bhāve 'nupasargasya iti vartate. hanter dhātoḥ anupasarge bhāve ap pratyayo bhavati, tatsaṃniyogena ca bhadhādeśaḥ, sa cāntodāttaḥ. tatra udāttanivṛ\u0304ttisvareṇa apa udāttatvaṃ bhavati. vadhaścorāṇām. vadho dasyūnām. bhāve ityeva, ghātaḥ. anupasargasya ityeva, praghātaḥ, vighātaḥ. cakāro bhinnakramatvān nādeśena sambadhyate. kiṃ tarthi? prakṛtena pratyayena. ap ca, yaśca aparaḥ prāpnoti. tena ghañapi bhavati. ghāto vartate.

hanaś ca vadhaḥ 3.3.76 bhāve 'nupasargasya iti vartate. hanter dhātoḥ anupasarge bhāve ap pratyayo bhavati, tatsaṃniyogena ca bhadhādeśaḥ, sa cāntodāttaḥ. tatra udāttanivṝttisvareṇa apa udāttatvaṃ bhavati. vadhaścorāṇām. vadho dasyūnām. bhāve ityeva, ghātaḥ. anupasargasya ityeva, praghātaḥ, vighātaḥ. cakāro bhinnakramatvān nādeśena sambadhyate. kiṃ tarthi? prakṛtena pratyayena. ap ca, yaśca aparaḥ prāpnoti. tena ghañapi bhavati. ghāto vartate.

hanaśca vadhaḥ. , 3.3.76 "sa cāntodāttaḥ" iti. sūtre vadhaśabdasyāntodāttasyoccāraṇāt. "tatra "ityādinā'ntodātte vadhādeśe yadiṣṭaṃ sidhyati taddarśayati. api kṛte "ato lopaḥ" 6.4.48 ityakāralope ca "anudāttasya ca yatrodāttalopaḥ"6.1.155 ityapa udāttatvaṃ bhavati. "dhātaḥ" iti. karmādau kārake ghañ,"hanasto'ṭiṇṇaloḥ" 7.3.32 iti tatvam; "ho hanteḥ" 7.3.54 ityādinā kutvam. "cakāro bhinnakramatvāt" ityādi. cakāro nādeśena sambadhyata iti sambandhaḥ.kasmānna sambadhyate? bhinnakramatvāt. yadi "hano vadhaśca" ityeṣa cakārasya kramaḥ; ādeśānantaramanuccāraṇāt.tasmāt bhinnakramatvāt kramabhedānnādeśena sambadhyate.api tu prakṛtena pratyayena. evañca prakṛtena sambandhaṃ darśayitumāha-- "ap ca" ityādi. ap pratyayo bhavati, cakārāvṛtteryaḥ prāpnoti sa ca. tena ghañapi bhavati॥

hanaśca vadhaḥ 1550, 3.3.76 hanaśca vadhaḥ. antodātta iti. sūtre vadhaśabdo'ntodāttatayoccārita iti bhāvaoḥ.