Pāṇini 3.1.87

PrevNext

Grammatical Sūtra: कर्मवत्‌ कर्मणा तुल्यक्रियः karmavat‌ karmaṇā tulyakriyaḥ Chantings of the aṣṭādhyāyī kindly with permision Sai Susarla.
Individual Word Components: karmavat karmaṇā tulyakriyaḥ
Sūtra with anuvṛtti words: karmavat karmaṇā tulyakriyaḥ pratyayaḥ (3.1.1), paraḥ (3.1.2), ca (3.1.2), ādyudāttaḥ (3.1.3), ca (3.1.3), dhātoḥ (3.1.22), kartari (3.1.68)
Type of Rule: atideśa
Preceding adhikāra rule:3.1.2 (1paraś ca)

Description:

Source:Laghusiddhānta kaumudī (Ballantyne)

The ((la)) denoting the agent, when the action affecting the agent is similar to the action which affects the object, is treated as if it were a ((la)) denoting the object. Source: Aṣṭādhyāyī 2.0

[The agent 68] who behaves with respect to the action in the same way as an object (kármaṇ-ā túlya-kriya-ḥ) functions as though it were an object (karma-vát). Source: From Aṣṭādhyāyī of Pāṇini In Roman Transliteration translated by Sumitra M. Katre, Copyright © 1987. Courtesy of the University of Texas Press.

When the agent (kartṛ) of a given action behaves in a manner similar to its object (karman), the kartṛ is treated as if it was karman Source: Courtesy of Dr. Rama Nath Sharma ©

Source:Srisa Chandra Vasu's Aṣṭādhyāyī of Pāṇini

Anuvṛtti: 3.1.68

1/15:vatkaraṇam kimartham |
2/15:svāśrayam api yathā syāt |
3/15:bhidyate kuśūlena iti |
4/15:akarmakāṇām bhāve laḥ bhavati iti laḥ yathā syāt |
5/15:karmaṇā iti kimartham |
6/15:karaṇādhikaraṇābhyām tulyakriyaḥ kartā yaḥ saḥ karmavat mā bhūt |
7/15:sādhu asiḥ chinatti |
8/15:sādhu sthālī pacati |
9/15:tulyakriyaḥ iti kimartham |
10/15:pacati odanam devadattaḥ |
11/15:tulyakriyaḥ iti ucyamāne api atra prāpnoti |
12/15:atra api hi karmaṇā tulyakriyaḥ kartā |
13/15:na tulyakriyagrahaṇena samānakriyatvam abhisambadhyate |
14/15:kim tarhi |
15/15:yasmin karmaṇi kartṛbhūte api tadvat kriya lakṣyate yathā karmaṇi saḥ karmaṇā tulyakriyaḥ kartā karmavat bhavati iti |

1/31:karmavat akarmakasya kartā |*
2/31:akarmakasya kartā karmavat bhavati iti vaktavyam |
3/31:kim prayojanam |
4/31:sakarmakasya kartā karmavat mā bhūt iti |
5/31:bhidyamānaḥ kuśūlaḥ pātrāṇi bhinatti |
6/31:tathā karma dṛṣṭaḥ cet samānadhātau |*
7/31:karma dṛṣṭaḥ cet samānadhātau iti vaktavyam |
8/31:iha mā bhūt |
9/31:pacati odanam devadattaḥ |
10/31:rādhyati odhanaḥ svayam eva |
11/31:tathā karmasthabhāvakānam karmasthakriyāṇām ca |*
12/31:karmasthabhāvakānam karmasthakriyāṇām vā kartā karmavat bhavati iti vaktavyam |
13/31:kartṛsthabhāvakānām kartṛsthakriyāṇām vā kartā karmavat mā bhūt iti |
14/31:yat tāvat ucyate akarmakasya kartā karmavat bhavati iti vaktavyam iti |
15/31:na vaktavyam |
16/31:vakṣyati etat |
17/31:sakarmakāṇām pratiṣedhaḥ anyonyam āśliṣyataḥ iti |
18/31:yat api ucyate karma dṛṣṭaḥ cet samānadhātau iti vaktavyam iti |
19/31:na vaktavyam |
20/31:dhātoḥ iti vartate |
21/31:dhātoḥ karmaṇaḥ katurḥ ayam karmavadbhāvaḥ atidiśyate |
22/31:tatra sambandhāt etat gantavyam yasya dhātoḥ yat karma tasya cet kartā syāt iti |
23/31:tat yathā dhātoḥ karmaṇi aṇ bhavati iti |
24/31:tatra sambandhāt etat gamyate yasya dhātoḥ yat karma iti |
25/31:iha mā bhūt |
26/31:āhara kumbham karoti kaṭam iti |
27/31:yat api ucyate karmasthabhāvakānam karmasthakriyāṇām vā kartā karmavat bhavati iti vaktavyam |
28/31:kartṛsthabhāvakānām kartṛsthakriyāṇām vā kartā karmavat mā bhūt iti |
29/31:na vaktavyam |
30/31:karmasthayā kriyayā ayam kartāram upamimīte |
31/31:na ca kartṛsthabhāvakānām kartṛsthakriyāṇām vā karmaṇi kriyāyāḥ pravṛttiḥ asti |

1/68:kimartham punaḥ idam ucyate |
2/68:karmakartari kartṛtvam svātantryasya vivakṣitatvāt | karmakartari kartṛtvam asti |*
3/68:kutaḥ |
4/68:svātantryasya vivakṣitatvāt |
5/68:svātantryeṇa eva atra kartā vivakṣitaḥ |
6/68:kim punaḥ sataḥ svātantryasya vivakṣā āhosvit vivakṣāmātram |
7/68:sataḥ iti āha |
8/68:katham jñāyate |
9/68:bhidyate kuśūlena iti |
10/68:na ca anyaḥ kartā dṛśyate kriyā ca upalabhyate |
11/68:kim ca bhoḥ vigrahavatā eva kriyāyāḥ kartrā bhavitavyam na punaḥ vātātapakālāḥ api kartāraḥ syuḥ |
12/68:bhavet siddham yadi vātātapakālānām anyatamaḥ kartā syāt |
13/68:yaḥ tu khalu nivāte nirabhivarṣe acirakālakṛtaḥ kuśūlaḥ bhidyate tasya na anyaḥ kartā bhavati anyat ataḥ kuśūlāt |
14/68:yadi api tāvat atra etat śakyate vaktum yatra anyaḥ kartā na asti iha tu katham na syāt lūyate kedāraḥ svayam eva iti yatra asu devadattaḥ dātrahastaḥ samantataḥ viparipatan dṛśyate |
15/68:atra api yā asau sukaratā nāma tasyāḥ na anyat kartā bhavati anyat ataḥ kedārāt |
16/68:asti prayojanam etat |
17/68:kim tarhi iti |
18/68:tatra lāntasya karmavadanudeśaḥ |*
19/68:tatra lāntasya karmavadanudeśaḥ kartavyaḥ |
20/68:lāntasya kartā karmavat bhavati iti vaktavyam |
21/68:itarathā hi kṛtyaktakhalartheṣu pratiṣedhaḥ |*
22/68:akriyamāṇe hi lagrahaṇe kṛtyaktakhalartheṣu pratiṣedhaḥ vaktavyaḥ syāt |
23/68:kṛtya |
24/68:bhettavyaḥ kuśūlaḥ iti karma |
25/68:saḥ yadā svātantryeṇa vivakṣitaḥ tadā asya karmavadbhāvaḥ syāt |
26/68:tasya pratiṣedhaḥ vaktavyaḥ |
27/68:tasmin pratiṣiddhi akarmakāṇām bhāve kṛtyā bhavanti iti bhāve yathā syāt |
28/68:bhettavyam kuśūlena iti |
29/68:kta |
30/68:bhinnaḥ kuśūlaḥ iti karma |
31/68:saḥ yadā svātantryeṇa vivakṣitaḥ tadā asya karmavadbhāvaḥ syāt |
32/68:tasya pratiṣedhaḥ vaktavyaḥ |
33/68:tasmin pratiṣiddhi akarmakāṇām bhāve ktaḥ bhavati iti bhāve ktaḥ yathā syāt |
34/68:bhinnam kuśūlena |
35/68:khalarthaḥ |
36/68:īṣadbhedyaḥ kuśūlaḥ iti karma |
37/68:saḥ yadā svātantryeṇa vivakṣitaḥ tadā asya karmavadbhāvaḥ syāt |
38/68:tasya pratiṣedhaḥ vaktavyaḥ |
39/68:tasmin pratiṣiddhe akarmakāṇām bhāve khal bhavati iti bhāve yathā syāt |
40/68:īṣadbhedyam kuśūlena iti |
41/68:tat tarhi lagrahaṇam kartavyam |
42/68:na kartavyam |
43/68:kriyate nyāse eva |
44/68:liṅi āśiṣi aṅ iti dvilakārakaḥ nirdeśaḥ |
45/68:siddham tu prākṛtakarmatvāt |*
46/68:siddham etat |
47/68:katham |
48/68:prākṛtakarmatvāt |
49/68:prākṛtam eva etat karma yathā kaṭam karoti śakaṭam karoti |
50/68:katham punaḥ jñāyate prākṛtam eva etat karma iti |
51/68:ātmasaṃyoge akarmakartuḥ karmadarśanāt |*
52/68:ātmasaṃyoge akarmakartuḥ karma dṛśyate |
53/68:kva |
54/68:hanti ātmānam |
55/68:hanyata ātmanā iti |
56/68:viṣamaḥ upanyāsaḥ |
57/68:hanti ātmānam iti karma dṛśyate |
58/68:kartā na dṛśyate |
59/68:ātmanā hanyate iti kartā dṛśyate |
60/68:karma na dṛśyate |
61/68:padalopaḥ ca |*
62/68:padalopaḥ ca draṣṭavyaḥ |
63/68:hanti ātmānam ātmanā |
64/68:ātmanā hanyate ātmā iti |
65/68:kaḥ punaḥ ātmānam hanti kaḥ vā ātmanā hanyate |
66/68:dvau ātmānau antarātmā śarīrātmā ca |
67/68:antarātmā tat karma karoti yena śarīrātmā sukhaduḥke anubhavati |
68/68:śarīrātmā tat karma karoti yena antarātmā sukhaduḥke anubhavati |

