1/10:garhāyām laḍvidhānānarthakyam kriyāsamāptivivakṣitatvāt |*
2/10:garhāyām laḍvidhiḥ narthakaḥ |
3/10:kim kāraṇam |
4/10:kriyāsamāptivivakṣitatvāt |
5/10:kriyāyāḥ atra asamāptiḥ gamyate |
6/10:eṣaḥ ca nāma nyāyyaḥ vartamānaḥ kālaḥ yatra kriyā aparisamāptā bhavati |
7/10:tatra vartamāne laṭ iti eva siddham |
8/10:yadi vartamāne laṭ iti evam atra laṭ bhavati śatṛśānacau prāpnutaḥ |
9/10:iṣyete ca śatṛśānacau : api mām yājayantam paśya |
10/10:api mām yājayamānam paśya |

garhā kutsā ityanarthāntaram. garhāyāṃ gamyamānāyām apijātvoḥ upapadayoḥ dhātoḥ laṭ pratyayo bhavati. vartamane laṭuktaḥ kālasāmānye na prāpnoti iti vidhīyate. kālaviśeṣavihitāṃśca api pratyayānayaṃ paratvādasmin viṣaye vādhate. api tatrabhavān vṛṣalaṃ yājayati, jātu tatrabhavān vṛṣalaṃ yājayati, gargāmahe, aho anyāyyam etad. liṅnimittābhāvādiha kriyātipattau lṛṅ na bhavati.

garhāyāṃ laḍapijātvoḥ 3.3.142 garhā kutsā ityanarthāntaram. garhāyāṃ gamyamānāyām apijātvoḥ upapadayoḥ dhātoḥ laṭ pratyayo bhavati. vartamane laṭuktaḥ kālasāmānye na prāpnoti iti vidhīyate. kālaviśeṣavihitāṃśca api pratyayānayaṃ paratvādasmin viṣaye vādhate. api tatrabhavān vṛṣalaṃ yājayati, jātu tatrabhavān vṛṣalaṃ yājayati, gargāmahe, aho anyāyyam etad. liṅnimittābhāvādiha kriyātipattau lṛṅ na bhavati.

garhāyāṃ liḍapijātvoḥ. , 3.3.142 "kālasāmānye na prāpnoti" iti. etena bhaviṣyatītyādeḥ kālaviśeṣavācito'nuvṛtiṃ()ta sūcayannayaṃ kālasāmānye vidhiriti darśayati-- "kālaviśeṣavihitān" iti. bhūte kālaviśeṣe laṅaliṭau vihitau, bhaviṣyati luṅalṛṭau ca. tān sarvān kālasāmānye vidhīyamāno laṭ paratvādbādhate. "yājayati" iti. yajerhetumaṇṇyantāllaṭ. "liṅnimittābhāvāt" iti. hetuhetumadāderilaṅ()nimittabhāvādiha yadyapi kriyātipattirvivakṣyate, tathāpi lṛṅa na bhavati॥

garhāyām. api jātu anayodrvandvaḥ. atra `votāpyoriti bhūte liṅnimitte lṛṅ vā ityadhikāro na saṃbadhyate. laḍvidhānena tadviṣaye liṅ?nimittā'bhāvāt. kālatraye iti. vartamāne bhūte. bhaviṣyati cetyarthaḥ. bhaviṣyatīti nivṛttam. ataḥ kālasāmānye laḍiti bhāvaḥ. paratvāditi. anavakāśatvāccetyapi draṣṭavyam. `api jāyā'mityatra , `jātu gaṇikā'mityatra api- jātuśabdau nindādyotakau. tadāha- - garhitametaditi.

garhāyāṃ laḍapijātvoḥ 622, 3.3.142 garhāyām. api jātu anayodrvandvaḥ. atra "votāpyoriti bhūte liṅnimitte lṛṅ vā ityadhikāro na saṃbadhyate. laḍvidhānena tadviṣaye liṅ()nimittā'bhāvāt. kālatraye iti. vartamāne bhūte. bhaviṣyati cetyarthaḥ. bhaviṣyatīti nivṛttam. ataḥ kālasāmānye laḍiti bhāvaḥ. paratvāditi. anavakāśatvāccetyapi draṣṭavyam. "api jāyā"mityatra , "jātu gaṇikā"mityatra api- jātuśabdau nindādyotakau. tadāha-- garhitametaditi.

garhāyām. atra `votāpyo'ritina saṃbadhyate. vartamāne laḍuktaḥ tu na prāpnotīti vidhirayam. kālatraya iti. kālaviśeṣānupādānāditi bhāvaḥ. paratvāditi. niravakāśatvādityapi boddhyam. api jāyāmiti. tyakṣyasi atyākṣīrityādiviṣaye'pi `yo jāyāmapi tyajati jātu gaṇikāmādhatte' iti laḍeva kālatrayalakārāpavādatayā prayoktavyaḥ. liṅnimittā'bhāvādiha kriyātipattau lṛṅna bhavati. kālatraye lakārā iti. parokṣānadyatanabhūte liṭ–kathaṃ dharmaṃ tatyaktha. bhūtānadyatane lah–kathaṃ dharmamatyajaḥ. bhūtasāmānye luṅ–atyākṣīḥ. bhaviṣyatyanadyane luṭ–tyaktāsi. bhaviṣyatsāmānye lṛṭ–kathaṃ dharmaṃ taykṣyasītyādi. atreti. kriyātipattāviti jñeyam.

garhāyāṃ laḍapijātvoḥ 514, 3.3.142 garhāyām. atra "votāpyo"ritina saṃbadhyate. vartamāne laḍuktaḥ tu na prāpnotīti vidhirayam. kālatraya iti. kālaviśeṣānupādānāditi bhāvaḥ. paratvāditi. niravakāśatvādityapi boddhyam. api jāyāmiti. tyakṣyasi atyākṣīrityādiviṣaye'pi "yo jāyāmapi tyajati jātu gaṇikāmādhatte" iti laḍeva kālatrayalakārāpavādatayā prayoktavyaḥ. liṅnimittā'bhāvādiha kriyātipattau lṛṅna bhavati. kālatraye lakārā iti. parokṣānadyatanabhūte liṭ--kathaṃ dharmaṃ tatyaktha. bhūtānadyatane lah--kathaṃ dharmamatyajaḥ. bhūtasāmānye luṅ--atyākṣīḥ. bhaviṣyatyanadyane luṭ--tyaktāsi. bhaviṣyatsāmānye lṛṭ--kathaṃ dharmaṃ taykṣyasītyādi. atreti. kriyātipattāviti jñeyam.