Kāśikāvṛttī1:
nakṣatrebhyaḥ uttarasya jātārthe pratyayasya bahulaṃ lug bhavati. rohiṇaḥ, rauhi
See More
nakṣatrebhyaḥ uttarasya jātārthe pratyayasya bahulaṃ lug bhavati. rohiṇaḥ, rauhiṇaḥ.
mṛgaśirāḥ, mārgaśīrṣaḥ.
Kāśikāvṛttī2:
nakṣatrebhyo bahulam 4.3.37 nakṣatrebhyaḥ uttarasya jātārthe pratyayasya bahula
See More
nakṣatrebhyo bahulam 4.3.37 nakṣatrebhyaḥ uttarasya jātārthe pratyayasya bahulaṃ lug bhavati. rohiṇaḥ, rauhiṇaḥ. mṛgaśirāḥ, mārgaśīrṣaḥ.
Nyāsa2:
nakṣatrebhyo bahulam. , 4.3.37 "rohiṇaḥ"ityādau nakṣatrāṇaḥ pakṣe luk.
See More
nakṣatrebhyo bahulam. , 4.3.37 "rohiṇaḥ"ityādau nakṣatrāṇaḥ pakṣe luk. "mṛgaśirāḥ"iti. "atvasantasya cādhātoḥ" 6.4.14 iti dīrghaḥ."mārgaśīrṣaḥ"iti. "ye ca taddhite" 6.1.60 ityatra cakārasyānuktasamuccayārthatvācchirasaḥ śīrṣabhāvaḥ. atha bahulagrahaṇaṃ kimartham? napūrvasūtrādeva vāgrahaṇamanuvartiṣyate? idaṃ prayojanam-- na kvacidanyadeva yathā syāt, tena phalgunyaṣāḍhābhyāṃ ṭānau siddhau bhavataḥ. śraviṣṭhāṣāḍhābhyāñchaṇapīti॥
Bālamanoramā1:
nakṣatrebhyo bahulaṃ. rohiṇa iti. rohiṇyāṃ jāta ityarthaḥ. nakṣatrā'ṇo luki
ādi Sū #1391
See More
nakṣatrebhyo bahulaṃ. rohiṇa iti. rohiṇyāṃ jāta ityarthaḥ. nakṣatrā'ṇo luki
ādivṛddhinivṛttau `luktaddhitalukī'ti strīpratyayanivṛttiḥ. naca tathā sati takārasya
nakāro'pi nivarteteti vācyaṃ, na hi rohitaśabdo'yaṃ varṇaviśeṣavācako yena
`varṇādanudāttā'diti ṅīpo nivṛttau takāro'pi nivarteta. kiṃtu
rohiṇīśabdo'yamabyutpanno nakṣatraviśeṣe rūḍhaḥ. `rohiṇī nakṣatre' iti gaurādi
pāṭhānṅīṣ. ata eva `rohiṇī nakṣatraṃ prajāpatirdevate'tyādau antodāttatvaṃ
śrūyamāṇaṃ na virudhyate. anyathā `varṇānāṃ taṇatinitāntānā'mityādyuttatvaṃ
syādityalam.
Bālamanoramā2:
nakṣatrebhyo bahulam 1391, 4.3.37 nakṣatrebhyo bahulaṃ. rohiṇa iti. rohiṇyāṃ jāt
See More
nakṣatrebhyo bahulam 1391, 4.3.37 nakṣatrebhyo bahulaṃ. rohiṇa iti. rohiṇyāṃ jāta ityarthaḥ. nakṣatrā'ṇo luki ādivṛddhinivṛttau "luktaddhitalukī"ti strīpratyayanivṛttiḥ. naca tathā sati takārasya nakāro'pi nivarteteti vācyaṃ, na hi rohitaśabdo'yaṃ varṇaviśeṣavācako yena "varṇādanudāttā"diti ṅīpo nivṛttau takāro'pi nivarteta. kiṃtu rohiṇīśabdo'yamabyutpanno nakṣatraviśeṣe rūḍhaḥ. "rohiṇī nakṣatre" iti gaurādi pāṭhānṅīṣ. ata eva "rohiṇī nakṣatraṃ prajāpatirdevate"tyādau antodāttatvaṃ śrūyamāṇaṃ na virudhyate. anyathā "varṇānāṃ taṇatinitāntānā"mityādyuttatvaṃ syādityalam.
1.Source: Arsha Vidya Gurukulam
2.Source: Sanskrit Documents