Kielhorn/Abhyankar (II,66.2-8) Rohatak (III,162-164)

*Kātyāyana's Vārttikas

Commentaries:

Kāśikāvṛttī¹: karmaṇi kriyā karma, karmasthayā kriyayā tulyakriyaḥ kartā karmavad bhavati. yas See More

Kāśikāvṛttī²: karmavat karmaṇā tulyakriyaḥ 3.1.87 karmaṇi kriyā karma, karmasthayā kriyayā tu See More

Nyāsa²: karmatkarmaṇā tulyakriyaḥ. , 3.1.87 "karmavat" iti. "tena tulyaṃ See More

karmatkarmaṇā tulyakriyaḥ. , 3.1.87 "karmavat" iti. "tena tulyaṃ kriyā cedvatiḥ" 5.1.114 iti; na tu "tatra tasyeva" 5.1.115 iti; tulyakriya iti prathamānirdeśāt. anyathā tulyakriye, tulyakriyasyati saptamyā ṣaṣṭha()ā vā nirdeśaṃ kuryāt. tulyākriyā'syeti tulyakriyaḥ. kena tulyakriyaḥ? karmaṇā. sāpekṣatve'pi gamakatvāt samāsaḥ. tulyaśabdo'yaṃ sadṛśavacanaḥ. na ca sādhanasya karmaṇaḥ kriyayā sādṛśyamupapadyate; atyantabhedāt. tathā hi-- karma dravyaṃ pariniṣpannam. tdaviparītasvabhāvā kriyā. tasmāt karmaṇeti karmaśabdo'yaṃ gauṇastātsthyādupacāreṇa karmasthāyāṃ kriyāyāṃ vatrtate, yathā-- mañcāḥ krośantīti, atra mañcaśabdaḥ puruṣeṣu. upacārastu karmasthabāvakānāṃ karmasthakriyāñca karmavadbhāvo yathā syāt, kartṛsthabhāvakānāṃ kartṛsthakriyāṇāṃ ca mā bhūdityevamarthaḥ. etatsarvaṃ cetasi kṛtvāha-- "karmaṇi kriyā karma" iti. etena karmaśabdo'yaṃ karsthakriyāvācītyācaṣṭe. karmasthakriyāvācini ca karmaśabde yaḥ sūtrārthaḥ sampadyate taṃ darśayitumāha-- "karmasthayā" ityādi. evaṃ sthite sūtrārthe tulyaśabdo'yaṃ sādhāraṇavacana iti manyamāno yo deśayet-- "yadi karmasthayā kriyayā tulyakra#iyaḥ sādhāraṇakriyaḥ katrtā karmavadbhavati tadā pacatyodanaṃ devadatta ityatrāpi syāt; yasmādihāpi yāsau pradhānakriyā tāmuddiśya sarvāṇi kārakadravyāṇi pravatrtante, tayākarmasthayā pravatrtante, tayākarmasthayā sādhāraṇakriyaḥ katrtā bhavati, yathaiva hrasāvanyeṣāṃ kārakāṇāṃ sambandhinī tathā kartturapi" iti, taṃ pratyāha-- "yasmin karmaṇi" ityādi. tadvadyathāśabdau sādṛśyārthau prayuñjānaḥ "sadṛśavacano'yaṃ tulyaśabda-,na sādhāraṇavacanaḥ" ityācaṣṭe. yasmin karmaṇi karttṛbhūte'pi katrravasthāṃ pratapanne'pi tādṛśī kriyā lakṣyate yādṛśī karmāvasthāyāṃ sa kartā karmavadbhavati. sādṛśyañca kañcidbhedādhiṣṭānamityasādhāraṇa evādhiśrayaṇādilakṣaṇaḥ karttṛvyāpāro gṛhrate, na tu sādhāraṇo vikledādilakṣaṇaḥ. sa cāsādhāraṇaḥ pacacyodanaṃ devadatta ityatra kārakāntaravyāpāravisadṛśo devadattasya karttuvryāpāra iti na bhavati karmavadbhāvaḥ. atha vā-- karmasthayā kriyayā tulyakriyaḥ katrtā karmavadbhavatītyukte sadṛśavacanastulyaśabda iti manyamāno yo deśayet-- "yadyevam, bhidyamānaḥ kusūlaḥ pātrāṇi bhinattītyatrāpi prāpnoti, tathā hi yādṛśī pātreṣvavayavavibhāgātmikā kriyā tādṛśyeva kusūle katrtari lakṣyate" ityasmin pūrvapakṣa idamāha-- "yasmin karmaṇi" ityādi. sa ityanena yasminnityanena yo'rtho nirdiṣṭaḥ sa eva pratyavamṛśyate. etenaikadravyādhārayaiva karmasthayākriyayā tulyakriyaḥ katrtā karmavadbhavatīti darśayan pūrvapakṣaṃ pratikṣipati. evacca pratyāsattenryāyāllabhyate. ekadravyasamavāyino hi kriyā pratyāsannā, dravyāntarasamavetā tu viprakṛṣṭā. nanu ca śaktiḥ kārakamiti darśanam, na ca karmaśaktiḥ kadāpi karttṛbhāvamāpadyate, tadayuktamuktam-- yasmin karmaṇi karttṛbhūte'pīti? śaktiśaktimatorbhedasyāvivakṣāyāṃ śaktyādhāraṃ dravyamevaitaduktamityadoṣaḥ. idaṃ tahrrayuktamuktam-- "tadvat kriyā lakṣyate yathā karmaṇi" iti. yasmādya eva karmāvasthāyāṃ vyāpāraḥ sa eva katrravasthāyāmapīti sādṛśyaṃ nopapadyate, tasya bhedādhiṣṭhāne sati sattvāt? naiṣa doṣaḥ; avasthābhedena kriyābedādyadyapyavasthāvad()dravyamabhinnam, tathāpyavasthābhedo'sti-- anyaiva hi katrravasthā,anyā ca karmāvasthā. avasthābhedena kriyābheda iti tadadhiṣṭhānaṃ sādṛśyaṃ bhavati. ihātideśo nimitta-- vyapadeśa--śāstra-- kāryabhedādanekavidhaḥ. tatreha nimittātideśo na bhavati, na hi karmaṇo yannimittaṃ kartturopsitatamatvaṃ tat katrtaryatideṣṭuṃ śakyate; vastvantaradharmāṇāṃ vastvantareṇa viruddhadharmiṇā sambandhābhāvāt. vyapadeśātideśastu saṃjñāpakṣānna bhidyate. saṃjñāpakṣe tu vakṣyamāṇo doṣaḥ, vatigrahaṇañcānarthakaṃ syāt. śāstrātideśapakṣe tu śāstramatidiśyate, tasminnatidiṣṭe taireva śāstrairyagādayaḥ prāpyante; tataśca yadyayaṃ śāstrātideśaḥ syāt karmakartari paratvācchabādayo bādhakāḥ syuḥ, tatra pratividheyaṃ syāt. kāryātideśe tvanenaiva yagādayo vidhīyante. tena yena katrrāśrayāḥ karmakatrtari śabādayaḥ prāpnuvanti te paratvādyagādibhirbādhyanta iti na kiñcitpratividhātavyam. pradhānaṃ tu kāryātideśaḥ; tadarthatvanādatideśaśāstrāṇām. ataḥ kāryātideśatāmasya darśayannāha-- "karmāśrayāṇi" ityādi. nanu ca "tulyakriyaḥ" iti prathamānirdeśāt tadantasya karturatideśo vijñāyate, na ca sūtre karttṛgrahaṇamasti. yadyapi ca prakṛtaṃ tadapi saptamyantam, prathamānirdiṣṭena cehārthaḥ tatkathaṃ prathamāntakarttṛgrahaṇamantareṇa