prāgdīvyataḥ iti vartate, na bhavanātiti. dvigoḥ iti ṣaṣṭhī. dvigor yaḥ sambandhī nimittatvena taddhitaḥ prāgdīvyatīyo 'patyapratyayaṃ varjayitvā tasya lug bhavati. pajcasu kapāleṣu saṃskṛtaḥ pajcakapālaḥ. daśakapālaḥ. dvau devādadhīte dvivedaḥ. trivedaḥ. anapatye iti kim? dvaidevadattiḥ. traidevadattiḥ. prāgdivyataḥ ityeva, dvaipārāyaṇikaḥ. dvigunimittavijñānādiha na bhavati, pañcakapālasya idaṃ pāñcakapālam. atha vā dvigoreva ayaṃ lug vidhīyate. dvigoḥ iti sthānaṣaṣṭhī. nanu ca pratyayādarśanasya eṣā saṃjñā? satyam etat. upacāreṇa tu lakṣaṇayā dvigunimittabhūtaḥ pratyaya eva dviguḥ, tasya lug bhavati. dvigunimittako 'pi tarhi guṇakalpanayā kasmān na dvigurucyate pājcakapālam iti? na tasya dvigutvam nimittam. itaras tu dvigutvasya eva nimittam ityasti viśeṣaḥ. yadyevam iha kathaṃ pañcakapālyāṃ saṃskṛtaḥ pañcakapālaḥ iti? na eva atra taddhita utpadyate. vākyam eva bhavati. traiśabdyaṃ hi sādhyaṃ, pañcasu kapāleṣu saṃskṛtaḥ, pañcakapālyāṃ saṃskṛtaḥ pañcakapālaḥ iti. tatra dvayoḥ śabdayoḥ samānārthayorekena vigrahaḥ. aparasmādutpattir bhaviṣyati. atha iha kasmān na bhavati, pañcabhyo gargebhya āgataṃ pajcagargarūpayam, pañcagargam ayam iti vā ityanuvartate. sā ca vyavasthitavibhāṣā vijñāyate.

dvigor luganapatye 4.1.88 prāgdīvyataḥ iti vartate, na bhavanātiti. dvigoḥ iti ṣaṣṭhī. dvigor yaḥ sambandhī nimittatvena taddhitaḥ prāgdīvyatīyo 'patyapratyayaṃ varjayitvā tasya lug bhavati. pajcasu kapāleṣu saṃskṛtaḥ pajcakapālaḥ. daśakapālaḥ. dvau devādadhīte dvivedaḥ. trivedaḥ. anapatye iti kim? dvaidevadattiḥ. traidevadattiḥ. prāgdivyataḥ ityeva, dvaipārāyaṇikaḥ. dvigunimittavijñānādiha na bhavati, pañcakapālasya idaṃ pāñcakapālam. atha vā dvigoreva ayaṃ lug vidhīyate. dvigoḥ iti sthānaṣaṣṭhī. nanu ca pratyayādarśanasya eṣā saṃjñā? satyam etat. upacāreṇa tu lakṣaṇayā dvigunimittabhūtaḥ pratyaya eva dviguḥ, tasya lug bhavati. dvigunimittako 'pi tarhi guṇakalpanayā kasmān na dvigurucyate pājcakapālam iti? na tasya dvigutvam nimittam. itaras tu dvigutvasya eva nimittam ityasti viśeṣaḥ. yadyevam iha kathaṃ pañcakapālyāṃ saṃskṛtaḥ pañcakapālaḥ iti? na eva atra taddhita utpadyate. vākyam eva bhavati. traiśabdyaṃ hi sādhyaṃ, pañcasu kapāleṣu saṃskṛtaḥ, pañcakapālyāṃ saṃskṛtaḥ pañcakapālaḥ iti. tatra dvayoḥ śabdayoḥ samānārthayorekena vigrahaḥ. aparasmādutpattir bhaviṣyati. atha iha kasmān na bhavati, pañcabhyo gargebhya āgataṃ pajcagargarūpayam, pañcagargam ayam iti vā ityanuvartate. sā ca vyavasthitavibhāṣā vijñāyate.

