1/34:antagrahaṇam kimartham na sanādayaḥ dhātavaḥ iti eva ucyeta |
2/34:kena idānīm tadantānām bhaviṣyati |
3/34:tadantavidhinā |
4/34:ataḥ uttaram paṭhati |
5/34:sanādiṣu antagrahaṇe uktam |*
6/34:kim uktam |
7/34:padasañjñāyām antagrahaṇam anyatra sañjñāvidhau pratyayagrahaṇe tadantavidhipratiṣedhārtham iti |
8/34:idam ca api pratyayagrahaṇam |
9/34:ayam ca api sañjñāvidhiḥ |
10/34:kimartham punaḥ idam ucyate na bhūvādayaḥ dhātavaḥ iti eva siddham |
11/34:na sidhyati |
12/34:pāṭhena dhātusañjñā kriyate na ca ime tatra paṭhyante |
13/34:katham tarhi anyeṣām apaṭhyamānānām dhātusañjñā bhavati : asteḥ bhūḥ |
14/34:bruvaḥ vaciḥ |
15/34:cakṣiṅaḥ khyāñ iti |
16/34:yadi api ete tatra na paṭhyante prakṛtayaḥ tu eṣām tatra paṭhyante |
17/34:tatra sthānivadbhāvāt siddham |
18/34:ime api tarhi yadi api tatra na paṭhyante yeṣām tu arthāḥ ādiśyante te tatra paṭhyante |
19/34:tatra sthānivadbhāvāt siddham |
20/34:na sidhyati |
21/34:ādeśaḥ sthānivat bhavati iti ucyate |
22/34:na ca ime ādeśāḥ |
23/34:ime api ādeśāḥ |
24/34:katham |
25/34:ādiśyate yaḥ saḥ ādeśaḥ |
26/34:ime ca api ādiśyante |
27/34:evam api ṣaṣṭhīnirdiṣṭasya ādeśāḥ sthānivat bhavanti iti ucyate |
28/34:na ce ime ṣaṣṭhīnirdiṣṭasya ādeśāḥ |
29/34:ṣaṣṭhīgrahaṇam nivartiṣyate |
30/34:yadi nivartate apavāde utsargakṛtam prāpnoti |
31/34:karmaṇi aṇ ātaḥ anupasarge kaḥ iti ke api aṇkṛtam prāpnoti |
32/34:na eṣaḥ doṣaḥ |
33/34:ācāryapravṛttiḥ jñāpayati na apavāde utsargakṛtam bhavati iti yat ayam śyanādīn kān cit śitaḥ karoti |
34/34:śnam śnā śnuḥ iti|

sanādiryeṣāṃ te sanādayaḥ. sanādayo 'nte yeṣaṃ te sanādyantāḥ. sanādyantāḥ samudāyāḥ dhātusaṃjñāḥ bhavanti. pratyayagrahaṇaparibhāṣā eva padasaṃjñāyām antavacanena liṅgena pratiṣiddhā satī punariha antavacanena pratiprasūyate. cikīrṣati. putrīyati. putrakāmyati.

sanādyantā dhātavaḥ 3.1.32 sanādiryeṣāṃ te sanādayaḥ. sanādayo 'nte yeṣaṃ te sanādyantāḥ. sanādyantāḥ samudāyāḥ dhātusaṃjñāḥ bhavanti. pratyayagrahaṇaparibhāṣā eva padasaṃjñāyām antavacanena liṅgena pratiṣiddhā satī punariha antavacanena pratiprasūyate. cikīrṣati. putrīyati. putrakāmyati.

