1/14:yāvatpurādiṣu laḍvidhiḥ luṭaḥ pūrvavipratiṣiddham | yāvatpurādiṣu laḍvidhiḥ bhavati luṭaḥ pūrvavipratiṣedhena |*
2/14:yāvatpurānipātayoḥ laṭ bhavati iti asya avakāśaḥ |
3/14:yāvat bhuṅkte |
4/14:purā bhuṅkte |
5/14:luṭaḥ avakāśaḥ |
6/14:śvaḥ kartā |
7/14:śvaḥ adhyetā |
8/14:iha ubhayam prāpnoti |
9/14:yāvat śvaḥ bhuṅkte |
10/14:purā śvaḥ bhuṅkte |
11/14:laṭ bhavati vipratiṣedhena |
12/14:saḥ tarhi pūrvavipratiṣedhaḥ vaktavyaḥ |
13/14:na vaktavyaḥ |
14/14:anadyatane luṭ iti atra yāvatpurānipātayoḥ laṭ iti anuvartiṣyate |

bhaviṣyati ityeva. yāvatpurāśabdayor nipātayorupapadayoḥ bhaviṣyati kāle dhātor laṭ pratyayo bhavati. yāvad bhuṅkte. purā bhuṅkte. nipātayoḥ iti kim? yāvad dāsyati tāvad bhokṣyate. karaṇabhūtayā purā vrajiṣyati.

yāvatpurānipātayor laṭ 3.3.4 bhaviṣyati ityeva. yāvatpurāśabdayor nipātayorupapadayoḥ bhaviṣyati kāle dhātor laṭ pratyayo bhavati. yāvad bhuṅkte. purā bhuṅkte. nipātayoḥ iti kim? yāvad dāsyati tāvad bhokṣyate. karaṇabhūtayā purā vrajiṣyati.

yāvatpurinipātayorlaṭ. , 3.3.4 "yāvadbhūṅkte" iti. "bhujo'navane" 1.3.66 ityatmanepadam. "śnasorallopaḥ" 6.4.111 tyakāralopaḥ. "yāvaddāsyati tāvadbhokṣyate" iti. yatparimāṇamsaya, tat parimāṇamasyeti "yattadetebhyaḥ parimāṇe vatup" 5.2.39 "dṛgdṛśavatuṣu" 6.3.88 ityanuvatrtamāne "ā sarvanāmnaḥ" 6.3.90 ityāttvam. "purā vrajiṣyati"iti. "pṛ pālanapūraṇayoḥ" (dhā.pā.1489). "bhrājabhāsa" 3.2.177 ityādinā kvip, "udoṣṭha()pūrvasya" 7.1.102 ityuttvam, karaṇe tṛtīyaikavacanam. nanu cāvyutpannāveva yāvatpurāśabdau nipātau, to ca vyutpāditau, to ca vyutpāditau, tatra lakṣaṇapratipadoktaparibhāṣayaiva (vyā.pa.3) tayornipātayogrrahaṇaṃ bhaviṣyati, tatkimarthaṃ nipātagrahaṇam? mandabuddhīnāṃ pratipattigauravaparihārthamityeke. asyāḥ paribhāṣāyā anityatvajñāpanārthamityapare. anityatvajñāpanasya tu prayojanamuttaratra vakṣyate॥

yāvatpurā. yāvat purā iti dve pade. anayoḥ prayujyamānayorlaṭ syādityarthaḥ. luḍāderapavādaḥ. niścayaṃ dyotayata iti. `yāvattāvacca sākalye'vadhau māne'vadhāraṇe'ityamaraḥ. yāvaddāsyate tāvadbhokṣyate iti. yatpariṇamāṇakaṃ tatparimāṇakamityarthaḥ. `yattadetebhyaḥ parimāṇe vatu'biti vatubantatvena nipātatvā'bhāvānna laḍiti bhāvaḥ. karaṇabhūtayeti. `purā yāsyatī'ti pratyudāharaṇāntaram. pur?śabdasya pureti tṛtīyāntamidam. tatsphoraṇāya karaṇabhūtayetyuktam.

yāvatpurānipātayorlaṭ 607, 3.3.4 yāvatpurā. yāvat purā iti dve pade. anayoḥ prayujyamānayorlaṭ syādityarthaḥ. luḍāderapavādaḥ. niścayaṃ dyotayata iti. "yāvattāvacca sākalye'vadhau māne'vadhāraṇe"ityamaraḥ. yāvaddāsyate tāvadbhokṣyate iti. yatpariṇamāṇakaṃ tatparimāṇakamityarthaḥ. "yattadetebhyaḥ parimāṇe vatu"biti vatubantatvena nipātatvā'bhāvānna laḍiti bhāvaḥ. karaṇabhūtayeti. "purā yāsyatī"ti pratyudāharaṇāntaram. pur()śabdasya pureti tṛtīyāntamidam. tatsphoraṇāya karaṇabhūtayetyuktam.

yāvatpurā. lakṣamapratipadoktaparibhāṣā'nityeti nipātagrahamena jñāpyate. yāvadbhuṅkta iti. niścitaṃ bhokṣyate ityarthaḥ. yāvaddāsyata iti.anadyatanabhaviṣyati tu `yāvaddātā tāvadbhokte'ti pratyudāhartavyam.

yāvatpurānipātayorlaṭ 498, 3.3.4 yāvatpurā. lakṣamapratipadoktaparibhāṣā'nityeti nipātagrahamena jñāpyate. yāvadbhuṅkta iti. niścitaṃ bhokṣyate ityarthaḥ. yāvaddāsyata iti.anadyatanabhaviṣyati tu "yāvaddātā tāvadbhokte"ti pratyudāhartavyam.