parāvarābhyāṃ yogaḥ prāvarayogaḥ. pareṇa pūrvasya yoge gamyamāne avareṇa ca parasya dhātoḥ ktvā pratyayo bhavati. pareṇa tāvat aprāpya nadīṃ parvataḥ sthitaḥ. paranadīyogena parvato viśiṣyate. avarayoge atikramya tu parvataṃ nadī sthitā. avaraparvatayogena nadī viśisyate.

parāvarayoge ca 3.4.20 parāvarābhyāṃ yogaḥ prāvarayogaḥ. pareṇa pūrvasya yoge gamyamāne avareṇa ca parasya dhātoḥ ktvā pratyayo bhavati. pareṇa tāvat aprāpya nadīṃ parvataḥ sthitaḥ. paranadīyogena parvato viśiṣyate. avarayoge atikramya tu parvataṃ nadī sthitā. avaraparvatayogena nadī viśisyate.

parāvarayoge ca. , 3.4.20 ihemau parāvaraśabdau sambandhiśabdau. pūrvañcāpekṣya paro bhavati, parañcāpekṣ.yāvaraḥ,sambandhiśabdāśca niyatameva pratiyoginamupasthāpayanti, tasmāt sūtre yadyapi viśiṣṭaprayogo na mirdiśyate, tathāpi pūrvaparayoreva parāvarābhyāṃ yogo gamyata ityāha-- "pareṇa pūrvasya" ityādi. "paranadīyogena parvato viśiṣyate" iti. tathā hraprāpya nadīṃ parvata ityukte parayā nadyā parvatasya yo yogastadviśiṣṭaḥ parvataḥ pratīyate. "avaraparvatayogena nadī viśiṣyate" ivi. yasmādatikramya parvataṃ nadītyukte'vareṇa parvatena nadyā ca yo yogastadviśiṣṭa nadī vijñāyate॥

parāvara. aprāpyeti. dakṣiṇadeśasthānāṃ gaṅgāmaprāpya vindhyaḥ. gaṅgāprāptavirahaviśiṣṭadeśastho vindhya ityarthaḥ. atra vindhyātparā gaṅgeti gamyate. atikramyeti. dakṣiṇadeśasthānāmevāyamapi prayogaḥ. atra hi gaṅgāyāḥ pūrvo vindhya iti gamyate. iha trisūtryāṃ ktvāpratyayasya bhāvamātrārthatve'pi viśeṣaṇaviśeṣyasaṃsargā bhidyanta iti nāsti vaiyathryamiti dik.

parāvarayoge ca 1588, 3.4.20 parāvara. aprāpyeti. dakṣiṇadeśasthānāṃ gaṅgāmaprāpya vindhyaḥ. gaṅgāprāptavirahaviśiṣṭadeśastho vindhya ityarthaḥ. atra vindhyātparā gaṅgeti gamyate. atikramyeti. dakṣiṇadeśasthānāmevāyamapi prayogaḥ. atra hi gaṅgāyāḥ pūrvo vindhya iti gamyate. iha trisūtryāṃ ktvāpratyayasya bhāvamātrārthatve'pi viśeṣaṇaviśeṣyasaṃsargā bhidyanta iti nāsti vaiyathryamiti dik.