dhātvarthe dhātuśabdaḥ. dhātvarthānāṃ sambandho dhātusambandhaḥ viśeṣaṇaviśeṣyabhāvaḥ. tasmin sati ayathākāloktā api pratyayāḥ sādhavo bhavanti. agniṣṭomayājyasaya putro janitā. kṛtaḥ kaṭaḥ śvo bhavitā. bhāvi kṛtyam āsīt. agniṣṭomayājī iti bhūtakālaḥ, janitā iti bhaviṣyatkālaḥ. tatra bhūtaḥ kālaḥ bhaviṣyatkālena abhisambadhyamānaḥ sādhur bhavati. viśeṣaṇaṃ guṇatvād viśeṣyakālam anurudhyate, tena viparyayo na bhavati. pratyayādhikāre punaḥ pratyayagrahaṇam adhātvadhikāravihitā api pratyayāḥ taddhitā dhātusambandhe sati kālabhede sādhavo yathā syuḥ iti. gomānāsīt. gomān bhavitā. gāvo vidyante 'sya iti vartamānavihito matup, āsīt bhavitā iti sambandhādtīte bhaviṣyati ca sādhur bhavati.

dhātusambandhe pratyayāḥ 3.4.1 dhātvarthe dhātuśabdaḥ. dhātvarthānāṃ sambandho dhātusambandhaḥ viśeṣaṇaviśeṣyabhāvaḥ. tasmin sati ayathākāloktā api pratyayāḥ sādhavo bhavanti. agniṣṭomayājyasaya putro janitā. kṛtaḥ kaṭaḥ śvo bhavitā. bhāvi kṛtyam āsīt. agniṣṭomayājī iti bhūtakālaḥ, janitā iti bhaviṣyatkālaḥ. tatra bhūtaḥ kālaḥ bhaviṣyatkālena abhisambadhyamānaḥ sādhur bhavati. viśeṣaṇaṃ guṇatvād viśeṣyakālam anurudhyate, tena viparyayo na bhavati. pratyayādhikāre punaḥ pratyayagrahaṇam adhātvadhikāravihitā api pratyayāḥ taddhitā dhātusambandhe sati kālabhede sādhavo yathā syuḥ iti. gomānāsīt. gomān bhavitā. gāvo vidyante 'sya iti vartamānavihito matup, āsīt bhavitā iti sambandhādtīte bhaviṣyati ca sādhur bhavati.

dhātusambandhe pratyayāḥ. , 3.4.1 "dhātvarthe dhātuśabdaḥ" iti. abhidheye'bhidhānopacāraṃ kṛtvā dhātvartho'tra dhātuśabdena nirddiṣṭa iti darśayati. bhvādiṣvevāyaṃ dhātuśabdo vatrtate, svārthe guṇībhūtasya dhātuśabdasya śabdāntareṇa sambandho na syāt; tasmāddhātvartha evāyaṃ dhātuśabdo vatrtate, na bhvādiṣu. tataśca dhātusambandha ityasya dhātvarthasambandha ityeṣo'rtho vijñāyata ityāha-- "dhātvarthānāṃ sambandho dhātusambandhaḥ" iti. kathaṃ punaḥ sambandha ityāha-- "viśeṣaṇaviśeṣyabhāvaḥ" iti. "ayathākāloktā api" ityādi. yo yasyātmīyaḥ kālo yathākālam. "yathā'sādṛśye"2.1.7 iti vīpsāyāmavyayībhāvaḥ, yathākāle uktā yathākāloktāḥ, "saptamī"2.1.39 iti yogavibhāgāt samāsaḥ,na yathākāloktāḥ = ayathākāloktāḥ. etaduktaṃ bhavati-- svaiḥ svairvidhāyakairvākyairyatra yasmin yasmin kāle ye ye vihitāstato'nyatrakāle'pi prayuktāḥ pratyayāḥ sādhavo