1/27:lasya aprathamāsamānādhikaraṇena ayogāt adeśānupapattiḥ yathā anyatra |*
2/27:lasya aprathamāsamānādhikaraṇena ayogāt adeśayoḥ nupapattiḥ yathā anyatra |
3/27:tat yathā anyatra api lasya aprathamāsamānādhikaraṇena yogaḥ na bhavati |
4/27:kva anyatra |
5/27:laṅi |
6/27:apacat odanam devadattaḥ iti |
7/27:yogaḥ iti cet anyatra api yogaḥ syāt |*
8/27:atha matam etat bhavati yogaḥ iti anyatra api yogaḥ syāt |
9/27:kva anyatra |
10/27:laṅi |
11/27:apacat odanam devadattaḥ iti |
12/27:na kva cit yogaḥ iti kṛtvā ataḥ sarvatra yogena bhavitavyam kva cit ayogaḥ iti kṛtvā sarvatra ayogena |
13/27:tat yathā |
14/27:samānam īhamānānām ca adhīyānānām ca ke cit arthaiḥ yujyante apare na |
15/27:na ca idānīm kaḥ cit arthavān iti ataḥ sarvaiḥ arthavadbhiḥ śakyam bhavitum kaḥ cit anarthakaḥ iti sarvaiḥ anarthakaiḥ |
16/27:tatra kim asmābhiḥ śakyam kartum |
17/27:yat loṭaḥ aprathamāsamānādhikaraṇena yogaḥ bhavati laṅaḥ na svābhāvikam etat |
18/27:atha vā ādeśe sāmānādhikaraṇyam dṛṣṭvā anumānāt gantavyam prakṛteḥ api sāmānādhikaraṇyam bhavati iti |
19/27:tat yathā dhūmam dṛṣṭvā agniḥ atra iti gamyate triviṣṭabdhakam dṛṣṭvā parivrājakaḥ iti |
20/27:viṣamaḥ upanyāsaḥ |
21/27:pratyakṣaḥ tena agnidhūmayoḥ abhisambandhaḥ kṛtaḥ bhavati triviṣṭabdhakaparivrājakayoḥ ca |
22/27:saḥ tadvideśastham api dṛṣṭvā jānāti agniḥ atra parivrājakaḥ atra iti |
23/27:bhavati vai pratyakṣāt api anumānabalīyastvam |
24/27:tat yathā alātacakram pratyakṣam dṛśyate anumānāt ca gamyate na etat asti iti |
25/27:kasya cit khalu api sakṛt kṛtaḥ abhisambandhaḥ atyantāya kṛtaḥ bhavati |
26/27:tat yathā vṛkṣaparṇayoḥ ayam vṛkṣaḥ idam parṇam iti |
27/27:saḥ tadvideśastham api dṛṣṭvā jānāti vṛkṣasya idam parṇam iti |

1/80:kim punaḥ ayam paryudāsaḥ : yat anyat prathamāsamānādhikaraṇāt iti , āhosvit prasajyapratiṣedhaḥ : prathamāsamānādhikaraṇe na iti |
2/80:kaḥ ca atra viśeṣaḥ |
3/80:laṭaḥ śatṛśānacau aprathamāsamānādhikaraṇe iti cet pratyayottarapadayoḥ upasaṅkhyānam |*
4/80:laṭaḥ śatṛśānacau aprathamāsamānādhikaraṇe iti cet pratyayottarapadayoḥ upasaṅkhyānam kartavyam |
5/80:kaurvataḥ pācataḥ kurvadbhaktiḥ pacadbhaktiḥ kurvāṇabhaktiḥ pacamānabhaktiḥ |
6/80:astu tarhi prasajyapratiṣedhaḥ |prathamāsamānādhikaraṇe na iti |
7/80:prasajyapratiṣedheuttarapade ādeśānupapattiḥ |*
