Pāṇini 3.1.67

PrevNext

Grammatical Sūtra: सार्वधातुके यक् sārvadhātuke yak Chantings of the aṣṭādhyāyī kindly with permision Sai Susarla.
Individual Word Components: sārvadhātuke yak
Sūtra with anuvṛtti words: sārvadhātuke yak pratyayaḥ (3.1.1), paraḥ (3.1.2), ca (3.1.2), ādyudāttaḥ (3.1.3), ca (3.1.3), dhātoḥ (3.1.22), bhāvakarmaṇoḥ (3.1.66)
Type of Rule: vidhi
Preceding adhikāra rule:3.1.2 (1paraś ca)

Description:

Source:Laghusiddhānta kaumudī (Ballantyne)

The affix ((yak)) comes after a root, when a ((sārvadhātuka)) (III.4.1.3) follows, denoting the action or the object. Source: Aṣṭādhyāyī 2.0

[The affix 1] yáK is introduced [after 2 a verbal stem] before sārvadhātuka (3.4.1.3) [l-substitutes when denoting bhāvá (the action itself) or kárman (the object) 66]. Source: From Aṣṭādhyāyī of Pāṇini In Roman Transliteration translated by Sumitra M. Katre, Copyright © 1987. Courtesy of the University of Texas Press.

Source:Srisa Chandra Vasu's Aṣṭādhyāyī of Pāṇini

Anuvṛtti: 3.1.22, 3.1.66

Mahābhāṣya: With kind permission: Dr. George Cardona

1/45:iha paśyāmaḥ karmaṇi dvivacanabahuvacanāni udāhriyante |
2/45:pacyete* odanau , pacyante odanāḥ iti |
3/45:bhāve punaḥ ekavacanam eva : āsyate bhavatā , āsyate bhavadbhyām , āsyate bhavadbhiḥ iti |
4/45:kena etat evam bhavati |
5/45:karma anekam |
See More

1/45:iha paśyāmaḥ karmaṇi dvivacanabahuvacanāni udāhriyante |
2/45:pacyete* odanau , pacyante odanāḥ iti |
3/45:bhāve punaḥ ekavacanam eva : āsyate bhavatā , āsyate bhavadbhyām , āsyate bhavadbhiḥ iti |
4/45:kena etat evam bhavati |
5/45:karma anekam |
6/45:tasya anekatvāt dvivacanabahuvacanāni bhavanti |
7/45:bhāvaḥ punaḥ ekaḥ eva |
8/45:katham tarhi iha dvivacanabahuvacanāni bhavanti |
9/45:pākau pākāḥ iti |
10/45:āśrayabhedāt |
11/45:yat asau dravyam śritaḥ bhavati bhāvaḥ tasya bhedāt dvivacanabahuvacanāni bhavanti |
12/45:iha api tarhi yāvantaḥ tām kriyām kurvanti sarve te tasyāḥ āśrayā bhavanti |
13/45:tadbhedāt dvivacanabahuvacanāni prāpnuvanti |
14/45:evam tarhi idam tāvat ayam praṣṭavyaḥ |
15/45:kim abhisamīkṣya etat prayujyate |
16/45:pākau pākāḥ iti |
17/45:yadi tāvat pākaviśeṣān abhisamīkṣya yaḥ ca odanasya pākaḥ yaḥ ca guḍasya yaḥ ca tilānām bahavaḥ te śabdāḥ sarūpāḥ ca |
18/45:tatra yuktam bahuvacanam ekaśeṣaḥ ca |
19/45:tiṅabhihite ca api tadā bhāve bahuvacanam śrūyate |
20/45:tat yathā : uṣṭṛāsikā āsyante |
21/45:hataśāyikāḥ śayyante iti |
22/45:atha kālaviśeṣān abhisamīkṣya yaḥ ca adyatanaḥ pākaḥ yaḥ hyastanaḥ yaḥ śvastanaḥ te api bahavaḥ śabdāḥ sarūpāḥ ca |
23/45:tatra yuktam bahuvacanam ekaśeṣaḥ ca |
24/45:tiṅabhihite ca api tadā bhāve asārūpyāt ekaśeṣaḥ na bhavati |
25/45:āsi āsyate , āsiṣyate |
26/45:asti khalu api viśeṣaḥ kṛdabhihitasya bhāvasya tiṅabhihitasya ca |
27/45:kṛdabhihitaḥ bhāvaḥ dravyavat bhavati |
28/45:kim idam dravyavat iti |
29/45:dravyam kriyayā samavāyam gacchati |
30/45:kam samavāyam |
31/45:dravyam kriyābhinirvṛttau sādhanatvam upaiti |
32/45:tadvat ca asya bhāvasya kṛdabhihitasya bhavati |
33/45:pākaḥ vartate iti |
34/45:kriyāvat na bhavati |
35/45:kim idam kriyāvat iti |
36/45:kriyā kriyayā samavāyam na gacchati |
37/45:pacati paṭhati iti |
38/45:tadvac ca asya kṛtabhihitasya na bhavati |
39/45:pākaḥ vartate iti |
40/45:asti khalu api viśeṣaḥ kṛdabhihitasya bhāvasya tiṅabhihitasya ca |
41/45:tiṅabhihitena bhāvena kālapuruṣopagrahāḥ abhivyajyante |
42/45:kṛdabhihitena punaḥ na vyajyante |
43/45:asti khalu api viśeṣaḥ kṛdabhihitasya bhāvasya tiṅabhihitasya ca |
44/45:tiṅabhihitaḥ bhāvaḥ kartrā samprayujyate| kṛdabhihitaḥ punaḥ na samprayujyate |
45/45:yāvatā kim cit sāmānyam kaḥ cit viśeṣaḥ yuktam yat ayam api viśeṣaḥ syāt liṅgakṛtaḥ saṅkhyākṛtaḥ ca iti |

