1/46:upadhyartham iti pratyayānupapattiḥ | upadhyartham iti pratyayasya iha anupapattiḥ |*
2/46:kim kāraṇam |
3/46:upadhyabhāvāt |
4/46:vikṛteḥ prakṛtau abhidheyāyām pratyayena bhavitavyam |
5/46:na ca upadhisañjñikāyāḥ vikṛteḥ prakṛtiḥ asti |
6/46:yat hi tat rathāṅgam tat aupadheyam iti ucyate |
7/46:siddham tu kṛdantasya svārthe añvacanāt | siddham etat |*
8/46:katham |
9/46:kṛdantasya svārthe añ vaktavyaḥ |
10/46:upadhīyate upadheyam |
11/46:upadheyam eva aupadheyam |
12/46:sidhyati |
13/46:sūtram tarhi bhidyate |
14/46:yathānyāsam eva astu |
15/46:nanu ca uktam upadhyartham iti pratyayānupapattiḥ iti |
16/46:na etat asti |
17/46:ayam upadhiśabdaḥ asti eva karmasādhanaḥ |
18/46:upadhīyate upadhiḥ iti |
19/46:asti bhāvasādhanaḥ |
20/46:upadhānam upadhiḥ iti |
21/46:tat yaḥ bhāvasādhanaḥ tasya idam grahaṇam |
22/46:evam api na sidhyati |
23/46:kim kāraṇam |
24/46:vikṛteḥ prakṛtau iti vartate |
25/46:prakṛtivikṛtigrahaṇam nivartiṣyate |
26/46:tat ca avaśyam nivartyam ihārtham uttarātham ca |
27/46:ihārtham tāvat |
28/46:bāleyāḥ taṇḍulāḥ |
29/46:uttarārtham ṛṣabhopānahoḥ ñyaḥ |
30/46:ārṣabhyaḥ vatsaḥ iti |
31/46:atha tadartham iti anuvartate utāho na |
32/46:kim ca arthaḥ anuvṛttyā |
33/46:bāḍham arthaḥ |
34/46:tat asya tat asmin syāt iti tadarthe yathā syāt |
35/46:iha mā bhūt |
36/46:prāsādaḥ devadattasya syāt iti |
37/46:prākāraḥ nagarasya syāt iti |
38/46:yadi tadartham iti anuvartate ṛṣabhopānahoḥ ñyaḥ ṛṣabhārthaḥ ghāsaḥ upānadarthaḥ tilakalkaḥ iti atra api prāpnoti |
39/46:evam tarhi anuvartate prakṛtivikṛtigrahaṇam |
40/46:nanu ca uktam balyṛṣabhayoḥ na sidhyati iti |
41/46:kim punaḥ bhavān vikāram matvā āha balyṛṣabhayoḥ na sidhyati iti |
42/46:yadi tāvat yaḥ prakṛtyupamardena bhavati saḥ vikāraḥ vaibhītakaḥ yūpaḥ khādiram caṣālam iti na sidhyati |
43/46:atha matam etat eva guṇāntarayuktam vikāraḥ iti balyṛṣabhayoḥ api siddham bhavati |
44/46:guṇantarayuktāḥ hi taṇḍulāḥ bāleyāḥ guṇāntarayuktaḥ ca vatsaḥ ārṣabhaḥ |
45/46:aupadheyam tu na sidhyati |
46/46:vacanāt svārthikaḥ bhaviṣyati |

chadirādibhyaḥ śabdebhyaḥ ḍhañ pratyayo bhavati tadarthaṃ vikṛteḥ prakṛtau 5-1-12 ityetasmin viṣaye. chasya apavādaḥ. chādiṣeyāṇi tṛṇāni. aupadheyaṃ dāru. bāleyāstaṇḍulāḥ. upadhiśabdāt svārthe pratyayaḥ. upadhīyate iti upadhiḥ rathāṅgaṃ aupadheyam api tadeva dāru.

chadirupadhibaler ḍhañ 5.1.13 chadirādibhyaḥ śabdebhyaḥ ḍhañ pratyayo bhavati tadarthaṃ vikṛteḥ prakṛtau 5.1.12 ityetasmin viṣaye. chasya apavādaḥ. chādiṣeyāṇi tṛṇāni. aupadheyaṃ dāru. bāleyāstaṇḍulāḥ. upadhiśabdāt svārthe pratyayaḥ. upadhīyate iti upadhiḥ rathāṅgaṃ aupadheyam api tadeva dāru.

