1/27:abhyāsadīrghatve avarṇasya dīrghaprasaṅgaḥ |*
2/27:abhyāsadīrghatve avarṇasya dīrghatvam prāpnoti |
3/27:mīmāṃsate |
4/27:nanu ce ittve kṛte dīrghatvam bhaviṣyati |
5/27:katham punaḥ utpattisanniyogena dīrghatvam ucyamānam ittvam pratīkṣate |
6/27:atha katham abhyāsam pratīkṣate |
7/27:vacanāt abhyāsam pratīkṣate |
8/27:ittvam punaḥ na pratīkṣate |
9/27:na vā abhyāsavikāreṣu apavādasya utsargābādhakatvāt |*
10/27:na vā eṣaḥ doṣaḥ |
11/27:kim kāraṇam |
12/27:abhyāsavikāreṣu apavādasya utsargābādhakatvāt |
13/27:abhyāsavikāreṣu apavādāḥ utsargān na bādhante iti evam dīrghatvam ucyamānam ittvam na bādhiṣyate |
14/27:atha vā mānbadhadānśanbhyaḥ ī ca abhyāsasya iti vakṣyāmi |
15/27:evam api halādiśeṣāpavādaḥ īkāraḥ prāpnoti |
16/27:ī ca acaḥ iti vakṣyāmi |
17/27:atha vā mānbadhadānśanbhyaḥ dīrghaḥ ca itaḥ abhyāsasya iti vakṣyāmi |
18/27:sidhyati |
19/27:sūtram tarhi bhidyate |
20/27:yathānyāsam eva astu |
21/27:nanu ca uktam abhyāsadīrghatve avarṇasya dīrghaprasaṅgaḥ iti |
22/27:parihṛtam etat na vā abhyāsavikāreṣu apavādasya utsargābādhakatvāt iti |
23/27:atha vā na evam vijñāyate dīrghaḥ ca abhyāsasya iti |
24/27:katham tarhi |
25/27:dīrghaḥ ca ābhyāsasya iti |
26/27:kim idam ābhyāsasya iti |
27/27:abhyāsavikāraḥ ābhyāsaḥ tasya iti |

mān pūjāyām, badha bandhane, dāna avakhaṇḍane, śāna avatejate, ityetebhyo dhātubhyaḥ san pratyayo bhavati, abhyāsasya ca ikārasya dīrghādeśo bhavati. mīmāṃsate. bībhatsate. dīdāṃsate. śīśāṃsate. uttarasūtre vāgrahaṇaṃ sarvasya śeṣo vijñāyate, tena kvacin na bhavatyapi. mānayati. bādhayati. dānayati. niśānayati. atra api sannarthaviśeṣa iṣyate. māner jijñāsāyām, badher vairūpye, dānerārjave, śāner niśāne.

mānbadhadānśānbhyo dīrghaś ca abhyāsasya 3.1.6 mān pūjāyām, badha bandhane, dāna avakhaṇḍane, śāna avatejate, ityetebhyo dhātubhyaḥ san pratyayo bhavati, abhyāsasya ca ikārasya dīrghādeśo bhavati. mīmāṃsate. bībhatsate. dīdāṃsate. śīśāṃsate. uttarasūtre vāgrahaṇaṃ sarvasya śeṣo vijñāyate, tena kvacin na bhavatyapi. mānayati. bādhayati. dānayati. niśānayati. atra api sannarthaviśeṣa iṣyate. māner jijñāsāyām, badher vairūpye, dānerārjave, śāner niśāne.

mānbadhadānśānbhyo dīrghaścābhyāsasya. , 3.1.6 mānbandhī anudāttetau, śeṣau svaritetau. iha dīrghagrahamāt "acaśca" (1.2.28 iti paribhāṣopasthānādacā'bhyāso viśiṣyata ityajantasyābhyāsasya dīrgho vidhīyamāno niyataṃ halādiśeṣamapekṣate; vinā tenājantatvābhāvāt. ta()smastu sati na kiñcit pratīkṣaṇīyamiti tatsamanantarameva dīrgheṇa bhavitavyam, tataścābhyāsasyāvarṇasya sthāne bhavan bdherittvasya bādhakaḥ syāt, śeṣāṇāntu hyasvasya, tataścāniṣṭaṃ rūpaṃ syāditi yo manyeta taṃ pratyāha-- "abhyāsasya cekārasya dīrgho bhavati" iti.kathaṃ punarikārasya dīrgho labhyate, yāvatā viśeṣavidhiḥ sāmānyavidherbādhako bhavati, viśeṣavihitaśca dīrghaḥ, tato'yaṃ sāmānyavihitamittvaṃ bādhitvā'kārasyaiva prāpnoti? ata evaṃ manyate-- "dīrgho'kitaḥ 7.4.83 ityatra jñāpitametat syāt-- "abhyāsavikāreṣvapavādānotsargān vidhīnbādhante" (vyā.pa.23) iti. akidgrahaṇasyaitat prayojanam, iha mā bhūt-- yaṃyamyate, raṃramyate iti. yadi cābhyāsavikāreṣvapavādairutsargā bādhyerannevaṃ satyapavādatvānnuki kṛte'najantatvādeva dīrgho na bhaviṣyati, kimakita ityanena. kṛtañca; atastato jñāpayati-- nābhyāsavikāreṣu bādhyabādhakabhāva iti. "bībhatsate" iti. "ekāco baśo bhaṣ" 8.2.37 iti bakārasya bhakāraḥ, dhakārasya "khari ca" 8.4.54 iti takāraḥ. "uttarasūtre" ityādi. atra hi sano vidhimātramapekṣyate vāvacanena, na tvanantara eva vidhiḥ. tena trayāṇāmapi yogānāṃ śeṣo vijñāyate. sarvagrahaṇaṃ gupādisūtrasyāpi 3.1.5 śeṣo vijñāyata iti jñāpanārtham, anyathā hranantarasyaiva sūtrasya śeṣo vijñāyeta. "mānayati" iti. hetumaṇṇic, curādiṇijvā, curādāvapyasya pāṭhāt. "{niśānayati-- kāśikā} niśānam" iti. pacādyac॥