1/53:idam vicāryate |
2/53:bhāvakarmakartāraḥ sārvadhātukārthāḥ vā syuḥ vikaraṇārthāḥ vā iti |
3/53:katham ca sārvadhātukārthaḥ syuḥ katham vā vikaraṇārthāḥ |
4/53:bhāvakarmavācini sārvadhātuke yak bhavati kartṛvācini śarvadhātuke śap bhavati iti sārvadhātukārthāḥ |
5/53:bhāvakarmaṇoḥ yag bhavati sārvadhātuke kartari śap bhavati sārvadhātuke iti vikaraṇārthāḥ |
6/53:kaḥ ca atra viśeṣaḥ |
7/53:bhāvakarmakartāraḥ sārvadhātukārthāḥ cet ekadvibahuṣu niyamānupapattiḥ atadarthatvāt |*
8/53:bhāvakarmakartāraḥ sārvadhātukārthāḥ cet ekadvibahuṣu niyamasya anupapattiḥ |
9/53:kim kāraṇam |
10/53:atadarthatvāt |
11/53:na hi tadānīm ekatvādayaḥ eva vibhaktyarthāḥ |
12/53:kim tarhi bhāvakarmakartāraḥ api |
13/53:santu tarhi vikaraṇārthāḥ |
14/53:vikaraṇārthāḥ iti cet kṛtā abhihite vikaraṇābhāvaḥ |*
15/53:vikaraṇārthāḥ iti cet kṛtā abhihite vikaraṇaḥ na prāpnoti |
16/53:dhārayaḥ pārayaḥ iti |
17/53:kim ucyate kṛtā abhihite |
18/53:na lena api abhidhānam bhavati |
19/53:aśakyam lena abhidhānam āśrayitum |
20/53:pakṣāntaram idam āsthitam bhāvakarmakartāraḥ sārvadhātukārthāḥ vā syuḥ vikaraṇārthāḥ vā iti |
21/53:yadi ca lena api abhidhānam syāt na idam pakṣāntaram syāt |
22/53:katham aśakyam yadā bhavān eva āha laḥ karmaṇi ca bhāve ca akarmakebhyaḥ iti |
23/53:evam vakṣyāmi |
24/53:laḥ karmaṇaḥ bhāvāt ca akarmakebhyaḥ |
25/53:yasmin tarhi le vikaraṇāḥ na śrūyante kaḥ tatra bhāvakarmakartṝn abhidhāsyati |
26/53:kva ca na śrūyante |
27/53:ye ete lugvikaraṇāḥ śluvikaraṇāḥ ca |
28/53:atra api ukte kartṛtve luk bhaviṣyati |
29/53:yasmin tarhi le vikaraṇāḥ na eva utpadyante kaḥ tatra bhāvakarmakartṝn abhidhāsyati |
30/53:kva ca na eva utpadyante |
31/53:liṅliṭoḥ |
32/53:tasmāt na etat śakyam vaktum |
33/53:na lena abhidhānam bhavati iti |
34/53:bhavati cet abhihite vikaraṇābhāvaḥ eva |
35/53:evam tarhi idam syāt |
36/53:yadā bhāvakarmaṇoḥ laḥ tadā kartari vikaraṇāḥ |
37/53:yadā kartari laḥ tadā bhāvakarmaṇoḥ vikaraṇāḥ |
38/53:idam asya yadi eva svābhāvikam atha api vācanikam : prakṛtipratyayau pratyayārtham saha brūtaḥ iti |
39/53:na ca asti sambhavaḥ yat ekasyāḥ prakṛteḥ dvayoḥ nānārthayoḥ yugapat anusahāyībhāvaḥ syāt |
40/53:evam ca kṛtvā ekapakṣībhūtam idam bhavati : sārvadhātukārthāḥ eva iti |
41/53:nanu ca uktam bhāvakarmakartāraḥ sārvadhātukārthāḥ cet ekadvibahuṣu niyamānupapattiḥ atadarthatvāt iti |
42/53:na eṣaḥ doṣaḥ |
43/53:supām karmādayaḥ api arthāḥ saṅkhyā ca eva tathā tiṅām | supām saṅkhyā ca eva arthaḥ karmādayaḥ ca |*
44/53:tathā tiṅām |
45/53:prasiddhaḥ niyamaḥ tatra |*
46/53:prasiddhaḥ tatra niyamaḥ |
47/53:niyamaḥ prakṛteṣu vā |*
48/53:atha vā prakṛtān arthān apekṣya niyamaḥ |
49/53:ke ca prakṛtāḥ |
50/53:ekatvādayaḥ |
51/53:ekasmin eva ekavacanam na dvayoḥ na bahuṣu |
52/53:dvayoḥ eva dvivacanam naikasmin na bahuṣu |
53/53:bahuṣu eva bahuvacanam na dvayoḥ na ekasmin iti |

Kielhorn/Abhyankar (II,56.15-57.17) Rohatak (III,141-146)

*Kātyāyana's Vārttikas

Commentaries:

Kāśikāvṛttī¹: bhāvakarmavācini sārvadhātuke parato dhatoḥ yak pratyayo bhavati. āsyate bhavatā See More

Kāśikāvṛttī²: sārvadhātuke yak 3.1.67 bhāvakarmavācini sārvadhātuke parato dhatoḥ yak pratyay See More

Nyāsa²: sārvadhātuke yak. , 3.1.67 bhāvakarmaṇorityanuvatrtate,tacceha sārvadhātukasya v See More

