1/70:katham idam vijñāyate |
2/70:hetumati abhidheye ṇic bhavati iti |
3/70:āhosvit hetumati yaḥ dhātuḥ vartate iti |
4/70:yuktam punaḥ idam vicārayitum |
5/70:nanu anena asandigdhena pratyayārthaviśeṣaṇena bhavitavyam yāvatā hetumati iti ucyate |
6/70:yadi hi prakṛtarthaviśeṣaṇam syāt hetumataḥ iti evam brūyāt |
7/70:na etat asti |
8/70:bhavanti iha hi viṣayasaptamyaḥ api |
9/70:tat yathā |
10/70:pramāṇe yat prātipadikam vartate striyām yat prātipadikam vartate iti |
11/70:evam iha api hetumati abhidheye ṇic bhavati hetumati yaḥ dhātuḥ vartate iti jāyate vicāraṇā |
12/70:ata uttaram paṭhati |
13/70:hetumati iti kārakopādānam pratyayārthaparigrahārtham yathā tanūkaraṇe takṣaḥ |*
14/70:hetumati iti kārakam upādīyate |
15/70:kim prayojanam |
16/70:pratyayārthaparigrahārtham |
17/70:evam sati pratyayārthaḥ suparigṛhītaḥ bhavati |
18/70:yathā tanūkaraṇe takṣaḥ iti tanūkaraṇam upādīyate |
19/70:yadi tarhi tadvat prakṛtyarthaviśeṣaṇam bhavati |
20/70:prakṛtyarthaviśeṣaṇam hi tat tatra vijñāyate |
21/70:tanūkaraṇakriyāyām takṣaḥ iti |
22/70:astu prakṛtyarthaviśeṣaṇam |
23/70:kaḥ doṣaḥ |
24/70:iha hi uktaḥ karoti preṣitaḥ karoti iti ṇic prāpnoti |
25/70:pratyayārthaviśeṣaṇe punaḥ sati na eṣaḥ doṣaḥ |
26/70:svaśabdena uktatvāt na bhaviṣyati |
27/70:prakṛtyarthaviśeṣaṇe api sati na eṣaḥ doṣaḥ |
28/70:yatra na antareṇa śabdam arthasya gatiḥ bhavati tatra śabdaḥ prayujyate |
29/70:yatra hi antareṇa api śabdam arthasya gatiḥ bhavati na tatra śabdaḥ prayujyate |
30/70:iha tarhi pācayati odanam devadattaḥ yajñadattena iti ubhayoḥ kartroḥ lena abhidhānam prāpnoti |
31/70:pratyayārthaviśeṣaṇe punaḥ sati na doṣaḥ |
32/70:pradhānakartari lādayaḥ bhavanti iti pradhānakartā lena abhidhīyate |
33/70:yaḥ ca apradhānam siddha tatra kartari iti eva tṛtīyā |
34/70:iha ca gamitaḥ grāmam devadattaḥ yajñadattanea iti avyatiriktaḥ gatyarthaḥ iti kṛtvā gatyarthānām kartari iti kartari ktaḥ prāpnoti |
35/70:iha ca vyatibhedayante vyaticchedayante iti avyatiriktaḥ hiṃsārthaḥ iti kṛtvā na gatihiṃsārthebhyaḥ iti pratiṣedhaḥ prāpnoti |
36/70:astu tarhi pratyayārthaviśeṣaṇam |
37/70:yadi pratyayārthaviśeṣaṇam pācayati odanam devadattaḥ yajñadattena iti prayojye kartari karmasañjñā prāpnoti |
38/70:bhavati hi tasya tasmin īpsā |
39/70:iha ca grāmam gamayati grāmāya gamayati iti vyatiriktaḥ gatyarthaḥ iti kṛtvā gatyarthakarmaṇi dvitīyācaturthyau na prāpnutaḥ |
40/70:iha ca edhodakasya upaskārayati iti vyatiriktaḥ karotyarthaḥ iti kṛtvā kṛñaḥ pratiyatne iti ṣaṣṭhī na prāpnoti |
41/70:iha ca bhedikā devadattasya yajñadattasya kāṣṭhānām iti prayojye kartari ṣaṣṭhī na prāpnoti |
42/70:iha ca abhiṣāvayati pariṣāvayati iti vyatiriktaḥ sunotyarthaḥ iti kṛtvā upasargāt sunotyādīnām iti ṣatvam na prāpnoti |
43/70:na eṣaḥ doṣaḥ |
44/70:yat tāvat ucyate pācayati odanam devadattaḥ yajñadattena iti prayojye kartari karmasañjñā prāpnoti iti |
45/70:gatibuddhipratyavasānārthaśabdakarmākarmakāṇām aṇi iti etat niyamārtham bhaviṣyati |
46/70:eteṣām eva aṇyantānām yaḥ kartā saḥ ṇau karmasañjñaḥ bhavati na anyeṣām iti |
47/70:yat api ucyate iha ca grāmam gamayati grāmāya gamayati iti vyatiriktaḥ gatyarthaḥ iti kṛtvā gatyarthakarmaṇi dvitīyācaturthyau na prāpnutaḥ iti |
48/70:na asau evam preṣyate gaccha grāmam iti |
49/70:katham tarhi |
50/70:sādhanaviśiṣṭām asau kriyām preṣyate |
51/70:grāmam gaccha |
52/70:grāmāya gaccha iti |
53/70:yat api ucyate iha ca edhodakasya upaskārayati iti vyatiriktaḥ karotyarthaḥ iti kṛtvā kṛñaḥ pratiyatne iti ṣaṣṭhī na prāpnoti iti |
54/70:na asau evam preṣyate upaskuruṣva edhodakasya iti |
55/70:katham tarhi |
56/70:sādhanaviśiṣṭām asau kriyām preṣyate |
57/70:edhodakasya upaskuruṣva iti |
58/70:yat api ucyate iha ca bhedikā devadattasya yajñadattasya kāṣṭhānām iti prayojye kartari ṣaṣṭhī na prāpnoti iti |
59/70:uktam tatra kṛdgrahaṇasya prayojanam kartṛbhūtapūrvamātre api ṣaṣṭhī yathā syāt iti |
60/70:yat api ucyate iha ca abhiṣāvayati pariṣāvayati iti vyatiriktaḥ sunotyarthaḥ iti kṛtvā upasargāt sunotyādīnām iti ṣatvam na prāpnoti iti |
61/70:na asau evam preṣyate sunu abhi iti |
62/70:katham tarhi upasargaviśiṣṭām asau kriyām preṣyate |
63/70:abhiṣunu iti |
64/70:yuktam punaḥ idam vicārayitum |
65/70:nanu anena asandigdhena pratyayārthaviśeṣaṇena bhavitavyam yāvatā vyaktam arthāntaram gamyate pacati pācayati iti ca |
66/70:bāḍham yuktam |
67/70:iha paceḥ kaḥ pradhānārthaḥ |
68/70:yā asau taṇḍulānām viklittiḥ |
69/70:atha idānīm tadabhisandhipūrvakam preṣaṇam adhyeṣaṇam vā |
70/70:yuktam yat sarvam pacyarthaḥ syāt |

1/16:hetunirdeśaḥ ca nimittamātram bikṣādiṣu darśanāt |*
2/16:hetunirdeśaḥ ca nimittamātram draṣṭavyam |
3/16:yāvat brūyāt nimittam kāraṇam iti tāvt hetuḥ iti |
4/16:kim prayojanam |
5/16:bikṣādiṣu darśanāt |
6/16:bhikṣādiṣu hi ṇic dṛśyate |
7/16:bhikṣāḥ vāsayanti |kāriṣaḥ agniḥ adhyāpayati iti |
8/16:kim punaḥ kāraṇam pāribhāṣike hetau na sidhyati |
9/16:evam manyate |
10/16:cetanāvataḥ etat bhavati preṣaṇam adhyeṣaṇam ca iti |
11/16:bhikṣāḥ ca acetanāḥ |
12/16:na eṣaḥ doṣaḥ |
13/16:na avaśyam saḥ eva vāsam prayojayati yaḥ āha uṣyatām iti |
14/16:tūṣṇīm āsīnaḥ yaḥ tatsamarthāni ācarati saḥ api vāsam prayojayati |
15/16:bhikṣāḥ ca api pracurāḥ vyañjanavatyaḥ labhyamānāḥ vāsam prayojayanti |
16/16:tathā kārīṣaḥ agniḥ nirvāte ekānte suprajvalitaḥ adhyayanam prayojayati |

1/28:iha kaḥ cit kam cit āha |
2/28:pṛcchatu mā bhavān |
3/28:anuyuṅktām mā bhavān iti |
4/28:atra ṇic kasmāt na bhavati |
5/28:akartṛtvāt |
6/28:na hi asau samprati pṛcchati |
7/28:tūṣṇīm āste |
8/28:kim ca bhoḥ vartamānakālāyāḥ eva kriyāyāḥ kartrā bhavitavyam na bhūtabhaviṣyatkālāyāḥ |
9/28:bhūtabhaviṣyatkālāyāḥ api bhavitavyam |
10/28:abhisambandhaḥ tatra kriyate |
11/28:imām kriyām akārṣīt |
12/28:imām kriyām kariṣyati iti |
13/28:iha punaḥ na kaḥ cit abhisambandhaḥ kriyate na ca asau samprati pṛcchati |
14/28:tūṣṇīm āste |
15/28:yadi tarhi kartā na asti katham tarhi kartṛpratyayena loṭā abhidhīyate |
16/28:atham katham asmin apṛcchati ayam pracchiḥ vartate |
17/28:abhisambandhaḥ tatra kriyate |
18/28:imām kriyām kuru iti |
19/28:kartrā api tarhi abhisambandhaḥ kriyate |
20/28:katham |
21/28:kartā ca asyāḥ kriyāyāḥ bhava iti |
22/28:evam na ca kartā kartṛpratyayena ca loṭā abhidhīyate |
23/28:atha api katham cit kartā syāt |
24/28:evam api na doṣaḥ |
25/28:loṭā uktatvāt preṣaṇasya ṇic na bhaviṣyati |
26/28:vidhīyante hi eteṣu artheṣu praiṣādiṣu loḍādayaḥ |
27/28:yatra ca dvitīyaḥ prayojyaḥ arthaḥ bhavati bhavati tatra ṇic |
28/28:tat yathā āsaya śāyaya iti |

1/33:kṛṣyādiṣu ca anutpattiḥ |
2/33:kṛṣyādiṣu ca anutpattiḥ vaktavyā |
3/33:ekānte tūṣṇīm āsīnaḥ ucyate pañcabhiḥ halaiḥ kṛṣati iti |
4/33:tatra bhavitavyam |
5/33:pañcabhiḥ halaiḥ karṣayati iti |
6/33:kṛṣyādiṣu ca anutpattiḥ nānākriyāṇām kṛṣyarthatvāt |*
7/33:kṛṣyādiṣu ca anutpattiḥ siddhā |
8/33:kutaḥ |
9/33:nānākriyāṇām kṛṣyarthatvāt |
10/33:nānākriyāḥ kṛṣeḥ arthāḥ |
11/33:na avaśyam kṛṣiḥ vilekhane eva vartate |
12/33:kim tarhi| pratividhāne api vartate |
13/33:yat asau bhaktabījabalīvardaiḥ pratividhānam karoti saḥ kṛṣyarthaḥ |
14/33:ātaḥ ca pratividhāne vartate |
15/33:yadahaḥ eva asau na pratividhatte tadahaḥ tat karma na pravartate |
16/33:yajyādiṣu ca aviparyāsaḥ |
17/33:yajyādiṣu ca aviparyāsaḥ vaktavyaḥ |
18/33:puṣyamitraḥ yajate |
19/33:yājakāḥ yājayanti iti |