śakyate'tideśaḥ karttumityāha-- "katrtari" ityādi. kiṃ punarasyātideśasya prayojanamityāha-- "yagātmanepada" ityādi. "bhidyate" iti yaka udāharaṇam. "abheri" iti ciṇaḥ. "kāriṣyate" iti ciṣvadbhāvasya. karmaṇi hi "syasicsīyuṭ" 6.4.62 ityādinā ciṇvadbhāvo vihitaḥ. ātmanepadasya tu sarvāṇyevaitānyadāharaṇāni. "svāśrayamapi" ityādi. yadvināpyatideśo na bhavati tat svāśrayam, tadyathā syādityevamarthaṃ vatkaraṇam. asati hi tasmin saṃjñāsūtramidaṃ syāt, tataśca karmaṇā tulyakriyaḥ katrtā karmasaṃjñakaḥ syāt. evañca sati sakarmakatvāt "laḥ karmaṇi ca bhāve cākarmakebhyaḥ" 3.4.69 iti bhāve lakāro na syāt. vatkaraṇe tu satyatideśo bhavati. tena cāprāptameva karttuḥ karma kāryaṃ bhavati, na svāśrayaṃ karttṛtvam. akarmakasvabhāvatvamapanīyate, tatra tasyā vyāpārāt. etenākarmakāṇāṃ bhāve laḥ siddho bhavati-- bhidyate kusūneti. atha bhidyate kusūlaḥ svayamevetyatra kusūlaśabdāddvitīyā kasmānna bhavati, etadapi karma kāryaṃ bhavatyata āha-- "liṅyāśiṣyaṅiti" ityādi. dvau lakārau yasmin sa dvilakāro nirdeśaḥ. yadi dvilakārako nirdeśastadā kimityāha-- "tatra" ityādi. kāryaṃ pratītyadhyāhāryam. dvilakāranirdeśe sati "liṅyāśiṣyaṅa" 3.1.86 ityato lānuvṛttelantisyaiva kāryaṃ prati katrtā karmavadbhavati, na tu prātipadikasya. itikaraṇo hetau. yata evaṃ tasmāt kusūlāddvitīyā na bhavati. "karaṇādhikaraṇābhyām" iti. karmaṇetyasatyasmin karaṇādhikaraṇasthayāpi kriyayā tulyakriyaḥ katrtā karmavat syāt, a()smastu sati na bhavati. "sādhvasiśchinatti" iti. kaṇasya karttṛtvavivakṣāyāṃ karaṇasthayāpi kriyayā chedyadravyāntaḥpraveśalakṣaṇayā tulyakriyo'trāsiḥ katrtā. "sādhu sthālī pacati" iti. atrādhikaraṇasya karttṛtvavivakṣāyāmadhikaraṇasthayā kriyayā sambhavati dhāraṇātmikayā tulyakriyaḥ katrtā. atheha kasmānna bhavati-- pacatyodanaṃ devadattaḥ, rādhyatyodanaḥ svayameveti; bhavati hratrāpi karmasthayā kriyayā tulyakriyaḥ katrtā, tathā hi yādṛśyodene karmabhūte kriyā vikledanalakṣaṇā lakṣyate tādṛśyeva karttṛbhūte'pi, pacatirādhyatyorekārthatvādityāha--- "dhātvadhikārāt" ityādi. samānaśabdo'yamekaparyāyaḥ, yathā-- devadattayajñadattayoḥ samānā māteti. ekā māteti gamyate. "dhātorekācaḥ" 3.1.22 ityato dhātugrahaṇamanuvatrtate. karmādiśabdāśca sambandhiśabdāḥ,ye ca sambandhiśabdāste prakṛtyaiva niyatarūpaṃ sambandhinamupasthāpayanti. tathā hi-- mātari bhaktyā pravartitavyāmityukte'ntareṇāpi svasyāmiti vacanaṃ svasyāṃ mātarīti gamyate. tena yaṃ dhātumapekṣya tasya karmaṇaḥ karttṛtvaṃ tameva dhātuṃ sannidhāpayati, nānyam. tataśca dhātugrahaṇe'nuvatrtamāne satyayamartho labhyate. yasmin dhātau karmaṇopasthāpite yat karama tasminneva dhātau sa yadi katrtā bhavatyevaṃ satyayamatideśaḥ, nānyathā. tena pacatyodanaṃ devadattaḥ,rādhyatyodanaḥ svayamevetyatra na bhavati, bhinnayordhātvorodanasya karmakarttṛtvāsambhavāt. atha vā-- dhātoriti yeyamekā saṃkhyā sā vivakṣitā, tenaikasminneva dhātau karmavadbhāvo bhavati. "karmasthabhāvakānām" ityādinā nyāyaprāptamevārthaṃ darśayati.tathā hi-- karmasthayā kriyayā tulyakriyasya karttuḥ karmavadbhāvo bhavati. na ca karttṛsthabhāvakānāṃ karttṛsthakriyāṇāṃ katrtā tathāvidho'sti. yadyapi kriyāpyupādīyate, "lakṣaṇahetvoḥ kriyāyāḥ" 3.2.126 ityatra ca bhāvo'pi parigṛhrate; tathāpīha dvayorupādānasāmathryādarthabhedo draṣṭavyaḥ. sā parispandanasādhanasādhyā kriyā kriyāśabdenocyate, aparispandanasādhyā tu bhāvaśabdena. yeṣāṃ karmasthobhāvaḥ karmasthā ca kriyā; yeṣāṃ karttṛstho bhāvaḥ katrtasthā ca kriyā, teṣāmudāharaṇaṃ darśayitumāha-- "karmasthaḥ pacaterbhāvaḥ" iti. pacyate ghaṭaḥ svayamevetyatra yadā taddeśasthaghaṭakarmakapāko niṣpadyate tadā'parispandanasādhanasādhyasvabhāvaḥ pākaḥ katrtastho bhavati, yadā tu deśāntaraṃ gacchataḥ pākadravyasya pākābhinirvṛttirbhavati tadā karmasthaiva paceḥ kriyā, yathā -- pacyata odana ityatrodāharaṇe. "karmasthā ṭaca bhideḥ kriyā" iti. bhidyate kusūlaḥ-- svayameveti. avayavavibhāgalakṣaṇā hi bhideḥ kriyā,sā ca daśāntaraprāptau satyāṃ bhavatīti bhidyate parispandaḥ,tena karmasthā kriyā bhavati. "māsāsibhāvaḥ katrtasthaḥ" iti. āserdhātorbhāva asibhāvaḥ. āsanaṃ hi bhāvaḥ; tasyāḥ parispandanasādhanasādhyatvāt. tathā hi-- vyāpāroparatāvāsta iti prayujyate. māsasahacarita āsibhāvaḥ. śākapārthivāditvāt samāsaḥ-- māsāsibhāvaḥ. kadā sa māsasahacarita āsibhāvo bhavati? yadā māsamāsta iti prayujyate. māsamiti karmaṇi dvitīyā. karmasaṃjñā tu "kālabhāvādhvagantavyāḥ kramasaṃjñā hrakarmaṇām" (vā.1.4.51) iti vacanāt. māsāsibhāvaḥ katrtastho bhavati, āsitari samavāyāt. tenāsyate māsaḥ svayameveti na bhavati. "karttṛsthā ca gameḥ kriyā" #iti. gamanaṃ pāda viharaṇātmakam. tacca parispandanasā nasādhyatvācca kriyā, sā ca gantari devadattādau samavetā, na karmaṇi grāmādau. tena karmasthakriyābhāvādgamyate grāmaḥ svayameveti na bhavati॥