sārvadhātuke yak. , 3.1.67 bhāvakarmaṇorityanuvatrtate,tacceha sārvadhātukasya viśeṣaṇamiti darśayannāha-- "bhāvakarmavācini" ityādi. bhāvakarmaṇorarthayorvatrtate yat sārvadhātukaṃ tadbhāvakarmavāci. tācchīlya āvaśnake ṇiniḥ. athaivaṃ kasmānna bhavati-- bhāvakarmaṇorabhidheyayoḥ sārvadhātuke parato yagbhavatīti? aśakyamevaṃ vaktum; sārvadhātukavācyatvena bhāvakarmaṇoḥ śāstre pratijñānāt. kuta etaditi cet? "laḥ karmaṇi ca bhāve cākarmakebhyaḥ" 3.4.69 iti vacanāt. nanu cākāri kaṭo bhavatā, aśāyi bhavatā, abibharbhavānityādau sārvadhātukābhāve'pi karmādīnāṃ pratīyamānatvāt sārvadhātukārthatā nopapadyate; na hi yo yadabhāve pratīyate sa tasyārtho yujyate, anvayavyatirekasamadhigamyatvādarthasya? naiṣa doṣaḥ; na hrayaṃ niyamaḥ-- anvayavyatirekasamadhigamyatvādarthavattayā. bhavitavyamiti, kiṃ tarhi? pratijñā. prāpitā ca sā bhavati yathā kvibādīnām. asti ca sārvadhātukasyeti yatkiñcidetat. "śayyate" iti."ayaṅayi kṅiti" 7.4.22 ityayaṅādeśaḥ. "yayagvidhāne" ityādi. nanu ca karmavadityatideśādeva yagbhaviṣyatīti kimupasaṃkhyānenetyata āha-- "vipratiṣedhāddhi" ityādi. "katrtari śap" 3.1.68 ityasyāvakāśaḥ-- śuddhaḥ katrtā bhavatīti; "sārvadhātuke yak" 3.1.67 ityasyāvakāśaḥ- śuddhaṃ karma, pacyata odana iti. pacyata odanaḥ svayamevetyatra karmavadbhāvādyak? prāpnoti, vatkaraṇāt svāśrayakamapi yathā syāditi karttṛtvasya sambhavācchabapi, tatra paratvācchabeva syāt. śaśāstraṃ yakśāstrāt paraṃ bhavati, tasmāt karmakatrtari yaka upasaṃkhyānam = pratipādanaṃ katrtavyam. pratipādanaṃ tvidam -- jñāpakāt karmakatrtaryapi yagbhaviṣyatīti. kiṃ tajjñāpakam? "na duhasnunamāṃ yakciṇau" 3.1.89 iti pratiṣedhaḥ. yadi hi karmakatrtari yagna syāt pratiṣedho'narthakaḥ syāt. vipratiṣedhāddhi śapo balīyastvaṃ śāstrātideśatvamabhyapetyoktam, na tvasau śāstrātideśaḥ, kiṃ tarhi? kāryātideśaḥ. kāryātideśasūtrameva svatantraṃ yagādeḥ kāryasya vidhāyakam, tacca param; ato vipratiṣedhādyaka eva balīyastvam॥

Laghusiddhāntakaumudī¹: dhātoryak bhāvakarmavācini sārvadhātuke. bhāvaḥ kriyā. sā ca bhāvārthakalakāreṇ Sū #755 See More

Laghusiddhāntakaumudī²: sārvadhātuke yak 755, 3.1.67 dhātoryak bhāvakarmavācini sārvadhātuke. bhāvaḥ kri See More

Bālamanoramā¹: sārvadhātuke yak. dhātoriti. `dhātorekācaḥ' ityatastadanuvṛtteriti bhāvaḥ. Sū #581 See More

