1/38:niṣṭhāyām itaretarāśrayatvāt aprasiddhiḥ |*
2/38:niṣṭhāyām itaretarāśrayatvāt aprasiddhiḥ |
3/38:kā itaretarāśrayatā |
4/38:satoḥ ktaktavatvoḥ sañjñayā bhavitavyam sañjñayā ca ktaktavatū bhāvyete |
5/38:tat etat itaretarāśrayam bhavati |
6/38:itaretarāśrayāṇi ca na prakalpante |
7/38:dviḥ vā ktaktavtugrahaṇam |*
8/38:dviḥ vā ktaktavtugrahaṇam kartavyam |
9/38:ktaktavtū bhūte |
10/38:ktaktavatū niṣṭhā iti |
11/38:yadi punaḥ iha eva niṣṭhāsañjñā api ucyeta : ktaktavtū bhūte |
12/38:tataḥ niṣṭhā |
13/38:niṣṭhāsañjñau ca ktaktavtū bhavataḥ iti |
14/38:kim kṛtam bhavati |
15/38:dviḥ vā ktaktavtugrahaṇam na kartavyam bhavati |
16/38:evam api tau iti vaktavyam syāt |
17/38:vakṣyati hi etat |
18/38:tau sat iti vacanam asaṃsargārtham iti |
19/38:asaṃsaktayoḥ bhūtena kālena niṣṭhāsañjñā yathā syāt |
20/38:ñimidā minnaḥ ñikṣvidā kṣvinnaḥ |
21/38:yadi punaḥ adṛṣṭaśrutau eva ktaktavatū gṛhītvā niṣṭhāsañjñā ucyeta |
22/38:na evam śakyam |
23/38:dṛṣṭaśrutayoḥ na syāt |
24/38:ñimidā minnaḥ |
25/38:tasmāt na evam śakyam |
26/38:na cet evam dviḥ vā ktaktavtugrahaṇam kartavyam itaretarāśrayam vā bhavati |
27/38:na eṣaḥ doṣaḥ |
28/38:itaretarāśrayamātram etat bhavati |
29/38:sarvāṇi ca itaretarāśrayāṇi ekatvena parihṛtāni siddham tu nityaśabdatvāt iti |
30/38:na idam tulyam anyaiḥ itaretarāśrayaiḥ |
31/38:na hi sañjñā nityā |
32/38:evam tarhi bhāvinī sañjñā vijñāsyate |
33/38:tat yathā : kaḥ cit kam cit tantuvāyam āha : asya sūtrasya śāṭakam vaya iti |
34/38:saḥ paśyati |
35/38:yadi śāṭakaḥ na vātavyaḥ atha vātavyaḥ na śāṭakaḥ |
36/38:śāṭakaḥ vātavyaḥ iti vipratiṣiddham| bhāvinī khalu asya sañjñā abhipretā |
37/38:saḥ manye vātavyaḥ yasmin ute śāṭakaḥ iti etat bhavati iti |
38/38:evam iha api tau bhūte kāle bhavataḥ yayoḥ abhinirvṛtayoḥ niṣṭhā iti eṣā sañjñā bhaviṣyati |

1/28:ādikarmaṇi niṣṭhā |*
2/28:ādikarmaṇi niṣṭhā vaktavyā |
3/28:prakṛtaḥ kaṭam devadattaḥ |
4/28:kim punaḥ kāraṇam na sidhyati |
5/28:yat vā bhavantyarthe |*
6/28:yat vā bhavantyarthe bhāṣyate |
7/28:prakṛtaḥ kaṭam devadattaḥ |
8/28:prakaroti kaṭam devadattaḥ iti |
9/28:nyāyyā tu ādyapavargāt |*
10/28:nyāyyā tu eṣā bhūtakālatā |
11/28:kutaḥ |
12/28:ādyapavargāt |
13/28:ādiḥ atra apavṛktaḥ |
14/28:eṣaḥ ca nāma nyāyyaḥ bhūtakālaḥ yatra kim cit apavṛktam dṛśyate |
15/28:vā ca adyatanyām |*
16/28:vā ca adyatanyām bhāṣyate |
17/28:prakṛtaḥ kaṭam devadattaḥ |
18/28:prākārṣīt kaṭam devadattaḥ iti |
19/28:kim śakyante ete śabdāḥ prayoktum iti ataḥ nyāyyā eṣā bhūtakālatā |
20/28:na avaśyam prayogāt eva |
21/28:kriyā nāma iyam atyantāparidṛṣṭā anumānagamyā aśakyā piṇḍībhūtā nidarśayitum yathā garbhaḥ nirluṭhitaḥ |
22/28:sā asau yena yena śabdena abhisambadhyate tāvati tāvati parisampāpyate |
23/28:tat yathā |
24/28:kaḥ cit pāṭaliputram jigamiṣuḥ ekam ahaḥ gatvā āha idam adya gatam iti |
25/28:na ca tāvatā asya vrajikriyā parisamāptā bhavati |
26/28:yat tu gatam tat abhisamīkṣya etat prayujyate idam adya gatam iti |
27/28:evam iha api yat kṛtam tat abhisamīkṣya etat prayujyate prakṛtaḥ kaṭam devadattaḥ iti |
28/28:yadā hi veṇikāntaḥ kaṭaḥ abhisamīkṣitaḥ bhavati prakaroti kaṭam iti eva tadā bhavati |