Laghusiddhāntakaumudī¹: Sū #763

Laghusiddhāntakaumudī²: karmavatkarmaṇā tulyakriyaḥ 763, 3.1.87 karmasthayā kriyayā tulyakriyaḥ kartā ka See More

Bālamanoramā¹: karmavatkarmaṇā. `kartari śa'bityataḥ kartarītyanuvṛttaṃ prathamayā vipari Sū #591 See More

karmavatkarmaṇā. `kartari śa'bityataḥ kartarītyanuvṛttaṃ prathamayā vipariṇamyate.tulyā kriyā yasya sa tulyakriyaḥ kartā. `karmaṇe'tyanena karmakārakasthā kriyā vivakṣitā, kriyāyāḥ karmakārakeṇa tulyatvasya tatsthakriyāmādāyaiva upapādyatvāt. tadāha– karmasthayetyādinā. karmaṇaḥ kartṛtvena vivakṣāyāṃ kartā karmavaditi yāvat. vatkaraṇā'bhāve tu karmasaṃjñaka ityarthaśaṅkā syāt.tathā sati sakarmakatvātpacyate odanena bhidyate kāṣṭheneti bhāve lo na syāt. kāryātideśo'yamiti. yadyapi śāstrātideśe kāryātideśe vā na phalabhedaḥ, tathāpi śāstrātideśasyāpi kāryātideśārthatvātanmukhyatvātkāryātideśa evāśrayaṇīya ityarthaḥ. teneti. `syu'rityatrānveti. karmavattvavacanena karmakāryāṇi `sārvadhātuke ya'giti yak, `bhāvakarmaṇo'rityātmanepadam, `ciṇ bhāvakarmaṇo'riti ciṇ, `syasicsīyuṭtāsiṣu' iti ciṇvattvaṃ, tatsaṃniyogāśiṣṭa iṭ ca syurityarthaḥ. karmaṇaḥ karttṛtvavivakṣāyāṃ katrtari vihitāni śāstrāṇyeva na syuriti bhāvaḥ. karturiti. karmaṇaḥ kartṛtvivikṣāyāṃ kartari lakāre sati tadādeśatiṅā karturabhihitatvādityarthaḥ. pacyate odana iti. phūtkārādipuruṣaśramātiśayaviśeṣaṃ vinā viklittyāśrayo bhavatītyarthaḥ. bhidyate kāṣṭhamiti. kuṭhārādidṛḍhāghātaṃ puruṣaśramaṃ vinā dvidhā bhavatītyarthaḥ. atra karmaṇaḥ kartṛtve'pi karmatvā'tideśādyak. apāci abhedīti. atra karmavatt?vācciṇ. nanu karmaṇaḥ kartṛtvavivakṣāyāṃ bhāvalakāre pacyate odanena , bhidyate kāṣṭhenetyatra karmakartustiṅā'nabhihitatvāddvitīyā syāt, karmavattvātadeśādityāśaṅkate– nanviti. pariharati– neti. nāyamākṣepa unmiṣatītyarthaḥ. kuta ityata āha– lakāra vācya eveti. tacca kuta ityata āha- - liṅyāśiṣīti. `vyatyayo bahulam̐lliḍa\ufffdāśiṣya'ṅṅiti saṃhitayā pāṭhe lakārāt pūrvaṃ lakārāntaraṃ `halo yamā'miti luptaṃ praśliṣyate. tatasca l l iti dvilakārātsūtrāt l iti ṣaṣṭha\ufffdntaṃ `karmavatkarmaṇā' ityatrānuvartate. tathāca laḥ kartā karmavaditi labhyate. vācyatvaṃ ṣaṣṭha\ufffdrthaḥ. tathā ca lakāravācyaḥ kartā karmavaditi paryavasyatītyarthaḥ. astvevaṃ, prakṛte kimāyātamityata āha– bhāve pratyaye ca karturlakāreṇānupasthiteriti. tatra bhāvasyaiva tadvācyatvāditi bhāvaḥ. ata eveti. lakāravācyasyaiva karmakartuḥ karmavattvavidhānādeva kṛtyaktakhalarthāḥ pratyayāḥ karmaṇi vihitāḥ karmakartari na bhavanti, tasya lakāravācyatva'bāvena karmavattvasya tatrā'pravṛttterityarthaḥ. etacca bhāṣye spaṣṭam. nanu `sinotegrrāsakarmakartṛkasye'ti niṣṭhānatvavārtike `sino grāsaḥ svayameve'ti bhāṣyekathamudāhmataṃ, ktapratyayasya karmakartaryabhāvāditi ceducyate— ata eva bhāṣyāt `niṣṭhe'ti sūtravihitakarmārthakaktapratyayasyaiva karmakartaryabhāva iti vijñāyate. `sino grāsaḥ svayameve'tyatra tu `gatyarthā'kar make'tyādinā kartari vihitaḥ ktapratyayaḥ karmakartari bhavatyeveti śabdenduśekhare vistaraḥ. bhettavyaṃ kusūleneti. puruṣaprayatnamanapekṣya kusūlakartṛkā bhidikriyetyarthaḥ. śaṅkate- - nanviti. idānīmiti. karmaṇaḥ kartṛtvavivakṣādaśāyāmityarthaḥ. natu tattulyeti. tulyatvasya bhedaghaṭittvāditi bhāvaḥ. adrdhāṅgokāreṇa pariharati– satyamiti. viklittirdvidhābhavanaṃ ca karmasthameva saṃprati kartṛsthamiti yuktaṃ tathāpi tayostulyatvā'bhāvastu netyarthaḥ. karmatvepi. karmatvakartṛtve avasthe = dharmaviśeṣau tayorbhedaḥ sa eva upādhiḥ = nimittaṃ yasya tatāvidhaṃ karmatvakartṛtvasamānādhikaraṇakriyābhedamāśritya tulyatvavyavahāra ityarthaḥ. vāstavabheda#ā'bhāve'pi aupādhikabhedātkarmasthakriyātulyakriyatvaṃ karmakartṛriti bhāvaḥ. karaṇādhikaraṇābhyāmiti. `asinā chinatti' sthālyāṃ pacatī'tyatra karaṇā'dhikaraṇayoryo vyāpāraḥ sa eva `asiśchinatti' sthālī pacatī' tyatra kartṛstha iti tatrāpi karmavattvaṃ syāt, tannivṛttyarthaṃ karmaṇeti padamityarthaḥ. nanu `karmavatkarmaṇe'tyatra `dhātorekāca' ityato dhātorityanuvartate. dhātorvācyayā kriyayā tulyakriya ityarthaḥ. karaṇatvādyavasthāyāṃ vastutaḥ sannapi asisthālyovryāpāro na dhātūpātta iti noktadoṣa ityasvarasādāha– kiṃceti. gacchati grāma iti. mārgasya aviṣamaniṣkaṇṭakatayā pratyāsannatayā ca śramaṃ vinā prāptyāśrayo bhavatītyarthaḥ. ārohati hastīti. aṅkuśā''ghātādihastipakavyāpāraṃ vinā svayameva nyagbhavan ārohaṇāśrayo bhavatītyarthaḥ. adhigacchatīti. pūrvādrdhamidam. `yatkṛpāleśatastasmai namo'stu gurave sadā' ityuttarādrdham. gurukṛpāleśādeva śramaṃ vinā svayameva śāstrārtho'dhigacchati = niścayaviṣayo bhavati, smṛtiviṣayo bhavati, śraddhāviṣayo bhavatītyarthaḥ. atra karmakartugrrāmādeḥ kartṛsthakriyāvattvena