sārvadhātuke yak. dhātoriti. `dhātorekācaḥ' ityatastadanuvṛtteriti bhāvaḥ. bhāvakarmavācinīti. `ciṇbhāvakarmaṇo'rityatastadanuvṛtteriti bhāvaḥ. ghaṭasya bhāvo ghaṭatvamityādau prakṛtijnayabodhe prakāro bhāvaḥ. kaverayaṃ bhāva ityādau abhiprāyaḥ. `bhāvaḥ padārthasattāyāṃ kriyāceṣṭātmayoniṣu. vidvallīlāsvabhāveṣu bhūtyabhiprāyajantuṣu' iti nānārtharatnamālā. `bhāvaḥ sattāsvabhāvābhiprāyaceṣṭātmajantuṣu' ityamaraḥ. iha tu `laḥ karmaṇi' ityatra bhāvaśabdo bhāvanāyāṃ yaugika ityāha– bhāvo bhāvaneti. laḥ karmaṇī'tyatra bhāvaśabdena bhāvanā vivakṣiteti bhāvaḥ. bhāvanāśabdasya cintāyāmapi prasiddhatvādāha– utpādaneti. utpattyanukūlo vyāpāra ityarthaḥ. evaṃ ca bhūdhātorutpattyarthakāddhetumaṇṇau vṛddhyāvādeśayorbhāviśabdāt `era'jiti bhāve aci ṇilope bhāvaśabdaḥ, bhāvayaterutpattyarthakāddhetumaṇṇyantāt striyāmityadhikāre `ṇyāsaśrantho yu'jiti yuci anādeśe ṭāpi bhāvanāśabda iti bodhyam. utpādanā ceyaṃ dhātvarthānnātiricyate iti darśayatumāha– kriyeti. dhātvarthātmakakriyaiva utpādanetyarthaḥ. tathāhi `phalavyāpārayordhātu'riti siddhāntaḥ. pacadhātoḥ pāko'rthaḥ. pāko–viklittyanukūlavyāpāraḥ. tatra viklittyaṃśaḥ phalam. adhiśrayaṇādistadanukūlo vyāpāraḥ. tathāvidhavyāpārāśrayo devadattādiḥ kartā, `dhātūpāttavyāpārāśraya karte'ti siddhāntāt. adhiśrayaṇādivyāpārajanyā viklattiḥ phalaṃ, tadāśrayatvādodanaṃ karma, `vyāpārajanyaphalaśāli karme'ti siddhāntāt. evaṃ sakarmakeṣu sarvatra jñeyam. `edha vṛddhau'ityasminnakarmake'pi vṛddhyanukūlavyāpāro dhātvarthaḥ. nacaivaṃ sati `edhate devadatta' ityatra dhātūpāttavyāpārāśrayatvādvyāpāravyadhikaraṇaphalāśrayatvaṃ karmatva'miti siddhāntāt. evaṃ ca phalotpattyanukūlavyāpārātmikā kriyā dhātvartha iti siddham. etena kriyāvācī dhātuḥ, dhātuvācyā kriyetyanyonyāśrayo'pi nirastaḥ. utpattyanukūlavyāpārasyaiva kriyātvāt. taduktaṃ– `vyāpāro bhāvanā saivotpādanā saiva ca kriye'ti. nanūtpattyanukūlavyāpārasyaiva sarvatra dhātuvācyatve sarveṣāṃ dhātūnāmekārthatvāpattiḥ. viklittyāditattatphalotpattyanukūlavyāpārthakatvaṃ tu na saṃbhavati, ekaikasya dhātorviklittyāditattatphalāṃśe, tadanukūlavyāpārātmakavyāpārasāmānye ca vācakatvānupapatterityata āha– sā cetyādi. pacyādayo dhātutvena rūpeṇa utpattyanukūlavyāpārātmikaṃ kriyāmāhuḥ. pacitvāditaviśeṣarūpeṇa tu viklittyāditattatphalāṃśamāhuḥ. tathā ca vācakatāvacchedakabedādviklittyādiphalaviśeṣasya, kriyāsāmānyasya ca vācyatā saṅgacchate iti bhāvaḥ. tathā ca bhaṭṭirāha– `vibhajya senāṃ paramārtha senāpatīṃścāpi purandaro'tha. niyojayāmāsa sa śatrusainye karotirartheṣviva sarvadhātūn॥' iti. astibhavatividyatīnāmapi sattānukūlavyāpāra evārthaḥ. tatra sattā ātmabharaṇam. tadanukūlavyāpārastu jāyate, asti, vipariṇamate, vadrdhate, apakṣīyate, vinaśyatīti vāṣryāyaṇipraṇītaṣaḍbhāvavikāreṣvanyatamo yathāyathaṃ jñeyaḥ. bhūvādisūtre bhāṣye spaṣṭametat. prapañcataṃ ca mañjūṣāyāmityalam. nanūtpādanātmakakriyārūpasya bhāvasya dhātuvācyatve `laḥ karmaṇi ca bhāve ce'ti bhāve kathaṃ lakāravidhiḥ. ananyalabhyasyaiva śabdārthatvādityata āha– bhāvārthakalakāreṇānūdyate iti. `dvau' `trayaḥ' ityādau dvivacanabahuvacanavadati bhāvaḥ. yuṣmadasmadbhyāmiti. yuṣmadi asmida ca tiṅsamānādhikaraṇe upapade madhyamottamapuruṣau vihitau. yuṣmadasmadostiṅsāmānādhikaraṇyaṃ ca tiṅvācyakārakavācitvameva. bhāve lakāre tu `āsyate tvayā' `āsyate maye'tyādau bhāva eva tiṅvācyo natu yuṣmadasmadarthau, ato na madhyamottamāvityarthaḥ. karmalakāre tu `tvaṃ vandyase',`ahaṃ vandye' ityādau lakārasya, yuṣmadasmadośca sāmanādhikaraṇyasaṃbhavātpuruṣatrayamapi yathāyathamudāhariṣyate. tiṅvācyeti. sattvaṃ = dravyaṃ– liṅgasaṅkyānvayayogyam. tiṅvācyā yā bhāvanā kriyā sā asattvarūpā = liṅgasaṅkhyānvayā'yogyā, śabdaśaktisvabhāvāt. tataśca tasyāṃ tiṅvācyabhāvanāyāṃ dvitvabahutvayorapratīteryuvābhyāṃ yuṣmābhirvā āsyate ityādau na dvivacanaṃ, bahuvacanaṃ cetyarthaḥ. tiṅvācyetyanena kṛdvācyāyāḥ kriyāyā liṅgasaṅkhyānvayitvātmakaṃ sattvarūpatvamastītyuktaṃ bhavati. tadyathā - pākau pākā ityādi. taduktaṃ –`sārvadhātuke ya'giti sūtre bhāṣye - `kṛdabhihito bhāvo dravyavatprakāśate' iti. dravyavalliṅgasaṅkhyānvayaṃ labhate ityarthaḥ, śabdaśaktisvabhāvāditi bhāvaḥ. nanu tiṅvācyabhāvanāyā asattvarūpatayā dvivahuvacanā'bhāve āsyate ityādau ekavacanaṃ ca na syādityata āha– kiṃ tvekavacanameveti. `tiṅvācyabhāvalakārasye'ti śeṣaḥ. tasyeti. `dveyakayordvivacanaikavacane' `bahuṣu bahuvacana'miti sūtranyāsaṃ bhaṅktvā `ekavacanaṃ' dvibahuṣu dvibahuvacane' iti sūtranyāsaḥ kartavyaḥ. tatra dvitvabahutvayordvibahuvacananiyame sati tayoraviṣaye ekavacanamiti labhyate iti bhāṣye spaṣṭam. evaṃ ca ekavacanasya ekatvamutsṛjya dvibahuvacanānyaviṣaye vihitatvena autsargikatayā ekatvasaṅkhyānapekṣatvādbhāvalakārasya asattvarūpabhāvavācitve'pyekavacanameveti bhāvaḥ. anabhihite iti. bhāvalakāre kartustiṅvācyatvā'bhāvena anabhihitatvāttṛtīyetyarthaḥ. tvayā mayeti. tvatkartṛkaṃ matkartṛkam anyakartṛkaṃ bhavanamityarthaḥ.

Bālamanoramā²: sārvadhātuke yak 581, 3.1.67 sārvadhātuke yak. dhātoriti. "dhātorekācaḥ&quo See More