ktaktavatū niṣṭhā 1-1-26 ityuktaṃ, sa niṣṭhasaṃjñakaḥ pratyayo bhūte bhavati. kṛtam. kṛtavān. bhuktam. bhuktavān. niṣṭhāyām itaretarāśrayatvādaprasiddhiḥ. saṃjñāyāṃ ktaktavatū bhāvyete, satoścānayoḥ saṃjñāyā bhāvyam. na eṣa doṣaḥ. bhāvinī saṃjñā vijñāyate. sa bhūte bhavati, yasyotpannasya niṣṭhā ityeṣā saṃjñā bhavati. samarthyāt ktaktavatvor vidhānam etat. ādikarmaṇi niṣṭha vaktavyā. prakṛtaḥ kaṭaṃ devadattaḥ. prakṛtavān kaṭaṃ devadattaḥ.

niṣṭhā 3.2.102 ktaktavatū niṣṭhā 1.1.25 ityuktaṃ, sa niṣṭhasaṃjñakaḥ pratyayo bhūte bhavati. kṛtam. kṛtavān. bhuktam. bhuktavān. niṣṭhāyām itaretarāśrayatvādaprasiddhiḥ. saṃjñāyāṃ ktaktavatū bhāvyete, satoścānayoḥ saṃjñāyā bhāvyam. na eṣa doṣaḥ. bhāvinī saṃjñā vijñāyate. sa bhūte bhavati, yasyotpannasya niṣṭhā ityeṣā saṃjñā bhavati. samarthyāt ktaktavatvor vidhānam etat. ādikarmaṇi niṣṭha vaktavyā. prakṛtaḥ kaṭaṃ devadattaḥ. prakṛtavān kaṭaṃ devadattaḥ.

niṣṭhā. , 3.2.102 "kṛtam" iti. atra kittvād guṇābhāvaḥ. "kṛtavān" iti. "ugidacām" 7.1.70 iti num. "atvasantasya cādhātoḥ" 6.4.14 iti dīrghaḥ, halṅyādi 6.1.66 saṃyogāntalopau 8.2.23. "niṣṭhāyām" ityādi. niṣṭhāsaṃjñake pratyaye vidhātavye'prasiddhaniṣpattikasya niṣṭhāsaṃjñakasya pratyayasya niṣṭheti cāsyāḥ saṃjñāyā aprasiddhiḥ, kutaḥ? itaretarāśrayatvāt. kathamitaretarāśrayatvamityāha-- "saṃjñāyām" ityādi. niṣṭhetyevaṃ saṃjñāmuccārya ktaktavatvoriha bhūte vidhānam, vidyamānayośca tayoḥ saṃjñayā bhavitavyamitītaretarāśrayatvam, "itaretarāśrayāṇi kāryāṇi śāstre na prakalpyante"(vyā.pa.28). yadito ktaktavatū svarūpeṇa vijñātau bhavata evañca "ktaktavatū niṣṭhā" 1.1.25 ityanyasya saṃjñā vidhātuṃ śakyate,nānyathā. ataḥ saṃjñāyā aprasiddhiḥ, tasyāścāprasiddhau tayoraprasiddhiḥ. "bhāvinī" iti. bhaviṣyantītyarthaḥ. yathā-- asya sūtrasya śāṭakaṃ vayeti. bhāvinīśabdo'yam "gameriniḥ"(da.u.6.57) "āṅi ṇit" (da.u.6.58) "bhuvaśca" (da.u.6.59) itīnipratyayānto vyatpāditaḥ. sa ca "bhaviṣyati gamyādayaḥ" 3.3.3 iti bhaviṣyatkāle vihitaḥ. tena bhāvinītyasya bhaviṣyantītyevārtho labhyate. "sāmathryāt" ityādi. sa bhūte bhavati yasyotpannasya niṣṭhetyeṣā saṃjñā bhavati. na cānyasyotpannasya niṣṭhetyeṣā saṃjñā bhavati. api tu ktaktavatvoreveti sāmathryam. "ādikarmaṇi" ityādi. karmaśabdo'tra kriyāvācī. ādibhūte kriyārambhādibhūte prathame kriyālakṣaṇa ityarthaḥ. yāvatkriyālakṣaṇaiḥ sakalaḥ kaṭaḥ parisamāptimupaiti kriyālakṣaṇānāṃ tāvatāmapavarge bhūtakālo bhavati. ādye kriyālakṣaṇe samudāyasyāpariniṣpannatvāt vatrtamānakāla eveti. tatra vatrtamāne niṣṭhā na prāpnoti, ato vaktavyo vyākhyeyaḥ. tatredaṃ vyākhyānam-- yadayaṃ "udupadhādbhāvādikarmaṇoranyatarasyām" 1.2.21 ityādikarmaṇi karmaṇi niṣṭhā vikalpayati. yadvā-- "ādikarmaṇi ktaḥ katrtari ca" 3.4.71 ityādi, tajjñāpayati-- ādikarmaṇi niṣṭhā bhavatīti. "prakṛtaḥ kaṭam" iti. praśabdo'trādikarma dyotayati. ya evārthaḥ prakaroti kaṭaṃ devadatta iti, sa evārthaḥ prakṛtaḥ kaṭaṃ devadatta iti॥ "sutvā" iti. "hyasvasya piti kṛti" 6.1.69 iti tuk, "sarvanāmasthāne ca" 6.4.8 ityādinā dīrghaḥ, "nalopaḥ prātipadikāntasya" 8.2.7 iti nakāralopaḥ॥