mānbadha. guptijī iha paṭhitau. `kita nivāse' ityanupadameva parasamaipadiṣu paṭhiṣyate. ebhyastribhyo dhātubhyaḥ sanpratyayaḥ syāditi prathamasūtrārthaḥ. mānadhāturbadhadhātuśca iha paṭhitau. dāna khaṇḍane, śāna tejane ityanupadameva svaritetsu paṭhiṣyete. ebhyaścatubhryaḥ san syāditi dvitīyasūtre prathamakhaṇḍasyā'rthaḥ. `ābhyāsasye'ti cchedaḥ. abhyāsasya vikāraḥ ābhyāsaḥ. sa ca `sanyataḥ' iti ittvameva,na tu hyasva iti `guṇo yaṅluko'riti sūtre bhāṣye spaṣṭam. tataśca mānbadhadānśānāmabyāsāvayavasya ikārasya san–saṃniyogaśiṣṭo dīrghaśca syāditi dvitīyasūtre dvitīyakhaṇḍasyārthaḥ. ityabhipretya sūtradvayasya phalitamarthamāha– satradvayeti. atha uktasanorvṛttikṛdātyupanibaddhānarthaviśeṣānāha- - gupernindāyāmityādinā, śānerniśāne ityantena. ata gopānādyarthakānāṃ nindādau vṛttistvarthanirdeśasyopalakṣaṇatvādbodhyā. jijñāsāśabdena jijñāsāprayojyo vicāro lakṣyate. `mānervicāre' ityeva vṛttikṛt. sannantasya dhātukāryaprāptyarthamāha–sanādyantā iti.

mānbadhadān?śānabhyo dīrghaścā'‌'bhyāsasya 230, 3.1.6 mānbadha. guptijī iha paṭhitau. "kita nivāse" ityanupadameva parasamaipadiṣu paṭhiṣyate. ebhyastribhyo dhātubhyaḥ sanpratyayaḥ syāditi prathamasūtrārthaḥ. mānadhāturbadhadhātuśca iha paṭhitau. dāna khaṇḍane, śāna tejane ityanupadameva svaritetsu paṭhiṣyete. ebhyaścatubhryaḥ san syāditi dvitīyasūtre prathamakhaṇḍasyā'rthaḥ. "ābhyāsasye"ti cchedaḥ. abhyāsasya vikāraḥ ābhyāsaḥ. sa ca "sanyataḥ" iti ittvameva,na tu hyasva iti "guṇo yaṅluko"riti sūtre bhāṣye spaṣṭam. tataśca mānbadhadānśānāmabyāsāvayavasya ikārasya san--saṃniyogaśiṣṭo dīrghaśca syāditi dvitīyasūtre dvitīyakhaṇḍasyārthaḥ. ityabhipretya sūtradvayasya phalitamarthamāha--satradvayeti. atha uktasanorvṛttikṛdātyupanibaddhānarthaviśeṣānāha-- gupernindāyāmityādinā, śānerniśāne ityantena. ata gopānādyarthakānāṃ nindādau vṛttistvarthanirdeśasyopalakṣaṇatvādbodhyā. jijñāsāśabdena jijñāsāprayojyo vicāro lakṣyate. "mānervicāre" ityeva vṛttikṛt. sannantasya dhātukāryaprāptyarthamāha--sanādyantā iti.

mānbadha. `ābhyāsasye' ti cchedaḥ. abhyāsasya vikāra ābhyāsaḥ. sa cā'tra `sanyataḥ' itīttvameva. yadi tu hyasva ityava gṛhreta tarhi taddhitanirdeśo vyarthaḥ syāt. tadetadāha– abhyāsekārasyeti. vṛttikārādyupanibaddhārthāndarśayati- gupernindāyāmityādinā.

mānbadhadān?śān?bhyo dīrghaścā'‌'bhyāsasya 202, 3.1.6 mānbadha. "ābhyāsasye" ti cchedaḥ. abhyāsasya vikāra ābhyāsaḥ. sa cā'tra "sanyataḥ" itīttvameva. yadi tu hyasva ityava gṛhreta tarhi taddhitanirdeśo vyarthaḥ syāt. tadetadāha-- abhyāsekārasyeti. vṛttikārādyupanibaddhārthāndarśayati-gupernindāyāmityādinā.