sārvadhātuke yak 581, 3.1.67 sārvadhātuke yak. dhātoriti. "dhātorekācaḥ" ityatastadanuvṛtteriti bhāvaḥ. bhāvakarmavācinīti. "ciṇbhāvakarmaṇo"rityatastadanuvṛtteriti bhāvaḥ. ghaṭasya bhāvo ghaṭatvamityādau prakṛtijnayabodhe prakāro bhāvaḥ. kaverayaṃ bhāva ityādau abhiprāyaḥ. "bhāvaḥ padārthasattāyāṃ kriyāceṣṭātmayoniṣu. vidvallīlāsvabhāveṣu bhūtyabhiprāyajantuṣu" iti nānārtharatnamālā. "bhāvaḥ sattāsvabhāvābhiprāyaceṣṭātmajantuṣu" ityamaraḥ. iha tu "laḥ karmaṇi" ityatra bhāvaśabdo bhāvanāyāṃ yaugika ityāha-- bhāvo bhāvaneti. laḥ karmaṇī"tyatra bhāvaśabdena bhāvanā vivakṣiteti bhāvaḥ. bhāvanāśabdasya cintāyāmapi prasiddhatvādāha-- utpādaneti. utpattyanukūlo vyāpāra ityarthaḥ. evaṃ ca bhūdhātorutpattyarthakāddhetumaṇṇau vṛddhyāvādeśayorbhāviśabdāt "era"jiti bhāve aci ṇilope bhāvaśabdaḥ, bhāvayaterutpattyarthakāddhetumaṇṇyantāt striyāmityadhikāre "ṇyāsaśrantho yu"jiti yuci anādeśe ṭāpi bhāvanāśabda iti bodhyam. utpādanā ceyaṃ dhātvarthānnātiricyate iti darśayatumāha-- kriyeti. dhātvarthātmakakriyaiva utpādanetyarthaḥ. tathāhi "phalavyāpārayordhātu"riti siddhāntaḥ. pacadhātoḥ pāko'rthaḥ. pāko--viklittyanukūlavyāpāraḥ. tatra viklittyaṃśaḥ phalam. adhiśrayaṇādistadanukūlo vyāpāraḥ. tathāvidhavyāpārāśrayo devadattādiḥ kartā, "dhātūpāttavyāpārāśraya karte"ti siddhāntāt. adhiśrayaṇādivyāpārajanyā viklattiḥ phalaṃ, tadāśrayatvādodanaṃ karma, "vyāpārajanyaphalaśāli karme"ti siddhāntāt. evaṃ sakarmakeṣu sarvatra jñeyam. "edha vṛddhau"ityasminnakarmake'pi vṛddhyanukūlavyāpāro dhātvarthaḥ. nacaivaṃ sati "edhate devadatta" ityatra dhātūpāttavyāpārāśrayatvādvyāpāravyadhikaraṇaphalāśrayatvaṃ karmatva"miti siddhāntāt. evaṃ ca phalotpattyanukūlavyāpārātmikā kriyā dhātvartha iti siddham. etena kriyāvācī dhātuḥ, dhātuvācyā kriyetyanyonyāśrayo'pi nirastaḥ. utpattyanukūlavyāpārasyaiva kriyātvāt. taduktaṃ-- "vyāpāro bhāvanā saivotpādanā saiva ca kriye"ti. nanūtpattyanukūlavyāpārasyaiva sarvatra dhātuvācyatve sarveṣāṃ dhātūnāmekārthatvāpattiḥ. viklittyāditattatphalotpattyanukūlavyāpārthakatvaṃ tu na saṃbhavati, ekaikasya dhātorviklittyāditattatphalāṃśe, tadanukūlavyāpārātmakavyāpārasāmānye ca vācakatvānupapatterityata āha-- sā cetyādi. pacyādayo dhātutvena rūpeṇa utpattyanukūlavyāpārātmikaṃ kriyāmāhuḥ. pacitvāditaviśeṣarūpeṇa tu viklittyāditattatphalāṃśamāhuḥ. tathā ca vācakatāvacchedakabedādviklittyādiphalaviśeṣasya, kriyāsāmānyasya ca vācyatā saṅgacchate iti bhāvaḥ. tathā ca bhaṭṭirāha-- "vibhajya senāṃ paramārtha senāpatīṃścāpi purandaro'tha. niyojayāmāsa sa śatrusainye karotirartheṣviva sarvadhātūn॥" iti. astibhavatividyatīnāmapi sattānukūlavyāpāra evārthaḥ. tatra sattā ātmabharaṇam. tadanukūlavyāpārastu jāyate, asti, vipariṇamate, vadrdhate, apakṣīyate, vinaśyatīti vāṣryāyaṇipraṇītaṣaḍbhāvavikāreṣvanyatamo yathāyathaṃ jñeyaḥ. bhūvādisūtre bhāṣye spaṣṭametat. prapañcataṃ ca mañjūṣāyāmityalam. nanūtpādanātmakakriyārūpasya bhāvasya dhātuvācyatve "laḥ karmaṇi ca bhāve ce"ti bhāve kathaṃ lakāravidhiḥ. ananyalabhyasyaiva śabdārthatvādityata āha-- bhāvārthakalakāreṇānūdyate iti. "dvau" "trayaḥ" ityādau dvivacanabahuvacanavadati bhāvaḥ. yuṣmadasmadbhyāmiti. yuṣmadi asmida ca tiṅsamānādhikaraṇe upapade madhyamottamapuruṣau vihitau. yuṣmadasmadostiṅsāmānādhikaraṇyaṃ ca tiṅvācyakārakavācitvameva. bhāve lakāre tu "āsyate tvayā" "āsyate maye"tyādau bhāva eva tiṅvācyo natu yuṣmadasmadarthau, ato na madhyamottamāvityarthaḥ. karmalakāre tu "tvaṃ vandyase","ahaṃ vandye" ityādau lakārasya, yuṣmadasmadośca sāmanādhikaraṇyasaṃbhavātpuruṣatrayamapi yathāyathamudāhariṣyate. tiṅvācyeti. sattvaṃ = dravyaṃ-- liṅgasaṅkyānvayayogyam. tiṅvācyā yā bhāvanā kriyā sā asattvarūpā = liṅgasaṅkhyānvayā'yogyā, śabdaśaktisvabhāvāt. tataśca tasyāṃ tiṅvācyabhāvanāyāṃ dvitvabahutvayorapratīteryuvābhyāṃ yuṣmābhirvā āsyate ityādau na dvivacanaṃ, bahuvacanaṃ cetyarthaḥ. tiṅvācyetyanena kṛdvācyāyāḥ kriyāyā liṅgasaṅkhyānvayitvātmakaṃ sattvarūpatvamastītyuktaṃ bhavati. tadyathā - pākau pākā ityādi. taduktaṃ --"sārvadhātuke ya"giti sūtre bhāṣye - "kṛdabhihito bhāvo dravyavatprakāśate" iti. dravyavalliṅgasaṅkhyānvayaṃ labhate ityarthaḥ, śabdaśaktisvabhāvāditi bhāvaḥ. nanu tiṅvācyabhāvanāyā asattvarūpatayā dvivahuvacanā'bhāve āsyate ityādau ekavacanaṃ ca na syādityata āha-- kiṃ tvekavacanameveti. "tiṅvācyabhāvalakārasye"ti śeṣaḥ. tasyeti. "dveyakayordvivacanaikavacane" "bahuṣu bahuvacana"miti sūtranyāsaṃ bhaṅktvā "ekavacanaṃ" dvibahuṣu dvibahuvacane" iti sūtranyāsaḥ kartavyaḥ. tatra dvitvabahutvayordvibahuvacananiyame sati tayoraviṣaye ekavacanamiti labhyate iti bhāṣye spaṣṭam. evaṃ ca ekavacanasya ekatvamutsṛjya dvibahuvacanānyaviṣaye vihitatvena autsargikatayā ekatvasaṅkhyānapekṣatvādbhāvalakārasya asattvarūpabhāvavācitve'pyekavacanameveti bhāvaḥ. anabhihite iti. bhāvalakāre kartustiṅvācyatvā'bhāvena anabhihitatvāttṛtīyetyarthaḥ. tvayā mayeti. tvatkartṛkaṃ matkartṛkam anyakartṛkaṃ bhavanamityarthaḥ.

