1/38:kimarthaḥ cakāraḥ |
2/38:svarārthaḥ |
3/38:citaḥ antaḥ udāttaḥ bhavati iti antodāttatvam yathā syāt |
4/38:na etat asti prayojanam |
5/38:dhātusvareṇa api etat siddham |
6/38:kakārasya tarhi itsañjñāparitrāṇārthaḥ āditaḥ cakāraḥ kartavyaḥ |
7/38:ataḥ uttaram paṭhati |
8/38:kāmyacaḥ citkaraṇānarthakyam kasya idarthābhāvāt |*
9/38:kāmyacaḥ citkaraṇam anarthakam |
10/38:kakārasya tarhi itsañjñā kasmāt na bhavati |
11/38:idarthābhāvāt |
12/38:itkāryābhāvāt atra itsañjñā na bhaviṣyati |
13/38:nanu ca lopaḥ eva itkāryam |
14/38:akāryam lopaḥ |
15/38:iha hi śabdasya kāryārthaḥ vā bhavati upadeśaḥ śravaṇārthaḥ vā |
16/38:karyam ca iha na asti |
17/38:kārye asati yadi śravaṇam api na syāt upadeśaḥ anarthakaḥ syāt |
18/38:idam tarhi itkāryam |
19/38:agnicitkamyati |
20/38:kiti iti guṇapratiṣedhaḥ yathā syāt |
21/38:na etat asti prayojanam |
22/38:sārvadhātukārdhadhātukayoḥ aṅgasya guṇaḥ ucyate |
23/38:dhātoḥ ca vihitaḥ pratyayaḥ śeṣaḥ ārdhadhātukasañjñām labhate |
24/38:na ca ayam dhātoḥ vidhīyate |
25/38:idam tarhi |
26/38:upayaṭkāmyati |
27/38:kiti iti samprasāraṇam yathā syāt || etat api na asti prayojanam |
28/38:yajādibhiḥ atra kitam viśeṣayiṣyāmaḥ |
29/38:yajādīnām yaḥ kit iti |
30/38:kaḥ ca yajādīnām kit |
31/38:yajādibhyaḥ yaḥ vihitaḥ iti |
32/38:atha api katham cit itkāryam syāt |
33/38:evam api na doṣaḥ |
34/38:kriyate nyāse eva dvicakārakaḥ nirdeśaḥ |
35/38:supaḥ ātmanaḥ kyac ckāmyat ca iti |
36/38:atha vā chāndasam etat |
37/38:dṛṣṭānuvidhiḥ chandasi bhavati |
38/38:na ca atra samprasāraṇam dṛśyate |

subantāt karmaṇaḥ ātmecchāyāṃ kāmyac pratyayo bhavati. ātmanaḥ putram icchati putrakāmyati. vastrakāmyati. yogavibhāga uttaratra kyaco 'nuvṛttyarthaḥ. kakārasya itsajñā prayojanābhāvān na bhavati, cakārāditvād va kāmyacaḥ. upayaṭkāmyati.

kāmyac ca 3.1.9 subantāt karmaṇaḥ ātmecchāyāṃ kāmyac pratyayo bhavati. ātmanaḥ putram icchati putrakāmyati. vastrakāmyati. yogavibhāga uttaratra kyaco 'nuvṛttyarthaḥ. kakārasya itsajñā prayojanābhāvān na bhavati, cakārāditvād va kāmyacaḥ. upayaṭkāmyati.