8/80:prasajyapratiṣedheuttarapade ādeśayoḥ anupapattiḥ |
9/80:kurvatī ca asau bhaktiḥ ca kurvadbhaktiḥ pacabhaktiḥ kurvāṇabhaktiḥ pacamānabhaktiḥ iti |
10/80:ye ca api ete samānādhikaraṇavṛttayaḥ taddhitāḥ tatra ca śatṛśānacau na prāpnutaḥ |
11/80:kurvattaraḥ pacattaraḥ kurvāṇataraḥ pacamānataraḥ kurvadrūpaḥ pacadrūpaḥ kurvāṇarūpaḥ pacamānarūpaḥ kurvatkalpaḥ pacatkalpaḥ kurvāṇakalpaḥ pacamānakalpaḥ iti |
12/80:siddham tu pratyayottarapadayoḥ ca iti vacanāt |*
13/80:siddham etat |
14/80:katham |
15/80:pratyayottarapadayoḥ ca śatṛśānacau bhavataḥ iti vaktavyam |
16/80:tatra pratyayasya ādeśanimittatvāt aprasiddhiḥ |*
17/80:tatra pratyayasya ādeśanimittatvāt aprasiddhiḥ |
18/80:ādeśanimittaḥ pratyayaḥ pratyayanimittaḥ ca ādeśaḥ |
19/80:tat etat itaretarāśrayam bhavati |
20/80:itaretarāśrayāṇi ca na praklpante |
21/80:uttarapadasya ca subantanimittatvāt śatṛśānacoḥ aprasiddhiḥ |*
22/80:uttarapadasya ca subantanimittatvāt śatṛśānacoḥ aprasiddhiḥ |
23/80:uttarapadanimittaḥ sup subantanimittam ca uttarapadam |
24/80:tat etat itaretarāśrayam bhavati |
25/80:itaretarāśrayāṇi ca na praklpante |
26/80:na vā lakārasya kṛttvāt prātipadikatvam tadāśrayam pratyayavidhānam |*
27/80:na vā eṣaḥ doṣaḥ |
28/80:kim kāraṇam |
29/80:lakārasya kṛttvāt prātipadikatvam |
30/80:lakāraḥ kṛt kṛt prātipadikam iti prātipadikasañjñā |
31/80:tadāśrayam pratyayavidhānam |
32/80:prātipadikāśrayā svādyutpattiḥ bhaviṣyati |
33/80:tiṅādeśāt subutpattiḥ | tiṅādeśaḥ kriyatām subutpattiḥ iti paratvāt subutpattiḥ bhaviṣyati |*
34/80:tasmāt uttarapadaprasiddhiḥ |*
35/80:tasmāt uttarapadam prasiddham |
36/80:uttarapade prasiddhe uttarapade iti śatṛśānacau bhaviṣyataḥ |
37/80:iha api tarhi tiṅādeśāt subutpattiḥ syāt pacati paṭhati iti |
38/80:asti atra viśeṣaḥ |
39/80:nityaḥ atra tiṅādeśaḥ |
40/80:utpanne api supi prāpnoti anutpanne api prāpnoti |
41/80:nityatvāt tiṅādeśe kṛte subutpattiḥ na bhaviṣyati |
42/80:iha api tarhi nityatvāt tiṅādeśaḥ syāt kurvadbhaktiḥ pacadbhaktiḥ pacamānabhaktiḥ iti |
43/80:asti atra viśeṣaḥ |
44/80:śatṛśānacau tiṅapavādau tau ca nimittavantau |
45/80:na ca apavādaviṣaye utsargaḥ abhiniviśate |
46/80:pūrvam hi apavādāḥ abhiniviśante paścāt utsargaḥ |
47/80:prakalpya vā apavādaviṣayam tataḥ utsargaḥ abhiniviśate |