chadirupadhibalerḍhañ?. , 5.1.13 yadā chadiścarmavikāro vivakṣyate tadāpi ḍhañeveṣyate--chādiṣeyaṃ carmeti. nanu ca paratvāt? "carmaṇo'ñ()" (5.1.15) ityañ? prāpnoti? naiṣa doṣaḥ; "carmaṇo'ñ()" ityatra chadiṣo ḍhañanuvarttiṣyate. yathā chadiḥśabdādvaliśabdāccaturthīsamarthāt? prakṛtivikārabhāve pratyaya upajāyate, tathopadhiṃśabdādapi bhavativyamityāśaṅkyāha--"upadhiśabdāt()" ityādi. atra yuktimāha--"upadhīyate" ityādi. tena "karmaṇyupasarge ghoḥ kiḥ" iti darśayati. tena ca dravyasyānāsāditottarāvasthasyābhidhānam(). yadyupadhiṃśabdādvikṛtivācinaḥ syāt(), evamarthāntare syāt(). na cāsau prakṛtiviśeṣe bhavati. na tūpadhiśabdādvācyasya pratyāntarasya prakṛtivikārabhāvo'sti, abedāt(). tathā hi--yadeva rathāṅgamupadhiśabdenocyate tadevānāsāditottarāvasthamaupadheyaśabdenāpi. syādetat()--yadā bhāvasādhana upadhiṃśabda upadhānamupadhiriti tadā nāsti bhedaḥ, kriyābhidhānāt(); yadāpyupadhiśabdena kriyādravyasya vikāra ucyate tadaupadheyaśabdena ca tatprakṛti dravyam(), ataḥ prakṛtiviśeṣe parapratyayau bhaviṣyatīti? etaccāyuktam(); na hi kriyādravyasya vikāro yujyate; atyantabhedāt(). tasmāt? sthārthaṃ evopadhiṃśabdāt? pratyayo vijñāyate॥

chadirupadhibalerḍhañ. chadiṣ, upadhi, bali-eṣāṃ samāhāradvandve sautraṃ pustvam. ebhyastādathryacatuthryantebhyaḥ prakṛtau vācyāyāṃ ḍhañityarthaḥ. chādiṣeyāṇīti. chadistṛṇapaṭalaḥ. tasmai imānīti vigrahaḥ. chadirarthānītyarthaḥ. ḍhañi eyādeśe ṣātparatvāṇṇatvam. bāleyāstaṇḍulā iti. balaye ime iti vigrahaḥ. balyarthā ityarthaḥ. `karopahārayoḥ puṃsi bali'rityamaraḥ. `bhāgadheyaḥ karo vali'riti ca. \r\nupadhiśabdāditi. vārtikamidam. upadhīyate iti. akṣadaṇḍāgre upadhīyate=protaṃ kriyate ityupadhiḥ. `upasarge ghoḥ kiḥ' iti dhāñaḥ kipratyayaḥ. `ātā lopa iṭi ce'tyāllopaḥ. upadhī rathāṅgamiti. tathā bhāṣyāditi bhāvaḥ.

chadirupadhibalerḍhañ 1653, 5.1.13 chadirupadhibalerḍhañ. chadiṣ, upadhi, bali-eṣāṃ samāhāradvandve sautraṃ pustvam. ebhyastādathryacatuthryantebhyaḥ prakṛtau vācyāyāṃ ḍhañityarthaḥ. chādiṣeyāṇīti. chadistṛṇapaṭalaḥ. tasmai imānīti vigrahaḥ. chadirarthānītyarthaḥ. ḍhañi eyādeśe ṣātparatvāṇṇatvam. bāleyāstaṇḍulā iti. balaye ime iti vigrahaḥ. balyarthā ityarthaḥ. "karopahārayoḥ puṃsi bali"rityamaraḥ. "bhāgadheyaḥ karo vali"riti ca. upadhiśabdāditi. vārtikamidam. upadhīyate iti. akṣadaṇḍāgre upadhīyate=protaṃ kriyate ityupadhiḥ. "upasarge ghoḥ kiḥ" iti dhāñaḥ kipratyayaḥ. "ātā lopa iṭi ce"tyāllopaḥ. upadhī rathāṅgamiti. tathā bhāṣyāditi bhāvaḥ.