kāmyacca. , 3.1.9 nanu ca dvāvapyetau kyackāmyacau subantāt karmaṇa ātmecchāyāṃ vidhīyete, tadekayoga eva kathaṃ na kṛta ityāha--- "yogavibhāgaḥ" ityādi. "supa ātmanaḥ kyackāmyacau" (ityeka yoge satyuttaratra dvayorapyanuvṛttiḥ syāt. nanu ca yogavibhāge'pyānantaryāt kāmyaca evānuvattiḥ syāt, na kyacaḥ? naiṣa doṣaḥ; cakāro'tra kriyate kyaco'nukarṣaṇārthaḥ; kyaco'nukarṣaṇasyaitatprayojanam-- uttarasūtre'nuvṛttiryathā syāt iha yojanābhāvāt. kāmyajapi kasmānnānuvatrtatata iti cet, na; yogavibhāgasāmathryāt. atha "laśakvataddhite" 1.3.8 iti kakārasyetsaṃjñā kasmānna bhavatītyāha-- "kakārasyetsaṃjñā" ityādi. nanu ca lopa eva kāryam? na kāryam; lopa iha hi varṇasya kāryārtho bhavtayupadeśaḥ, śravaṇārtho vā. kāryaṃ tāvadiha nāsti. tatri yadi śravaṇārtho na syādupadeśo'narthakaḥ syāt. idaṃ tarhi kāryam-- agnikāmyatīti guṇapratiṣedho yathā syāt? naitat prayojanam, sārvadhātukārdhadhātuyoraṅgasya guṇa ucyate. dhātorvihitaśca pratyayaḥ śeṣa ārdhadhātukasaṃjño bhavati; na cāyaṃ dhātorvidhīyate, kiṃ tarhi? subantāt. idaṃ tarhi prayojanam-- upayaṭkāmyatīti, vaccādinā (6.1.15) saṃprasāraṇaṃ yathā syāt? naitadapi; yasmāt tatra yajādibhiḥ kidviśiṣyate-- yajādīnāṃ yaḥ kiditi. kaśca yajādīnāṃ kit? yo yajādibhyo vihitaḥ, na cāyaṃ tathā vihitaḥ. abhyupagamyāpi prayojanaṃ parīhārāntaramāha-- "cakārāditvāt" iti. evaṃ manyate-- kriyate vinyāsa evam, dvicakāro nirdeśaḥ, supa ātmanaḥ kyacca kāmyacceti; sa itsaṃjñakaścakāraḥ kakārasyatsaṃjñāparitrāṇārtho bhaviṣyatīti. atha dvitīyaścakāraḥ kimarthaḥ, yāvatā "dhātoḥ" (6.1.162) ityevamantodāttatvaṃ siddham? iha putrakāmyiṣyītati satiśiṣṭasvaramapi bādhitvā citkaraṇasāmathryāt kāmyaca eva svaro yathā syāt. "upayaṭkāmyati" iti. "vijupe chandasi" 3.2.73 iti vic, upayajamicchatīti kāmyac, vraścādinā 8.2.36 ṣatvam, tasya jaśtvaṃ ḍakāraḥ, tasyāpi "vāvasāne" 8.4.55 iti cartvaṃ ṭakāraḥ॥

kāmyacca 728, 3.1.9 uktaviṣaye kāmyac syāt. putramātmana icchati putrakāmyati. putrakāmyitā॥

`supa ātmanaḥ kya'jityuttaramidaṃ sūtram. tadāha– uktaviṣaye iti. putrakāmyatīti. kasyetsaṃjñā tu na, phalā'bhāvāt. anarthakatvāditi. kāmyaca ekadeśasya yakārasya arthā'bhāvādityarthaḥ. nanu bebhiditetyatrā'pi yakārasya anarthakatvāllopo na syādityata āha–yasyetīti. `yasya halaḥra' ityatra `yasye'tyanena yakārā'kārasaṅghātagrahaṇamityanuvapadamevoktamityarthaḥ. tathā ca bebhidya itā iti sthite yaṅo yasya saṅghātasyā'rthavattvādyakāralopo nirbādhaḥ. prakṛte tu kāmyajekadeśasya yasyā'narthakatvāllopo neti bhāvaḥ. yaśaskāmyatīti. `so'padādau' iti satvam. nanu kimātmana icchati kiṃkāmyati, svaḥkāmyatīti katham ? `māntāvyayānāṃ ne'tyanuvṛtterityata āha– māntāvyayebhyo'pyayamiti.

kāmyacca 488, 3.1.9 "supa ātmanaḥ kya"jityuttaramidaṃ sūtram. tadāha-- uktaviṣaye iti. putrakāmyatīti. kasyetsaṃjñā tu na, phalā'bhāvāt. anarthakatvāditi. kāmyaca ekadeśasya yakārasya arthā'bhāvādityarthaḥ. nanu bebhiditetyatrā'pi yakārasya anarthakatvāllopo na syādityata āha--yasyetīti. "yasya halaḥra" ityatra "yasye"tyanena yakārā'kārasaṅghātagrahaṇamityanuvapadamevoktamityarthaḥ. tathā ca bebhidya itā iti sthite yaṅo yasya saṅghātasyā'rthavattvādyakāralopo nirbādhaḥ. prakṛte tu kāmyajekadeśasya yasyā'narthakatvāllopo neti bhāvaḥ. yaśaskāmyatīti. "so'padādau" iti satvam. nanu kimātmana icchati kiṃkāmyati, svaḥkāmyatīti katham? "māntāvyayānāṃ ne"tyanuvṛtterityata āha-- māntāvyayebhyo'pyayamiti.

kāmyacca. uccāraṇasāmathryānna kasyetsaṃjñā. `māntāvyayebhyaḥ pratiṣedhaḥ' ityasyānuvṛttyabhāṃ sūcayati– ayaṃ syādeveti. ācaratīti. vyavaharatītyarthaḥ.

kāmyacca 419, 3.1.9 kāmyacca. uccāraṇasāmathryānna kasyetsaṃjñā. "māntāvyayebhyaḥ pratiṣedhaḥ" ityasyānuvṛttyabhāṃ sūcayati-- ayaṃ syādeveti. ācaratīti. vyavaharatītyarthaḥ. *adhikaraṇācceti vaktavyam. adhikaraṇācceti. saptamyantarūpātsubantādityarthaḥ.