Tattvabodhinī¹: sārvadhātuke yak. `dhātorekācaḥ' ityato dhātoriti, `ciṇ bhāvakarmaṇo' Sū #477 See More

sārvadhātuke yak. `dhātorekācaḥ' ityato dhātoriti, `ciṇ bhāvakarmaṇo'rityato bāvakarmaṇoriti cānuvartate. bhāvo bhāvaneti. utpattyarthadbhavaterṇijantāderajiti bhāvaḥ. `erajaṇyantānā'miti tvanārṣamiti tasminneva sūtre kaiyaṭaḥ. bhavaterutpattyarthatvaṃ, ṇyantasya bhavateḥ śuddhena karotinā tulyārthatvaṃ ca darśayati- - utpādanā kriyeti. yathā karoti ghaṭamityādāvutpattyanukūlo vyāpāraḥ kulālaniṣṭhaḥ, tathā bhāvayati ghaṭamityādāvapi. bhavati ghaṭa ityatrāpi ghaṭaniṣṭha utpattyanukūlo vyāpāro'styeva, paraṃtu phalasamānādhikaraṇaḥ saḥ, kulālaniṣṭhastu phalavyadhikaraṇa itīyānbhedaḥ. ata eva phalavyāparayoḥ sāmānādhikaraṇyādbhavatyādirakarmakaḥ, tayostu vaiyadhikaraṇyātkarotyādiḥ sakarmaka ityāhuḥ. etena `bhāvo bhāvane' tyādigranthena `bhūvādayo dhātavaḥ' ityatra kriyāvācinaḥ kim ?. vikalpārthakavāśabdādbhāve liṇ mābhūt. anyathā bhvādigaṇe vāśabdamātrapaṭhanādakriyāvācino'pi vāśabdasya dhātutve `dhātvarthaḥ kevalaḥ śuddho bhāva ityabhidhīyate' iti vikalpasyāpi bāvatvāpattyā tadvācakavāśabdālliṭ syādeveti keṣāṃcidvyākhyānaṃ parāstam, bhāvanāvācakādeva bhāve liṭaḥ svīkārāt. vikalpasya tu bhāvanābhinnatvāt. anyathā `kriyāvācina' iti viśeṣaṇe datte'pi taddoṣatādavasthyāt. vikalpavācakālliḍabhāve'pi laḍādayaḥ syuriti tu na śaṅkanīyameva, vartamānakriyādivṛttereva laḍādīnāṃ vidhānāt. kimrathaṃ tarhi kriyāvācino bhvādaya iti sarvaireva tatra vyākhyātam?. `yāḥ paśyasī'tyatrāpi lakṣaṇapratipadoktaparibhāṣayā yāśabdasya dhātutvā'saṃbhavāt `āto dhātoḥ' iti tatrā''llopāprasaktiriti cet. atrāhuḥ– `kāryakālaṃ saṃjñāparibhāṣa'miti pakṣe `āto dhātutvā'saṃbhavāt `āto dhātoḥ' iti tatrā'llopāprasaktiriti cet. atrāhuḥ- - `kāryakālaṃ saṃjñāparibhāṣa'miti pakṣe `āto dhāto'riti kāryapradeśe bhvādayo dhātava ityupatiṣṭhate bhvādiṣu yāśabdamātarpaṭhanāddravyavācako'pi yāśabdastatropatiṣṭhate. varṇagrahaṇe lakṣaṇapratipadoktaparibhāṣāyā apravṛtteḥ, `āto dhāto'rityatra tvāt iti varṇagrahaṇāt. tasmāddvyavacākasya yāśabdasya dhātusaṃjñā mābhūditi kriyāvācina iti viśeṣaṇamavaśyaṃ vaktavyameveti. `utpādanā kriye' tyanena tu kriyāvācī dhāturdhātvarthaḥ kriyetyanyonyāśrayo'tra duṣparihara iti keṣāṃcidākṣepo nirastaḥ. utpattyanukūlavyāpārasya kriyātvāt. tada#uktam– `vyāpāro bhāvanā saivotpādanā saiva ca kriye'ti. dhātutveneti. sakaladhātuṣu dhātutvaṃ jātirakhaṇḍopādhirvetyanyadetat. tacca vācakatāvacchedakam. kriyātvaṃ tu vācyatāvacchedakamiti bhāvaḥ. dhātuvācyeti. nanvevaṃ pacatītyādāvekakartṛkā vartamānā pacikriyeti kriyāviśeṣyako bodho na syāt, pratyayārthaṃ prati prakṛtyarthasyaviśeṣaṇatāyā aupagavādau klṛptatvāt. tathā ca `bhāvanā tiṅ pratyayavācye'ti mīmāṃsakamatameva ramaṇīyamiti cet. atrāhuḥ– `pratyayārthaḥ pradhāna'miti utsargaḥ, sa ceha tyajyate,`kriyāpradhānamākhyāta'smarāt. ṭābādyarthatvena mīmāṃsakairabhyupagatasya strītvasya pācikādau viśeṣaṇatvābyupagamātpratyayārthaḥ pradhānamiti niyamasya tyaktatvācca. kiṃ ca bhoktavyamityādau tiṅaṃ vināpi bhāvanā pratīyate, kārakāpekṣā ca dṛśyate. asti ca karotisāmānādhikaraṇyam. kiṃ ca bhoktavyamityādau tiṅaṃ vināpi bhāvanā pratīyate, kārakāpekṣā ca dṛśyate. asti ca karotisāmānādhikaraṇyam. kiṃ kartavyaṃ ?, bhoktavyam, kiṃ kṛtavān ?, bhuktavāniti. naca kṛtāmapi tavyadādīnāṃ bhāvanāvācakatvamastviti śaṅkyam, nāmārthayorabhedānvayānurodhena `kartari kṛ'diti tavyadādayaḥ karma#ādāviti parairapyabhyupagamāt. anyathā pācako devadattaḥ, paktavya odana ityatrā'bhedabodho na syāt. tathā ca dhātuvācyatvaṃ bhāvanāyā ityeva mataṃ ramaṇīyataramiti. lakārasya sāmānādhikaraṇyaṃ kartṛkarmābhidhāyina eva saṃbhavati na bhāvābhidhāyina ityāśayena vyācaṣṭe– sāmānādhikaraṇayābhāvāditi. na caivaṃ yuṣmadasmadbhinnopapade samānādhikaraṇe devadattaḥ patītyādāviva prathamapuruṣeṇa bhāvyamiti prathamapuruṣo'pyatra na syāditi vācyaṃ, `śeṣe prathamaḥ' ityatra `madhyamottamayoraviṣaye prathamaḥ syā'diti vyākhyānāt. tiṅvācyeti. ghañāditavācyāyāstu sattvarūpatvamiṣṭameveti pākaṃ pākenetyādau yathāyathaṃ dvitīyādayaḥ pravartante. ata eva bhāṣyakṛtoktaṃ `kṛdabhihito bhāvo dravyavatprakāśate' iti. dravyadharmāṃlliṅgasaṅkhyākārakādīn gṛhṇātītyarthaḥ. ekavacanameveti. prāyovādo'yam. anyathā `uṣṭrāsikā āsyante' `hataśāyikāḥ śayyante' iti bhāṣye dhātvarthanirdeśe ṇvuli kṛdabhihito bhāvo dravyavatprakāśata ityāsikāḥ śāyikā ityatra bahuvacanasiddhāvapi āsyante śayyante ityatra tanna sidhyet. na ca karmaṇyevā'tra lakāro'stviti śaṅkyam, dhātudvayasyāpyakarmakatvena tadasaṃbhavāt, arthā'saṅgateśca. tatra hruṣṭrāṇāṃ yādṛśānyāsanāni hatānāṃ yādṛśāni śayanāni tādṛśāni devadattādi kartṛkānyāsanādīnītyarthaḥ. sādṛśyāvagamādiha ākhyātavācyasyāpi bhāvasya bhedā'vabhāsādbahuvacanam. na caivaṃ saṅkyānvayitve asattvarūpatā na syāditi vācyam, liṅgakriyā'nādhārakārakayogā'bhāvamātreṇā'sattvarūpatvamupapadyata iti kārakeṣūktatvāt. kecidiha uṣṭrāsikā– hataśāyikāśabdayostatsadṛśe lakṣaṇāṃ svīkṛtya āsyanta ityādinā abhedānvayamāhuḥ. manoramāyāṃ tu āsikāḥ śāyikā iti ca dvitīyābahuvacanaṃ, kriyāviśeṣaṇatvena karmatvāt. na caivaṃ klībatvamekavacanāntatvaṃ ca syāditi vācyam, `striyāṃ kta'nnityadhikārātstrītvā'vadhāraṇena `sāmānye napuṃsaka'mityasyā'pravṛtteḥ. bahuvacanatvāvadhāraṇenaikavacanāpravṛtteścetyuktam.