karmasthakriyāvattvā'bhāvānna karmavattvam. ato na karmakāryam yagādi.kiṃtu kartṛkāryaṃ śabādyeveti bhāvaḥ. nanu karmakartugrrāmādeḥ prāptyādyāśrayatvena karmasthakriyatvamastyevetyata āha– yatreti. yatrakriyākṛto viśeṣo = vailakṣaṇyaṃ dṛśyate = pratyakṣamupalabhyate, tatra karmaṇi vidyamānā kriyā karmasthakriyetyucyate ityanvayaḥ. tadudāhmatya darśayati— yathā pakveṣu taṇḍuleṣviti. `taṇḍulāvasthāpekṣayā viklittikṛto viśeṣo dṛśyate' iti śeṣaḥ. anyatrāpi kriyākṛtaṃ vailakṣaṇyamudāhmatya darśayati– yathā vā chinneṣu kāṣṭheṣviti. `acchinnāpekṣayā vailakṣaṇyaṃ dṛśyate' iti śeṣaḥ. `gacchati grāma' ityādau tu naivamityāha– na hīti. grāmeṣviti. upalakṣaṇamidam. pakvā'pakvataṇḍuleṣu yathā kriyākṛtaṃ vailakṣaṇyamupalabhyate tathā gatā'gatagrāme ārūḍhā'nārūḍhahastini adhigatā'dhigate smṛtā'smṛte śraddhitā'śraddhite ca śāstrārthe kriyākṛtavailakṣaṇyaṃ na dṛśyate ityarthaḥ. grāmamanādau kartaryeva śramādivailakṣaṇyadarśanāditi bhāvaḥ. nanu jñānecchayoriva yatnasyā'pi kartṛsthatvāttadvācinaḥ kṛño'pi kartā na karmavatsyāt. tataśca `kriyate ghaṭaḥ svayameve'ti yagādirna siddhyedityāśaṅkya kṛño na yatnārthatvamityāha- - karotirutpādanārtha iti. utpattyanukūlavyāpārārthaka ityarthaḥ. etacca bhūvādisūtre bhāṣye spaṣṭam. karoterutpādanārthakatve tu karmasthakriyatvaṃ tatkarturupapādayati– utpattiśca karmastheti. utpanne anutpanne ca vailakṣaṇyasya pratyakṣtavāditi bhāvaḥ. teneti. kṛñaḥ kartuḥ karmasthakriyatvenaityarthaḥ. tathā ca `kriyate ghaṭaḥ svayameve'tyatra yak. tāsi tu ciṇvadiṭpakṣe kāritā, tadabhāve tu karteti siddhavatkṛtyāha–kariṣyate ghaṭa ityādīti. ciṇvadiṭpakṣe `kāriṣyate' iti rūpaṃ, tadabhāvapakṣe tu `ṛddhanoḥ sye' itīṭ–kariṣyate. sīyuṭaściṇvadiṭi– kāriṣīṣṭa. tadabhāve tu –kṛṣīṣṭa. luṅi– akāri akṛta. naitaditi. karmavatvaṃ na siddhyedityarthaḥ. `yatateṭa itivatsakarmakatvameva na syādityapi bodhyam. eteneti. jñānasya kartṛsthatvavyutpādanenetyarthaḥ. anuvyavasyamāne'rthe iti. arte svayameva niścayaviṣayatāṃ saṃpadyamāne ityarthaḥ. vyākhyātamiti. samarthitamityarthaḥ. kathaṃ samarthitamityata āha– kartṛsthatvena yagabhāvāditi. anuvyavasāyaḥ = niścayaḥ, tatra karmakartā arthaḥ, sa na karmasthakriyaḥ, arthe anuvyavasāyakṛtavailakṣaṇyā'bhāvāt, kiṃtu kartṛsthakriya eva, anuvyasāyakartari devadatte harṣādidarśanāt. tataścakarmavattvā'bhāvānna yak.yaki tu kittvāt `ghumāsthāgāpājahātisā'miti ītve `anuvyavasīyamāna' iti syādityarthaḥ. nanu yagabhāve kathaṃ yakāraśravaṇamityata āha– śyanīti. `ṣo antakarmaṇi' iti dhātoranuvyavapūrvādupasargavaśena niścayavṛtterāne kṛte śyani `otaḥ śyanī' tyokāralope `anuvyavasyamāna' iti rūpasiddherityarthaḥ. nanu karmavattvā'bhāve `bhāvakarmaṇo' rityātmanepadā'bhāvātkathamiha laṭaḥ śānac, tasyātmanepadatvādityata āha– tācchīlyādāviti. `tācchīlyavayovacanaśaktiṣu cāna'śityanena cānaśityarthaḥ. tasya ca lādeśatvā'bhāvena ātmanepadatvā'bhāvāt karamavattvā'bhāve'pi karmakartari pravṛttirnirbādhā. tadāha– na tvātmanepadamiti. nanu `anyonyaṃ spṛśataḥ svayameva yajñadatta devadattā'vityatrāpi karmatvādyagādi syāt. tatra hi spṛśiḥ saṃyogānukūlavyāpārārthakaḥ. ubhāvapi kartārau, karmabhūtau ca. sparśanakriyāyā ekatve'pi āśrayabhedāttadbhedamāśritya yajñadattaniṣṭhāṃ sparśanakriyāṃ prati devadattasya karmatvam. evaṃ devadattaniṣṭhāṃ sparśanakriyāṃ prati yajñadattasya karmatvam.evaṃ kartṛtvapyubhayojrñeyam. evaṃca ubhayoḥ kartṛtvakarmatvasattvādekasmin kartari karmaṇi vā spṛśikriyā saivetarasmin kartari karmaṇi vā vartate iti karmavattvaṃ syāt, āśrayanibandhanaṃ bhedamāśritya tulyakriyatvopapatteḥ. spṛṣṭā'spṛṣṭayoranyonyasaṃyogakṛtaharṣāditadabhāvarsanācaccetyata āha– sakarmakāṇāṃ pratiṣedha iti. ekakarmakāṇāṃ chidibhidiprabhṛtīnāṃ karmaṇaḥ kartṛtvavivakṣayā akarmakāṇāṃ kartuḥ karmavattvamuktam. ye tu dvikarmakāḥ karmaṇaḥ kartṛtvavivakṣāyāmapi sakarmakā dhātavasteṣāṃ dhātūnāṃ karmakartuḥ karmavattvapratiṣedho vaktavya ityarthaḥ. anyonyaṃ spṛśata iti. karmavattve tu yaki taṅi ca `spṛśyete' iti syāditi bhāvaḥ. `sakarmakāṇāṃ pratiṣedhaḥ ityasyodāharaṇāntaramāha– ajā grāmaṃ nayatīti. ajā grāmaṃ svayameva prāpnotītyarthaḥ. atra nayanaṃ pratyajāyāḥ karmaṇaḥ kartṛtvavivavakṣāyāmapi grāmamādāya sakarmakatvānna karmavattvamiti bhāva-. vastutastu gate agate cagrāme vailakṣaṇyā'bhāvādevā'tra kmavattvasyā'prāptiriti nedamasya vārtikasyodāharaṇam. ata eva bhāṣye anyonyamāśliṣyataḥ, anyonyaṃ spṛśataḥ, anyonyaṃ saṅgṛhīta ityevodāhmatamiti śabdenduśekhare spaṣṭam. duhipacyoriti. `karmavattva'miti śeṣaḥ. anayordvikarmakatvādekasya karmaṇaḥ kartṛtvavivakṣāyāmapi anyakarmaṇā sakarmakatvātpūrvavārtikena karmavattvaniṣedhe prāpte pratipravaso'yam.