48/80:na tāvat atra kadā cit tiṅ bhavati |
49/80:apavādau śatṛśānacau pratīkṣate |
50/80:tat etat kva siddham bhavati |
51/80:yatra sāmānyāt utpattiḥ |
52/80:yatra hi viśeṣāt ataḥ iñ iti itaretarāśrayam eva tatra bhavati |
53/80:vīkṣamāṇasya apatyam vaikṣamāṇiḥ iti |
54/80:iha ca śatṛśānacau prāpnutaḥ |
55/80:pacatitarām jalpatitarām pacatirūpam jalpatirūpam pacatikalpam jalpatikalpam pacati paṭhati iti |
56/80:tat etat katham kṛtvā siddham bhavati |
57/80:śatṛśānacau yadi laṭaḥ vā |*
58/80:yadi śatṛśānacau yadi laṭaḥ vā bhavataḥ vyavasthitavibhāṣā ca |
59/80:tena iha ca bhaviṣyataḥ kaurvataḥ pācataḥ kurvadbhaktiḥ pacadbhaktiḥ pacamānabhaktiḥ kurvattaraḥ pacattaraḥ pacamānataraḥ kurvadrūpaḥ pacadrūpaḥ pacamānarūpaḥ kurvatkalpaḥ pacatkalpaḥ pacamānakalpaḥ pacan paṭhan iti ca laṭaḥ śatṛśānacau |
60/80:iha ca na bhaviṣyataḥ pacatitarām jalpatitarām pacatirūpam jalpatirūpam pacatikalpam jalpatikalpam pacati paṭhati iti ca laṭaḥ śatṛśānacau |
61/80:tat tarhi vāvacanam kartavyam |
62/80:na kartavyam |
63/80:prakṛtam anuvartate |
64/80:kva prakṛtam |
65/80:nanvoḥ vibhāṣā iti |
66/80:yadi tat anuvartate vartamāne laṭa iti laṭ api vibhāṣā prāpnoti |
67/80:sambandham anuvartiṣyate |
68/80:nanvoḥ vibhāṣā |
69/80:puri luṅ ca asme vibhāṣā |
70/80:vartamāne laṭ puri luṅ ca asme vibhāṣā |
71/80:laṭaḥ śatṛśānacau vibhāṣā |
72/80:puri luṅ ca asme iti nivṛttam |
73/80:na tarhi idānīm aprathamāsamānādhikaraṇe iti vaktavyam |
74/80:vaktavyam ca |
75/80:kim prayojanam |
76/80:nityāṛtham |
77/80:aprathamāsamānādhikaraṇe nityau yathā syātām |
78/80:kva tarhi idānīm vibhāṣā |
79/80:prathamāsamānādhikaraṇe |
80/80:pacan pacati pacamānaḥ pacate iti |

laṭaḥ śatṛśānacau ityetāvādeśau bhavataḥ, aprathamāntena cet tasya sāmānādhikaraṇyaṃ bhavati. pacantaṃ devadattaṃ paśya. pacamānaṃ devadattaṃ paśya. pacatā kṛtam. pacamanena kṛtam. aprathamāsamānādhikaraṇe iti kim? devadattaḥ pacati. laṭiti vartamane punar laṅgrahaṇam adhikavidhānārtham. kvacit prathamāsamānādhikaraṇe 'pi bhavati. san brāhmaṇaḥ. asti brāhmaṇaḥ. vidyamānaḥ brāhmaṇaḥ. vidyate brāhmaṇaḥ. juhvat. juhoti. adhīyānaḥ. adhīte. māṅyākrośe. mā pacan. mā pacamānaḥ. kecid vibhāṣāgrahaṇam anuvartayanti nanvor vibhāṣā 3-2-121 iti. sā ca vyavasthitā. tatra yathādarśanaṃ prayogā netavyāḥ.

