Kāśikāvṛttī1:
chandasi ityeva. kṛtyānām artho bhāvakarmaṇī. tasmin kṛtyārthe chandasi viṣaye t
See More
chandasi ityeva. kṛtyānām artho bhāvakarmaṇī. tasmin kṛtyārthe chandasi viṣaye tavai
ken kenya tvanityete pratyayā bhavanti. tavai anvetavai. anvetavyam. paridhātavai.
paridhātavyam. paristaritavai. paristaritavyam. ken nāvagāhe. nāvagāhitavyam. kenya
didṛkṣeṇyaḥ. śuśrūṣeṇyaḥ. didṛkṣitavyam. śuśrūṣitavyam. tvan kartvaṃ haviḥ.
kartavyam. tumarthe chandasi iti sayādisūtre 'pi tavai vihitaḥ, tasya tumarthādanyatra
kārake vidhir draṣtavyaḥ.
Kāśikāvṛttī2:
kṛtyārthe tavaikenkenyatvanaḥ 3.4.14 chandasi ityeva. kṛtyānām artho bhāvakarma
See More
kṛtyārthe tavaikenkenyatvanaḥ 3.4.14 chandasi ityeva. kṛtyānām artho bhāvakarmaṇī. tasmin kṛtyārthe chandasi viṣaye tavai ken kenya tvanityete pratyayā bhavanti. tavai anvetavai. anvetavyam. paridhātavai. paridhātavyam. paristaritavai. paristaritavyam. ken nāvagāhe. nāvagāhitavyam. kenya didṛkṣeṇyaḥ. śuśrūṣeṇyaḥ. didṛkṣitavyam. śuśrūṣitavyam. tvan kartvaṃ haviḥ. kartavyam. tumarthe chandasi iti sayādisūtre 'pi tavai vihitaḥ, tasya tumarthādanyatra kārake vidhir draṣtavyaḥ.
Nyāsa2:
kṛtyārthe tavaikenkenyatvanaḥ. , 3.4.14 "kṛtyānāmartho bhāvakarmaṇī" i
See More
kṛtyārthe tavaikenkenyatvanaḥ. , 3.4.14 "kṛtyānāmartho bhāvakarmaṇī" iti. "tayoreva kṛtyaktakhalarthāḥ" 3.4.70 itibhāvakarmaṇoḥ kṛtyānāṃ vidhānāt. "antetavai" iti. anupūrvādiṇastavai. "paridhātavai" iti. paripūrvāddadhāteḥ. "paristaritavai" iti. paripūrvādeva "stṛñ ācchādane" (dhā.pā.1252) ityasmāt. "avagāhe" iti. "gāhu viloḍane" (dhā.pā.649) akpūrvaḥ. "didṛkṣeṇyaḥ" iti. "dṛśaḥ san, dvirvacanam, urattvam, raparatvam, "sanyataḥ" 7.4.79 itīttvam, "halantācca" 1.2.10 iti guṇābhāvaḥ, vraścādisūtreṇa 8.2.36 ṣatvam,"ṣaḍhoḥ kaḥ si" 8.2.41 iti katvam, didṛkṣa iti sthite kenyapratyayaḥ, "ato lopaḥ" 6.4.48. "śuśrūṣeṇyaḥ" iti. śṛṇoteḥ san, "ajjhanagamāṃ sani" 6.4.16 iti dīrghaḥ, dvirvacanamabhyāsakāryam, śuśrūṣa iti sthite kenyapratyayaḥ. "kattrvam" iti. karotestvam. "sayādisūtre'pi tavai vihitaḥ" iti. sayādīnāṃ sūtraṃ sayādisūtram, yena sayādayo vihitāstatatrāpi tavaipratyayo vihitaḥ. "tasya tumarthāt" ityādi. yadi tu tasya tumartha eva bhāve vidhiḥ syāt tasyānarthakyaṃ syāt; anenaiva siddhatvāt. tasmādyadyapi tatra tumartha ityucyate, tathāpi tato'nyatra karmakārake kartrādau tavaipratyayavidhānaṃ veditavyam॥
1.Source: Arsha Vidya Gurukulam
2.Source: Sanskrit Documents