sanādyantā dhātavaḥ. , 3.1.32 "sanādayo'nte yeṣām" iti vākyaviśeṣeṇa bahuvrīhi darśayati. gamakatvana hi vyadhikaraṇānāmapi bahuvrīhirbhavatyeva, yathā-- kaṇṭhekālaḥ, urasilometi. ādiśabdena kyajādīnāṃ ṇiṅaparyantānāṃ grahaṇam. "samudāyāḥ" iti. prakṛtipratyayasamudāyāḥ. etena tadguṇasaṃvijñānabahuvrīhi darśayati; anyathā sanādyupalakṣitānāṃ prakṛtīnāmeva dhātusaṃjñā vidhīyeta. "{dhātusaṃjñāḥ-- kāśikā, padamañjarī ca.}dhātusaṃjñakāḥ" iti. dhātuḥ saṃjñā yeṣāṃ te dhātusaṃjñakāḥ. dhātuśabdaścātra svarūpapadārthakaḥ, na bhūvādipadārthakaḥ, anyathā bhūvādayaḥ sanādyantānāṃ saṃjñāḥ syuḥ, taccāyuktam, na hi tāvatīnāṃ saṃjñānāṃ karaṇe kiñcit prayojanamasti. āvartinyaśca saṃjñā bhavanti. na hi bhūvādīnāmeva sarveṣāmāvṛttiḥ kvacicchāstre'stīti na tatpadārthako dhātuśabdaḥ. iha hi saṃjñāvidhau sanādīnāṃ pratyayanāṃ grahaṇam. "suptiṅantaṃ padam" 1.4.14 ityatra cāntagrahaṇena jñāpitametata-- "pratyayagrahaṇe yasmāt sa vihitastadādestadantasya" (pi.pa.vṛ.44) iti. eṣā paribhāṣā saṃjñāvidhau pratyayagrahaṇe pratiṣiddhā. tatrāsatyantagrahaṇe tadantavidhirna syāt, iṣyate ca, atastadarthamantagrahaṇaṃ kṛtam, tatrānenāntagrahaṇa#enāpūrva eva tadantavidhiḥ kriyata iti manyamāno yo deśayet taṃ pratyāha--- yadi tarhi sanādyantānāmiyaṃ saṃjñā vidhīyate tadā devadattaḥ prācikīrṣadityatra devadattasya sopasargasya ca saṃjñā prasajyeteti. ata āha-- "pratyayagrahaṇaparibhāṣayaiva" ityādi. na hranenāntagrahaṇenāpūrva eva tadantavidhiḥ kriyate, kiṃ tarhi? padasaṃjñāvidhādantagrahaṇena pratiṣiddhā satī pratyayagrahaṇaparibhāṣayaiva punariha pratiprasūyate. kṛtapravṛttividhātā satī punaḥ pravatrtata ityarthaḥ. tataśca yataḥ sanādayo vihitāstadādereva samudayasya saṃjñā bhavati, na śabdāntarāderiti bhāvaḥ. atha "bhūvādayo dhātavaḥ" 1.3.1 ityasyānantaraṃ "sanādyantāśca iti kasmānnoktam; evaṃ hi dhātugrahaṇaṃ dvirna katrtavyaṃ bhavati? naivaṃ śakyam, evaṃ hi kriyamāṇe sanādīnāmiyattāparicchado na syāt. iha tu kriyamāṇe ṇiṅaparyantānāṃ grahaṇaṃ vijñāyate. tarhi "sanādyantā dhātavaḥ" (3.1.32) ityasyānantaraṃ "bhūvādayaśca" iti kasmānnoktam? etadapi na; evaṃ hi kriyamāṇe sanādyantasyānukrāntāpekṣitvāt bhūvādīnāmapyanukrāntāpekṣitvaṃ syāt; tataścānukrāntānāmeva gupādīnāṃ dhātusaṃjñā syāt, nānyeṣāṃ bhūvādīnām. atha bhūvādīnāmanukrāntāpekṣā na bhavati sanādīnāmapi na syāt, tataśca sanādayaḥ kapparyantā gṛhreranniti sandehaḥ syāt. tasmādyathānyāsameva nyāyyam॥

sanādayaḥ kamerṇiṅantāḥ pratyayā ante yeṣāṃ te dhātusaṃjñakāḥ. dhātutvāllaḍādayaḥ. gopāyati..

