1/76:kimartham idam ucyate |
2/76:anuprayogaḥ yathā syāt |
3/76:na etat asti prayojanam |
4/76:āmantam avyaktapadārthakam |
5/76:tena aparisamāptaḥ arthaḥ iti kṛtvā anuprayogaḥ bhaviṣyati |
6/76:ataḥ uttaram paṭhati |
7/76:kṛñaḥ anuprayogavacanam astibhūpratiṣedhārtham |*
8/76:kṛñaḥ anuprayogavacanam kriyate astibhūpratiṣedhārtham |
9/76:astibhuvoḥ anuprayogaḥ mā bhūt iti |
10/76:ātmanepadavidhyartham ca |*
11/76:ātmanepadavidhyartham ca kṛñaḥ anuprayogavacanam kriyate |
12/76:ātmanepadam yathā syāt |
13/76:ucyamāne api etasmin avaśyam ātmanepadārthaḥ yatnaḥ kartavyaḥ |
14/76:astibhūpratiṣedhārthena ca api na arthaḥ |
15/76:iṣṭaḥ sarvānuprayogaḥ |*
16/76:sarveṣām eva kṛbhvastīnām anuprayogaḥ iṣyate |
17/76:kim iṣyate eva āhosvit prāpnoti api |
18/76:iṣyate ca prāpnoti ca |
19/76:katham |
20/76:kṛñ iti na etat dhātugrahaṇam |
21/76:kim tarhi |
22/76:pratyāhāragrahaṇam |
23/76:kva sanniviṣṭānām pratyāhāraḥ |
24/76:kṛbhvastiyoge iti ataḥ prabhṛti ā kṛñaḥ ñakārāt |
25/76:sarvānuprayogaḥ iti cet aśiṣyam arthābhāvāt |*
26/76:sarvānuprayogaḥ iti cet aśiṣyam kṛñaḥ anuprayogavacanam |
27/76:kim kāraṇam |
28/76:arthābhāvāt |
29/76:āmantam avyaktapadārthakam |
30/76:tena aparisamāptaḥ arthaḥ iti kṛtvā anuprayogaḥ bhaviṣyati |
31/76:idam tarhi prayojanam |
32/76:kṛbhvastīnām eva anuprayogaḥ yathā syāt pacādīnām mā bhūt iti |
33/76:etat api na asti prayojanam |
34/76:arthābhāvāt ca anyasya |*
35/76:arthābhāvāt ca anyasya siddham |
36/76:kṛbhvastayaḥ kriyāsāmānyavācinaḥ |
37/76:kriyāviśeṣavācinaḥ pacādayaḥ |
38/76:na ca sāmānyavācinoḥ eva viśeṣavācinoḥ eva va prayogaḥ bhavati |
39/76:tatra viśeṣavācinaḥ utpattiḥ |
40/76:sāmānyavācinaḥ anuprayokṣyante |
41/76:liṭparārtham vā |*
42/76:liṭparārtham tarhi kṛñaḥ anuprayogavacanam kriyate |
43/76:liṭparasya eva anuprayogaḥ yathā syāt |
44/76:anyaparasya mā bhūt iti |
45/76:kimparasya punaḥ prāpnoti |
46/76:laṭparasya |
47/76:na laṭparasya anuprayogeṇa bhūtakālaḥ viśeṣitaḥ syāt |
48/76:niṣṭhāparasya tarhi |
49/76:naniṣṭhāparasya anuprayogeṇa puruṣopagrahau viśeiṣitau syātām |
50/76:luṅparasya tarhi |
51/76:na luṅparasya anuprayogeṇa anadyatanaḥ bhūtakālaḥ viśeṣitaḥ syāt |
52/76:laṅparasya tarhi |
53/76:na laṅparasya anuprayogeṇa anadyatanaḥ parokṣaḥ kālaḥ viśeṣitaḥ syāt |
54/76:ayam tarhi bhūte parokṣe anadyatane laṅ vidhīyate |
55/76:haśaśvatoḥ laṅ ca iti |
56/76:tatparasya mā bhūt iti |
57/76:atat api na asti prayojanam |
