1/20:ajgrahaṇam kimartham |
2/20:ajantāt yathā syāt |
3/20:halantāt mā bhūt iti |
4/20:na etat asti prayojanam |
5/20:halantāt ṇyat vidhīyate |
6/20:saḥ bādhakaḥ bhaviṣyati |
7/20:yathā eva tarhi ṇyat yatam bādhate evam tavyādīn api bādheta |
8/20:ajgrahaṇe punaḥ kriyamāṇe ajantāt yat vidhīyate halantāt ṇyat |
9/20:etāvantaḥ ca dhātavaḥ yat uta ajantāḥ halantāḥ ca |
10/20:ucyante ca tavyādayaḥ |
11/20:te vacanāt bhaviṣyanti |
12/20:na etat asti prayojanam |
13/20:vāsarūpeṇa tavyādayaḥ bhaviṣyanti |
14/20:idam tarhi prayojanam |
15/20:ajantabhūtapūrvamātrāt api yathā syāt |
16/20:lavyam pavyam |
17/20:ārdhadhātukasāmānye guṇe kṛte yi pratyayasāmānye ca vāntādeśe kṛte halantāt iti ṇyat prāpnoti |
18/20:tathā ditsyam dhitsyam |
19/20:ārdhadhātukasāmānye akāralope kṛte halantāt iti ṇyat prāpnoti |
20/20:ajgrahaṇasāmarthyāt yat eva bhavati |

1/21:yati jāteḥ upasaṅkhyānam |*
2/21:yati jāteḥ upasaṅkhyānam kartavyam |
3/21:janyam vatsena |
4/21:atyalpam idam ucyate |
5/21:takiśasicatiyatijanīnām upasaṅkhyānam iti vaktavyam |
6/21:taki takyam : śasi śasyam |
7/21:yati yatyam : jani : janyam |
8/21:hanaḥ vā vadha ca |*
9/21:hanaḥ vā yat vaktavyaḥ vadha iti ayam ca ādeśaḥ vaktavyaḥ |
10/21:vadhyaḥ ghātyaḥ |
11/21:taddhitaḥ vā |*
12/21:taddhitaḥ vā punaḥ eṣaḥ bhaviṣyati |
13/21:vadham arhati vadhyaḥ |
14/21:yadi taddhitaḥ samāsaḥ na prāpnoti : asivadhyaḥ , musalavadhyaḥ iti |
15/21:yadi punaḥ sati sādhanam kṛtā iti vā pādahārakādyartham iti samāsaḥ siddhaḥ bhavati |
16/21:yadi punaḥ asivadhaśabdāt utpattiḥ syāt |
17/21:asivadham arhati iti |
18/21:na evam śakyam |
19/21:svare hi doṣaḥ syāt |
20/21:asivadhyaḥ evam svaraḥ prasajyeta |
21/21:asivadhyaḥ iti ca iṣyate |

ajantād dhātoḥ yat pratyayo bhavati. takāro yato 'nāvaḥ 6-1-213 iti svarārthaḥ. geyam. peyam. ceyam. jeyam. ajgrahaṇaṃ kiṃ yāvatā halantāṇ ṇyataṃ vakṣyati? ajantabhūtapūrvādapi yathā syāt, ditsyam, dhitsyam. takiśasicatiyatijanīnām upasaṅkhyānam taki takyam. śasi śasyam. cati catyam. yati yatyam. jani janyam. hano vā vadha ca. vadhyam, ghātyam.

aco yat 3.1.97 ajantād dhātoḥ yat pratyayo bhavati. takāro yato 'nāvaḥ 6.1.207 iti svarārthaḥ. geyam. peyam. ceyam. jeyam. ajgrahaṇaṃ kiṃ yāvatā halantāṇ ṇyataṃ vakṣyati? ajantabhūtapūrvādapi yathā syāt, ditsyam, dhitsyam. takiśasicatiyatijanīnām upasaṅkhyānam taki takyam. śasi śasyam. cati catyam. yati yatyam. jani janyam. hano vā vadha ca. vadhyam, ghātyam.