sanādyantā dhātavaḥ 470, 3.1.32 sanādayaḥ kamerṇiṅantāḥ pratyayā ante yeṣāṃ te dhātusaṃjñakāḥ. dhātutvāllaḍādayaḥ. gopāyati॥

nanvāyapratyayāntasya bhvādiṣu pāṭhā'bhāvena dhātutvā'bhāvāt kathamasmāllaḍādaya ityata āha– sanādyantāḥ. `guptijkidbhyaḥ sa'nityārabhya `kamerṇi'ṅityantaiḥ sūtraiḥ sanādipratyayānvidhāya sūtramidaṃ paṭhitam. san ādiryeṣāṃ te sanādayo ṇiṅpratyayaparyantāḥ, te ante yeṣāṃ te sanādyantā iti vigrahaḥ. tadāha—sanādayaḥ iti. `sankyackāmyackyaṅkyaṣo'thācārakvibṇijyaṅau tathā. yagāya īyaṅ ṇiṅ ceti dvādaśā'mī sanādayaḥ' iti. saṅagrahaḥ. saṃjñāvidhau pratyayagrahaṇe tadantagrahaṇapratiṣedhādiha tadantagrahaṇam. dhātutvāditi. āyapratyāntasyetyarthaḥ. gopāyatīti. śapi `ato gaṇe' iti pararūpam.

sanādyantāḥ dhātavaḥ 147, 3.1.32 nanvāyapratyayāntasya bhvādiṣu pāṭhā'bhāvena dhātutvā'bhāvāt kathamasmāllaḍādaya ityata āha-- sanādyantāḥ. "guptijkidbhyaḥ sa"nityārabhya "kamerṇi"ṅityantaiḥ sūtraiḥ sanādipratyayānvidhāya sūtramidaṃ paṭhitam. san ādiryeṣāṃ te sanādayo ṇiṅpratyayaparyantāḥ, te ante yeṣāṃ te sanādyantā iti vigrahaḥ. tadāha---sanādayaḥ iti. "sankyackāmyackyaṅkyaṣo'thācārakvibṇijyaṅau tathā. yagāya īyaṅ ṇiṅ ceti dvādaśā'mī sanādayaḥ" iti. saṅagrahaḥ. saṃjñāvidhau pratyayagrahaṇe tadantagrahaṇapratiṣedhādiha tadantagrahaṇam. dhātutvāditi. āyapratyāntasyetyarthaḥ. gopāyatīti. śapi "ato gaṇe" iti pararūpam.

sanādyantāḥ. sadanādaya iti. `san?kyac?kāmyacaj?kyaṅ?kyaṣo'thācārakvip?ṇij?yaṅau tathā. yagāya ṇiṅ ceti dvādaśīmī sanādayaḥ'. dhātutvāditi. pratyayaviśiṣṭasya dhātutvādityarthaḥ. `suptiṅanta'mityanena `saṃjñāvidhau pratyayagrahaṇe tadantagrahaṇaṃ nāstī'tijñāpitatvādviśiṣṭasya dhātusaṃjñālābhāya asmin sūtre antagrahaṇaṃ kṛtam. `bhūvādayo dhātavaḥ' ityasyānantaraṃ `sanādyantāśce'ti na sūtritaṃ, sanādayo dvādaśeveti nirdhāraṇā'lābhāpatteḥ. nirdhāraṇā'lābhāpatteḥ. `sanādyantā dhātavaḥ' ityasyānantaraṃ tu `bhūvādayaṃśce'ti paṭhitvā `dhātava' ityetattanna tyaktuṃ śakyam.

sanādyantā dhātavaḥ 120, 3.1.32 sanādyantāḥ. sadanādaya iti. "san()kyac()kāmyacaj()kyaṅ()kyaṣo'thācārakvip()ṇij()yaṅau tathā. yagāya ṇiṅ ceti dvādaśīmī sanādayaḥ". dhātutvāditi. pratyayaviśiṣṭasya dhātutvādityarthaḥ. "suptiṅanta"mityanena "saṃjñāvidhau pratyayagrahaṇe tadantagrahaṇaṃ nāstī"tijñāpitatvādviśiṣṭasya dhātusaṃjñālābhāya asmin sūtre antagrahaṇaṃ kṛtam. "bhūvādayo dhātavaḥ" ityasyānantaraṃ "sanādyantāśce"ti na sūtritaṃ, sanādayo dvādaśeveti nirdhāraṇā'lābhāpatteḥ. nirdhāraṇā'lābhāpatteḥ. "sanādyantā dhātavaḥ" ityasyānantaraṃ tu "bhūvādayaṃśce"ti paṭhitvā "dhātava" ityetattanna tyaktuṃ śakyam.