58/76:ekasyāḥ ākṛteḥ caritaḥ prayogaḥ dvitīyasyāḥ tṛtīyasyāḥ ca na bhavati |
59/76:tat yathā goṣu svāmi aśveṣu ca iti |
60/76:na ca bhavati goṣu ca aśvānām ca svāmī iti |
61/76:arthasamāpteḥ vā anuprayogaḥ na syāt |*
62/76:arthasamāpteḥ tarhi anuprayogaḥ na syāt |
63/76:āmantena parisamāptaḥ arthaḥ iti kṛtvā anuprayogaḥ na syāt |
64/76:etat api na asti prayojanam |
65/76:idānīm eva uktam āmantam avyaktapadārthakam |
66/76:tena aparisamāptaḥ arthaḥ iti kṛtvā anuprayogaḥ bhaviṣyati iti |
67/76:viparyāsanivṛttyartham vā |*
68/76:viparyāsanivṛttyartham tarhi kṛñaḥ anuprayogavacanam kriyate |
69/76:īhām cakre |
70/76:cakre īhām iti mā bhūt |
71/76:vyavahitnivṛttyartham ca |*
72/76:vyavahitnivṛttyartham ca kṛñaḥ anuprayogavacanam kriyate |
73/76:anv eva ca anuprayogaḥ yathā syāt |
74/76:īhām cakre |
75/76:vyavahitasya mā bhūt |
76/76:īhām devadattaḥ cakre iti |

āmpratyayasya paścāt kṛñanuprayujyate liṭi parataḥ. kṛñiti pratyāhāreṇa kṛbhvastayo gṛhyante, tat sāmarthyādaster bhūbhāvaḥ na bhavati. ācayāñ cakāra. pācayām babhūva. pācayām āsa.

kṛñ ca anuprayujyate liṭi 3.1.40 āmpratyayasya paścāt kṛñanuprayujyate liṭi parataḥ. kṛñiti pratyāhāreṇa kṛbhvastayo gṛhyante, tat sāmarthyādaster bhūbhāvaḥ na bhavati. ācayāñ cakāra. pācayām babhūva. pācayām āsa.

kṛñcānuprayujyate liṭi. , 3.1.40 "anuprayujyate" iti. anupraśabdau pratyekaṃ prathamānte pade. "yujyate" ityātmamanepade prathamapuruṣaikavacanāntaṃ padam. "āmpratyayasya" iti. ām pratyayo yasmāditi bahuvrīhiḥ. paścādityanenānuśabdasyārthamācakṣāṇaḥ prāk prayogaṃ nirākaroti. sāvadhāraṇaphalatvācca sarvavākyānāmāmpratyayasyaiva paścāt kṛñ prayujyate-- ityavadhāraṇamihāśritam, tena vyavadhāne prayogo nirākṛto bhavati. na hi vyavadhāne kṛñanuprayujyamāna āmpratyayasyaivānuprayukto bhavati, api tu śabdāntarasyāpi."liṭi parataḥ" ityanena pratyayāntare pare prayogābhāvamāha. nanu ca "āmaḥ" 2.4.81 iti liṭo lukā bhavitavyam, tatkathaṃ liṭi parataḥ kṛña nuprayujyate? naiṣa doṣaḥ; na hrayamatrārthaḥ-- lakṣaṇāntareṇa yo vihito liṭparaḥ kṛñanuprayujyata iti yāvat. nanu ca kṛñityucyate, pācayāmbabhūva pācayāmāseti bhavaterasteścānuprayogo na sidhyatītyāha-- "kṛñiti pratyāhāreṇa" ityādi."abhūtatadbhāve kṛbhvastiyoge" 5.4.40 itītaṃ kṛśabdaṃ gṛhītvā "kṛño dvitīyatṛtīyaśambabījāt kṛṣau" 5.4.58 iti ñakāreṇa pratyāhāragrahaṇametat. tena pratyāhāragrahaṇena kṛbhvastayastrayo gṛhrante. tatra ca trayāṇāmapyantarbhāvādityadoṣaḥ. evamapyasteranuprayogo na sidhyati, yasmāt "asterbhūḥ" 2.4.52 iti