Bālamanoramā²: karmavatkarmaṇā tulyakriyaḥ 591, 3.1.87 karmavatkarmaṇā. "kartari śa"b See More

karmavatkarmaṇā tulyakriyaḥ 591, 3.1.87 karmavatkarmaṇā. "kartari śa"bityataḥ kartarītyanuvṛttaṃ prathamayā vipariṇamyate.tulyā kriyā yasya sa tulyakriyaḥ kartā. "karmaṇe"tyanena karmakārakasthā kriyā vivakṣitā, kriyāyāḥ karmakārakeṇa tulyatvasya tatsthakriyāmādāyaiva upapādyatvāt. tadāha-- karmasthayetyādinā. karmaṇaḥ kartṛtvena vivakṣāyāṃ kartā karmavaditi yāvat. vatkaraṇā'bhāve tu karmasaṃjñaka ityarthaśaṅkā syāt.tathā sati sakarmakatvātpacyate odanena bhidyate kāṣṭheneti bhāve lo na syāt. kāryātideśo'yamiti. yadyapi śāstrātideśe kāryātideśe vā na phalabhedaḥ, tathāpi śāstrātideśasyāpi kāryātideśārthatvātanmukhyatvātkāryātideśa evāśrayaṇīya ityarthaḥ. teneti. "syu"rityatrānveti. karmavattvavacanena karmakāryāṇi "sārvadhātuke ya"giti yak, "bhāvakarmaṇo"rityātmanepadam, "ciṇ bhāvakarmaṇo"riti ciṇ, "syasicsīyuṭtāsiṣu" iti ciṇvattvaṃ, tatsaṃniyogāśiṣṭa iṭ ca syurityarthaḥ. karmaṇaḥ karttṛtvavivakṣāyāṃ katrtari vihitāni śāstrāṇyeva na syuriti bhāvaḥ. karturiti. karmaṇaḥ kartṛtvivikṣāyāṃ kartari lakāre sati tadādeśatiṅā karturabhihitatvādityarthaḥ. pacyate odana iti. phūtkārādipuruṣaśramātiśayaviśeṣaṃ vinā viklittyāśrayo bhavatītyarthaḥ. bhidyate kāṣṭhamiti. kuṭhārādidṛḍhāghātaṃ puruṣaśramaṃ vinā dvidhā bhavatītyarthaḥ. atra karmaṇaḥ kartṛtve'pi karmatvā'tideśādyak. apāci abhedīti. atra karmavatt()vācciṇ. nanu karmaṇaḥ kartṛtvavivakṣāyāṃ bhāvalakāre pacyate odanena , bhidyate kāṣṭhenetyatra karmakartustiṅā'nabhihitatvāddvitīyā syāt, karmavattvātadeśādityāśaṅkate-- nanviti. pariharati-- neti. nāyamākṣepa unmiṣatītyarthaḥ. kuta ityata āha-- lakāra vācya eveti. tacca kuta ityata āha-- liṅyāśiṣīti. "vyatyayo bahulam̐lliḍa()āśiṣya"ṅṅiti saṃhitayā pāṭhe lakārāt pūrvaṃ lakārāntaraṃ "halo yamā"miti luptaṃ praśliṣyate. tatasca l l iti dvilakārātsūtrāt l iti ṣaṣṭha()ntaṃ "karmavatkarmaṇā" ityatrānuvartate. tathāca laḥ kartā karmavaditi labhyate. vācyatvaṃ ṣaṣṭha()rthaḥ. tathā ca lakāravācyaḥ kartā karmavaditi paryavasyatītyarthaḥ. astvevaṃ, prakṛte kimāyātamityata āha-- bhāve pratyaye ca karturlakāreṇānupasthiteriti. tatra bhāvasyaiva tadvācyatvāditi bhāvaḥ. ata eveti. lakāravācyasyaiva karmakartuḥ karmavattvavidhānādeva kṛtyaktakhalarthāḥ pratyayāḥ karmaṇi vihitāḥ karmakartari na bhavanti, tasya lakāravācyatva'bāvena karmavattvasya tatrā'pravṛttterityarthaḥ. etacca bhāṣye spaṣṭam. nanu "sinotegrrāsakarmakartṛkasye"ti niṣṭhānatvavārtike "sino grāsaḥ svayameve"ti bhāṣyekathamudāhmataṃ, ktapratyayasya karmakartaryabhāvāditi ceducyate--- ata eva bhāṣyāt "niṣṭhe"ti sūtravihitakarmārthakaktapratyayasyaiva karmakartaryabhāva iti vijñāyate. "sino grāsaḥ svayameve"tyatra tu "gatyarthā'kar make"tyādinā kartari vihitaḥ ktapratyayaḥ karmakartari bhavatyeveti śabdenduśekhare vistaraḥ. bhettavyaṃ kusūleneti. puruṣaprayatnamanapekṣya kusūlakartṛkā bhidikriyetyarthaḥ. śaṅkate-- nanviti. idānīmiti. karmaṇaḥ kartṛtvavivakṣādaśāyāmityarthaḥ. natu tattulyeti. tulyatvasya bhedaghaṭittvāditi bhāvaḥ. adrdhāṅgokāreṇa pariharati-- satyamiti. viklittirdvidhābhavanaṃ ca karmasthameva saṃprati kartṛsthamiti yuktaṃ tathāpi tayostulyatvā'bhāvastu netyarthaḥ. karmatvepi. karmatvakartṛtve avasthe = dharmaviśeṣau tayorbhedaḥ sa eva upādhiḥ = nimittaṃ yasya tatāvidhaṃ karmatvakartṛtvasamānādhikaraṇakriyābhedamāśritya tulyatvavyavahāra ityarthaḥ. vāstavabheda#ā'bhāve'pi aupādhikabhedātkarmasthakriyātulyakriyatvaṃ karmakartṛriti bhāvaḥ. karaṇādhikaraṇābhyāmiti. "asinā chinatti" sthālyāṃ pacatī"tyatra karaṇā'dhikaraṇayoryo vyāpāraḥ sa eva "asiśchinatti" sthālī pacatī" tyatra kartṛstha iti tatrāpi karmavattvaṃ syāt, tannivṛttyarthaṃ karmaṇeti padamityarthaḥ. nanu "karmavatkarmaṇe"tyatra "dhātorekāca" ityato dhātorityanuvartate. dhātorvācyayā kriyayā tulyakriya ityarthaḥ. karaṇatvādyavasthāyāṃ vastutaḥ sannapi asisthālyovryāpāro na dhātūpātta iti noktadoṣa ityasvarasādāha-- kiṃceti. gacchati grāma iti. mārgasya aviṣamaniṣkaṇṭakatayā pratyāsannatayā ca śramaṃ vinā prāptyāśrayo bhavatītyarthaḥ. ārohati hastīti. aṅkuśā'‌'ghātādihastipakavyāpāraṃ vinā svayameva nyagbhavan ārohaṇāśrayo bhavatītyarthaḥ. adhigacchatīti. pūrvādrdhamidam. "yatkṛpāleśatastasmai namo'stu gurave sadā" ityuttarādrdham. gurukṛpāleśādeva śramaṃ vinā svayameva śāstrārtho'dhigacchati = niścayaviṣayo bhavati, smṛtiviṣayo bhavati, śraddhāviṣayo bhavatītyarthaḥ. atra karmakartugrrāmādeḥ kartṛsthakriyāvattvena karmasthakriyāvattvā'bhāvānna karmavattvam. ato na karmakāryam yagādi.kiṃtu kartṛkāryaṃ śabādyeveti bhāvaḥ. nanu karmakartugrrāmādeḥ prāptyādyāśrayatvena karmasthakriyatvamastyevetyata āha-- yatreti. yatrakriyākṛto viśeṣo = vailakṣaṇyaṃ dṛśyate = pratyakṣamupalabhyate, tatra karmaṇi vidyamānā kriyā karmasthakriyetyucyate ityanvayaḥ. tadudāhmatya darśayati--- yathā pakveṣu taṇḍuleṣviti. "taṇḍulāvasthāpekṣayā viklittikṛto viśeṣo dṛśyate" iti śeṣaḥ. anyatrāpi kriyākṛtaṃ vailakṣaṇyamudāhmatya darśayati-- yathā vā chinneṣu kāṣṭheṣviti. "acchinnāpekṣayā vailakṣaṇyaṃ dṛśyate" iti śeṣaḥ. "gacchati grāma" ityādau tu naivamityāha-- na hīti. grāmeṣviti. upalakṣaṇamidam. pakvā'pakvataṇḍuleṣu yathā kriyākṛtaṃ vailakṣaṇyamupalabhyate tathā gatā'gatagrāme ārūḍhā'nārūḍhahastini adhigatā'dhigate smṛtā'smṛte śraddhitā'śraddhite ca śāstrārthe kriyākṛtavailakṣaṇyaṃ na dṛśyate ityarthaḥ. grāmamanādau kartaryeva śramādivailakṣaṇyadarśanāditi bhāvaḥ. nanu jñānecchayoriva yatnasyā'pi kartṛsthatvāttadvācinaḥ kṛño'pi kartā na karmavatsyāt. tataśca "kriyate ghaṭaḥ svayameve"ti yagādirna siddhyedityāśaṅkya kṛño na yatnārthatvamityāha-- karotirutpādanārtha iti. utpattyanukūlavyāpārārthaka ityarthaḥ. etacca bhūvādisūtre bhāṣye spaṣṭam. karoterutpādanārthakatve tu karmasthakriyatvaṃ tatkarturupapādayati-- utpattiśca karmastheti. utpanne anutpanne ca vailakṣaṇyasya pratyakṣtavāditi bhāvaḥ. teneti. kṛñaḥ kartuḥ karmasthakriyatvenaityarthaḥ. tathā ca "kriyate ghaṭaḥ svayameve"tyatra yak. tāsi tu ciṇvadiṭpakṣe kāritā, tadabhāve tu karteti siddhavatkṛtyāha--kariṣyate ghaṭa ityādīti. ciṇvadiṭpakṣe "kāriṣyate" iti rūpaṃ, tadabhāvapakṣe tu "ṛddhanoḥ sye" itīṭ--kariṣyate. sīyuṭaściṇvadiṭi--kāriṣīṣṭa. tadabhāve tu --kṛṣīṣṭa. luṅi-- akāri akṛta. naitaditi. karmavatvaṃ na siddhyedityarthaḥ. "yatateṭa itivatsakarmakatvameva na syādityapi bodhyam. eteneti. jñānasya kartṛsthatvavyutpādanenetyarthaḥ. anuvyavasyamāne'rthe iti. arte svayameva niścayaviṣayatāṃ saṃpadyamāne ityarthaḥ. vyākhyātamiti. samarthitamityarthaḥ. kathaṃ samarthitamityata āha-- kartṛsthatvena yagabhāvāditi. anuvyavasāyaḥ = niścayaḥ, tatra karmakartā arthaḥ, sa na karmasthakriyaḥ, arthe anuvyavasāyakṛtavailakṣaṇyā'bhāvāt, kiṃtu kartṛsthakriya eva, anuvyasāyakartari devadatte harṣādidarśanāt. tataścakarmavattvā'bhāvānna yak.yaki tu kittvāt "ghumāsthāgāpājahātisā"miti ītve "anuvyavasīyamāna" iti syādityarthaḥ. nanu yagabhāve kathaṃ yakāraśravaṇamityata āha-- śyanīti. "ṣo antakarmaṇi" iti dhātoranuvyavapūrvādupasargavaśena niścayavṛtterāne kṛte śyani "otaḥ śyanī" tyokāralope "anuvyavasyamāna" iti rūpasiddherityarthaḥ. nanu karmavattvā'bhāve "bhāvakarmaṇo" rityātmanepadā'bhāvātkathamiha laṭaḥ śānac, tasyātmanepadatvādityata āha-- tācchīlyādāviti. "tācchīlyavayovacanaśaktiṣu cāna"śityanena cānaśityarthaḥ. tasya ca lādeśatvā'bhāvena ātmanepadatvā'bhāvāt karamavattvā'bhāve'pi karmakartari pravṛttirnirbādhā. tadāha-- na tvātmanepadamiti. nanu "anyonyaṃ spṛśataḥ svayameva yajñadatta devadattā"vityatrāpi karmatvādyagādi syāt. tatra hi spṛśiḥ saṃyogānukūlavyāpārārthakaḥ. ubhāvapi kartārau, karmabhūtau ca. sparśanakriyāyā ekatve'pi āśrayabhedāttadbhedamāśritya yajñadattaniṣṭhāṃ sparśanakriyāṃ prati devadattasya karmatvam. evaṃ devadattaniṣṭhāṃ sparśanakriyāṃ prati yajñadattasya karmatvam.evaṃ kartṛtvapyubhayojrñeyam. evaṃca ubhayoḥ kartṛtvakarmatvasattvādekasmin kartari karmaṇi vā spṛśikriyā saivetarasmin kartari karmaṇi vā vartate iti karmavattvaṃ syāt, āśrayanibandhanaṃ bhedamāśritya tulyakriyatvopapatteḥ. spṛṣṭā'spṛṣṭayoranyonyasaṃyogakṛtaharṣāditadabhāvarsanācaccetyata āha-- sakarmakāṇāṃ pratiṣedha iti. ekakarmakāṇāṃ chidibhidiprabhṛtīnāṃ karmaṇaḥ kartṛtvavivakṣayā akarmakāṇāṃ kartuḥ karmavattvamuktam. ye tu dvikarmakāḥ karmaṇaḥ kartṛtvavivakṣāyāmapi sakarmakā dhātavasteṣāṃ dhātūnāṃ karmakartuḥ karmavattvapratiṣedho vaktavya ityarthaḥ. anyonyaṃ spṛśata iti. karmavattve tu yaki taṅi ca "spṛśyete" iti syāditi bhāvaḥ. "sakarmakāṇāṃ pratiṣedhaḥ ityasyodāharaṇāntaramāha-- ajā grāmaṃ nayatīti. ajā grāmaṃ svayameva prāpnotītyarthaḥ. atra nayanaṃ pratyajāyāḥ karmaṇaḥ kartṛtvavivavakṣāyāmapi grāmamādāya sakarmakatvānna karmavattvamiti bhāva-. vastutastu gate agate cagrāme vailakṣaṇyā'bhāvādevā'tra kmavattvasyā'prāptiriti nedamasya vārtikasyodāharaṇam. ata eva bhāṣye anyonyamāśliṣyataḥ, anyonyaṃ spṛśataḥ, anyonyaṃ saṅgṛhīta ityevodāhmatamiti śabdenduśekhare spaṣṭam. duhipacyoriti. "karmavattva"miti śeṣaḥ. anayordvikarmakatvādekasya karmaṇaḥ kartṛtvavivakṣāyāmapi anyakarmaṇā sakarmakatvātpūrvavārtikena karmavattvaniṣedhe prāpte pratipravaso'yam.