bhavantīti. "agniṣṭomayājī" ityādīnyudāharaṇāni darśayati. sarvatra tiṅantadācyo'rtho viśeṣyaḥ, subantavācyastu viśeṣaṇam. "agniṣṭomayājīti bhūtakālaḥ" iti. bhūtaḥ kālo'syeti bahuvrīhiḥ. bhūtakālatvaṃtu bhūtādhikāre "karaṇe yajaḥ"3.2.85 iti ṇinervidha#ānāt. "janiteti bhaviṣyatkālaḥ" iti. bhaviṣyan kālo'syeti bahuvrīhireva. bhaviṣyatkālatvaṃ tu bhaviṣyadanadyatane lṛṭo vidhānāt. "tatra"iti. nirdhāraṇe saptamī. tayorbhūtakālabhaviṣyatkālayormadhye yo bhūtakālaḥ sa bhaviṣyatkālena sambadhyamānaḥ sādhurbhavati. agniṣṭomayājīti bhūtakālo janiteti bhaviṣyatkālenāpi sambadhyamāno bhaviṣyatkāla eva sampadyate. dvitīye'pyudāharaṇe "kṛtaḥ" iti bhūtakālaḥ; bhūte niṣṭhāvidhānāt. "bhavitā" iti bhaviṣyatkālaḥ pūrvavadeva. tatra bhūtakāla itareṇāpi sambadhyamānaḥ sādhurbhavati. tṛtīye'pi "bhāvī"iti bhaviṣyatkālaḥ; "bhaviṣyati gamyādayaḥ"3.3.3 iti vacanāt. "āsīt" iti bhūtakālaḥ; bhūtānadyatane laṅo vidhānāt. tatra bhaviṣyatkālo bhūtakālenāpi sambadhyamānaḥ sādhurbhavati. ihāgniṣṭomayājyasya putro janiteti bhūtakālo bhaviṣyatkālenāpi sambadhyamāno bhaviṣyatkālaḥ sampadyate. tathā hrayamatrārthaḥ pratīyate-- so'syaputro janitā yo'gniṣṭomena yaṣṭeti. na ca bhaviṣyatkālo bhūtakālenābhisambadhyamāno bhūtakālatāṃ pratipadyate, na hratrāyamarthaḥ pratīyate-- so'sya putro jāto yo'gniṣṭomeneṣṭavāniti. itarayorapyudāharaṇayorviśeṣaṇaṃ viśeṣyakālatāmāpadyate, yatastatrāyamartho'vagamyate-- sa ()āo bhavitā kaṭo yaḥ kariṣyate, tat kṛtyamāsīd yadabhūtamiti. tadetatkathaṃ bhavati? viparyayaḥ kasmānna bhavati? ityāha-- "viśeṣaṇamityādi. viśeṣaṇaṃ hi parārthatvād()guṇo'pradhānamityarthaḥ. tena ca pradhānakālasya viśeṣyasyopakāraḥ katrtavyaḥ. na ca tat pradhānamaparityajya svakālaṃ pradhānakālamapratipadyamānaṃ pradhānopakārakriyāṃ karttuṃ samartha bhavatīti pradhānasya yaḥ kālastamurudhyate. viśeṣyaṃ tūpakāryatvātpradhānam.na ca pradhānasya guṇakālāpattiryuktā, anyathā yadiguṇakālaṃ pradhānakālaḥ pratipadyeta tadā tasya pradhānatvaṃ hīyeta. tena na bhavati viparyayaḥ. atha pratyayagrahaṇaṃ kimartham, yāvatā pratyaya ityanuvatrtata ityata āha-- "pratyayādhikāre"ityādi. pūrvakaṃ pratyayagrahaṇaṃ dhātusambaddham, atastadihāśrīyamāṇaṃ dhātvadhikāravihitānāṃ pratyayānāṃ sādhutve sampadyate. atra punaḥ pratyayagrahaṇe pratyayamātraṃ gṛhrate, tadarthaṃ punaḥ pratyayagrahaṇam. "kālabhede" iti. kālaviśeṣe,asmātkālādanyasmin kāla ityarthaḥ. "gomānāsītiti. gomāniti vatrtamānakālaḥ, "tadasya"5.2.93 ityādinā vatrtamānakālamastītyupādāya matupo vidhānāt. sa bhūtabhaviṣyatkālābhyāṃ sambadhyamānaḥ sādhurbhavati॥