bhūbhāvena bhavitavyamityāha-- "tatsāmathryāt" iti. pratyāheraṇa kṛbhvastīnāṃ grahaṇasāmathryādasterbhūbhāvo na bhavati. teṣāṃ pratyāhāragarhaṇasyaitat prayojanam-- asteranuprayogo yathā syāt. yadyasteranuprayogasya bhūbhāvaḥ syāt niṣphalaṃ pratyāhāragrarahaṇaṃ syāt, "kṛbhvanuprayujyate liṭi" ityevaṃ brāūyāt. tatrāpyayamarthaḥ-- kimidaṃ karotegrrahaṇam? uta pratyāhārasya? iti sandehaḥ parihmato bhavati. yadi tarhi kṛñiti pratyāhāragrahaṇam, evaṃ sati "abhividhau sampadā ca" 5.4.53 iti sampadānuprayogaḥ prāpnoti; tasya pratyāhāre'ntarbhūtatvāt? naiṣa doṣaḥ; "sanādyantā dhātavaḥ" 3.1.32 ityato dhātugrahaṇamanuvatrtate, tena ca kṛñ viśiṣyate--kṛñ yo dhāturiti, na ca sampadetyaṃ dhātuḥ, kiṃ tarhi? dhātūpasargasamudāyaḥ, tasmānnānuprayujyate. "pācayāmbabhūva" iti. paceṇryantādām. "ayāmantālvāyyetnviṣṇuṣu" 6.4.55 iti ṇerayādeśaḥ. "bhavateraḥ" 7.4.73 ityabhyāsasyāttvam. "bhuvo vug luṅaliṭoḥ" 6.4.88 iti vugāgamaḥ. kimarthaṃ punaridamucyate, yāvatā'mantamidam, anabhivyaktakriyāpadārtham. ato hi kriyākālamātrasyābhivyaktirbhavati, na sādhanapuruṣasaṃkhyānam. na hi vinā tiṅantapadena tāsāmabhivyaktirbhavati. tasmādaparisamāptyarthatvādevāmantasyānuprayogo bhaviṣyati? kṛbhvastīnāmanuprayogo yathā syāt, "{pacādīnāṃ mā bhūt. pacādīnāmiti cenna"} iti mudritaḥ pāṭhaḥ} pacādīnāṃ mā bhūditi cet, na; pacādīnāṃ viśeṣavācitvādanuprayogasyānupapatteḥ. viśeṣavācī hranuprayujyamānaḥ sāmānyavācino hrāmantasyānuprayujyate? viśeṣavācino vā? tatra na tāvat sāmānyavācina āmantasya viśeṣavācyanuprayogamarhati, tasyāsambhavāt. kṛbhvastayo hi sāmānyavācinaḥ, na ca tebhyaḥ kenacidām vihitaḥ. viśeṣavācino'pyāmantasya viśeṣavācī samānārtho'nuprayujyeta? bhinnārtho vā? tatra samānārthastāvannānuprayujyate; uktārthatvāt. ta()smaścānuprayoktumiṣṭa āmantasya sakalakriyākālādyarthābhivyaktirbhavati. sāmathryāt sa evānuprayoktavyo yatra sarvābhavyaktirbhavati. tatra kriyāmantena samānārthena pūrveṇa ! bhinnārtho'pi nānuprayogamarhati; tadarthānabhivyakteḥ. anuprayogo hrāmantasyārthasya#ābhivyaktaye kriyate, na cātyantabhinnārthenāmantavācyasyārthasya sambandhinaḥ sādhanādayaḥ śakyante'bhivyaṅaktum. sāmānyavācinā tu śakyante'bhivyaṅaktum. viśeṣasannidhau hi sāmānyaśabdasya viśeṣe'vasthānādāmantasya sannidhau sāmānyaśabdāḥ kṛbhvastayo'nuprayujyamānāstadvācya evārthaviśeṣe vatrtante, tasmādeṣāmeva kṛbhvastīnāmanuprayogo bhaviṣyatīti nārabdhavyamidam? naitadasti; yathaiva hi kṛbhvastayaḥ kriyāsāmānyavacanāḥ, evaṃ vidyatirapīti