1/27:kva ayam akāraḥ śrūyate |
2/27:na kva cit śrūyate |
3/27:lopaḥ asya bhavati ataḥ lopaḥ ārdhadhātuke iti |
4/27:yadi na kva cit śrūyate kimartham atvam ucyate na lopaḥ eva ucyate |
5/27:na evam śakyam |
6/27:lope hi sati guṇaḥ prasajyeta |
7/27:nanu ca lope api sati na dhātulope ārdhadhātuke iti pratiṣedhaḥ bhaviṣyati |
8/27:ārdhadhātukanimitte lope saḥ pratiṣedhaḥ |
9/27:na ca eṣaḥ ārdhadhātukanimittaḥ lopaḥ |
10/27:api ca pratyākhyāyate saḥ yogaḥ |
11/27:tasmin pratyākhyāte guṇaḥ syāt eva |
12/27:tasmāt atvam vaktavyam |
13/27:atha kimartham numanuṣaktayoḥ grahaṇam kriyate na dhivikṛvyoḥ iti eva ucyate |
14/27:dhivikṛvyoḥ iti ucyamāne atve kṛte aniṣṭe deśe num prasajyeta |
15/27:idam iha sampradhāryam |
16/27:atvam kriyatām num iti |
17/27:kim atra kartavyam |
18/27:paratvāt numāgamaḥ |
19/27:antaraṅgam atvam |
20/27:kā antaraṅgatā |
21/27:pratyayotpattisanniyogena atvam ucyate |
22/27:utpannepratyaye prakṛtipratyayau āśritya aṅgasya numāgamaḥ |
23/27:num api antaraṅgaḥ |
24/27:katham |
25/27:vakṣyati etat numvidhau upadeśivadvacanam pratyayavidhyartham iti |
26/27:ubhayoḥ antaraṅgayoḥ paratvāt numāgamaḥ |
27/27:tasmāt dhivikṛvyoḥ iti vaktavyam |

hivi, dhivi jivi prīṇanārthāḥ, kṛvi hiṃsākaraṇayoḥ, ityetayoḥ dhātvoḥ upratyayo bhavati, akāraśca antādeśaḥ. dhinoti. kṛṇoti. ato lopasya sthānivadbhāvāt guṇo na bhavati.

dhinvikṛṇvyora ca 3.1.80 hivi, dhivi jivi prīṇanārthāḥ, kṛvi hiṃsākaraṇayoḥ, ityetayoḥ dhātvoḥ upratyayo bhavati, akāraśca antādeśaḥ. dhinoti. kṛṇoti. ato lopasya sthānivadbhāvāt guṇo na bhavati.

dhinvikṛṇvyora ca. , 3.1.80 bhvāditvācchapi prāpte vacanam. "akārādeśo bhavati" iti. alo'ntyasya 1.1.51 paribhāṣayā. "dhinoti" iti. "ato lopaḥ" 6.4.48. atha laghūpadhaguṇo'tra kasmānna bhavatītyāha-- "allopasya" ityādi. "acaḥ parasmin pūrvavidhau" 1.1.56 ityallopasya sthānivadbhāvanādanupadhatvādikārasya guṇo na bhavati. lāghavārathaṃ "dhivikṛvyoḥ" iti vaktavye numanuṣaktayogrrahaṇaṃ kṛtamupadeśāvasthāyāmeva numbhavatīti jñāpanārtham. tena numvidhāvupadeśivadvacanamiṣṭasvarasiddhyarthamiti na vaktavyaṃ bhavati॥