Tattvabodhinī¹: karmavatkarmaṇā. vatkaraṇaṃ kimartham ?. yathā abrāhṛdatte prayujyamāno brāhṛda Sū #486 See More

karmavatkarmaṇā. vatkaraṇaṃ kimartham ?. yathā abrāhṛdatte prayujyamāno brāhṛdattaśabdaḥ brāhṛdattavadityarthaṃ vadati tathā karmetyucyamāne'pi karmavadityarthalābhāt. satyam. karmaṇā tulyakriyaḥ kartā karmetyucyamane karmasaṃjñaka ityarthaḥ syāt. tathā hi sati akarmakavyapadeśā'bhāvādbhāve lakāro na syāt– kiṃ tu karmaṇi syāt– `pacyate odanaḥ bhidyate kāṣṭha'miti. yadyapyayaṃ prayogaḥ siddhānte iṣṭa eva tathāpi `pacyate odanena, bhidyate kāṣṭhene'ti bhāve na syāditi bodhyam. karmaśabdenā'tra karmasthakriyā lakṣyata ityāha– karmasthayeti. karmakārakasthayetyarthaḥ. `kartari śa'bityataḥ kartarītyanuvarttya prathamayā vipariṇamyate. saca viśeṣyastadāha– tulyakriyaḥ. karteti. kāryātiśedho'yamiti. yadyapi śāstrātideśe'pi lakṣyaṃ sidhyati tathāpi śāstrasyāpi kāryārthatayā mukhyatvātkāryātideśa evāśritaḥ. bhāve lakāre iti. tatra karturanabhihitatvāditi bhāvaḥ. dvilakārakāditi. `vyatyayo bahulalam̐-lliḍa\ufffdāśiṣya' kṅiti saṃhitayā pāṭhe'nusvārasya parasavarṇena jāte lakāre tasyopari ladvayamityarthaḥ. tena `lakāravācyaḥ kartā tatraiva karmavattvamiti vyutpādanasya phalamāha– ata eveti. na bhavantīti. lakāreṇaiva karmakarturupasthānātkṛtyādīnāṃ prasaktirnāsti, uktārthānāmaprayogāt. lavidheḥ pūrvaṃ tu sutarāṃ nāsti, lakāropasthāpyakarturabhāvena karmattvā'bhāvāditi bhāvaḥ. atredaṃ bodhyaṃ— `kṛtyaktakhalarthā' ityatra ktagrahaṇaṃ tyuktamucitaṃ , tasya karmakartari iṣṭatvāt– `bhinnaḥ kusūlaḥ svayameve'ti. vakṣyati ca svayamapi–`sinotegrrāsakarmakartṛkasye'ti vārtike– `sino grāsaḥ svayameve'ti. nanu `gatyarthā'karmake'tyatrā'vivakṣitakarmāṇo'karmakā iti na gṛhrante, dattavān pakvavānityarthe dattaḥ pakva ityāpatteriti cet. atrāhuḥ- - `sinotegrrāsakarkartṛkasye'ti niṣṭhātakārasya nakāravidhānasāmathryādavivakṣitakarmāṇo'pi kvacidgṛhrante. anyathā niṣṭhātakārastatra na labhyeta, tena `sino grāsaḥ svayameva, `bhinnaḥ kusūlaḥ svayameve'tyādi saṅgacchate iti. atra kecidvadantilakāravācyasyaiva kartuḥ karmavattve `karmavatkarmaṇe'tyatra vadgrahaṇaṃ vyartham. na ca kartuḥ karmasaṃjñāyāṃ bhave lakāro na syādityuktamiti vācyaṃ, karmaṇaḥ kartṛtvavivakṣāyāṃ dhāturakarmaka ityakarmakātkartarīva bhāve lakārasya nirbādhatvāt. lakāravāttyasya karmasaṃjñāyāmapi kevalakartustadanabhyupagamāt. na hi bhāve lakāraḥ kartāraṃ vakti. na ca vatkaraṇā'bhāve kartuḥ karmasaṃjñāyāṃ kartṛvyapadeśā'bhāvānnamate daṇḍa ityatra `na duharuāunamā'miti yako niṣedhe'pi śabna syāt, vatkaraṇe kṛte tu kartṛkāryamapi syāditi vācyam, ekasaṃjñādhikārādanyatra saṃjñādvayasamāveśādiṣṭasiddheriti. na tu tattulyeti. tulyatvaṃ hi sādṛśyam. tacca bhedanibandhanam, naca prakṛte bhedo'sti,karmaṇaḥ kartṛtvavivakṣāyāṃ karmasthaphalarūpakriyāyā eva kartṛsthatvāt, tathā ca sūtramidamasamañjasamiti bhāvaḥ. vāstavikabhedābhāve'pyauṇapādhikabhedo'stītyāha– karmatveti. karmatvakartṛtvā'vasthayorbhedastadbhedopādhikaramavasthabhedasamānādhikaraṇaṃ kriyābhedamāśrityetyarthaḥ. evaṃ cāvasthābhedena kriyābedātkarmasthakriyātulyakriyatvaṃ karturastīti bhāvaḥ. karaṇādhikaraṇābhyāmiti. `tulyakriya karte'tyetāvatyucyamāne `asinā chinatti' `sthālyāṃ pacatī'tyādau karaṇādhikaraṇayoryo vyāpāraḥ sa evedānāmasiśchinatti sthālī pacatītyādau kartṛstha ityatiprasaṅgaḥ syāt, tanmābhūdityathaḥ. naca karmatvā'vasthāyāṃ viklityādiriva karaṇatvādyavasthāyāmapi sthālyā vyāpāro vastutaḥ sannapi dhātunā nopātta iti kathamatiprasaṅga iti vācyaṃ, sādṛśyapratiyogikriyāyā dhātūpāttatvenā'viśaeṣitatvāt. na hretasminsūtre dhātūpāttakriyayā tulyakriya ityuktamasti yenātiprasaṅgo na bhavet. nanu tulyakriyaḥ kartā karmavadbhavatītyukte kenetyākāṅkṣāyāmanekakārakopasthitāvapi karmavaditi pratyāsattyā karmaṇeti labhyata evetyata āha–kiṃ ceti. adhigacchatītyādiślokasyottarādrdhantu `yatkṛpāleśatastasmai namo'stu gurave sadā'. nanu phalaṃ vyāpāraśca dhātvarthaḥ, sa eva kriyāśabdavācyaḥ. tatra vyāpārāśrayaḥ kartā, phalāśrayastu karma. eṃ ca pacibhidiprabhṛtīnāṃ , gamiruhiprabhṛtīnāṃ ca sakarmakatve phalasya karmaniṣṭhatve ca tulye kartṛsthabhāvakā gamyādaya iti kathaṃ jñātavyā ityata āha– yatra rmaṇīti. grāmeṣviti. ārūḍhā'nārūḍhahastiṣu adhigatānadhigataśāstrārtheṣvityādāvapi valakṣaṇyaṃ nolabhyata iti bodhyam. kāriṣyate iti. `syasicsīyu'ḍiti vaikalpakaściṇvadiṭ. pakṣe `ṛddhanoḥ sye' itīṭ. kariṣyate. evaṃ lṛṅi akāriṣyata. sicaściṇvadiṭi– akāriṣṭa. pakṣe akṛta. sīyuṭaściṇvadiṭi–kāriṣīṣṭa. pakṣe–kṛṣīṣṭa. tāsi tu kāritā kartā. yakciṇostu kriyate ghaṭaḥ svayameva, akārītyādi. naitatsidhyediti. `karmavatkarmaṇe'ti karmavattvaṃ na sidhyedityarthaḥ. etena pacati pākaṃ karotīti vivakaraṇādākhyātasya yatne śaktirita naiyāyikoktiḥ pārastā. karoteryatnārthatve tu yatate iti vatsarmakatāpi na syāditi. eteneti. jñānasay kartṛsthatvābhyupagamenetyarthaḥ. yagabhāvāditi. sati tu yakyanuvyavasīyamāna iti syāditi bhāvaḥ. ollopa iti. `otaḥ śyanī'tyanena. nanu karmavattvā'bhāve kathamiha śānajityata āha– tācchīlyādāviti. na tviti. śānajna bhavatītyarthaḥ. `devadattayajñadattāvanyonyaṃ spṛśata' ityatra tayoreva karmatvaṃ kartṛtvaṃ cāstīti karmasthakriyāyāḥ kartṛsthatvātkarmavadbhāvaprāptimāśaṅkyāha– sakarmakāṇāmiti. na cā'tra `devadatto yajñadattaṃ spṛśati, yajñadattastudevadatta'miti kriyābhedo'vaśyamāśrayitavyaḥ. tathā ca svaniṣṭhāṃ kriyāṃ prati karttṛtvam, itarakriyā prati tu karmatvaṃ bhavati. anyathā dvayorapi kartṛtvameva syāt`imau gaṅgāṃ spṛśata' ityatra yathā. evaṃ ca karmasthakriyāyāḥ kartṛsthatvā'bhāvātkarmavadbhāvo na prāpnoti. na ca saṃyogasya dviṣṭhatvātkarmasthaphalasya kartṛsthatvā'ccāstyeveti śaṅkyaṃ, tattannirūpitasaṃyogasya bhinnatvāt. anyathā phalavyāpārayorekāśrayatve sakarmakatvameva na labhyet. kiṃca ruhigamyoḥ kartṛsthakriyatvādārohate hastī, gacchati grāma ityatra karmavadbhāvo neti bhāṣyakaiyaṭādisaṃmatam. tathāca saṃyogarūpaphalasya sarvatra tulayatayā ruhigamibhyāṃ spṛśervaiṣamyaṃ durupapādamiti nā'trakarmavattvaprasaktirityudāhaṇāntaramāha– ajā grāmaṃ nayatīti. iha pratiṣedhā'bhāve yak syāt, kriyāphalasyā'kartagāmitve'pyātmanepadaṃ syāditi bhāvaḥ. nanvihāpi karmaṇi kriyākṛto viśeṣo nopalabhyata iti karmasthakriyatvaṃ durupapādamiti cet. atrāhuḥ– kriyākṛtaviśeṣopalambhā'nupalambhavaduddeśyatā'pi niyāmikā. yatra kramasthāṃ'śasyoddeśayatā sā karmasthakriyā, yatra tu vyāpārāṃ'śasyasā kartṛstheti. tathā hi–darśanārohaṇābhyāṃ viṣaye nyagbhūteca viśeṣānupalambhātkartṛsthatā. uddeśānurodhācca ahaṃ paśyeyamityuddeśo, na tvayaṃ viṣayo bhavatviti. evamahamuparigaccheyamityuddeśo na tu hastano nyagbhāvo bhavatviti. ūdhrvadeśasaṃyogānukūlavyāpāraviśeṣa uparigamanaṃ, tadeva ruherartho na tu nyagbhāvamātram. vṛkṣasyaśākhāṃ hastābhyāmavanamayatyapi bhūmiṣṭhe pura#uṣa ārohatītyaprayogāt. ataeva hi `yaddhituparaṃ chandasī'tyatra bhāṣyaṃ `ruhirgatyartha' iti. ata eva cārohanti hastinaṃ hastipakāstānārohayati mahāmāt ityādiprogeṣvaṇau karturṇau kmatvaṃ saṅgacchate. pacibhidyostu viklittirdvidhābhavanarūpo viśeṣaḥ karmaṇi dṛṣṭastaduddeśenaiva kārakavyāpāra iti karmasthakriyatvātpacyate odanaḥ, bhidyate kāṣṭhamityatra karmavadbhāvo bhavatyeva. ajā grāmaṃ nayatītyatrāpi karmasthāṃ'śasya saṃyogasyoddeśyatā, na tu vyāpārāṃśasyeti karmavadbhāve prāpte pratiṣedho'yamāvaśyaka iti dik.

Tattvabodhinī²: karmavatkarmaṇā tulyakriyaḥ 486, 3.1.87 karmavatkarmaṇā. vatkaraṇaṃ kimartham?. See More