tasyāpyanuprayogaḥ syāt. tasmāt tannivṛttyarthamidamārabdham. vyavahitaprayoganivṛttyarthañca, pācayāṃ devadattaścakāreti mā bhūt. vyavahitaprayogānivṛttistvavadhāraṇaviśeṣāllabhyate. avadhāraṇaṃ tu sarvavākyānāṃ vyavacchedaphalatvāt sāvadhāraṇaphalatvāccakārasyānuktasamuccayārthatvādvā labhyate. viparyayanivṛttyarthaścārabdhavyaḥ, viparyayanivṛttistvanoḥ paścādarthatvāllabhyate॥

kṛñ cānuprayujyate liṭi 474, 3.1.40 āmantālliṭparāḥ kṛbhvastayo'nuprayujyante. teṣāṃ dvitvādi॥

kṛñcānu. `kāspratyayādā' mityata āmityanuvṛttaṃ pañcamyā vipariṇamyate. pratyayagrahaṇaparibhāṣayā tadantaṃ gṛhrate.liṭi pare yaḥ kṛñ so'nuprayujyata ityanvayaḥ. phalitamāha– āmantālliṭparā iti. liṭ?śiraskā ityarthaḥ. kṛbhvastaya iti. `kṛ'ñityanena kṛbhvastīnāṃ grahaṇamiti bhāvaḥ. anuprayujyanta iti. praśabdādanuśabdāccā'vyavahitāḥ paścātpayujyanta ityarthaḥ. `viparyāsanivṛttyarthaṃ vyavahitanivṛtyarthaṃ ce'ti vārtikādbhāṣyācca. evaṃ ca `taṃ pātayāṃ prathamamāsa papāta paścāt' `prabhraṃśayāṃ yo nahuṣaṃ cakāre'tyādiprayogāḥ prāmādikā eva. dhātorām syāt, kṛñcānuprayujyata ityuktasamuccayārthaścakāraḥ. nanu kṛña evā'nuprayogaśravaṇātkathaṃ bhvastyorapyanuprayoga ityata āha- - āmpratyayavadityādinā. `kṛñcānuprayujyata' ityatra kṛña ekasyaivānuprayogavidhau sati `āmpratyava'diti sūtre anuprayujyamānasyetyasya kṛña iti viśeṣaṇaṃ vyarthaṃ syāt, dhātvantarasyā'nuprayogā'prasakteḥ. tataśca `kṛña' iti viśeṣaṇādanyas#āpyanuprayogo vijñāyata ityarthaḥ. nanu kṛño'nyasyā'pyanuprayogo vijñāyatāṃ, bhvastyorapītyeva kuta āyātamityata āha– teneti. kṛñgrahaṇenetyarthaḥ. pratyāhārāśrayaṇāditi. etacca bhāṣye spaṣṭam. nanvanuprayujyamānānāṃ kṛbhvastīnāmāmprakṛtibhūtānāṃ ca kathamanvaya ityata āha– teṣāmityārabhyābhedenānvaya ityantena. sāmānyaviseyorabhedānvayasya nyāyyatvāditi bhāvaḥ. kṛña iva bhvastyorapi kriyāsāmānyavācitvāt, dhātūnāmanekārthatvāditi jñeyam. nanu `kṛbhvastiyoge' ityasya, `kṛño dvitīye' tyasya ca sūtrasya madhye `abhividhau saṃpadā ce'ti paṭhitam. evaṃ ca kṛñpratyāhāre saṃpado'pi kuto na grahaṇamityata āha– saṃpadistviti. ananvitārthatvāditi. siddhasya vastuno rūpāntarāpattiḥ sampaderarthaḥ. edhādidhātostvāmprakṛtibhūtasya vṛddhyādirarthaḥ. tayorubhayorapi viśeṣarūpatvena sāmānyaviśeṣabhāvā'bhāvena abhedānvayā'saṃbhavādityarthaḥ. ata eva kṛbhvastīnāṃ grahaṇamiti bhāṣyaṃ saṅgacchata iti bhāvaḥ. nanu āmpratyayavaditi kṛña ātmanepadavidhāyakasūtraṃ vakṣyamāṇaṃ vyarthaṃ, `svaritañita' ityeva tatsiddherityāśaṅkyāha—kṛñastviti.