20/33:tatra bhavitavyam |
21/33:puṣyamitraḥ yājayate |
22/33:yājakāḥ yajanti iti |
23/33:yajyādiṣu ca aviparyāsaḥ nānākriyāṇām yajyarthatvāt |*
24/33:yajyādiṣu ca aviparyāsaḥ siddhaḥ |
25/33:kutaḥ |
26/33:nānākriyāṇām yajyarthatvāt |
27/33:nānākriyāḥ yajeḥ arthāḥ |
28/33:na avaśyam yajiḥ haviṣprakṣepaṇe eva vartate |
29/33:kim tarhi |
30/33:tyāge api vartate |
31/33:aho yajate iti ucyate yaḥ suṣṭhu tyāgam karoti |
32/33:tam ca puṣyamitraḥ karoti |
33/33:yājakāḥ prayojayanti |

1/12:tat karoti iti upasaṅkhyānam sūtrayatyādyartham |*
2/12:tat karoti iti upasaṅkhyānam kartavyam |
3/12:kim prayojanam |
4/12:sūtrayatyādyartham |
5/12:sūtram karoti |
6/12:sūtrayati |
7/12:iha vyākaraṇasya sūtram karoti |
8/12:vyākaraṇam sūtrayati iti |
9/12:vākye ṣaṣṭhī utpanne ca pratyaye dvitīyā |
10/12:kena etat evam bhavati |
11/12:yaḥ asau sūtravyākaraṇayoḥ abhisambandhaḥ saḥ utpanne pratyaye nivartate |
12/12:asti ca karoteḥ vyākaraṇena sāmarthyam iti kṛtvā dvitīyā bhaviṣyati |

1/80:ākhyānāt kṛtaḥ tat ācaṣṭe iti kṛlluk prakṛtipratyāpattiḥ prakṛtivat ca kārakam | ākhyānāt kṛdantāt tat ācaṣṭe iti etasmin arthe kṛlluk prakṛtipratyāpattiḥ prakṛtivat ca kārakam bhavati iti vaktavyam |*
2/80:kaṃsavadham ācaṣṭe kaṃsam ghātayati |
3/80:balibandham ācaṣṭe balim bandhayati |
4/80:ākhyānāt ca pratiṣedhaḥ |*
5/80:ākhyānaśabdāt ca pratiṣedhaḥ vaktavyaḥ |
6/80:ākhyānam ācaṣṭe |
7/80:kim punaḥ yāni etāni sañjñābhūtāni ākhyānāni tataḥ utpattyā bhavitavyam āhosvit kriyānvākhyānamātrāt |
8/80:kim ca ataḥ |
9/80:yadi sañjñābhūtebhyaḥ iha na prāpnoti |
10/80:rājāgamanam ācaṣṭe ṛajānam āgamayati |
11/80:atha kriyānvākhyānamātrāt na doṣaḥ bhavati |
12/80:yathā na doṣaḥ tathā astu |
13/80:dṛśyarthānām ca pravṛttau |*
14/80:dṛśyarthānām ca pravṛttau kṛdantāt ṇic vaktayaḥ tat ācaṣṭe iti etasmin arthe kṛlluk prakṛtipratyāpattiḥ prakṛtivat ca kārakam bhavati iti |
15/80:mṛgaramaṇam ācaṣṭe mṛgān ramayati iti |
16/80:dṛśyarthānām iti kimartham |
17/80:yadā hi grāme mṛgaramaṇam ācaṣṭe mṛgaramaṇam ācaṣṭe iti eva tadā bhavati iti |
18/80:āṅlopaḥ ca kālātyantasaṃyoge maryādāyām |*
19/80:kālātyantasaṃyoge maryādayām kṛdantāt ṇic vaktayaḥ tat ācaṣṭe iti etasmin arthe āṅlopaḥ ca kṛlluk prakṛtipratyāpattiḥ prakṛtivat ca kārakam bhavati iti |
20/80:ārātrimvivāsam ācaṣṭe rātrim vivāsayati iti |
21/80:citrīkaraṇe prāpi |*
22/80:citrīkaraṇe prāpyarthe kṛdantāt ṇic vaktayaḥ kṛlluk prakṛtipratyāpattiḥ prakṛtivat ca kārakam bhavati iti |
23/80:ujjayinyāḥ prasthitaḥ māhiṣmatyām suryodgamanam sambhāvayate sūryam udgamayati |
24/80:nakṣatrayoge jñi |*
25/80:nakṣatrayoge jānātyarthe kṛdantāt ṇic vaktayaḥ kṛlluk prakṛtipratyāpattiḥ prakṛtivat ca kārakam bhavati iti |
26/80:puṣyayogam jānāti puṣyeṇa yojayati |
27/80:maghābhiḥ yojayati |
28/80:tat tarhi bahu vaktavyam |
29/80:na vā sāmānyakṛtatvāt hetutaḥ hi aviśiṣṭam |*
30/80:na vā vaktavyam |
31/80:kim kāraṇam |
32/80:sāmānyakṛtatvāt |
33/80:sāmānyena eva atra ṇic bhaviṣyati |
34/80:hetumati iti |
35/80:kim kāraṇam |
36/80:hetutaḥ hi aviśiṣṭam |
37/80:hetutaḥ hi aviśiṣṭam bhavati |
38/80:tulyā hi hetutā devadatte ca āditye ca |
39/80:na sidhyati |
40/80:svatantraprayojakaḥ hetusañjñaḥ bhavati iti ucyate |
41/80:na ca asau ādityam prayojayati |
42/80:svatantraprayojakatvāt aprayojakaḥ iti cet muktasaṃśayena tulyam |*
43/80:yam bhavān svatrantraprayojakam muktasaṃśayam nyāyyam manyate pācayati odanam devadattaḥ yajñadattena iti tena etat tulyam |
44/80:katham |
45/80:pravṛttiḥ hi ubhayatra anapekṣya |*
46/80:pravṛttiḥ hi ubhayatra anapekṣya eva kim cit bhavati devadatte ca āditye ca |
47/80:na iha kaḥ cit paraḥ anugrahītavyaḥ iti pravartate |
48/80:sarve ime svabhūtyartham pravartante |