Tattvabodhinī²: sārvadhātuke yak 477, 3.1.67 sārvadhātuke yak. "dhātorekācaḥ"; ityato d See More

sārvadhātuke yak 477, 3.1.67 sārvadhātuke yak. "dhātorekācaḥ" ityato dhātoriti, "ciṇ bhāvakarmaṇo"rityato bāvakarmaṇoriti cānuvartate. bhāvo bhāvaneti. utpattyarthadbhavaterṇijantāderajiti bhāvaḥ. "erajaṇyantānā"miti tvanārṣamiti tasminneva sūtre kaiyaṭaḥ. bhavaterutpattyarthatvaṃ, ṇyantasya bhavateḥ śuddhena karotinā tulyārthatvaṃ ca darśayati-- utpādanā kriyeti. yathā karoti ghaṭamityādāvutpattyanukūlo vyāpāraḥ kulālaniṣṭhaḥ, tathā bhāvayati ghaṭamityādāvapi. bhavati ghaṭa ityatrāpi ghaṭaniṣṭha utpattyanukūlo vyāpāro'styeva, paraṃtu phalasamānādhikaraṇaḥ saḥ, kulālaniṣṭhastu phalavyadhikaraṇa itīyānbhedaḥ. ata eva phalavyāparayoḥ sāmānādhikaraṇyādbhavatyādirakarmakaḥ, tayostu vaiyadhikaraṇyātkarotyādiḥ sakarmaka ityāhuḥ. etena "bhāvo bhāvane" tyādigranthena "bhūvādayo dhātavaḥ" ityatra kriyāvācinaḥ kim?. vikalpārthakavāśabdādbhāve liṇ mābhūt. anyathā bhvādigaṇe vāśabdamātrapaṭhanādakriyāvācino'pi vāśabdasya dhātutve "dhātvarthaḥ kevalaḥ śuddho bhāva ityabhidhīyate" iti vikalpasyāpi bāvatvāpattyā tadvācakavāśabdālliṭ syādeveti keṣāṃcidvyākhyānaṃ parāstam, bhāvanāvācakādeva bhāve liṭaḥ svīkārāt. vikalpasya tu bhāvanābhinnatvāt. anyathā "kriyāvācina" iti viśeṣaṇe datte'pi taddoṣatādavasthyāt. vikalpavācakālliḍabhāve'pi laḍādayaḥ syuriti tu na śaṅkanīyameva, vartamānakriyādivṛttereva laḍādīnāṃ vidhānāt. kimrathaṃ tarhi kriyāvācino bhvādaya iti sarvaireva tatra vyākhyātam(). "yāḥ paśyasī"tyatrāpi lakṣaṇapratipadoktaparibhāṣayā yāśabdasya dhātutvā'saṃbhavāt "āto dhātoḥ" iti tatrā'‌'llopāprasaktiriti cet. atrāhuḥ-- "kāryakālaṃ saṃjñāparibhāṣa"miti pakṣe "āto dhātutvā'saṃbhavāt "āto dhātoḥ" iti tatrā'llopāprasaktiriti cet. atrāhuḥ-- "kāryakālaṃ saṃjñāparibhāṣa"miti pakṣe "āto dhāto"riti kāryapradeśe bhvādayo dhātava ityupatiṣṭhate bhvādiṣu yāśabdamātarpaṭhanāddravyavācako'pi yāśabdastatropatiṣṭhate. varṇagrahaṇe lakṣaṇapratipadoktaparibhāṣāyā apravṛtteḥ, "āto dhāto"rityatra tvāt iti varṇagrahaṇāt. tasmāddvyavacākasya yāśabdasya dhātusaṃjñā mābhūditi kriyāvācina iti viśeṣaṇamavaśyaṃ vaktavyameveti. "utpādanā kriye" tyanena tu kriyāvācī dhāturdhātvarthaḥ kriyetyanyonyāśrayo'tra duṣparihara iti keṣāṃcidākṣepo nirastaḥ. utpattyanukūlavyāpārasya kriyātvāt. tada#uktam-- "vyāpāro bhāvanā saivotpādanā saiva ca kriye"ti. dhātutveneti. sakaladhātuṣu dhātutvaṃ jātirakhaṇḍopādhirvetyanyadetat. tacca vācakatāvacchedakam. kriyātvaṃ tu vācyatāvacchedakamiti bhāvaḥ. dhātuvācyeti. nanvevaṃ pacatītyādāvekakartṛkā vartamānā pacikriyeti kriyāviśeṣyako bodho na syāt, pratyayārthaṃ prati prakṛtyarthasyaviśeṣaṇatāyā aupagavādau