dhātusambandhe. dhātuśabdena dhātvartho lakṣyate. dhātvoḥ saṃbandha iti vigrahaḥ, saṃbandhasya dviniṣṭhatvāt. tathā ca dhātvarthayoḥ saṃbandhe sati paratyayāḥ syuriti labdham. kasminnarthe ityākāṅkṣāyāṃ kāle iti gamyate, `vartamāne la' ḍityārabhya tattatkālaviśeṣeṣveva pratyayavidhidarśanāt. tatra tattadvidhibhireva tattatkālaviśeṣe pratyayasiddhestato'nyasminkāle iti gamyate. tadāha– dhātvarthānāmityādinā. dhātvarthayorityarthaḥ. udāharaṇabahutvābhiprāyaṃ bahuvacanam. `vartamānasāmīpye vartamānavadve'tyādisūtre yatra kāle ye pratyayā uktāste dhātvarthayoḥ sambandhe gamye tato'nyaminnapi kāle syuriti yāvat. tathā ca `vasan dadarśe' ityatra laḍādeśaḥ śatṛpratyayo bhūtakāle itisiddhaṃ bhavati. nanu `vasan dadarśe'tyatra bhūte laḍiva vartamāne liḍitaypi syādityata āha– tiṅanteti. `vasan dadarśe' tyādau taṅantavācyā darśanādikriyā pradhānam. vāsādikriyā tu darśanādikriyārthatvādguṇabhūtā. ataḥ pradhānabhūtadarśanādikriyānusāreṇa guṇabhūtavāsādikriyāvācibhya eva iha pratyayāḥ kālāntareṣu vidhīyanta ityarthaḥ. bhūte laḍiti. evaṃ ca uṣitvā dadarśetyartha-. tadāha- - atīteti. ata#īti vāse kartā yasyeti vigrahaḥ. `saptamīviśeṣaṇe bahuvrīhau' iti jñāpakādvyadhikaṇapado bahuvrīhiḥ. udāharaṇāntaramāha– somayājīti. somena iṣṭavānyaḥ sa somayājī. karaṇe yajaḥ' iti bhūte vihito ṇiniḥ, iha bhavitetyanadyatanabhaviṣyallahantapradhānakriyānusāreṇa anadyatanabhaviṣyati bodhyaḥ. tadāha- - somena yakṣyamāṇa iti. bhavanamiti. utpattarityarthaḥ. `gomānāsī'dityapyudāhāryam. atra gaurasyāstīti astikriyāyāṃ vartamānāyāṃ vartamānāyāṃ `tadasyāstī'ti vihito matup gaurasyāsīditi bhūtāyāmastikriyāyāṃ bhavati, dhātvarthadvayasaṃbandhasya sattvāt. etena arthadvārake dhātvoḥ saṃbandhe ityapi vyākhyānaṃ parāstam. tathā sati parasparasaṃbandhārthabodhakadhātudvayaproge pratyayā ityarthalābhādgomānāsīdityatra matubanāpatteḥ. nahi dhātvoriha prayogo'sti. dhātvarthayoḥ sambandhe ityarthābhyupagame tu gomānāsīdityatra dhātudvayaprayogābhāve'pi dhātvarthadvyasya sattvādāsīdityarthe matubnirbādha ityanyatra vistaraḥ.