49/80:ye tāvat ete guruśuśrūṣavaḥ te api svabhūtyartham eva pravartante pāralaukikam ca naḥ bhaviṣyati iha ca naḥ prītaḥ guruḥ adhyāpayiṣyati iti |
50/80:tathā yat etat dāsakarmakaram nāma ete api svabhūtyartham eva pravartantebhaktam celam ca lapsyāmahe paribhāṣāḥ ca na naḥ bhaviṣyanti iti |
51/80:tathā ye ete śilpinaḥ nāme te api svabhūtyartham eva pravartante vetanam ca lapsyāmahe mitrāṇi ca naḥ bhaviṣyanti iti |
52/80:evam eteṣu sarveṣu svabhūtyartham pravartamāneṣu kurvataḥ prayojakaḥ iti cet tulyam |*
53/80:yadi kaḥ cit kurvataḥ prayojakaḥ nāma bhavati tena etat tulyam |
54/80:yadi tarhi sarve ime svabhūtyartham pravartantekaḥ prayojyārthaḥ |
55/80:yat abhiprāyeṣu sajjante |
56/80:īdṛśau vadhrau kuru |
57/80:īdṛśau paṭukau kuru |
58/80:ādityaḥ ca asya abhiprāye sajjate |
59/80:eṣaḥ tasya abhiprāyaḥ |
60/80:ujjayinyāḥ prasthitaḥ māhiṣmatyām suryodgamanam sambhāvayeya iti |
61/80:tam ca asya abhiprāyam ādityaḥ nirvartayati |
62/80:bhavet iha vartamānakālatā yuktā |
63/80:ujjayinyāḥ prasthitaḥ māhiṣmatyām suryodgamanam sambhāvayate sūryam udgamayati iti |
64/80:tatrasthasya hi tasya ādityaḥ udeti |
65/80:iha tu katham vartamānakālatām kaṃsam ghātayati balim bandhayati iti cirahate kaṃse cirabaddhe ca balau |
66/80:atra api yuktā |
67/80:katham |
68/80:ye tāvat ete śobhikāḥ nāma ete pratyakṣam kaṃsam ghātayanti pratyakṣam ca balim bandhayanti iti |
69/80:citreṣu katham |
70/80:citreṣu api udgūrṇāḥ nipatitāḥ ca prahārāḥ dṛśyante kaṃsakarṣaṇyaḥ ca |
71/80:granthikeṣu katham yatra śabdagaḍumātram lakṣyate |
72/80:te api hi teṣām utpattiprabhṛti ā vināśāt ṛddhīḥ vyācakṣāṇāḥ sataḥ buddhiviṣayān prakāśayanti |
73/80:ātaḥ ca sataḥ vyāmiśrāḥ hi dṛśyante |
74/80:ke cit kaṃsabhaktāḥ bhavanti ke cit vāsudevabhaktāḥ |
75/80:varṇānyatvam khalu api puṣyanti |
76/80:ke cit raktamukhāḥ bhavanti ke cit kālamukhāḥ |
77/80:traikālyam khalu api loke lakṣyate |
78/80:gaccha hanyate kaṃsaḥ |
79/80:gaccha ghāniṣyate kaṃsaḥ |
80/80:kim gatena hataḥ kaṃsaḥ iti |

hetuḥ svatantraya kartuḥ prayojakaḥ, tadīyo vyāpāraḥ preṣanādilakṣaṇo hetumān, tasminnabhidheye dhātoḥ ṇic pratyayo bhavati. kaṭaṃ kārayati. odanaṃ pācayati. tat karoti ityupasaṅkhyānaṃ sūtrayati ityādyartham. sūtraṃ karoti sūtrayati. ākhyānāt kṛtas tadācaṣṭa iti ṇic kṛlluk prakṛtipratyāpattiḥ prakṛtivac ca kārakam. ākhyānāt kṛdanttaṇ ṇic vaktavyaḥ tadācaṣṭe ityetasminnarthe, kṛlluk, prakṛtipratyāpattiḥ, prakṛtivac ca kārakaṃ bhavati. kaṃsavadham ācaṣṭe kaṃsaṃ ghātayati. balibandham ācaṣṭe baliṃ bandhayati. rājāgamanam ācaṣṭe rājānam āgamayati. āṅlopaśca kālātyantasaṃyoge maryādāyām. ārātri vivāsam ācaśṭe rātriṃ vivāsayati. citrīkaraṇe prāpi. ujjayinyāḥ prasthito māhiṣmatyāṃ sūryodgamanaṃ sambhāvayate sūryam udgamayati. nakṣatrayoge jñi. puṣyayogaṃ jānāti puṣyeṇa yojayati. maghabhir yojayati.

hetumati ca 3.1.26 hetuḥ svatantraya kartuḥ prayojakaḥ, tadīyo vyāpāraḥ preṣanādilakṣaṇo hetumān, tasminnabhidheye dhātoḥ ṇic pratyayo bhavati. kaṭaṃ kārayati. odanaṃ pācayati. tat karoti ityupasaṅkhyānaṃ sūtrayati ityādyartham. sūtraṃ karoti sūtrayati. ākhyānāt kṛtas tadācaṣṭa iti ṇic kṛlluk prakṛtipratyāpattiḥ prakṛtivac ca kārakam. ākhyānāt kṛdanttaṇ ṇic vaktavyaḥ tadācaṣṭe ityetasminnarthe, kṛlluk, prakṛtipratyāpattiḥ, prakṛtivac ca kārakaṃ bhavati. kaṃsavadham ācaṣṭe kaṃsaṃ ghātayati. balibandham ācaṣṭe baliṃ bandhayati. rājāgamanam ācaṣṭe rājānam āgamayati. āṅlopaśca kālātyantasaṃyoge maryādāyām. ārātri vivāsam ācaśṭe rātriṃ vivāsayati. citrīkaraṇe prāpi. ujjayinyāḥ prasthito māhiṣmatyāṃ sūryodgamanaṃ sambhāvayate sūryam udgamayati. nakṣatrayoge jñi. puṣyayogaṃ jānāti puṣyeṇa yojayati. maghabhir yojayati.