kṛñcānuprayujyate liṭi 85, 3.1.40 kṛñcānu. "kāspratyayādā" mityata āmityanuvṛttaṃ pañcamyā vipariṇamyate. pratyayagrahaṇaparibhāṣayā tadantaṃ gṛhrate.liṭi pare yaḥ kṛñ so'nuprayujyata ityanvayaḥ. phalitamāha-- āmantālliṭparā iti. liṭ()śiraskā ityarthaḥ. kṛbhvastaya iti. "kṛ"ñityanena kṛbhvastīnāṃ grahaṇamiti bhāvaḥ. anuprayujyanta iti. praśabdādanuśabdāccā'vyavahitāḥ paścātpayujyanta ityarthaḥ. "viparyāsanivṛttyarthaṃ vyavahitanivṛtyarthaṃ ce"ti vārtikādbhāṣyācca. evaṃ ca "taṃ pātayāṃ prathamamāsa papāta paścāt" "prabhraṃśayāṃ yo nahuṣaṃ cakāre"tyādiprayogāḥ prāmādikā eva. dhātorām syāt, kṛñcānuprayujyata ityuktasamuccayārthaścakāraḥ. nanu kṛña evā'nuprayogaśravaṇātkathaṃ bhvastyorapyanuprayoga ityata āha-- āmpratyayavadityādinā. "kṛñcānuprayujyata" ityatra kṛña ekasyaivānuprayogavidhau sati "āmpratyava"diti sūtre anuprayujyamānasyetyasya kṛña iti viśeṣaṇaṃ vyarthaṃ syāt, dhātvantarasyā'nuprayogā'prasakteḥ. tataśca "kṛña" iti viśeṣaṇādanyasāpyanuprayogo vijñāyata ityarthaḥ. nanu kṛño'nyasyā'pyanuprayogo vijñāyatāṃ, bhvastyorapītyeva kuta āyātamityata āha-- teneti. kṛñgrahaṇenetyarthaḥ. pratyāhārāśrayaṇāditi. etacca bhāṣye spaṣṭam. nanvanuprayujyamānānāṃ kṛbhvastīnāmāmprakṛtibhūtānāṃ ca kathamanvaya ityata āha-- teṣāmityārabhyābhedenānvaya ityantena. sāmānyaviseyorabhedānvayasya nyāyyatvāditi bhāvaḥ. kṛña iva bhvastyorapi kriyāsāmānyavācitvāt, dhātūnāmanekārthatvāditi jñeyam. nanu "kṛbhvastiyoge" ityasya, "kṛño dvitīye" tyasya ca sūtrasya madhye "abhividhau saṃpadā ce"ti paṭhitam. evaṃ ca kṛñpratyāhāre saṃpado'pi kuto na grahaṇamityata āha-- saṃpadistviti. ananvitārthatvāditi. siddhasya vastuno rūpāntarāpattiḥ sampaderarthaḥ. edhādidhātostvāmprakṛtibhūtasya vṛddhyādirarthaḥ. tayorubhayorapi viśeṣarūpatvena sāmānyaviśeṣabhāvā'bhāvena abhedānvayā'saṃbhavādityarthaḥ. ata eva kṛbhvastīnāṃ grahaṇamiti bhāṣyaṃ saṅgacchata iti bhāvaḥ. nanu āmpratyayavaditi kṛña ātmanepadavidhāyakasūtraṃ vakṣyamāṇaṃ vyarthaṃ, "svaritañita" ityeva tatsiddherityāśaṅkyāha---kṛñastviti.

kathaṃ tarhi `taṃ pātayāṃ prathamamāsa papāta paścāt'. `prabhraṃśayāṃ yo nahuṣaṃ cakāre'ti ?. pramāda evāyam. na ca viparītaprayoganivṛttimātre sūtrasya tātparyātpaścātprayogo vyavahito'pi na duṣyatīti vācyam, `viparyāsanivṛttyarthaṃ vyavahitanivṛttyarthaṃ ce'ti vārtikavirodhāt. anyasyāpīti. yadīha kṛñśabdena eka eva dhāturgṛhreta tadā dhātvantarasya prāptyabhāvāt`āmpratyayava'diti sūtre'nuprayujyamānasya kṛña iti viśeṣaṇaṃ vyarthaṃ syāditi bhāvaḥ. na cātra `kṛñce'ti cakāreṇaivā'nuprayogo'nyasyāpīti jñāyata iti śaṅkyaṃ, `dhātorām? syāt, anuprayujyate ca liṭparaḥ kṛñityarthasamarpakatayā tasyopakṣīṇatvāt. abhedānvaya iti. sāmānyaviśeṣayorabhedānvayo lokasiddha iti bhāvaḥ. evaṃ ca eṃdhācakre edhāṃbabhūve ityādau ekakartṛkā bhūtānadyatanaparokṣā vṛddhyabhinnā kriyeti tulyo bodhaḥ. nanu karotiḥ sakarmako bhavatistvakarmaka iti kathamiha tulyateti cet ?. atrāhuḥ– yadā hi karotirutpādanārthakaḥ svātantryeṇa prayujyate– ghaṭaṃ cakre rājyaṃ cakāreti, tadā niyamena sakarmakatvam. yadā tu kriyāntarasamānādhikaraṇaḥ karotiḥ prayujyate- - juhavāṃcakāretyādau, tadā yatsamānādha#ikaraṇaḥ karotistasya sakarmakatvā'karmakatvābhyāṃ svayamapi tathābāvaṃ bhajate. evaṃ bhvastyorapyāmprakṛtisāmānādhikaraṇyena kvacitsakarmakatvaṃ bodhyam. ata evā'nuprayujyamānādbhavateḥ sakarmakatvātkarmaṇi liṭ. tathā ca māghaḥ– `tasyātapatraṃ bibharāṃbabhūve'iti, śrī harṣaśca. `taparttupūrtāvapi medasāṃ bharā vibhāvarībhirbibharāṃbabhūvire' iti. atredamavadheyaṃ- - juhāva juhavāṃ cakāra juhavāṃbabhūvetyādau kevalo homo gamyate, itaratra tu homarūpā kriyeti bodhaḥ. phale tu na kaścidviśeṣaḥ, ghaṭamānaya dravyaghaṭamānayetyatra yathā. evaṃ cā''mprakṛtyarthagatikārakasaṅkhyādiviśeṣābhivyaktiranuprayogasya phalamiti. ananviteti. saṃpadyarthasyā''mprakṛtyarthasya cā'bhedānvayo na saṃbhavati, ubhayorapi viśeṣarūpatvāditi bhāvaḥ.