klṛptatvāt. tathā ca "bhāvanā tiṅ pratyayavācye"ti mīmāṃsakamatameva ramaṇīyamiti cet. atrāhuḥ-- "pratyayārthaḥ pradhāna"miti utsargaḥ, sa ceha tyajyate,"kriyāpradhānamākhyāta"smarāt. ṭābādyarthatvena mīmāṃsakairabhyupagatasya strītvasya pācikādau viśeṣaṇatvābyupagamātpratyayārthaḥ pradhānamiti niyamasya tyaktatvācca. kiṃ ca bhoktavyamityādau tiṅaṃ vināpi bhāvanā pratīyate, kārakāpekṣā ca dṛśyate. asti ca karotisāmānādhikaraṇyam. kiṃ ca bhoktavyamityādau tiṅaṃ vināpi bhāvanā pratīyate, kārakāpekṣā ca dṛśyate. asti ca karotisāmānādhikaraṇyam. kiṃ kartavyaṃ?, bhoktavyam, kiṃ kṛtavān?, bhuktavāniti. naca kṛtāmapi tavyadādīnāṃ bhāvanāvācakatvamastviti śaṅkyam, nāmārthayorabhedānvayānurodhena "kartari kṛ"diti tavyadādayaḥ karma#ādāviti parairapyabhyupagamāt. anyathā pācako devadattaḥ, paktavya odana ityatrā'bhedabodho na syāt. tathā ca dhātuvācyatvaṃ bhāvanāyā ityeva mataṃ ramaṇīyataramiti. lakārasya sāmānādhikaraṇyaṃ kartṛkarmābhidhāyina eva saṃbhavati na bhāvābhidhāyina ityāśayena vyācaṣṭe-- sāmānādhikaraṇayābhāvāditi. na caivaṃ yuṣmadasmadbhinnopapade samānādhikaraṇe devadattaḥ patītyādāviva prathamapuruṣeṇa bhāvyamiti prathamapuruṣo'pyatra na syāditi vācyaṃ, "śeṣe prathamaḥ" ityatra "madhyamottamayoraviṣaye prathamaḥ syā"diti vyākhyānāt. tiṅvācyeti. ghañāditavācyāyāstu sattvarūpatvamiṣṭameveti pākaṃ pākenetyādau yathāyathaṃ dvitīyādayaḥ pravartante. ata eva bhāṣyakṛtoktaṃ "kṛdabhihito bhāvo dravyavatprakāśate" iti. dravyadharmāṃlliṅgasaṅkhyākārakādīn gṛhṇātītyarthaḥ. ekavacanameveti. prāyovādo'yam. anyathā "uṣṭrāsikā āsyante" "hataśāyikāḥ śayyante" iti bhāṣye dhātvarthanirdeśe ṇvuli kṛdabhihito bhāvo dravyavatprakāśata ityāsikāḥ śāyikā ityatra bahuvacanasiddhāvapi āsyante śayyante ityatra tanna sidhyet. na ca karmaṇyevā'tra lakāro'stviti śaṅkyam, dhātudvayasyāpyakarmakatvena tadasaṃbhavāt, arthā'saṅgateśca. tatra hruṣṭrāṇāṃ yādṛśānyāsanāni hatānāṃ yādṛśāni śayanāni tādṛśāni devadattādi kartṛkānyāsanādīnītyarthaḥ. sādṛśyāvagamādiha ākhyātavācyasyāpi bhāvasya bhedā'vabhāsādbahuvacanam. na caivaṃ saṅkyānvayitve asattvarūpatā na syāditi vācyam, liṅgakriyā'nādhārakārakayogā'bhāvamātreṇā'sattvarūpatvamupapadyata iti kārakeṣūktatvāt. kecidiha uṣṭrāsikā-- hataśāyikāśabdayostatsadṛśe lakṣaṇāṃ svīkṛtya āsyanta ityādinā abhedānvayamāhuḥ. manoramāyāṃ tu āsikāḥ śāyikā iti ca dvitīyābahuvacanaṃ, kriyāviśeṣaṇatvena karmatvāt. na caivaṃ klībatvamekavacanāntatvaṃ ca syāditi vācyam, "striyāṃ kta"nnityadhikārātstrītvā'vadhāraṇena "sāmānye napuṃsaka"mityasyā'pravṛtteḥ. bahuvacanatvāvadhāraṇenaikavacanāpravṛtteścetyuktam.

1.Source: Arsha Vidya Gurukulam
2.Source: Sanskrit Documents

Examples²:

Research Papers and Publications