hetumiti ca. , 3.1.26 phalasādhanayogyaḥ padārtho loke heturityucyata iti tasya yadīha grahaṇaṃ syādihāpi ṇic syāt-- adhyayanena vasatīti. tasmāt pāribhāṣikasya hetogrrahaṇamiti darśayitumāha= "hetuḥ svatantrasya prayojakaḥ" iti. sa punaryasya "tatprayojako hetuśca" 1.4.55 iti hetusaṃjñā vihitā. kutaḥ punaretadavagamyate? hetumad()grahaṇāt, pūrvasūtre curādigrahaṇācca. iha hi "karaṇe" 3.1.17 iti vatrtate, dhātvadhikārācca dhātoḥ karaṇe kriyāyāṃ ṇicpratyayena bhavitavyam. yadi ca laukikasya hetogrrahaṇaṃ syāt "hetumati" iti karaṇaviśeṣaṇaṃ na kuryāt; vyāvatryābhāvāt-- sarveva hi kriyā hetumatīti. pūrvasūtre ca curādigarhamaṃ na kuryāt, curādayo'pi dhātava eva. tadarthaśca kriyālakṣaṇa eva. "satyāpapāśarūpavīṇātūlaślokasenālomatvacavarmavarṇacūrṇebhyaśca ṇic" ityekayogaṃ kuryāt. evaṃ hi cakārāddhātoḥ prakṛtatvāt karaṇe pratyayo bhaviṣyatīti vijñāsyate. so'yamekayogenaiva siddhe yat pṛthagyogamārabhate, pūrvasūtre ca curādigrahaṇaṃ karoti, tato'vasīyate pāribhāṣikasya hetogrrahaṇamiti. "tadīyaḥ" iti. tatsambandhī kriyātmako vyāpāraḥ. kaḥ punarasāvityata āha-- "preṣaṇa" ityādi. bhṛtyādernikṛṣṭasya kvacidarthe niyojanam = ādeśaḥ, preṣaṇam. gurvāderārādhyasya satkārapūrvavyāpāraṇamadhyeṣaṇam. ādiśabdena tatsamarthācaraṇasya. etat preṣaṇādikaṃ lakṣaṇaṃ svabhāvo yasya sa tathoktaḥ. nanu ca catvāro'tra hetumantaḥ sambhavanati-- prayojyaḥ, prayojyavyāpāro'dhiśrayaṇādiḥ, sarvasādhanasādhyaśca pradhānakriyā vikledādiḥ, prayojanakavyāpāraśca preṣaṇādhyeṣaṇādiḥ. caturṇāmapi hreṣāṃ hetunā saha sambandho'sti. tatra prathamasya tadadhiṣṭhitasya pravatrtanāt, tadabhiprāyasampādanācca. dvitīyasya sambandhāya hetoḥ pravṛtteḥ. tṛtīyasya tatpravarttitena prayojyenādhiśrayaṇādikriyāṃ kurvāṇena sādhanāt. caturthasya tu tannirvartitatvāt tatra ca samavāyāt. tatra "karaṇe" ityadhikārādayuktaṃ prayojyasya grahaṇam, itareṣāmeva grahaṇaṃ kriyātmakatvāt sarveṣāṃ nyāyyam, tat kasmāt prayojanakavyāpāra eva gṛhrate? satyapi sarveṣāṃ kriyātmakatve tadagrahaṇasyaiva nyāyyatvāt. tathā hi-- heturiti kārakaviśeṣasyaiṣā saṃjñā, kārakañca kriyānimittam, tacca tasya nimittaṃ bhavati yad yasmin satyeva bhavati, asati tu tasmin na bhavatyeva. na ca prayojyavyāpāraḥ prayojake satyeva bhavati; va#ināpi tenārthitvādeva prayojyasyādhiśrayaṇādivyāpārasya sambhavāt. satyapi ca tasmin prayuktasyāpi svārthamapaśyataḥ prayojyasyāpravṛtteḥ. tasmāt pyojyasya vyāpāraṃ prati prayojakasya kārakatvābhāvāddhetutvaṃ nāstīti na sa hetumān. etena vikledanādirapi pradhānakriyāviśeṣo hetumānna bhavatīti veditavyam. bhavatu nāma tau prati kathañcit tasya hetutvam, tathāpi na tayorhetumattvaṃ yuktam; yasmāt--- bhūmanindāpraśaṃsāsu nityayoge'tiśāyane. saṃsarge'sti vivakṣāyāṃ bhavanti matubādayaḥ॥ iti vacanāt bhūmādiviśiṣṭasyārthasya sattāyāṃ matubādayaḥ pratyayā vidhīyante, iha ca nityayogādanye bhūmādayo'rthā na sambhavanti; apratīteḥ. na hi yathā gomānityatra bahutvaṃ pratīyate, yathā ca kakudāvatrtītyatra ca nindā, yathā ca rūpavānityatra praśaṃsā, yathā codariṇī kanyetyatrātiśayaḥ, tathā "hetumati" ityatra. saṃsargā'pīha na sambhāvyate--- saṃsargo hi saṃyogaḥ,sa ca dravyayoreva parasparaṃ sambhavati, yathā-- daṇḍītyatra daṇḍapuruṣayoḥ. na ca vyāpāro dravyam, ato nāsti kenacit saṃsargaḥ.tasmānnityayoge evāyaṃ matvarthīyaḥ, yathā-- kṣīriṇo vṛkṣā iti. na ca prayojyavyāpārasyādhiśrayaṇādervikledādeśca hetunā nityayogo'sti; uparate'pi tasmin prayoktari tayoḥ sambhavāt. satyapi tasmin virodhisannidhānāt, asambhavācca. na cānyatarāsannidhāne sambandho yujyate; tasya dviṣṭhatvāditi. na tau hetumantau. preṣaṇādestu prayojako bhavati nimittamca tena vinā tadasambhavāt, sati ca ta()smastat sambhavāt; atastaṃ prati kārakatvaṃ tasyopadyate. tena tasya hetusaṃjñā. nityoge'pi matupo nimittamastyeva; utpatteḥ prabhṛtyāvināśāt, preṣaṇādevryāpārasya hetau samavāyāt. tasmāt sa eva hetumāniti tasyaiva grahaṇaṃ nyāyyam. "tasminnabhidheye" iti. pratyayena vācye. etena pratyayārthaviśeṣaṇaṃ hetumad()grahaṇaṃ na prakṛtyarthaviśeṣaṇamiti darśayati. tena prakatyarthaviśeṣaṇapakṣe ye doṣāste tatpakṣānaṅgīkāreṇaiva nirastāḥ. ye'pi pratyayārthaviśeṣaṇapakṣe doṣāḥ sambhāvyante,te bhāṣye evodbhāvitāḥ, parihmatāśca. iha tvatigranthavistarabhayānna likhitāḥ. atheha kathaṃ ṇijbhavati-- bhikṣā vāsayati, kārīṣo.