dhātusambandhe pratyayāḥ 646, 3.4.1 dhātusambandhe. dhātuśabdena dhātvartho lakṣyate. dhātvoḥ saṃbandha iti vigrahaḥ, saṃbandhasya dviniṣṭhatvāt. tathā ca dhātvarthayoḥ saṃbandhe sati paratyayāḥ syuriti labdham. kasminnarthe ityākāṅkṣāyāṃ kāle iti gamyate, "vartamāne la" ḍityārabhya tattatkālaviśeṣeṣveva pratyayavidhidarśanāt. tatra tattadvidhibhireva tattatkālaviśeṣe pratyayasiddhestato'nyasminkāle iti gamyate. tadāha-- dhātvarthānāmityādinā. dhātvarthayorityarthaḥ. udāharaṇabahutvābhiprāyaṃ bahuvacanam. "vartamānasāmīpye vartamānavadve"tyādisūtre yatra kāle ye pratyayā uktāste dhātvarthayoḥ sambandhe gamye tato'nyaminnapi kāle syuriti yāvat. tathā ca "vasan dadarśe" ityatra laḍādeśaḥ śatṛpratyayo bhūtakāle itisiddhaṃ bhavati. nanu "vasan dadarśe"tyatra bhūte laḍiva vartamāne liḍitaypi syādityata āha-- tiṅanteti. "vasan dadarśe" tyādau taṅantavācyā darśanādikriyā pradhānam. vāsādikriyā tu darśanādikriyārthatvādguṇabhūtā. ataḥ pradhānabhūtadarśanādikriyānusāreṇa guṇabhūtavāsādikriyāvācibhya eva iha pratyayāḥ kālāntareṣu vidhīyanta ityarthaḥ. bhūte laḍiti. evaṃ ca uṣitvā dadarśetyartha-. tadāha-- atīteti. ata#īti vāse kartā yasyeti vigrahaḥ. "saptamīviśeṣaṇe bahuvrīhau" iti jñāpakādvyadhikaṇapado bahuvrīhiḥ. udāharaṇāntaramāha-- somayājīti. somena iṣṭavānyaḥ sa somayājī. karaṇe yajaḥ" iti bhūte vihito ṇiniḥ, iha bhavitetyanadyatanabhaviṣyallahantapradhānakriyānusāreṇa anadyatanabhaviṣyati bodhyaḥ. tadāha-- somena yakṣyamāṇa iti. bhavanamiti. utpattarityarthaḥ. "gomānāsī"dityapyudāhāryam. atra gaurasyāstīti astikriyāyāṃ vartamānāyāṃ vartamānāyāṃ "tadasyāstī"ti vihito matup gaurasyāsīditi bhūtāyāmastikriyāyāṃ bhavati, dhātvarthadvayasaṃbandhasya sattvāt. etena arthadvārake dhātvoḥ saṃbandhe ityapi vyākhyānaṃ parāstam. tathā sati parasparasaṃbandhārthabodhakadhātudvayaproge pratyayā ityarthalābhādgomānāsīdityatra matubanāpatteḥ. nahi dhātvoriha prayogo'sti. dhātvarthayoḥ sambandhe ityarthābhyupagame tu gomānāsīdityatra dhātudvayaprayogābhāve'pi dhātvarthadvyasya sattvādāsīdityarthe matubnirbādha ityanyatra vistaraḥ.