kṛñcānuprayujyate liṭi 66, 3.1.40 kathaṃ tarhi "taṃ pātayāṃ prathamamāsa papāta paścāt". "prabhraṃśayāṃ yo nahuṣaṃ cakāre"ti?. pramāda evāyam. na ca viparītaprayoganivṛttimātre sūtrasya tātparyātpaścātprayogo vyavahito'pi na duṣyatīti vācyam, "viparyāsanivṛttyarthaṃ vyavahitanivṛttyarthaṃ ce"ti vārtikavirodhāt. anyasyāpīti. yadīha kṛñśabdena eka eva dhāturgṛhreta tadā dhātvantarasya prāptyabhāvātāmpratyayava"diti sūtre'nuprayujyamānasya kṛña iti viśeṣaṇaṃ vyarthaṃ syāditi bhāvaḥ. na cātra "kṛñce"ti cakāreṇaivā'nuprayogo'nyasyāpīti jñāyata iti śaṅkyaṃ, "dhātorām? syāt, anuprayujyate ca liṭparaḥ kṛñityarthasamarpakatayā tasyopakṣīṇatvāt. abhedānvaya iti. sāmānyaviśeṣayorabhedānvayo lokasiddha iti bhāvaḥ. evaṃ ca eṃdhācakre edhāṃbabhūve ityādau ekakartṛkā bhūtānadyatanaparokṣā vṛddhyabhinnā kriyeti tulyo bodhaḥ. nanu karotiḥ sakarmako bhavatistvakarmaka iti kathamiha tulyateti cet?. atrāhuḥ-- yadā hi karotirutpādanārthakaḥ svātantryeṇa prayujyate-- ghaṭaṃ cakre rājyaṃ cakāreti, tadā niyamena sakarmakatvam. yadā tu kriyāntarasamānādhikaraṇaḥ karotiḥ prayujyate-- juhavāṃcakāretyādau, tadā yatsamānādha#ikaraṇaḥ karotistasya sakarmakatvā'karmakatvābhyāṃ svayamapi tathābāvaṃ bhajate. evaṃ bhvastyorapyāmprakṛtisāmānādhikaraṇyena kvacitsakarmakatvaṃ bodhyam. ata evā'nuprayujyamānādbhavateḥ sakarmakatvātkarmaṇi liṭ. tathā ca māghaḥ-- "tasyātapatraṃ bibharāṃbabhūve"iti, śrī harṣaśca. "taparttupūrtāvapi medasāṃ bharā vibhāvarībhirbibharāṃbabhūvire" iti. atredamavadheyaṃ-- juhāva juhavāṃ cakāra juhavāṃbabhūvetyādau kevalo homo gamyate, itaratra tu homarūpā kriyeti bodhaḥ. phale tu na kaścidviśeṣaḥ, ghaṭamānaya dravyaghaṭamānayetyatra yathā. evaṃ cā'‌'mprakṛtyarthagatikārakasaṅkhyādiviśeṣābhivyaktiranuprayogasya phalamiti. ananviteti. saṃpadyarthasyā'‌'mprakṛtyarthasya cā'bhedānvayo na saṃbhavati, ubhayorapi viśeṣarūpatvāditi bhāvaḥ.