ñagniradhyāpayatīti? kathañca na syāt? acetanatvāt, cetanavato hretadbhavati preṣaṇamadhyeṣaṇaṃ vā? naiṣa doṣaḥ; uktaṃ hretat-- "ādigrahaṇena tatsamarthācaraṇasya grahaṇam" iti. tacchabdena yatra vasanādau prayojyo niyujyate tatsambadhyate tatra vāsādau. ye samarthāḥ = yogyāḥ, anukūlāstṛptiviśeṣādayasteṣāmācaraṇaṃ sampādanam = tatsamarthācaraṇam, tadapi prayojakavyāpāra eva. bhikṣā hi pracurataravyañjanavatyo labhyamānā rasānukūlaṃ tṛptiviśeṣamupajanayantyeva. kārīṣo'gnirapi nirvātapradeśeṣu suprajvalito'dhyayanavirodhinaṃ śītādikṛtamupadravamupaśamayannadhyayanānukūlaṃ sāmathryamādadhāti. atastayorapi yuktaṃ prayojakatvam. "tatkaroti" ityādi. taditi karmapadam. etat karotītyarthanirdeśaḥ. taditi karmaṇaḥ prātipadikāt karotītyasminnarthe ṇica upasaṃkhyānaṃ pratipādanaṃ katrtavyamityarthaḥ. kimarthamityāha--- "sūtrayatītyādyartham" iti. tatredaṃ prātipādanam-- curādau "prātipadikaddhātvarthe" ityasya "tatkarotati" ityayaṃ prapañcaḥ paṭha()te. tena sūtrādibhyaḥ prātipadikebhyaḥ karmabhyaḥ karotyarthe ṇij bhavatīti. "ākhyānāt kṛtaḥ" ityādikaṃ vākyam "ākhyānāt kṛdantāt" ityādinā vyācaṣṭe. ākhyāyata ityākhyānam. yat kiñcidākhyāyate tat sarvaṃ rājāgamanādikamapīhākhyānamabhipretam, na tu saṃjñābhūtameva kaṃsavadhādikam. tasya yo vācakaḥ śabdaḥ so'pyabhidhāne'bhidheyopacārādākhyānamityucyate. kṛditi pratyayagrahamam, pratyayagrahaṇe ca tadantavidhirbhavatītyāha--- "kṛdantāt" ityādi. "vaktavyaḥ" iti. vyākhyeya ityarthaḥ. "tat" iti. karmapadametat. "ācaṣṭe" iti. pratyayārthaḥ. "kulluk" iti. yena kṛtā tadantamākhyānamucyate tasya lugbhavatītyanena vakṣyamāṇena sambandhaḥ. "prakṛtipratyāpattiḥ" iti. yāsau prakṛtiḥ pratyayamutpāditavatī sā'vikṛtārthenaiva rūpeṇāvatiṣṭhata ityarthaḥ. "prakṛtivacca karām" iti. cakāro bhinnakramaḥ kārakasyānantaraṃ draṣṭavyaḥ. kāryaśabdaścātrādhyāhāryaḥ. tenāyamartho bhavati-- kṛto yā prakṛtirhanyādistasyā yathā kāryamaḍāgamādi, tathā ṇyantāyā api bhavatīti. kiñca kārakañca prakṛtivadbhavatīti? kṛtaḥ prakṛteryādṛśaṃ kārakamabhūt ṇyantāyā api prakṛtestādṛśameva bhavatīti. tatredaṃ vyākhyānam-- curādau "prātipadikāddhātvarthe bahulamiṣṭhavacca" (vā. 813) iti paṭha()te, "tatkaroti" ityādikañca tasyaiva prapañcaḥ. bahulaṃ tatrādhikavidhānārthamiti sarvametadyathoktaṃ bhaviṣyatīti. evamuttaratrāpi vyākhyānaṃ katrtavyam. kimarthaṃ punaḥ kāryaśabdamadhyāhmatya kāryātideśo vaṇryate? ākhyānāvayavabhūtāyāḥ prakṛteraḍāgamādikāryaṃ yathā syāt. anyathā hi yadi prakṛtivacca kārakaṃ bhavatīti kārakātideśa eva kriyeta tadā "kṛdgrahaṇe gatikārakapūrvasyāpi grahaṇam" (vyā.pa.126) iti kaṃsavadhādibhyo ṇici kṛte'ṅgasaṃjñā nāmadhātutvañca teṣāmeva syāt tataścāḍ()dvirvacane teṣāmeva syātām. kiñca-- dhātoḥ svarūpagrahaṇe tatpratyaye tat kāryaṃ vijñāyeta, kaṃsavadhaśabdācca ṇici vihite tatvakutve na syātām, tataśca kasaṃmaghātadrājānamajīgamadityādi na sidhyet. kāryātideśe yadyapi samudāyebhyaḥ kaṃsavadhādibhyo ṇijvihitaḥ, tathāpi kṛto yā prakṛtirhanyādistasyāḥ kevalāyā akṛdantāyā yathā'ḍāgamādikāryaṃ bhavati, tathā kṛdantāyā api ṇici vihite bhavatīti na bhavatyeṣa doṣaḥ. tasmāt kāryamatidiśyate. "kaṃsaṃ ghātayati" iti. hanterbhāve "hanaśca vadhaḥ" 3.3.76 ityappratyayaḥ, tatsanniyogena vadhādeśaḥ. hananaṃ vadhaḥ, kaṃsasya vadha iti ṣaṣṭhīsamāsaḥ. rakakaṃsavadhaśabdāṇṇica, apo luk. prakṛteḥ pratyāpattiḥ vadhādeśaparityāgena hanteḥ svarūpeṇāvasthānam. "ata upadhāyāḥ"7.2.116 iti vṛddhiḥ, "ho hanterñṇinneṣu" 7.3.54 iti hakārasya ghakāraḥ, "hanasto'ciṇṇaloḥ" 7.3.32 iti tatvam. kārakañca kaṃsavadha ityasyāḥ prakṛteryādṛśamāsīt tādṛśameva bhavati, karma ca kārakaṃ kaṃsa āsīt. tathā ca kṛdyogalakṣaṇāyāḥ karmaṣaṣṭha()ā kaṃsavadha iti samāsaḥ. sa kaṃsa ākhyānakriyāyāmapyatideśāt karmaiva bhavati. asatyatideśe, ākhyākriyāyāḥ kaṃsavadhaśabdastadartho vā karma syāt; tayoreva tathā vyāpyamānatvāt. kaṃsastvākhyānakriyāyāmujjhitavyāpāra eveti karmabhāvaṃ na pratipadyet. tasmāt kārakātideśaḥ. "baliṃ bandhayati" iti. bandhanaṃ bnadhaḥ, bhāve ghañ. rājña āgamanamiti katrtari kṛdcayogalakṣaṇāyā ṣaṣṭhyāḥ samāsa. śeṣaṃ kṛllugādikaṃ yathāyogaṃ pūrvavat. atha rājānamiti kathaṃ dvitīyā, yāvatā rājāgamanamityasyāḥ kṛdantāyāḥ prakṛte rājā katrtāsīt, tatra "prakṛtivacca kārakam" (2.3.65) iti ṣaṣṭha()aiva bhavitavyam? atha "na