strīgrahaṇena ṭābādipratyayāntāḥ śabdā gṛhyante. strībhyo 'patye ḍhak pratyayo bhavati. sauparṇeyaḥ. vainateyaḥ. strīpratyayavijñāpanādasatyarthagrahaṇe iha na bhavati, iḍabiḍo 'patyam aiḍaviḍaḥ, darado 'patyam dāradaḥ iti. vaḍavāyā vṛṣe vācye. vāḍaveyo vṛṣaḥ smṛtaḥ. apatye prāptaḥ tato 'pakṛṣya vidhīyate. tena apatye vāḍavaḥ iti. aṇ kruñcākokilāt smṛtaḥ. kruñcāyā apatyaṃ krauñcaḥ. kaukilaḥ.

strībhyo ḍhak 4.1.120 strīgrahaṇena ṭābādipratyayāntāḥ śabdā gṛhyante. strībhyo 'patye ḍhak pratyayo bhavati. sauparṇeyaḥ. vainateyaḥ. strīpratyayavijñāpanādasatyarthagrahaṇe iha na bhavati, iḍabiḍo 'patyam aiḍaviḍaḥ, darado 'patyam dāradaḥ iti. vaḍavāyā vṛṣe vācye. vāḍaveyo vṛṣaḥ smṛtaḥ. apatye prāptaḥ tato 'pakṛṣya vidhīyate. tena apatye vāḍavaḥ iti. aṇ kruñcākokilāt smṛtaḥ. kruñcāyā apatyaṃ krauñcaḥ. kaukilaḥ.

strībhyo ḍhak. , 4.1.120 "iha strīgrahaṇena ṭābādistrīpratyayāntāḥ śabdāḥ gṛhrante" iti. atha svarūpagrahaṇaṃ kasmānna bhavati? bahuvacananirdeśāt. svarūpagrahaṇe hi tasyaikatvādekavacanenaiva nirdeśaṃ kuryāt. stryarthamātrasya grahaṇaṃ kasmānna bhavati? vimātṛśabdasya stryarthasya śubhrādiṣu pāṭhāt. yadyatra stryarthamātrasya strīśabdasya grahaṇaṃ syāt, tasya śubhrādiṣu pāṭho'narthakaḥ syāt, anenaiva ḍhakaḥ siddhatvāt. "aiḍaviḍaḥ dāradaḥ" iti. iḍaviḍo'patyaṃ varado'patyamityaṇeva bhavati. ḍhagiti vatrtamāne ḍhakaḥ punagrrahaṇaṃ nityārtham. "vaḍavāyā vṛṣa vācye" iti. yastasyā garbhe bījaṃ prakṣipati sa vṛṣo vāḍaveya ityucyate. "aṇkruñcākokilāt smṛtaḥ" iti. vṛṣa iti nāpekṣyate. apatye vidhirevāyam. ḍhako'pavādaḥ॥

strībhyo ḍhak. strīśabdena ṭābādayaḥ strīpratyayāścāturthikā gṛhrante, na tvanye'pi strīvācakā, vyākhyānādityāha–strīpratyayāntebhya iti. vinatā nāmagaruḍamātā, tasyā apatyamiti vigrahaḥ. pratyayagrahaṇaṃ kim ?. daratkaścitkṣatriyaḥ, tasyāpatyaṃ strī darat. `dvyañmagadhe'tyaṇ. `ataśce'ti tasya luk. tasyā apatyaṃ-dāradaḥ. atra daracchabdasya strīliṅgatve'pi strīpratyayāntatvā'bhāvānna ḍhak. nanu sumitrāyā apatyaṃ saumitriḥ, sapatnyā apatyaṃ sāpatna iti kathaṃ, ḍhakprasaṅgādityata āha–bāhvāditvādityādi. sāpatnaśabde puṃvattvaṃ neti prāgevoktam.

strībhyo ḍhak 1107, 4.1.120 strībhyo ḍhak. strīśabdena ṭābādayaḥ strīpratyayāścāturthikā gṛhrante, na tvanye'pi strīvācakā, vyākhyānādityāha--strīpratyayāntebhya iti. vinatā nāmagaruḍamātā, tasyā apatyamiti vigrahaḥ. pratyayagrahaṇaṃ kim?. daratkaścitkṣatriyaḥ, tasyāpatyaṃ strī darat. "dvyañmagadhe"tyaṇ. "ataśce"ti tasya luk. tasyā apatyaṃ-dāradaḥ. atra daracchabdasya strīliṅgatve'pi strīpratyayāntatvā'bhāvānna ḍhak. nanu sumitrāyā apatyaṃ saumitriḥ, sapatnyā apatyaṃ sāpatna iti kathaṃ, ḍhakprasaṅgādityata āha--bāhvāditvādityādi. sāpatnaśabde puṃvattvaṃ neti prāgevoktam.

strībhyo ḍhak. bahuvacananirdeśānna svarūpasya grahaṇaṃ, nāpyarthasya, ḍhagarthatayā śubhrādiṣu vimātṛśabdapāṭhāt. kiṃ tu stryadhikāroktaṭābādegrrahaṇaṃ, na tu viprakṛtiktinnāderityāśayenāha—strīpratyayāntebhya ityādinā. tena `darado'patyaṃ dāradaḥ'ityatra ḍhak na bhavati. stryarthagrahaṇe tu syādevā'tra ḍhak. daracchabdo hi janapadakṣatriyavācīti tato'patyārthe `dyañmagadhe'tyaṇi tasya striyām. `ataśce'ti luki daracchabdasya stryarthavācitvāt. `ḍhak ce'ti vartamāne punariha ḍhaggrahaṇamaṇsaṃbaddhasya ḍhako nivṛttyartham. yadyapi `cānukṛṣṭaṃ nottaratre'ti paribhāṣayā aṇiha na pravartate tathāpi tasyā anityatvajñāpanāya ḍhaggrahaṇamityāhuḥ.

strībhyo ḍhak 927, 4.1.120 strībhyo ḍhak. bahuvacananirdeśānna svarūpasya grahaṇaṃ, nāpyarthasya, ḍhagarthatayā śubhrādiṣu vimātṛśabdapāṭhāt. kiṃ tu stryadhikāroktaṭābādegrrahaṇaṃ, na tu viprakṛtiktinnāderityāśayenāha---strīpratyayāntebhya ityādinā. tena "darado'patyaṃ dāradaḥ"ityatra ḍhak na bhavati. stryarthagrahaṇe tu syādevā'tra ḍhak. daracchabdo hi janapadakṣatriyavācīti tato'patyārthe "dyañmagadhe"tyaṇi tasya striyām. "ataśce"ti luki daracchabdasya stryarthavācitvāt. "ḍhak ce"ti vartamāne punariha ḍhaggrahaṇamaṇsaṃbaddhasya ḍhako nivṛttyartham. yadyapi "cānukṛṣṭaṃ nottaratre"ti paribhāṣayā aṇiha na pravartate tathāpi tasyā anityatvajñāpanāya ḍhaggrahaṇamityāhuḥ.tasyedamiti. śivāditvādapatya evā'ṇityanye.