dhinvikṛṇvyoḥ. `a' iti luptaprathamākam. dhivikṛvyoḥ kṛtanumordhinvikṛṇvīta nirdeśaḥ. `tanādikṛñbhyaḥ uḥ' ityata uriti cakārādanukṛṣyate. `kartari śa'bityataḥ kartarīti, `sārvadhātuke ya'gityataḥ sārvadhātuka iti ca. tadāha– anayorityādinā. vakārasyā'kāraḥ. din a u ti iti sthitam. ato lopa iti. yugapatsaṃniyogaśiṣṭatayā upratyayā'kārayorvidhāne'pi śrutakramānurodhena pravṛttyā ādrdhadhātukopadeśekāle `dhina' ityasyā'dantatvamiti bhāvaḥ. nanvatra vakārasya lopa eva vidhīyatāṃ kimakāravidhinetyata āha–tasyeti. vakārasya lopāvidhau tu ajādeśatvā'bhāvātsthānikavattvaṃ na syāditi bhāvaḥ. tathā ca dhinu ti iti sthite āha– upratyayasyeti. dhinuta iti. dhividhātoranumi tasi upratyaye vakārasya akārādeśe ato lopaḥ. taso ṅittvādukārasya na guṇaḥ. dhinvantīti. dhinv ityasmājjhiḥ. jho'ntaḥ. upratyayaḥ. vakārasya akāraḥ. ato lopaḥ. ukārasya yaṇiti bhāvaḥ. at vakārasya sthānivattvena ādrdhadhātukatve'pi neṭ. ukāravṛttyādrdhadhātukatvasya aldharmatvena analvidhāviti niṣedhāt. tadidaṃ `bhobhago' iti sūtrabhāṣye spaṣṭam. dhinoṣi dhinuthaḥ dhinutha. dhinomi.

dhinvikṛṇvyora ca 171, 3.1.80 dhinvikṛṇvyoḥ. "a" iti luptaprathamākam. dhivikṛvyoḥ kṛtanumordhinvikṛṇvīta nirdeśaḥ. "tanādikṛñbhyaḥ uḥ" ityata uriti cakārādanukṛṣyate. "kartari śa"bityataḥ kartarīti, "sārvadhātuke ya"gityataḥ sārvadhātuka iti ca. tadāha-- anayorityādinā. vakārasyā'kāraḥ. din a u ti iti sthitam. ato lopa iti. yugapatsaṃniyogaśiṣṭatayā upratyayā'kārayorvidhāne'pi śrutakramānurodhena pravṛttyā ādrdhadhātukopadeśekāle "dhina" ityasyā'dantatvamiti bhāvaḥ. nanvatra vakārasya lopa eva vidhīyatāṃ kimakāravidhinetyata āha--tasyeti. vakārasya lopāvidhau tu ajādeśatvā'bhāvātsthānikavattvaṃ na syāditi bhāvaḥ. tathā ca dhinu ti iti sthite āha--upratyayasyeti. dhinuta iti. dhividhātoranumi tasi upratyaye vakārasya akārādeśe ato lopaḥ. taso ṅittvādukārasya na guṇaḥ. dhinvantīti. dhinv ityasmājjhiḥ. jho'ntaḥ. upratyayaḥ. vakārasya akāraḥ. ato lopaḥ. ukārasya yaṇiti bhāvaḥ. at vakārasya sthānivattvena ādrdhadhātukatve'pi neṭ. ukāravṛttyādrdhadhātukatvasya aldharmatvena analvidhāviti niṣedhāt. tadidaṃ "bhobhago" iti sūtrabhāṣye spaṣṭam. dhinoṣi dhinuthaḥ dhinutha. dhinomi.

dhinvikṛṣvyora ca. `alo'ntyasye'ti vakārasyā'kārādeśaḥ. cakāreṇa tu upratyayo'nukṛṣyate. bopadevena tvanayostanāditvaṃ svīkṛtam. tanmate tu cakāraṃ vināpyupratyayalābhaḥ. ato lopa iti. yadyapyupadeśe'dantatvaṃ nāsti tathāpyādrdhadhātukopadeśe tadastyeva. `dhinvikṛṇvyora ce'ti śrutatvādakārādeśe kṛte cānukṛṣṭasya paścājjāyamānatvāditi bhāvaḥ.

dhinvikṛṣvyora ca 145, 3.1.80 dhinvikṛṣvyora ca. "alo'ntyasye"ti vakārasyā'kārādeśaḥ. cakāreṇa tu upratyayo'nukṛṣyate. bopadevena tvanayostanāditvaṃ svīkṛtam. tanmate tu cakāraṃ vināpyupratyayalābhaḥ. ato lopa iti. yadyapyupadeśe'dantatvaṃ nāsti tathāpyādrdhadhātukopadeśe tadastyeva. "dhinvikṛṇvyora ce"ti śrutatvādakārādeśe kṛte cānukṛṣṭasya paścājjāyamānatvāditi bhāvaḥ.