu prakṣiptam. bhāṣyādiprāmāṇyācchatagrahaṇamiha na saṃbadhyata ityāśayenāha—-śāṇādityeveti. nyāsakṛtā tvaṇvidhāyake vārtike sūtratvabhramaṇe vyākhyātam—`śata śāṇābhyāṃ ve'ti sūtrayitavye `paṇavāde'kati pūrvasūtre śatagrahaṇaṃ kriyate tasyedaṃ phalaṃ, — śataśabdaḥ svaritatvenānuvartamāno'pi `śāṇādvā'ityatraiva saṃbadhyate, taduttarasūtre `dvitripūrvādaṇ ce'tyatra tu na saṃbadhyate, tena śataśabdādaṇ neti. tadidaṃ sāmathryavarṇanamaṇvidhāyakaṃ yadi sūtraṃ syāttadā saṅgacchate nānyathetyāstāṃ tāvat. trairūpyamiti. tadetaddarśayati—-dvaiśāṇamityādinā. aṇyekaṃ, ṭhaño luki dvitīyaṃ, yati tṛtīyam. ṭhañādayastrayodaśeti. nanu ekadaśaiva pratyayāḥ prakṛtāḥ, sūtrabhedena vihitatvādyatpratyayasya dvirgaṇane tu dvādaśeti trayodaśetyetaddurupapādameva. na ca `śūrpādañanyatarasyā'mityanyatarasyāṅgrahaṇalabhyaṭhañamādāya trayodaśatvaṃ sūpapādimiti vācyaṃ, tulyanyāyena `śāṇādve'ti sūtralabhyayaṭṭhañogrrahaṇena pañcadaśatvaprasaṅgāt. nāpi sūtropāttaidrvādaśabhiḥ saha `dvitripūrvādaṇ ce'ti vārtikopāttā'ṇpratyayasya gaṇanena nirvāhaḥ.uktarītyā`kaṃsāṭṭiṭha'nniti sūtre `ardhācceti vaktavyaṃ', `kārṣāpaṇāṭṭiṭhan'iti sūtrastha eva ṭiṭhan adhyardhakārṣāpaṇaśabdābhyāṃ parāmaṣṭa iti sa nabhidyate. `dvitripūrvādaṇ ce'ti sa vārtikastho'ṇ tu bhidyate, `śatamānaviṃśatike'tyaṇo dūrasthatvena parāmarṣṭuṃmaśakyatvāditi.

śāṇādvā 1296, 5.1.35 pakṣe ṭhañiti. yadyapi śāṇa unmānam, tathāpi "ārhā"diti sūtre parimāṇagrahaṇena parimīyate paricchidyate'neneti yogavṛttyā paricchedakamātraṃ gṛhrate"iti vādināṃ mate asyāpi paryudāsāṭṭhagabhāve ṭhañiti bhāvaḥ. mukhyamate tu ṭhageva bodhyaḥ. śāṇādveti sūtre "śatācceti vaktavye". pūrveṇa nityaṃ prāpte vikalpārtham. evaṃ ca pūrvasūtre śatagrahaṇamakṛtvā śataśāṇābhyāṃ vetyeva vaktuṃ yuktamityāhuḥ. adhyardhaśatyam. adhyardhaśatam. pañcaśatyam. pañcaśatam. yadabhāve saṅkhyālakṣaṇasya kano luk. "śatācca ṭhanyatau"iti tu na pravartate, tatrā'samāsagrahaṇasyānuvartanāt.