laṭaḥ śatṛśānacāvaprathamāsamānādhikaraṇe 3.2.124 laṭaḥ śatṛśānacau ityetāvādeśau bhavataḥ, aprathamāntena cet tasya sāmānādhikaraṇyaṃ bhavati. pacantaṃ devadattaṃ paśya. pacamānaṃ devadattaṃ paśya. pacatā kṛtam. pacamanena kṛtam. aprathamāsamānādhikaraṇe iti kim? devadattaḥ pacati. laṭiti vartamane punar laṅgrahaṇam adhikavidhānārtham. kvacit prathamāsamānādhikaraṇe 'pi bhavati. san brāhmaṇaḥ. asti brāhmaṇaḥ. vidyamānaḥ brāhmaṇaḥ. vidyate brāhmaṇaḥ. juhvat. juhoti. adhīyānaḥ. adhīte. māṅyākrośe. mā pacan. mā pacamānaḥ. kecid vibhāṣāgrahaṇam anuvartayanti nanvor vibhāṣā 3.2.121 iti. sā ca vyavasthitā. tatra yathādarśanaṃ prayogā netavyāḥ.

laṭaḥ śatṛśānacāvaprathamāsamānādhikaraṇe. , 3.2.124 śatṛśānacoḥ śakārau sārvadhātukārthau. ṛkāra ugitkāryārthaḥ. aprathamāsamānādhikaraṇa iti paryudāso'yam. prathamāśabdo'yaṃ vibhaktiviśeṣe soraujasparynate śāstre rūḍhaḥ. prathamāyā anyā dvitīyādikā vibhaktiḥ = aprathamā. samānaśabdo'yaṃ sādhāraṇavacanaḥ, yathā-- devadattayajñadattau samānadhanāvita. adhikaraṇaśabdo'yamabhidheyavacanaḥ samānañca tadadhikaraṇañceti karmadhārayaḥ. aprathamayā samānādhikaraṇam = aprathamāsamānādhikaraṇam. "tṛtīyā" 2.1.29 itiyogavibhāgāt samāsaḥ. tataḥ "yasya ca bhāvena bhāvalakṣaṇam" 2.3.37 iti saptamī. aprathamāsamānādhikaraṇabhāvena śatṛśānacorbhāvo lakṣyate. aprathameti paryudāsavṛttyā dvitīyādervibhaktegrrahaṇam, tena pratyayagrahaṇaparibhāṣayā tadantavidhirbhaviṣyatītyāha-- "aprathamāntena cet" ityādi. "tasya" iti. laṭaḥ. sāmānādhikaraṇyam" iti. samānābhidheyamiti. yadi dvitīyāntena śabdena sāmānādhikaraṇyam = samānābhidheyatvaṃ sambhavatyevaṃ śatṛśānacau bhavataḥ, nānyatheti vākyārthaḥ. evaṃ vivṛmvatā'prathamāsamānādhikaraṇe'tra paryudāsa āśritaḥ, na prasajyapratiṣedha iti daśryate, anyathā hi yadi prasajyapratiṣedha āśritaḥ syāt prathamāntena ceta sāmānādhikaraṇyaṃ na bhavatītyevaṃ brāūyāt. kiṃ punaḥ syādyadi prasajyapratiṣedha āśritaḥ? aprathāsamānādhikaraṇa uttarapade śatṛśānacau na syātām-- bhajyata iti bhaktiḥ, kurvan bhaktirasya kurvadbhaktiḥ, kurvāṇo bhaktirasya kurvāṇabhaktiḥ. ye ca prathamāsamānādhikaraṇavṛttayastaddhitāsteṣu na syātām-- "praśaṃsāyāṃ rūpap"5.3.66 kurvadrūpam, kurvāṇarūpamiti; "īṣadasamāptau kalpaśabdeśyadeśīyaraḥ" 5.3.67 kurvatkalpaḥ. nanu paryudāse'pi bhavatyeva doṣaḥ, na hratrāprathamāntena kvacit