ato yat. , 3.1.97 "takāraḥ "yato'nāvaḥ" iti {svarārthaḥ-- kāśikā} viśeṣaṇārthaḥ" iti. ādyudāttārthaḥ. "geyam" iti. "kai gai śabde" (dhā.pā.916,917), "ādeca upadeśe'śiti" 6.1.44 ityāttvam, "īdyati" 6.4.65 itīttvam, guṇaḥ. "yāvatā" ityādi. iha dvividhā dhātavaḥ-- halantā ajantāśca; tatra "ṛhaloṇryat" 3.1.124 iti ṇyataṃ halantādicchati.ataḥ pariśeṣyādevājgrahaṇamantareṇāpyajantādeva yad()bhaviṣyatītyato'jgrahaṇamapārthakamityabhiprāyaḥ. "ajantabhūtapūrvāt" iti. ajantaścāsau bhūtapūrvaśceti karmadhārayaḥ. yaḥ prāgajanta āsīt saṃprati tu halantaḥ, tato'pi yathā syādityevamarthamajgrahaṇam. "ditsyam". "dhitsyam". dāño dhāñaśca san, dvirvacanam. "sani mīmā" 7.4.54 itīs. "atra lopo'bhyāsasya" 7.4.58 ityabhyāsalopaḥ. "saḥ syārdhadhātuke" 7.4.49 iti tattvam. anutpanna evārdhadhātuke viṣayabhāvena vivakṣite "ato lopaḥ" 6.4.48 ityakāralopaḥ. asyāmavasthāyāmasatyajgarhaṇe na syāt; anajantatvāt. ta()smastu sati bhūtapūrvamajantatvamāśritya bhavati. pākṣikañcaitat prayojanaṃ veditavyam. kva tasminpakṣe? yadārdhadhātuke viṣayabhāvana vivakṣite "ato lopaḥ" 6.4.48 vidhīyate. yadā'‌'rdhadhātukaḥ, tadā nedaṃ prayojanam. vispaṣṭārthaṃ tvajgrahaṇaṃ veditavyam. "takiśasi" ityādi. "taka { sahane iti mudritaḥ pāṭhaḥ} hasane(dhā.pā.117), "śasu hiṃsāyām" (dhā.pā.727), "cate cade yācane" (dhā.pā.865,866) , "yatī prayatne" (dhā.pā.30), "janī prādurbhāve" (dhā.pā.1149)--eṣāṃ yatpratyayasyopasaṃkhyānam = pratipādanaṃ katrtavyam. pratipādanaṃ tu bahulagrahaṇamāśritya katrtavyam. "hano vā vadha ca" iti. hanterdhātoryatpratyayo bhavati, ṇyato'pavādaḥ. vāvacanāt papakṣe ṇyadbhavatyeva. yatpratyayastu tata eva bahulavacanāllabhyate. yadā yadbhavati tadā hanterbadhādeśaḥ. so'pi "hano vadha liṅi" 2.4.42 ityatra "bahulaṃ chandasi" 2.4.39 ityato bahulagrahaṇānuvṛtterlabhyate. ghātya iti. "hanastaḥ" 7.3.32 iti tatvam, "ho hanteḥ" 7.3.54 iti kutvam॥

aco yat. śakyamakartumiti. `ṛhaloṇrya'diti ṛhalantādviśiṣya ṇyato vihitatvena halantebhyo yatpratyasyā'pravṛttirityarthaḥ. vāsarūpavidhistu sarūpatvānna bhavati. yogavibhāgo'pyevamiti. kartumaśakya ityarthaḥ. kuta ityata āha– tavyadādiṣveveti. `tavyattavyānīyaryataḥ ityekasūtratvenaiva paṭhituṃ śakyatvādityarthaḥ.