dvigorluganapatye. , 4.1.88 "prāgdīvyataḥ" iti. tasya svaritatvāt. "na bhavanātiti. viparyayāt. dvigoriti pañcamī ceyaṃ syāt? ṣaṣṭhī vā? tatra yadi pañcamī, tadāyamarthaḥ syāt-- dvigoḥ parasyānapratyapratyayasya prāgdīyavyatīyasya lugbhavatīti. tataśca yathā dvigusaṃjñānimittasya lugbhavati-- pañcakapāleṣu saṃskṛtaḥ puroḍāśaḥ pañcakapāla iti, tathā yo dviragornimittaṃ na bhavati tasyāpi syāt-- pañcakapālasya puroḍāśasyedaṃ khaṇḍam. "tasyedam" 4.3.120 ityaṇ-- pāñcakapālamiti. tamimaṃ pañcamīpakṣe doṣaṃ dṛṣṭvā, ṣaṣṭīpakṣamāśrityāha-- dvigoriti ṣaṣṭhī" iti. "dvigoryaḥ sambandhī" iti. yasya taddhitasyārthe "taddhitārthottarapadasamāhāre ca" 2.1.50 iti samāhāradvigurvidhīyate sa dvigoḥ sambandhīti; arthadvāreṇa tadarthasya dvigusambandhitvāt. so'pi taddvāreṇa dvigusambandhī. "nimittatvena"iti. anena nimittanaimittikabhāvena yaḥ sambandho tasya lugbhavati, na tu paurvāparyabhāvena yastasyeti darśayati. etacca nimittanaimittikabhāvasyāntaraṅgatvāllabhyate. sa hi dvigorādyastaddhitena sambandhaḥ; tasmāt sa gṛhrate. paurvāparyabhāvastūttarakālamapi bhavatīti bahiraṅgo bhavati, ato na tasya grahaṇam. "pañcakapālaḥ" iti. pañcasu kapāleṣu saṃskṛta iti "taddhitārtha" 2.1.50 iti samāsaḥ, "saṃkhyāpūrvo dviguḥ" 2.1.51 iti dvigusaṃjñā, "saṃskṛtam" 4.4.3 ityaṇ, tasya luk. "dvivedaḥ"iti. dvau vedāvadhīta iti pūrvavatsamāsaḥ, "tadadhīte tadveda" 4.1.59 ityaṇ. "dvaidevavattiḥ" iti. dvayordevadattayorapatyamiti "ata iñ" 4.1.95. "pañcakapālasyedamiti pāñcakapālam" iti. atra saṃskṛtārthe yaḥ prathamaḥ pratyaya utpannaḥ sa eva dvigornimittam, na tu ya uttarakālaṃ tasyedamityarthavivakṣāyām. na hi tasyārthe viṣayabhūte dvigurvihitaḥ, kiṃ tarhi? saṃskṛtārthe yo vihitastasya. tenādvigunimittatvāt "tasyedam" iti yo vihitastasyeha lugna bhavati. "atha vā" ityādi. pūrvaṃ hi dvigoryastaddhito nimittaṃ tasya lugvihitaḥ, idānīṃ dvigoreva vidhīyata ityasti viśeṣaḥ. kathaṃ punardvigoreva lugbhavati? ityata āha-- "dvigoriti sthānaṣaṣṭhī" iti. "nanu ca" ityādinānantarokaktavyākhyānaṃ vighaṭayati. "pratyayasya lukślulupaḥ" 1.1.60 itilugādikāḥ pratyayādarśanasyaitāḥ saṃjñā vihitāḥ, tato lugucyamāno'nena na śakto dvigoreva lukaṃ vidhātumityābhiprāyaḥ. "satyametat" iti. yadanantaramuktam. yadyevam, kathaṃ luksaṃjñāyā dvigorluglabhyate? ityata āha-- "upācāreṇa tu" ityādi. atathābhūte vastuni yo'dhyāropitatathābhāvo jñānaviśeṣaḥ sa upacāraḥ. lakṣyate'nayeti lakṣaṇā, sāpunarihopacāra eva "etena hradvigurūpastaddhito dvigurūpatayā lakṣyate. yathā mañcāḥ krośantītyatrāmañcarūpā api puruṣā mañcarūpatayā lakṣyante, tathehāpyadvigurūpastaddhito dvigurūpatayā. upacārasya tu nibandhanaṃ dvigunimittabhūtatvam, yadāha--- " dvigunimittabhūtaḥ pratyaya eva dviguḥ" iti. bhavati hi kāraṇe kāryopacāraḥ, yathā-- āyurghṛtamiti. "dvigunimittako'pi tarhi" ityādi. dvigurnimittaṃ yasya sa tathoktaḥ. yo dharma upacārasya nibandhanaṃ sa iha guṇaśabdena vivakṣitaḥ. guṇanimittā kalpanā = guṇanimittakalpanā, sā punarupacārātmikaiva veditavyā. yadyupacāreṇa dvigornimittaṃ pratyayo'pi dvigurucyate, dviguryasya nimittaṃ so'pa#i gauṇyā kalpanayā kasmāddviguriti nocyate? kārye'pi hi kāraṇaśabda upacārāt prayujyamāno vidyata eva, yathā-- purātanaṃ sarvamidaṃ śubhāśubhaṃ karma bhujyata iti. "pāñcakapālam" iti. pañcakapālasya puroḍāśasyedaṃ khaṇḍamityaṇ, sa ca dvigorutpannatvāddvigunimittaka ityabhiprāyaḥ. na tasya dvigutvaṃ nimittamiti niṣpannatvāddvagostaddhitasyotpadyamānasya na dvigutvaṃ nimittaṃ, kiṃ tarhi? prātipadikam. tathā hi-- nāsau dvigurityevaṃ vidhīyate, kiṃ tarhi? prātipadikādityevam. tasmāt sannihitā'pi dvigutā na pratyayasya nimittamiti, na ca pratyayo dvigurityupacāreṇa vyapadeṣṭuṃ śakyata iti. "itarastu" iti. taddhitapratyayaḥ, yas mūlodāharaṇe lugdarśitaḥ. "dvigutvasyaiva nimittam" iti. evakāreṇa prātipadikasya vyavacchedaḥ kriyate-- dvigutvasyaiva nimittam, na tu prātipadikatvasya; yatastadarthe dvigusamāso vidhīyate,na tu prātipadikatvamityasti viśeṣaḥ. tataśca dvigoryo nimittaṃ tatraiva dvigutvavyapadeśa upācārādbhavati. na tu niṣpannāddvigorya utpadyate tatrāpi. "yadyevamityādi. yadi dvigoryo nimittaṃ taddhitaḥ so'tra nimittatvādupācāreṇa dvigurucyate tasya lopo bhathavi. evaṃ satīha kathaṃ lopaḥ-- pañcakapālyāṃ saṃskṛtaḥ pañcakapāla iti? atra hi pañcānāṃ kapālānāṃ samāhāra iti samāhāre dvigau niṣpanne tatastūttarakālaṃ taddhito vidhīyamāno na dvigornimittaṃ bhavati. "naivātra" ityādi parihāraḥ. kasmānnotpadyata ityāha-- "traiśabdyaṃ hi" ityādi. traya eva śabdāḥ = traiśabdyam. cāturvaṇryāditvāt svārthe ṣyañ. ihāsmābhistraiśabdyaṃ sādhyam. pañcakapālīśabdastaddhitotpattimantareṇāpi siddhatīti na tasmāt taddhita utpadyate. "pañcasu kapāleṣu saṃskṛtaḥ" ityādinā traiśabdyaṃ darśayati. "dvayoḥ śabdayoḥ" ityādi. yaśca samāhāre pañcakapālīśabdaḥ, yaśca taddhitārthaviṣaye samāse pañcakapālaśabdastau dvāvapi samānārthau,tayorekena pūrveṇa vigraha eveti tasmānna taddhitotpattirvijñeyā. "aparasmādutpattiḥ" iti. pañcakapālaśabdāt. avyavikanyāyena. yathā'vermāṃsamāvikamityaviśabdena vigrahaḥ,aviśabdastu pratyayamutpādayati tadvadihāpi. "atheha kasmānna bhavati" ityādi. rūpyamayaṭāvapi hi dvigornimittabhūtau, atastayorapi lukā bhavitavyamiti bhāvaḥ. "vetyanuvatrtate" iti "samarthānāṃ prathamādvā"4.1.82 ityataḥ. nanvevamapi sarvatra vikalpena luk prāpnotītyata āha-- "sā ca" ityādi. ca śabdo hetau. yasmāt sā vyavasthitavibhāṣā vijñāyate, tena pañcakapāla ityādau nityaṃ lugbhavati. pañcagargarūpyamityādau na bhavatyeva॥

dvigorluganapatye. dvigoriti hetutvasaṃbandhe ṣaṣṭhī. lukśravaṇātpratyayasyetyupasthitam, pratyayā'darśanasyaiva luktvāt. tatāca `dvigunimittasya pratyayasya lu'giti labhyate. dvigunimittaśca pratyayastaddhita eva bhavati taddhitārthe viṣaye tadvidhānāt. tataśca `dvigunimittasya taddhitasye'ti labhyate. dvigunimittasya taddhitasye'ti labhyate. prāgdīvyata' ityanuvṛtteḥ. taddhitaviśeṣaṇaṃ. `gotre'lugacī'tyuttarasūtre'cīti saptamyantasya gotraviśeṣaṇatayā tadādividhiḥ. ajādāvityarthakamacīti padamihā'pakṛṣyate. tacca ṣaṣṭha\ufffdā vipariṇataṃ taddhitaviśeṣaṇam. tadāha–dvigornimittamityādinā. pañcakapāla iti. `saṃskṛtaṃ bhakṣāḥ' ityaṇ. taddhitārthe dviguḥ. aṇo luk. pratyayalakṣaṇā'bhāvānnādivṛddhiḥ. pañcakapālasyedamiti. pañcasu kapāleṣu saṃskṛtaḥ puroḍāśa ityarthe aṇi vivakṣite dvigusamāse'ṇo luki niṣpannātpañcakapālaśabdāt `tasyeda'mityaṇi ādivṛddhau pāñcakapālamityatrā'ṇoluṅna bhavati aṇo dvigunimittatvā'bhāvāditi bhāvaḥ. pañcagargarūpyamiti. pañcabhyo gargebhya āgatamityarthe `hetumanuṣyebhyaḥ' iti rūpyapratyayaḥ. `taddha#itārtha' iti dvigusamāsanimittatve'pi ajāditvā'bhāvānna lugiti bhāvaḥ. dvaimitririti. atra `ata i'ñiti iño'patyārthakatvānna lugiti bhāvaḥ. na ca tisno vidyā adhīyānastaividya ityatrāpyaṇo luk syāditi vācyaṃ, tryavayavā vidyā trividyā. śākapārthivādiḥ. trividyāmadhīte traividya iti vigrahe trividyāśabdādaṇo dvigunimittatvā'bhāvāt. prāgdīvyatīyasyeti. kim ?. pañcabhyaḥ kapālebhyo hitaṃ pañcakapālīyam.