karmavatkarmaṇā tulyakriyaḥ 486, 3.1.87 karmavatkarmaṇā. vatkaraṇaṃ kimartham?. yathā abrāhṛdatte prayujyamāno brāhṛdattaśabdaḥ brāhṛdattavadityarthaṃ vadati tathā karmetyucyamāne'pi karmavadityarthalābhāt. satyam. karmaṇā tulyakriyaḥ kartā karmetyucyamane karmasaṃjñaka ityarthaḥ syāt. tathā hi sati akarmakavyapadeśā'bhāvādbhāve lakāro na syāt-- kiṃ tu karmaṇi syāt-- "pacyate odanaḥ bhidyate kāṣṭha"miti. yadyapyayaṃ prayogaḥ siddhānte iṣṭa eva tathāpi "pacyate odanena, bhidyate kāṣṭhene"ti bhāve na syāditi bodhyam. karmaśabdenā'tra karmasthakriyā lakṣyata ityāha-- karmasthayeti. karmakārakasthayetyarthaḥ. "kartari śa"bityataḥ kartarītyanuvarttya prathamayā vipariṇamyate. saca viśeṣyastadāha-- tulyakriyaḥ. karteti. kāryātiśedho'yamiti. yadyapi śāstrātideśe'pi lakṣyaṃ sidhyati tathāpi śāstrasyāpi kāryārthatayā mukhyatvātkāryātideśa evāśritaḥ. bhāve lakāre iti. tatra karturanabhihitatvāditi bhāvaḥ. dvilakārakāditi. "vyatyayo bahulalam̐-lliḍa()āśiṣya" kṅiti saṃhitayā pāṭhe'nusvārasya parasavarṇena jāte lakāre tasyopari ladvayamityarthaḥ. tena "lakāravācyaḥ kartā tatraiva karmavattvamiti vyutpādanasya phalamāha-- ata eveti. na bhavantīti. lakāreṇaiva karmakarturupasthānātkṛtyādīnāṃ prasaktirnāsti, uktārthānāmaprayogāt. lavidheḥ pūrvaṃ tu sutarāṃ nāsti, lakāropasthāpyakarturabhāvena karmattvā'bhāvāditi bhāvaḥ. atredaṃ bodhyaṃ--- "kṛtyaktakhalarthā" ityatra ktagrahaṇaṃ tyuktamucitaṃ , tasya karmakartari iṣṭatvāt-- "bhinnaḥ kusūlaḥ svayameve"ti. vakṣyati ca svayamapi--"sinotegrrāsakarmakartṛkasye"ti vārtike-- "sino grāsaḥ svayameve"ti. nanu "gatyarthā'karmake"tyatrā'vivakṣitakarmāṇo'karmakā iti na gṛhrante, dattavān pakvavānityarthe dattaḥ pakva ityāpatteriti cet. atrāhuḥ-- "sinotegrrāsakarkartṛkasye"ti niṣṭhātakārasya nakāravidhānasāmathryādavivakṣitakarmāṇo'pi kvacidgṛhrante. anyathā niṣṭhātakārastatra na labhyeta, tena "sino grāsaḥ svayameva, "bhinnaḥ kusūlaḥ svayameve"tyādi saṅgacchate iti. atra kecidvadantilakāravācyasyaiva kartuḥ karmavattve "karmavatkarmaṇe"tyatra vadgrahaṇaṃ vyartham. na ca kartuḥ karmasaṃjñāyāṃ bhave lakāro na syādityuktamiti vācyaṃ, karmaṇaḥ kartṛtvavivakṣāyāṃ dhāturakarmaka ityakarmakātkartarīva bhāve lakārasya nirbādhatvāt. lakāravāttyasya karmasaṃjñāyāmapi kevalakartustadanabhyupagamāt. na hi bhāve lakāraḥ kartāraṃ vakti. na ca vatkaraṇā'bhāve kartuḥ karmasaṃjñāyāṃ kartṛvyapadeśā'bhāvānnamate daṇḍa ityatra "na duharuāunamā"miti yako niṣedhe'pi śabna syāt, vatkaraṇe kṛte tu kartṛkāryamapi syāditi vācyam, ekasaṃjñādhikārādanyatra saṃjñādvayasamāveśādiṣṭasiddheriti. na tu tattulyeti. tulyatvaṃ hi sādṛśyam. tacca bhedanibandhanam, naca prakṛte bhedo'sti,karmaṇaḥ kartṛtvavivakṣāyāṃ karmasthaphalarūpakriyāyā eva kartṛsthatvāt, tathā ca sūtramidamasamañjasamiti bhāvaḥ. vāstavikabhedābhāve'pyauṇapādhikabhedo'stītyāha-- karmatveti. karmatvakartṛtvā'vasthayorbhedastadbhedopādhikaramavasthabhedasamānādhikaraṇaṃ kriyābhedamāśrityetyarthaḥ. evaṃ cāvasthābhedena kriyābedātkarmasthakriyātulyakriyatvaṃ karturastīti bhāvaḥ. karaṇādhikaraṇābhyāmiti. "tulyakriya karte"tyetāvatyucyamāne "asinā chinatti" "sthālyāṃ pacatī"tyādau karaṇādhikaraṇayoryo vyāpāraḥ sa evedānāmasiśchinatti sthālī pacatītyādau kartṛstha ityatiprasaṅgaḥ syāt, tanmābhūdityathaḥ. naca karmatvā'vasthāyāṃ viklityādiriva karaṇatvādyavasthāyāmapi sthālyā vyāpāro vastutaḥ sannapi dhātunā nopātta iti kathamatiprasaṅga iti vācyaṃ, sādṛśyapratiyogikriyāyā dhātūpāttatvenā'viśaeṣitatvāt. na hretasminsūtre dhātūpāttakriyayā tulyakriya ityuktamasti yenātiprasaṅgo na bhavet. nanu tulyakriyaḥ kartā karmavadbhavatītyukte kenetyākāṅkṣāyāmanekakārakopasthitāvapi karmavaditi pratyāsattyā karmaṇeti labhyata evetyata āha--kiṃ ceti. adhigacchatītyādiślokasyottarādrdhantu "yatkṛpāleśatastasmai namo'stu gurave sadā". nanu phalaṃ vyāpāraśca dhātvarthaḥ, sa eva kriyāśabdavācyaḥ. tatra vyāpārāśrayaḥ kartā, phalāśrayastu karma. eṃ ca pacibhidiprabhṛtīnāṃ , gamiruhiprabhṛtīnāṃ ca sakarmakatve phalasya karmaniṣṭhatve ca tulye kartṛsthabhāvakā gamyādaya iti kathaṃ jñātavyā ityata āha-- yatra rmaṇīti. grāmeṣviti. ārūḍhā'nārūḍhahastiṣu adhigatānadhigataśāstrārtheṣvityādāvapi valakṣaṇyaṃ nolabhyata iti bodhyam. kāriṣyate iti. "syasicsīyu"ḍiti vaikalpakaściṇvadiṭ. pakṣe "ṛddhanoḥ sye" itīṭ. kariṣyate. evaṃ lṛṅi akāriṣyata. sicaściṇvadiṭi-- akāriṣṭa. pakṣe akṛta. sīyuṭaściṇvadiṭi--kāriṣīṣṭa. pakṣe--kṛṣīṣṭa. tāsi tu kāritā kartā. yakciṇostu kriyate ghaṭaḥ svayameva, akārītyādi. naitatsidhyediti. "karmavatkarmaṇe"ti karmavattvaṃ na sidhyedityarthaḥ. etena pacati pākaṃ karotīti vivakaraṇādākhyātasya yatne śaktirita naiyāyikoktiḥ pārastā. karoteryatnārthatve tu yatate iti vatsarmakatāpi na syāditi. eteneti. jñānasay kartṛsthatvābhyupagamenetyarthaḥ. yagabhāvāditi. sati tu yakyanuvyavasīyamāna iti syāditi bhāvaḥ. ollopa iti. "otaḥ śyanī"tyanena. nanu karmavattvā'bhāve kathamiha śānajityata āha--tācchīlyādāviti. na tviti. śānajna bhavatītyarthaḥ. "devadattayajñadattāvanyonyaṃ spṛśata" ityatra tayoreva karmatvaṃ kartṛtvaṃ cāstīti karmasthakriyāyāḥ kartṛsthatvātkarmavadbhāvaprāptimāśaṅkyāha-- sakarmakāṇāmiti. na cā'tra "devadatto yajñadattaṃ spṛśati, yajñadattastudevadatta"miti kriyābhedo'vaśyamāśrayitavyaḥ. tathā ca svaniṣṭhāṃ kriyāṃ prati karttṛtvam, itarakriyā prati tu karmatvaṃ bhavati. anyathā dvayorapi kartṛtvameva syātimau gaṅgāṃ spṛśata" ityatra yathā. evaṃ ca karmasthakriyāyāḥ kartṛsthatvā'bhāvātkarmavadbhāvo na prāpnoti. na ca saṃyogasya dviṣṭhatvātkarmasthaphalasya kartṛsthatvā'ccāstyeveti śaṅkyaṃ, tattannirūpitasaṃyogasya bhinnatvāt. anyathā phalavyāpārayorekāśrayatve sakarmakatvameva na labhyet. kiṃca ruhigamyoḥ kartṛsthakriyatvādārohate hastī, gacchati grāma ityatra karmavadbhāvo neti bhāṣyakaiyaṭādisaṃmatam. tathāca saṃyogarūpaphalasya sarvatra tulayatayā ruhigamibhyāṃ spṛśervaiṣamyaṃ durupapādamiti nā'trakarmavattvaprasaktirityudāhaṇāntaramāha-- ajā grāmaṃ nayatīti. iha pratiṣedhā'bhāve yak syāt, kriyāphalasyā'kartagāmitve'pyātmanepadaṃ syāditi bhāvaḥ. nanvihāpi karmaṇi kriyākṛto viśeṣo nopalabhyata iti karmasthakriyatvaṃ durupapādamiti cet. atrāhuḥ-- kriyākṛtaviśeṣopalambhā'nupalambhavaduddeśyatā'pi niyāmikā. yatra kramasthāṃ'śasyoddeśayatā sā karmasthakriyā, yatra tu vyāpārāṃ'śasyasā kartṛstheti. tathā hi--darśanārohaṇābhyāṃ viṣaye nyagbhūteca viśeṣānupalambhātkartṛsthatā. uddeśānurodhācca ahaṃ paśyeyamityuddeśo, na tvayaṃ viṣayo bhavatviti. evamahamuparigaccheyamityuddeśo na tu hastano nyagbhāvo bhavatviti. ūdhrvadeśasaṃyogānukūlavyāpāraviśeṣa uparigamanaṃ, tadeva ruherartho na tu nyagbhāvamātram. vṛkṣasyaśākhāṃ hastābhyāmavanamayatyapi bhūmiṣṭhe pura#uṣa ārohatītyaprayogāt. ataeva hi "yaddhituparaṃ chandasī"tyatra bhāṣyaṃ "ruhirgatyartha" iti. ata eva cārohanti hastinaṃ hastipakāstānārohayati mahāmāt ityādiprogeṣvaṇau karturṇau kmatvaṃ saṅgacchate. pacibhidyostu viklittirdvidhābhavanarūpo viśeṣaḥ karmaṇi dṛṣṭastaduddeśenaiva kārakavyāpāra iti karmasthakriyatvātpacyate odanaḥ, bhidyate kāṣṭhamityatra karmavadbhāvo bhavatyeva. ajā grāmaṃ nayatītyatrāpi karmasthāṃ'śasya saṃyogasyoddeśyatā, na tu vyāpārāṃśasyeti karmavadbhāve prāpte pratiṣedho'yamāvaśyaka iti dik.

1.Source: Arsha Vidya Gurukulam
2.Source: Sanskrit Documents

Examples²:

Research Papers and Publications