bhūtārthavṛtterdhātorniṣṭhā syāt. tatra tayoreveti bhāvakarmaṇoḥ ktaḥ. kartari kṛditi kartari ktavatuḥ. ukāvitau. snātaṃ mayā. stutastvayā viṣṇuḥ. viśvaṃ kṛtavān viṣṇuḥ..

niṣṭhā 818, 3.2.102 bhūtārthavṛtterdhātorniṣṭhā syāt. tatra tayoreveti bhāvakarmaṇoḥ ktaḥ. kartari kṛditi kartari ktavatuḥ. ukāvitau. snātaṃ mayā. stutastvayā viṣṇuḥ. viśvaṃ kṛtavān viṣṇuḥ॥

niṣṭhā. bhūte iti dhātoriti cādhikṛtam. tadāha– bhūtārthetyādi. bhāvakarmaṇoḥ kta iti. tathā ca ktapratyayaviṣaye kartarīti na saṃbadhyate iti bhāvaḥ. kartari ktavaturiti. kṛtyaktakhalarthānāmeva bhāva karmaṇorvidhānāditi bhāvaḥ. `tayoreva kṛtyakte'tyatra `laḥ karmaṇī'tyasmātsakarmakebhyaḥ karṇi kartari ca akarmakebhyo bhāve kartari cetyanuvartate. tataśca akarmakebhyo bhāve ktaḥ, sakarmakebhyastu karmaṇīti vyavasthā labhyate iti matvodāharati– snātaṃ mayeti. akarmakatvādbhāva ktaḥ. stutastvayā viṣṇuriti. sakarmakatvātkarmaṇi ktaḥ. kartari ktavatumudāharati- - viṣṇurvi\ufffdāmiti.

niṣṭhā 823, 3.2.102 niṣṭhā. bhūte iti dhātoriti cādhikṛtam. tadāha-- bhūtārthetyādi. bhāvakarmaṇoḥ kta iti. tathā ca ktapratyayaviṣaye kartarīti na saṃbadhyate iti bhāvaḥ. kartari ktavaturiti. kṛtyaktakhalarthānāmeva bhāva karmaṇorvidhānāditi bhāvaḥ. "tayoreva kṛtyakte"tyatra "laḥ karmaṇī"tyasmātsakarmakebhyaḥ karṇi kartari ca akarmakebhyo bhāve kartari cetyanuvartate. tataśca akarmakebhyo bhāve ktaḥ, sakarmakebhyastu karmaṇīti vyavasthā labhyate iti matvodāharati-- snātaṃ mayeti. akarmakatvādbhāva ktaḥ. stutastvayā viṣṇuriti. sakarmakatvātkarmaṇi ktaḥ. kartari ktavatumudāharati-- viṣṇurvi()āmiti.