dvigorluganapatye 1063, 4.1.88 dvigorluganapatye. dvigoriti hetutvasaṃbandhe ṣaṣṭhī. lukśravaṇātpratyayasyetyupasthitam, pratyayā'darśanasyaiva luktvāt. tatāca "dvigunimittasya pratyayasya lu"giti labhyate. dvigunimittaśca pratyayastaddhita eva bhavati taddhitārthe viṣaye tadvidhānāt. tataśca "dvigunimittasya taddhitasye"ti labhyate. dvigunimittasya taddhitasye"ti labhyate. prāgdīvyata" ityanuvṛtteḥ. taddhitaviśeṣaṇaṃ. "gotre'lugacī"tyuttarasūtre'cīti saptamyantasya gotraviśeṣaṇatayā tadādividhiḥ. ajādāvityarthakamacīti padamihā'pakṛṣyate. tacca ṣaṣṭha()ā vipariṇataṃ taddhitaviśeṣaṇam. tadāha--dvigornimittamityādinā. pañcakapāla iti. "saṃskṛtaṃ bhakṣāḥ" ityaṇ. taddhitārthe dviguḥ. aṇo luk. pratyayalakṣaṇā'bhāvānnādivṛddhiḥ. pañcakapālasyedamiti. pañcasu kapāleṣu saṃskṛtaḥ puroḍāśa ityarthe aṇi vivakṣite dvigusamāse'ṇo luki niṣpannātpañcakapālaśabdāt "tasyeda"mityaṇi ādivṛddhau pāñcakapālamityatrā'ṇoluṅna bhavati aṇo dvigunimittatvā'bhāvāditi bhāvaḥ. pañcagargarūpyamiti. pañcabhyo gargebhya āgatamityarthe "hetumanuṣyebhyaḥ" iti rūpyapratyayaḥ. "taddha#itārtha" iti dvigusamāsanimittatve'pi ajāditvā'bhāvānna lugiti bhāvaḥ. dvaimitririti. atra "ata i"ñiti iño'patyārthakatvānna lugiti bhāvaḥ. na ca tisno vidyā adhīyānastaividya ityatrāpyaṇo luk syāditi vācyaṃ, tryavayavā vidyā trividyā. śākapārthivādiḥ. trividyāmadhīte traividya iti vigrahe trividyāśabdādaṇo dvigunimittatvā'bhāvāt. prāgdīvyatīyasyeti. kim?. pañcabhyaḥ kapālebhyo hitaṃ pañcakapālīyam.

dvigorluganapatye. dvigoriti ṣaṣṭhī, tadarthaśca hetutvaṃ, tacca bhāvino'pyupapadyate, buddyādhyavasāyādityāśayenāha–dvigornimittamiti. ajādiriti. etaccottarasūtrāt, `aci' ityapakarṣāllabhyate, vāgrahaṇamanuvarttya vyavasthitavibhāṣāśrayaṇena vā. prāgdīvyatīyaḥ kim?. pañcamyaḥ kapālebhyo hitaṃ pañcakapālīyam.

dvigorluganapatye 890, 4.1.88 dvigorluganapatye. dvigoriti ṣaṣṭhī, tadarthaśca hetutvaṃ, tacca bhāvino'pyupapadyate, buddyādhyavasāyādityāśayenāha--dvigornimittamiti. ajādiriti. etaccottarasūtrāt, "aci" ityapakarṣāllabhyate, vāgrahaṇamanuvarttya vyavasthitavibhāṣāśrayaṇena vā. prāgdīvyatīyaḥ kim(). pañcamyaḥ kapālebhyo hitaṃ pañcakapālīyam.