prathamāsamānādhikaraṇe'pi bhavata iti. prasajyapratiṣedhe tu pratiṣedhaṃ vidhāya pratiṣiddhasya ca purvidhānamayuktam. "pacantaṃ devadattaṃ paśya" iti. dvitīyāntena sāmānādhikaraṇyaṃ darśayati. "pacatā" iti. tṛtīyāntena. vibhaktervipariṇāmaṃ kṛtvā devadatteneti sambandhāt. nanu ca laḍādeśasyātrāprathamāntena sāmānādhikaraṇyam, na laṭaḥ; tasya prayogābhāvāt. ādeśadharmasya sthāninyupacārāt laṭo'pyupacāritaṃ sāmānādhikaraṇyaṃ bhavatītyadoṣaḥ.atha laḍgrahaṇaṃ kimartham, yāvatā'nantarasūtrāllaḍityanuvatrtata eva? syādetat; prathamāntañcaitat. ṣaṣṭhīnirdeśena cehārthaḥ, tasmāt ṣaṣṭhīnirdeśārtha punarlaḍ()grahaṇaṃ katrtavyamiti, etaccāyuktam,prathamāntasyāpi laḍ()grahamasyārthadvibhaktivipariṇāmo bhaviṣyatīti ṣaṣṭha()ntaṃ vijñāsyata ityata āha-- "laḍiti vatrtamāne" ityādi. aprathamāsamānādhikaraṇe punarlaḍ()grahaṇam. tena kvacit prathamāsamānādhikaraṇe bhavataḥ-- kurvan brāāhṛṇaḥ. "san brāāhṛṇaḥ" iti. "asa bhuvi" (dhā.pā.1065), adāditvācchapo luk. "śnasoralopaḥ" 6.4.111, ityakāralopaḥ. "vidyamānaḥ" ityādau sarvatra brāāhṛṇa ityapekṣate. "vida sattāyām" (dhā.pā.1171), divādirātmanepadī, śyan. "juhvat" 7.1.78 iti. "hu {dānādanayoḥ (ādāne ityeke prīṇane'pi iti bhāṣyam) -dhā.pā.} dāne"(dhā.pā.1083), "huśnuvoḥ sārvadhātuke" 6.4.87 iti yaṇādeśaḥ, "nābhyastācchatuḥ 7.1.78 iti numāgamābhāvaḥ. "adhīyānaḥ"iti. "iṅa adhyayane" (dhā.pā.11046), adhipūrvaḥ. pūrvavat "aciśnu"6.4.77 ityādinā iyaṅa. "māṅyākrośe" iti. māṅyupapada ākrośe gamyamāne laṭaḥ śatṛśānacau bhavataḥ. "mā pacan, mā pacamānaḥ" iti. nanu cātraiva māṅi luṅā bhavitavyam, etasmādevādhikavidhānāt? punarlaḍ()grahaṇādākrośe na bhavatītyadoṣaḥ. "māṅi luṅa" 3.3.175 ityasya yatrākrośe nāsti so'vakāśaḥ. "kecidvibhāṣāgrahaṇamanuvatrtayanti" iti. san brāāhṛṇo'sti brāāhṛṇa ityādau vikalpena śatṛśānacau yathā syātāmityevamartham. keciditi vacanāt kecinnānuvatrtayantītyuktaṃ bhavati. teṣāmayamabhiprāyaḥ-- yadi prathamāsamānādhikaraṇe nityaṃ tau bhavatastadā'prathamāsamānādhikaṇagrahaṇaṃ na kuryāt, "śatṛśānacau"ityevaṃ brāūyāt. tatrāpyayamarthaḥ-- sāmānyena prathamāsānādhikaraṇe'nyatra śatṛśānacorvidhānāt punagrrahaṇaṃ na katrtavyaṃ bhavati. tasmādaprathamāsamānādhikaraṇagrahaṇasāmathryādaprathamāsamānadhikaraṇa eva nityau tau bhavataḥ, prathamāsamānādikaraṇeṣvanyatheti. yadi tarhi vibhāṣāgrahaṇamanuvatrtayanti, yathā