lokāvyaya" 2.3.69 iti ṣaṣṭhīniṣedhaḥ; evaṃ tarhi tṛtīyā prāpnoti? naiṣa doṣaḥ; "gatibuddhi" 1.4.52 ityādinā gamergatyarthatvādrājo'tra karmasaṃjñā. tena dvitīyaiva nyāyyā. anye tvasyaiva codyasya parihārartha kārakātideśamanyathā varṇayanti-- naivaṃ vijñāyate prakṛtiriva prakṛtivat, prakṛteryat kāryamiṣṭaṃ tat ṇijantasyaiva bhavatīti; na hratra "tatra tasyeva" 5.1.115 iti vatiḥ, kiṃ tarhi? "tena tulyam" 5.1.114 ityādinā. tasmādeva vijñāyate-- prakṛtyā tulyaṃ vatrtata iti prakṛtivaditi. prakṛtiśabdeneha ṇico yā prakṛtiḥ kaṃsavadha ityādiḥ sā vivakṣitā.tasyāścākhyānakriyayā vyāpyamānatvāt katrtavyam. ataḥ prakṛtivacca kārakaṃ bhavatītyasyāyamarthaḥ-- yathā ṇicprakṛterākhyānabhūtāyāḥ karmatvaṃ tathā kārakasyāpīti, tena kartuḥ karmatvaṃ siddhaṃ bhavati. yadyevam, puṣyayogaṃ jānāti puṣyeṇa yojayatītyatrāpi karmatvaṃ puṣyasya syāt? naitadasti; yataḥ prakṛtivacca kārakaṃ bhavatītyucyate, na ca puṣyasya kārakatvaṃ bhavati; sahayoge tṛtīyā vidhānāt puṣyeṇa saha candramaso yo yogastaṃ jānāti puṣyeṇa yojayati. "āṅalopaśca" ityādi. maryādāvācī ya āṅa tasya lopo vaktavyaḥ. cakārāt pūrvokktañca ṇijādikāryam. "kālātyantasaṃyoge" iti. kṛtsnasya kālasya vyāptiḥ = kālātyantasaṃyogaḥ, tasmin gamyamāne. "ārātrivivāsamācaṣṭe" iti. vivasanaṃ vivāsaḥ, bhāve ghañ. rātrervivāsa iti ṣaṣṭhīsamāsaḥ. paścāt "āha maryādābhividhyoḥ" 2.1.12 ityavayyībhāvasamāsaḥ. rātriśabdaśceha rātrisahacaritāsu kriyāsu vatrtate, vasirapi vipūrvo'tikrame. tenāyamartho bhavati-- asatmayanāt prabhṛti yāḥ pravṛttāḥ kriyāstā yāvadatikrāntā rātriḥ sākalyena kathayīti. "prakṛtivacca kārakam" ityatideśāt kṛllakṣaṇāyāṃ katrtari ṣaṣṭha()āṃ prāptāyāṃ rātrau karmaṇi dvitīyā bhavati. atikramaṇe hi rātriḥ katrrī. karmatvañca tasyāḥ pūrvavadgatyādi 1.4.52 sūtreṇa. "citrīkaraṇe prāpi" iti. citrīkaraṇam = tasmin gamyamāne ṇic. kṛllugādikañca pūrvavat. ujjayinyā māhiṣmatī vidūradeśa iti tāvato deśasyālpakālenātikramaṇamāścaryam. "sūryodgamanam" iti. katrtari kṛdyogalakṣaṇāyāḥ ṣaṣṭhyāḥ samāsaḥ. sūrya udgamane katrtā. "sambhāvayate" iti. prāpnotītyarthaḥ. "bhū prāptāvātmanepadī" (dhā.pā.844) curādau paṭha()te, tasyedaṃ rūpam. "sūryamudgamayati" iti. sūryodgamanaśabdāṇṇic, lyuṭo luk. "prakṛtivacca kārakam" ityatideśāt pūrvavat katrtari ṣaṣṭha()āṃ prāptāyāṃ tasya karmasaṃjñakatvāddvitīyā. karmasaṃjñā tu pūrvavat. "nakṣatrayoge jñi" iti. nakṣatrayoge yat prātipadikaṃ vatrtate tasmānnakṣatrayogavācino ṇic. kṛllugādikaṃ yathāyogaṃ pūrvavat. jñīti saptamyā dhātvartho nirdiśyate, tena jānātyarthe ṇij bhavati. puṣyeṇa karaṇabhūtena candramaso yogaḥ puṣyayogastasmāṇṇic, ghañ, kṛto luk, prakṛtipratyāpattiḥ. "prakṛtavacca kārakam" ityatideśāt jñānakriyāyāmakārakasyāpi puṣyasya karaṇatvamiti karaṇe tṛtīyā. yadā tu puṣyeṇa saha candramaso yoga ityartho vivakṣyate, tadā kārakātideśasya viṣayo na bhavati,puṣyasyākārakatvāt. puṣyeṇeti tṛtīyā sahārthaṃ eva veditavyā॥

hetumati ca 703, 3.1.26 prayojakavyāpāre preṣaṇādau vācye dhātorṇic syāt. bhavantaṃ prerayati bhāvayati॥

hetumati ca. `satyāpapāśe'tyato ṇijityanuvartate.hetuḥ prayojakaḥ = ādhāratayā asyāstīti hetumān = prayojakaniṣṭhaḥ preṣaṇādivyāpāraḥ, tasmin vācye ṇic syādityarthaḥ. `dhātorekāco halāde'riti dhātorityanuvartate. tadāha - prayojakavyāpāra #iti. preṣaṇādāvityādiśabdena adhyeṣaṇānumatyupadeśādīnāṃ grahaṇam. tatra bhṛtyādernikṛṣṭasya pravartanā preṣaṇam. ājñetyarthaḥ. samānasyā'dhikasya ca sakhyācāryādeḥ pravartanā- adhyeṣaṇā. anumati – rājādeḥ samaṃtiḥ. jvaritasya kaṣāyapāne hitāvabodhanena pravartanā– upadeśaḥ. hananādbhītyā palāyamānasya nirodhācaraṇamapi prayojakavyāpāraḥ. prayojakaniṣṭhapravartanāyāṃ ṇijiti phalitam. ete tu viśeṣāḥ prakaramādinā avagamyante. `kulālo ghaṭaṃ karotī' tyatra tu na ṇic, prayojyaprayojakobhayasamabhivyāhāra eva tatpravṛtterityanyatra vistaraḥ. bhavantamiti. devadatto yajvā bhavati. taṃ prerayati yājaka ityādyarthe bhūdhātvarthasyabhavanasya mukhyakartā yajvā, tasya yajvabhavane pravartayitā yājakādiḥ prayojakaḥ, tanniṣṭha\ufffdāṃ preraṇāyāṃ bhūdhātorṇic. vṛddhyāvādeśau. bhāvīti ṇijantam. tasmādbhavanānukūlavyāpārārthakāllaṭi `bhāvayatī'ti rūpam. bhavantaṃ prerayatīti phalito'rthaḥ. bhāvayāṃbabhūveti. kartṛgāminyapi kriyāphale bhūdhātoranātmanepaditvādanuprayujyamānādapi nātmanepadamiti bhāvaḥ.