aco yat 663, 3.1.97 aco yat. śakyamakartumiti. "ṛhaloṇrya"diti ṛhalantādviśiṣya ṇyato vihitatvena halantebhyo yatpratyasyā'pravṛttirityarthaḥ. vāsarūpavidhistu sarūpatvānna bhavati. yogavibhāgo'pyevamiti. kartumaśakya ityarthaḥ. kuta ityata āha-- tavyadādiṣveveti. "tavyattavyānīyaryataḥ ityekasūtratvenaiva paṭhituṃ śakyatvādityarthaḥ.

aco yat. dhātoriti vartate. ajgrahaṇaṃ ca dhātorviśeṣaṇaṃ, viśeṣaṇena tadantavidhistadāha–ajantāditi. śakyamakartumiti. atra kecidajgrahaṇamajantabhūtapūrvādapi yathā syādityevamarthapekṣitam. tena ditsyaṃ dhitsyamittra yati kṛte `yato'nāvaḥ' ityādyudāttatvaṃ sidhyati, ṇyati kṛtetu `titsvaritam' iti prasajyeta. na ca ditsyaṃ dhitsyamityatra `ṛhaloḥ' iti ṇyataḥ prasaktireva nāstīti vācyam, ādrdhadātukavivakṣāyāmeva ato lope kṛte halantatvena tatsaṃbhavādityāhustadāpātataḥ. ādrdhadhātuke vivakṣite yadyato lopaḥ syāttadā hīdaṃ saṃbhavet. lopastu ādrdhadhātuke para evocitaḥ. anyathā paranimittatvā'bhāvena sthānavattvā'bhāve gaṇayatītyādāvupadhāvṛddhiprasaṅgāditi bhāvaḥ. supaṭhatvāditi. dvaye dhātavo'jantā halantāśca. tatra halantāṇṇyantaṃ vakṣyatīti pariśeṣādajtādeva yadbhaviṣyatīti bhāvaḥ. takiśasīti. taka hasane. śasu hiṃsāyām. cate yācane. yattu kecicchaṃsīti sānusvāraṃ paṭhanti tadupekṣyam, `īḍavandavṛśaṃsaduhāṃ ṇyata' iti sūtrā'virodhena śaṃseṇryata eva svīkartavyatvāt.

aco yat 552, 3.1.97 aco yat. dhātoriti vartate. ajgrahaṇaṃ ca dhātorviśeṣaṇaṃ, viśeṣaṇena tadantavidhistadāha--ajantāditi. śakyamakartumiti. atra kecidajgrahaṇamajantabhūtapūrvādapi yathā syādityevamarthapekṣitam. tena ditsyaṃ dhitsyamittra yati kṛte "yato'nāvaḥ" ityādyudāttatvaṃ sidhyati, ṇyati kṛtetu "titsvaritam" iti prasajyeta. na ca ditsyaṃ dhitsyamityatra "ṛhaloḥ" iti ṇyataḥ prasaktireva nāstīti vācyam, ādrdhadātukavivakṣāyāmeva ato lope kṛte halantatvena tatsaṃbhavādityāhustadāpātataḥ. ādrdhadhātuke vivakṣite yadyato lopaḥ syāttadā hīdaṃ saṃbhavet. lopastu ādrdhadhātuke para evocitaḥ. anyathā paranimittatvā'bhāvena sthānavattvā'bhāve gaṇayatītyādāvupadhāvṛddhiprasaṅgāditi bhāvaḥ. supaṭhatvāditi. dvaye dhātavo'jantā halantāśca. tatra halantāṇṇyantaṃ vakṣyatīti pariśeṣādajtādeva yadbhaviṣyatīti bhāvaḥ. takiśasīti. taka hasane. śasu hiṃsāyām. cate yācane. yattu kecicchaṃsīti sānusvāraṃ paṭhanti tadupekṣyam, "īḍavandavṛśaṃsaduhāṃ ṇyata" iti sūtrā'virodhena śaṃseṇryata eva svīkartavyatvāt.