san brāāhṛṇaḥ, asti brāāhṛṇaḥ, vidyamāno brāāhṛṇaḥ,vidyate brāāhṛṇa ityādau vikalpena bhavataḥ; tathā kurvadbhaktiḥ kurvāṇabhaktirityevamādāvapi syātāmityata āha--"sā ca" ityādi. "tatra" iti. vyavasthitavibhāṣayāṃ satyām. "yathādarśanam" iti. yathā lakṣyasya darśanaṃ tadanurūpāḥ prayogā unneyāḥ. etaduktaṃ bhavati-- lakṣyadarśanavat syāt. kvacinnityaṃ tau śatṛśānacau veditavyau, kvacit pākṣikau,kvacidavidyamānāviti. tatra kurvadbhaktiḥ, kurvāṇabhaktiḥ, kurvattaraḥ, kurvattama ityādau nityam ; san brāāhṛṇaḥ , asti brāāhṛṇa ityādau pākṣikau; taraptamavādipratyaye pare tāvavidyamānāveva. "pacatitarāma" iti. pacatiśabdāt "tiṅaśca" 5.3.56 iti tarap, "kimet"5.4.11 ityādināmi kṛte na bhavataḥ॥

laṭaḥ śatṛśānacāvaprathamāsamānādhikaraṇe 834, 3.2.124 aprathamāntena samānādhikaraṇe laṭa etau vā staḥ. śabādi. pacantaṃ caitraṃ paśya॥

laṭaḥ śatṛśānacau. `vartamāne la'ḍiti pūrvasūtravihitasyaiva etau śatṛśānacau, anantarasyeti nyāyāditi `vartamānasāmīpye' ityādibhāṣye spaṣṭam. śatṛpratyaye śakāraṛkārāvitau. pacantamiti. pākānukūlavyāpārāśrayamityarthaḥ, `kriyāpradhānamākhyātaṃ, sattvapradhānāni nāmāni'ti siddhāntāt. śatuḥ śittvena sārvadhātukacchapi `ato guṇe' iti pararūpam. śānaci śācavitau.

laṭaḥ śatṛśānacāvaprathamāsamānādhikaraṇe 902, 3.2.124 laṭaḥ śatṛśānacau. "vartamāne la"ḍiti pūrvasūtravihitasyaiva etau śatṛśānacau, anantarasyeti nyāyāditi "vartamānasāmīpye" ityādibhāṣye spaṣṭam. śatṛpratyaye śakāraṛkārāvitau. pacantamiti. pākānukūlavyāpārāśrayamityarthaḥ, "kriyāpradhānamākhyātaṃ, sattvapradhānāni nāmāni"ti siddhāntāt. śatuḥ śittvena sārvadhātukacchapi "ato guṇe" iti pararūpam. śānaci śācavitau.

laṭaḥ śatṛ. sāmanādhikaraṇye satīti. yadyapyādeśarahitasya laṭaḥ prayogā'bhāvātsāmānādhikaraṇyaṃ durlabhaṃ tathāpi śatṛśānacostaddṛṣṭvā sthāninyapi sāmānādhikaraṇyaṃ kalpyate. śabādīti. śittvena sārvadhātukatvāditi bhāvaḥ. pacantamiti. śaturugittvānnum. viklittyanukūlavartamānavyāpārāśrayamityarthaḥ.

laṭaḥ śatṛśānacāvaprathamāsamānādhikaraṇe 743, 3.2.124 laṭaḥ śatṛ. sāmanādhikaraṇye satīti. yadyapyādeśarahitasya laṭaḥ prayogā'bhāvātsāmānādhikaraṇyaṃ durlabhaṃ tathāpi śatṛśānacostaddṛṣṭvā sthāninyapi sāmānādhikaraṇyaṃ kalpyate. śabādīti. śittvena sārvadhātukatvāditi bhāvaḥ. pacantamiti. śaturugittvānnum. viklittyanukūlavartamānavyāpārāśrayamityarthaḥ.