1/33:atiṅ iti kimartham |
2/33:pacati karoti |
3/33:atiṅ iti śakyam akartum |
4/33:kasmāt na bhavati pacati karoti iti |
5/33:dhātoḥ parasya kṛtsañjñā |
6/33:prāk ca lādeśāt dhātvadhikāraḥ |
7/33:evam api sthānivadbhāvāt kṛtsañjña prāpnoti |
8/33:yathā atiṅ iti ucyamāne yāvatā sthānivadbhāvaḥ katham eva etat sidhyati |
9/33:pratiṣedhavacanasāmarthyāt |
10/33:atha vā tiṅbhāvinaḥ lakārasya kṛtsañjñāpratiṣedhaḥ |
11/33:kim ca syāt yati atra kṛtsañjñā syāt |
12/33:kṛtprātipadikam iti prātipadikasañjñā syāt |
13/33:prātipadikāt iti svādyutpattiḥ prasajyeta |
14/33:na eṣaḥ doṣaḥ |
15/33:ekatvādiṣu artheṣu svādayaḥ vidhīyante |
16/33:te ca atra tiṅoktāḥ ekatvādayaḥ iti kṛtvā uktārthatvāt na bhaviṣyanti |
17/33:ṭābādayaḥ tarhi tiṅantāt mā bhūvan iti |
18/33:striyām ṭābādayaḥ vidhīyante |
19/33:na ca tiṅantasya strītvena yogaḥ asti |
20/33:aṇādayaḥ tarhi tiṅantāt mā bhūvan iti |
21/33:apatyādiṣu artheṣu aṇādayaḥ vidhīyante |
22/33:na ca tiṅantasya apatyādibhiḥ yogaḥ asti |
23/33:atha api katham cit yogaḥ syāt |
24/33:evam api na doṣaḥ |
25/33:ācāryapravṛttiḥ jñāpayati na tiṅantāt aṇādayaḥ bhavanti iti yat ayam kva cit taddhitavidhau tiṅgrahaṇam karoti |
26/33:atiśāyane tamabiṣṭhanau tiṅaḥ ca iti |
27/33:iha tarhi pacati paṭhati iti |
28/33:hrasvasya piti kṛti tuk bhavati iti tuk prāpnoti |
29/33:dhātoḥ iti vartate |
30/33:evam api cikīrṣati iti atra prāpnoti |
31/33:atra api śapā vyavadhānam |
32/33:ekādeśe kṛte na asti vyavadhānam |
33/33:ekādeśaḥ pūrvavidhau sthānivat bhavati iti sthānivadbhāvāt vyavadhānam eva iti |

asmin dhātvadhikāre tiṅvarjitaḥ pratyayaḥ kṛtsajñako bhavati. kartavyam. karaṇīyam. atiṅa iti kim? cīyāt. stūyāt. kṛtpradeśāḥ kṛttaddhitasamāsaśca 1-2-46 ityevam ādayaḥ.

kṛdatiṅ 3.1.93 asmin dhātvadhikāre tiṅvarjitaḥ pratyayaḥ kṛtsajñako bhavati. kartavyam. karaṇīyam. atiṅa iti kim? cīyāt. stūyāt. kṛtpradeśāḥ kṛttaddhitasamāsaśca 1.2.46 ityevam ādayaḥ.

kṛdatiṅ. , 3.1.93 "katrtavyam" iti. kṛtsaṃjñāyāṃ satyāṃ "kṛttaddhitasamāsāśca" 1.2.46 iti prātipadikasaṃjñā. "cīyāt" iti. āśiṣi liṅa,"liṅāśiṣi" 3.4.116 ityārdhadhātukasaṃjñā. atiṅiti yadi nocyeta, tiṅo'pi kṛtsaṃjñā syāt; tataśca "akṛtsārvadhātukayoḥ" 7.4.25 iti dīrghatvaṃ na bhavet. atiṅiti tu satyakṛdyakāratvādbhavati॥

dhātorete pratyayāḥ syuḥ. edhitavyam, edhanīyaṃ tvayā. bhāve autsargikamekavacanaṃ klībatvaṃ ca. cetavyaścayanīyo vā dharmastvayā (kelimara upasaṃkhyānam) pacelimā māṣāḥ. paktavyā ityarthaḥ. bhidelimāḥ saralāḥ. bhettavyā ityarthaḥ. karmaṇi pratyayaḥ..

atha kvinnantasya `kṛttaddhite'ti prātipadikatvaṃ vaktuṃ kvinaḥ kṛtsaṃjñāṃ darśayati–kadatiṅ. `dhāto'rityadhikṛtaṃ, `pratyaya' iti ca. `dhāto'riti ca vihitaviśeṣaṇam. tena dhātorvihitaḥ pratyaya ityartho labhyate. `dhāto'rityadhikṛtya vihita iti yāvat. tadāha–saṃnihite iti. tena ṇijādinirāsaḥ. yuj v iti sthite.

kṛdatiṅ , 3.1.93 atha kvinnantasya "kṛttaddhite"ti prātipadikatvaṃ vaktuṃ kvinaḥ kṛtsaṃjñāṃ darśayati--kadatiṅ. "dhāto"rityadhikṛtaṃ, "pratyaya" iti ca. "dhāto"riti ca vihitaviśeṣaṇam. tena dhātorvihitaḥ pratyaya ityartho labhyate. "dhāto"rityadhikṛtya vihita iti yāvat. tadāha--saṃnihite iti. tena ṇijādinirāsaḥ. yuj v iti sthite.

saṃnihita iti. prācā tu `tṛtīye dhātvadhikāre'ityuktaṃ, tadasat, `dhātoḥ karmaṇaḥ'iti sanbidhau dhātugrahaṇasyottaratrānuvṛtterabhāvenādhikāratrayā'bhāvāt.

kṛdatiṅ 335, 3.1.93 saṃnihita iti. prācā tu "tṛtīye dhātvadhikāre"ityuktaṃ, tadasat, "dhātoḥ karmaṇaḥ"iti sanbidhau dhātugrahaṇasyottaratrānuvṛtterabhāvenādhikāratrayā'bhāvāt.