āsuyuvapirapi[lapi]trapicamaśca. 704, 3.1.26 āsuyuvapi.āsu, yu, vapi, rapi, trapi, cam eṣāṃ samāhāradvandvaḥ. "ṇya"diti śeṣaḥ. āsāvyamiti. āṅpūrvasya suño grahaṇamiti bhāvaḥ.

hetumati ca. svaniṣṭhādhāratānirūpitādheyatāsaṃbandhena heturyatrāsti sa hetumān = vyāpāraḥ, tasminvācye ṇijityāha– prayojakavyāpāra iti. prayojakaścetanā'cetanasādhāraṇyena vivakṣitaḥ. sa ca kvacitphalarūpaḥ. `devadattaḥ gamayatī' tyādau siddhaḥ. `bhikṣā vāsayati' `saṅgrāmo vāsayatī'tyādau tu phalarūpaḥ. preṣaṇādāviti. bhṛtyādernikṛṣṭasya pravartanā preraṇā. ājñetyarthaḥ. ādiśabdenā'dhyeṣaṇānumatyādīnamupādānām. samānasyā'dhikasya vā ṛtvigācāryādeḥ pravartanā— adhyeṣaṇam. prārthanetyarthaḥ. anumatistu rājādeḥ saṃmatiḥ, tāṃ vinā yāgādikriyā na niṣpadyata ityanumatimātreṇa rājādiḥ prayojakaḥ. `anumatyādī'tyādiśabdenātropadeśānugrahayorupādānam. `jvaritaḥ kaṣāyaṃ pibe'dityupadeśamātreṇa vaidyādiḥ prayojakaḥ. yastu kenaciddhantumiṣṭaṃ palāyamānaṃ niruṇaddhi so'pi hanturanugrāhakatvena prayojakaḥ. sarve'pyete viśeṣāḥ kathaṃ ṇicpratyayagamyā iti cet. atrāhuḥ– sarvānugataṃ pravartanāsāmānyaṃ ṇico'rthaḥ, viśeṣāstvarthaprakaraṇādigamyā iti. nanvevaṃ ṇico loḍādīnāṃ ca paryāyatā syāttataśca `idānīṃ pṛcchatu bhavā'niti vaktavaye `pracchayatī'ti ṇijapa prayujyeteti cet. maivam. kartuḥ prayojako hi hetuḥ, praiṣaviṣayo yaḥ saṃbodhyo daivadattādiḥ sa tu nādyādi praśnakartṛtvenāvadhāritaḥ. tathā ca prayojyapravṛttyupahitā yā prayojakaniṣṭhapravṛttiḥ sā ṇijarthaḥ, tadanupahitā prayojakapravṛttistu loḍartha ityubhayorbhedaḥ. uktaṃ ca — dravyamātrasya tu praiṣe pṛcchāderloḍ vidhīyate. sakriyasya prayogastu yadā sa viṣayo ṇicaḥ'.iti. asyārthaḥ— kartṛtvenā'navadhāritasya devadattadestu praiṣe `praccha jñīpsāyāṭamityāderloḍbhavati. prayojyapravṛttyupahitapravṛttyāśrayasya prayuktistu yadā sā ṇico viṣaya iti. kiṃ ca prayoktṛniṣṭhā prayuktirloḍarthaḥ, prayokraprayoktṛkartakā tu ṇijarthaḥ. `paca devadatte'tyatra hi vaktaiva prerakaḥ. `pācayatī'tyādau vaktṛbhinnaḥ, `pācayāmī'tyādau tu vakteti dik.

āsuyuvapirapi[lapi]trapicamaśca 585, 3.1.26 āsu. ṣuñ āsāvyamiti. "ṣuñ abhiṣave" ityayaṃ gṛhrate, na tu "ṣu prasavai()āryayo"riti. "kṛtyalyuṭo bahula"mati bahulagrahaṇāditi bhāvaḥ. yu miśraṇa iti. "yuñ bandhane" iti tu na gṛhrate, sānubandhakatvāditi bhāvaḥ. atra yuprabhṛtīnāṃ dvandvaṃ kṛtvā paścādāsuśabdena dvandvaḥ. tena "alpāctara"miti yuśabdasya na pūrvanipātaḥ śaṅkyaḥ. ihādyayoḥ "aco "dityanena, rapitrapicamāṃ tu "poradupadhā"dityanena yatpratyaye prāpte'yamārambhaḥ. anityamātre yadi prayogastarhi ghaṭādāvatiprasaṅga ityata āha-- dakṣiṇāgniviśeṣa ityādi.