dhātusaṃbandhe. iha dhātvorviśeṣaṇaviśeṣyabhāvādisaṃbandho'nupapannaḥ , svārthasmāraṇenopakṣīṇatvāt, padārthasaṃsargo vākyārthaḥ, kārakaviśiṣṭā kriyā ceti svīkārāt. `śabdānugamādṛte na śābdo'sti pratyaya' ityavaṣṭabhya śābdabodhe śabdo'pi bhāsata ityabhyupagame'pi śabdasya svarthaṃ pratyeva prakāratvaṃ na tu śabdāntaraṃ prati. tathā ca dhātusaṃbandho vākyena na budhyate iti tasya vākyārthatvā'saṃbhavāddhātuśabdena dhātvartho lakṣyate. nanu `dhātoḥ karmaṇaḥ samānakartṛkā'diti sanvidhau karmatvaṃ samānakartṛkatvaṃ ca dhātorarthadvārakaṃ viśeṣaṇamāśritaṃ tathehāpi dhātvorarthadvārakaḥ saṃbandho'stviti rakacet. maivam. tathā hi sati parasparasaṃbandhā'rthabodhakā'nekadhātuprayoga eva pratyayāḥ syustataśca gomānāsīt gomān bhavitetyādi na sidhyet. na hratra `vasan dadarśe' tyatra vartamānakālo vasiriva vartamānakālo'stiḥ prayujyate. na cā'prayujyamānasya dātvantareṇa saṃbandho'sti. arthayoḥ saṃbandhābhyupagame dhātudvayā'bhāve'pi dhātvarthadvayasya sattvādgomānāsīdityādau nā'nupapattiḥ. tadetadabhipretyāha— dhātvarthānāmiti. viṣayabahutvāpekṣaṃ bahuvacanam. ekaikaviṣayāpekṣāyāṃ ta#u dhātvarthayoriti bodhyam. etacca manoramānusāreṇa vyākhyātam. kecittu– dhātvorarthdavārakasaṃbandhe'bhyupagate `gomānāsīdbhavite'tyādi na sidhyediti manoramoktaṃ cintyameva. `tatkaroti tadācaṣṭe' ityakatreva `tadasyāstyasmi' nnitakyatrāpyekatvavartamānatvayoravivakṣitatvātprakṛtasūtrānapekṣayaiva tatsiddheḥ. na hratra matubbidhau `vartamāne la'ḍityādāviva kālaviśeṣaparigraho'stītyāhuḥ. tadbhāṣyakaiyaṭādyananuguṇam. tadhā hi bhāṣye– pratyaya ityanuvartamāne punaratra pratyayagrahaṇaṃ kimarthamityākṣipya adhātupratyayānāmapi saṃbandhe sādhutvaṃ yathā syāt, gomānāsīt bhavitā veti samāhitam. kaiyaṭena tu- - `tadasyāstyasminniti matup pratyayovartamānasattāviśiṣṭaprakṛtyarthayukto vihita' ityuktam. tathā ca matubvidhāvastītyatra ekatvasyā'vivakṣatatve'pi vartamānatvaṃ vivakṣitamiti tadgranthabalādavagamyate. kiṃ ca `daṇḍinamānaye' tyukte vartamānasattāviśiṣṭadaṇḍayukta evānīyate nā'nyaḥ. tathā ca `āsīt' `bhavite' ti tiṅantapadānurodena `gomā'nityatra gāvo'syāsan gāvo'sya bhavitāra ityatītānāgatasattāviśiṣṭaprakṛtyarthayukto matuppratyayaḥ prakṛtasūtreṇaiva va#idhīyate na tu taduktarītyā labhyata iti dik. nanu tattadvidhivākyaireva svaviṣaye pratyayāḥ siddhāḥ kimanena sūtreṇetyata āha– atra kāla iti. `vartamānasāmīpye' ityārabhya kālā'nyatvaṃ prāyeṇa pratipādyate tadeva ceha gṛhrata iti bhāvaḥ. `vanāni paśyan yayā' vityādau vartamānabhūtakālādipratyayeṣu ko vā svakālātpracyuto bhavatītyākaṅkṣāyāmāha–tiṅantavācyeti. pradhānānurodhena guṇasya nayanamucitaṃ na tu viparītamiti bhāvaḥ. pratyayā iti. kālāntarabhājo