chadirupadhi. samāhāradvandve sautraṃ puṃstvam. chasyāpavādo'yam. chādiṣeyāṇīti. chādyate'neneti chadiḥ. `arciśucihusṛpicchādicchardibhya isiḥ'. `ismantrankviṣu ca'iti hyasvatvam. yadā tu carmavikāraśchadistadā paratvāt `carmaṇo''ñityañ prāpnoti. pūrvavipratiṣedhena tu ḍhañeveṣyate. chādiṣeyaṃ carma. āha ca `yaññyāvañaḥ pūrvavipratiṣiddham' `ḍhañ ce'ti. yata udāharaṇaṃ sta[sa]naṅgavyaṃ. sta [sa]naṅguścarmavikārastadarthaṃ carma. `ugavādibhyaḥ'iti yat. ñyasyodāharaṇamaupānahramiti anupadaṃ vakṣyati. bāleyā iti. `karopahārayoḥ puṃsi baliḥ prāṇyaṅgaje stariyā'mityamaraḥ.\r\nupadhiśabdātsvārthe iṣyate. upadhiriti. `upasarge ghoḥ ki'riti dhāñaḥkiḥ.`āto lopa iti ce'tyalopaḥ vipratiṣedheneti. `yaññyāvaña'ityādivārtikenetyarthaḥ. nanu ḍhañvidhau chadirityasya, ñyavidhau upānahaśca viśiṣya grahaṇena `pratipadoktaṃ balīyaḥ'iti siddhe kimanena pūrvavipratiṣedhena?. atrāhuḥ–`niravakāśatve satyeva pratipadavidhitvaṃ balīyastve prayojakaṃ', na tu sāvakāśatve'ityanena munivacanenā'numīyate. tena `svampi taḍākāni'ityeva yuktaṃ, paratvānnumpvṛtteḥ. pratipadoktatvāddīrghamāśritya `svāmpi taḍākānī'ti mataṃ durbalam. `aptṛn' iti dīrghasya `āpastiṣṭhantī' pratipadoktatvasyā'balīyastvāditi.

chadirupadhibalerḍhañ 1277, 5.1.13 chadirupadhi. samāhāradvandve sautraṃ puṃstvam. chasyāpavādo'yam. chādiṣeyāṇīti. chādyate'neneti chadiḥ. "arciśucihusṛpicchādicchardibhya isiḥ". "ismantrankviṣu ca"iti hyasvatvam. yadā tu carmavikāraśchadistadā paratvāt "carmaṇo'"ñityañ prāpnoti. pūrvavipratiṣedhena tu ḍhañeveṣyate. chādiṣeyaṃ carma. āha ca "yaññyāvañaḥ pūrvavipratiṣiddham" "ḍhañ ce"ti. yata udāharaṇaṃ sta[sa]naṅgavyaṃ. sta[sa]naṅguścarmavikārastadarthaṃ carma. "ugavādibhyaḥ"iti yat. ñyasyodāharaṇamaupānahramiti anupadaṃ vakṣyati. bāleyā iti. "karopahārayoḥ puṃsi baliḥ prāṇyaṅgaje stariyā"mityamaraḥ.upadhiśabdātsvārthe iṣyate. upadhiriti. "upasarge ghoḥ ki"riti dhāñaḥkiḥ."āto lopa iti ce"tyalopaḥ vipratiṣedheneti. "yaññyāvaña"ityādivārtikenetyarthaḥ. nanu ḍhañvidhau chadirityasya, ñyavidhau upānahaśca viśiṣya grahaṇena "pratipadoktaṃ balīyaḥ"iti siddhe kimanena pūrvavipratiṣedhena(). atrāhuḥ--"niravakāśatve satyeva pratipadavidhitvaṃ balīyastve prayojakaṃ", na tu sāvakāśatve"ityanena munivacanenā'numīyate. tena "svampi taḍākāni"ityeva yuktaṃ, paratvānnumpvṛtteḥ. pratipadoktatvāddīrghamāśritya "svāmpi taḍākānī"ti mataṃ durbalam. "aptṛn" iti dīrghasya "āpastiṣṭhantī"tyudāharaṇe sāvakāśatayā pratipadoktatvasyā'balīyastvāditi.