bhavanantītyarthaḥ. bhūte laḍiti. evaṃ coṣitvā dadarśetrthaḥ. atīteti. atītavāsakartā kartā yasya darśanasyeti bahuvrīhiḥ. somayājīti. `karaṇe yajaḥ' iti bhaviṣyati ṇiniḥ. ata evāha– somena yakṣyamāṇa iti. evaṃ ca `paśyan yayā' vityatra dṛśerbhūte laṭ. dṛṣṭvā yayāvityarthaḥ. `nivedayiṣyato mano na vivyathe' ityatra tu vedaterbhūte lṛṭ. tasya `lṛṭaḥ sadvāṭa iti śatṛpratyayaḥ. nivedanaṃ kṛtavata ityartha ityādyūhram.syādetat `bhāvi kṛtyamāsī'dityatra sūtrarītyā `bhāvi'śabdasya bhūtakālatve svīkṛte satyatītaṃ bhavanamityarthādāsīcchabdasyāpyekartṛkamatītaṃ bhavanamitayarthādbhāvyāsīcchabdayoryugapatprayogo na syāt, bhāviśabdārthasya āsīcchabdenaiva lābhāt. tataścaitāvantaṃ kālaṃ bhāvitayā vyavahmataṃ tadidānīmāsīdityartho'trāvaśyaṃ svīkartavyaḥ. svīkṛte tu `gomānāsī'dityatrāpi gomāniti vyavahāraviṣaya āsīdityartho'stu. `vasan dadarśe' ityādau bhūte lakṣaṇayā yathāyathaṃ laḍādiḥ svīkartavyaḥ. `somayājī' tyatra tu bhūta eva ṇinipratyaye jāte'pi bhaviteti luḍantasamabhivyāhāre sati somayājīti vyavahariṣyamāṇa ityadhyāhāreṇa,ṇinerbhaviṣyadarthe lakṣamayā vā prayogo bhavediti kimanena sūtreṇeti cet. atrāhuḥ– adhyāhāralakṣaṇāprayuktakleśaṃ vinaiva prāyaśo nirvāhārthaḥ sūtrārambhaḥ. na hi `bhāvi kṛtyamāsī'dityādau kvacidadhyāhārādikamagatyā bhavatīti sarvatra tatsvīkartumucitamiti.

dhātusaṃbandhe pratyayāḥ 537, 3.4.1 dhātusaṃbandhe. iha dhātvorviśeṣaṇaviśeṣyabhāvādisaṃbandho'nupapannaḥ , svārthasmāraṇenopakṣīṇatvāt, padārthasaṃsargo vākyārthaḥ, kārakaviśiṣṭā kriyā ceti svīkārāt. "śabdānugamādṛte na śābdo'sti pratyaya" ityavaṣṭabhya śābdabodhe śabdo'pi bhāsata ityabhyupagame'pi śabdasya svarthaṃ pratyeva prakāratvaṃ na tu śabdāntaraṃ prati. tathā ca dhātusaṃbandho vākyena na budhyate iti tasya vākyārthatvā'saṃbhavāddhātuśabdena dhātvartho lakṣyate. nanu "dhātoḥ karmaṇaḥ samānakartṛkā"diti sanvidhau karmatvaṃ samānakartṛkatvaṃ ca dhātorarthadvārakaṃ viśeṣaṇamāśritaṃ tathehāpi dhātvorarthadvārakaḥ saṃbandho'stviti rakacet. maivam. tathā hi sati parasparasaṃbandhā'rthabodhakā'nekadhātuprayoga eva pratyayāḥ syustataśca gomānāsīt gomān bhavitetyādi na sidhyet. na hratra "vasan dadarśe" tyatra vartamānakālo vasiriva vartamānakālo'stiḥ prayujyate. na cā'prayujyamānasya dātvantareṇa saṃbandho'sti. arthayoḥ saṃbandhābhyupagame dhātudvayā'bhāve'pi dhātvarthadvayasya sattvādgomānāsīdityādau nā'nupapattiḥ. tadetadabhipretyāha--- dhātvarthānāmiti. viṣayabahutvāpekṣaṃ bahuvacanam. ekaikaviṣayāpekṣāyāṃ ta#u dhātvarthayoriti bodhyam. etacca manoramānusāreṇa vyākhyātam. kecittu-- dhātvorarthdavārakasaṃbandhe'bhyupagate "gomānāsīdbhavite"tyādi na sidhyediti manoramoktaṃ cintyameva. "tatkaroti tadācaṣṭe" ityakatreva "tadasyāstyasmi" nnitakyatrāpyekatvavartamānatvayoravivakṣitatvātprakṛtasūtrānapekṣayaiva tatsiddheḥ. na hratra matubbidhau "vartamāne la"ḍityādāviva kālaviśeṣaparigraho'stītyāhuḥ. tadbhāṣyakaiyaṭādyananuguṇam. tadhā hi bhāṣye-- pratyaya ityanuvartamāne punaratra pratyayagrahaṇaṃ kimarthamityākṣipya adhātupratyayānāmapi saṃbandhe sādhutvaṃ yathā syāt, gomānāsīt bhavitā veti samāhitam. kaiyaṭena tu-- "tadasyāstyasminniti matup pratyayovartamānasattāviśiṣṭaprakṛtyarthayukto vihita" ityuktam. tathā ca matubvidhāvastītyatra ekatvasyā'vivakṣatatve'pi vartamānatvaṃ vivakṣitamiti tadgranthabalādavagamyate. kiṃ ca "daṇḍinamānaye" tyukte vartamānasattāviśiṣṭadaṇḍayukta evānīyate nā'nyaḥ. tathā ca "āsīt" "bhavite" ti tiṅantapadānurodena "gomā"nityatra gāvo'syāsan gāvo'sya bhavitāra ityatītānāgatasattāviśiṣṭaprakṛtyarthayukto matuppratyayaḥ prakṛtasūtreṇaiva va#idhīyate na tu taduktarītyā labhyata iti dik. nanu tattadvidhivākyaireva svaviṣaye pratyayāḥ siddhāḥ kimanena sūtreṇetyata āha-- atra kāla iti. "vartamānasāmīpye" ityārabhya kālā'nyatvaṃ prāyeṇa pratipādyate tadeva ceha gṛhrata iti bhāvaḥ. "vanāni paśyan yayā" vityādau vartamānabhūtakālādipratyayeṣu ko vā svakālātpracyuto bhavatītyākaṅkṣāyāmāha--tiṅantavācyeti. pradhānānurodhena guṇasya nayanamucitaṃ na tu viparītamiti bhāvaḥ. pratyayā iti. kālāntarabhājo bhavanantītyarthaḥ. bhūte laḍiti. evaṃ coṣitvā dadarśetrthaḥ. atīteti. atītavāsakartā kartā yasya darśanasyeti bahuvrīhiḥ. somayājīti. "karaṇe yajaḥ" iti bhaviṣyati ṇiniḥ. ata evāha-- somena yakṣyamāṇa iti. evaṃ ca "paśyan yayā" vityatra dṛśerbhūte laṭ. dṛṣṭvā yayāvityarthaḥ. "nivedayiṣyato mano na vivyathe" ityatra tu vedaterbhūte lṛṭ. tasya "lṛṭaḥ sadvāṭa iti śatṛpratyayaḥ. nivedanaṃ kṛtavata ityartha ityādyūhram.syādetat "bhāvi kṛtyamāsī"dityatra sūtrarītyā "bhāvi"śabdasya bhūtakālatve svīkṛte satyatītaṃ bhavanamityarthādāsīcchabdasyāpyekartṛkamatītaṃ bhavanamitayarthādbhāvyāsīcchabdayoryugapatprayogo na syāt, bhāviśabdārthasya āsīcchabdenaiva lābhāt. tataścaitāvantaṃ kālaṃ bhāvitayā vyavahmataṃ tadidānīmāsīdityartho'trāvaśyaṃ svīkartavyaḥ. svīkṛte tu "gomānāsī"dityatrāpi gomāniti vyavahāraviṣaya āsīdityartho'stu. "vasan dadarśe" ityādau bhūte lakṣaṇayā yathāyathaṃ laḍādiḥ svīkartavyaḥ. "somayājī" tyatra tu bhūta eva ṇinipratyaye jāte'pi bhaviteti luḍantasamabhivyāhāre sati somayājīti vyavahariṣyamāṇa ityadhyāhāreṇa,ṇinerbhaviṣyadarthe lakṣamayā vā prayogo bhavediti kimanena sūtreṇeti cet. atrāhuḥ-- adhyāhāralakṣaṇāprayuktakleśaṃ vinaiva prāyaśo nirvāhārthaḥ sūtrārambhaḥ. na hi "bhāvi kṛtyamāsī"dityādau kvacidadhyāhārādikamagatyā bhavatīti sarvatra tatsvīkartumucitamiti.