1/25:kyap iti vartamāne punaḥ kyabgrahaṇam kimartham |
2/25:kyap eva yathā syāt |
3/25:anyat yat prāpnoti tat mā bhūt iti |
4/25:kim ca anyat prāpnoti |
5/25:ṇyat |
6/25:oḥ āvaśyake ṇyataḥ stoteḥ kyap pūrvavipratiṣiddham iti vakṣyati |
7/25:saḥ pūrvavipratiṣedhaḥ na paṭhitavyaḥ bhavati |
8/25:atha vā hanaḥ taḥ cit striyām chandasi coditaḥ |
9/25:saḥ na vaktavyaḥ bhavati |
10/25:kyabvidhau vṛñgrahaṇam | kyabvidhau vṛñgrahaṇam kartavyam |*
11/25:iha mā bhūt |
12/25:vāryāḥ ṛtvijaḥ iti |
13/25:añjeḥ ca upasaṅkhyānam sañjñāyām |*
14/25:sañjñāyām añjeḥ ca upasaṅkhyānam kartavyam |
15/25:ājyam |
16/25:yadi kyap vṛddhiḥ na prāpnoti |
17/25:tasmāt ṇyat eṣaḥ |
18/25:yadi ṇyat upadhālopaḥ na prāpnoti |
19/25:tasmāt kyap eṣaḥ |
20/25:nanu ca uktam vṛddhiḥ na prāpnoti iti |
21/25:āṅpūrvasya eṣaḥ prayogaḥ bhaviṣyati |
22/25:yadi evam avagrahaḥ prāpnoti |
23/25:na lakṣaṇena padakārāḥ anuvartyāḥ |
24/25:padkāraiḥ nāma lakṣaṇam anuvartyam |
25/25:yathālakṣaṇam padam kartavyam |

supyanupasarge bhāve iti nivṛttam. sāmānyena vidhāname tat. eti stu śās vṛ dṛ juṣityetebhyaḥ kyap pratyayo bhavati. ityaḥ. stutyaḥ. śiṣyaḥ. vṛtyaḥ. ādṛtyaḥ. juṣyaḥ. kyapiti vartamāne punaḥ kyabgrahaṇaṃ bādhakabādhanārtham. orāvaśyake 3-1-125 iti ṇyataṃ bādhitvā kyabeva bhavati. avaśy stutyaḥ. vṛgrahaṇe vṛño grahaṇam iṣyate, na vṛṅaḥ. vāryāḥ ṛtvijaḥ. śaṃsiduhiguhibhyo veti vaktavyam. śasyam, śaṃsyam. duhyam, dohyam , guhyam, gohyam. āṅpūrvādañjeḥ saṃjñāyām upasaṅkhyānam. ājyaṃ ghṛtam. katham upeyam? eḥ etad rūpaṃ, na iṇaḥ.

etistuśāsvṛdṛjuṣaḥ kyap 3.1.109 supyanupasarge bhāve iti nivṛttam. sāmānyena vidhāname tat. eti stu śās vṛ dṛ juṣityetebhyaḥ kyap pratyayo bhavati. ityaḥ. stutyaḥ. śiṣyaḥ. vṛtyaḥ. ādṛtyaḥ. juṣyaḥ. kyapiti vartamāne punaḥ kyabgrahaṇaṃ bādhakabādhanārtham. orāvaśyake 3.1.125 iti ṇyataṃ bādhitvā kyabeva bhavati. avaśy stutyaḥ. vṛgrahaṇe vṛño grahaṇam iṣyate, na vṛṅaḥ. vāryāḥ ṛtvijaḥ. śaṃsiduhiguhibhyo veti vaktavyam. śasyam, śaṃsyam. duhyam, dohyam , guhyam, gohyam. āṅpūrvādañjeḥ saṃjñāyām upasaṅkhyānam. ājyaṃ ghṛtam. katham upeyam? eḥ etad rūpaṃ, na iṇaḥ.

etistuśāsvṛdṛjuṣaḥ kyap. , 3.1.109 "śiṣyaḥ" iti. "śāsu anuśiṣṭau" (dhā.pā.1075)," śāsa idaṅahaloḥ" 6.4.34 itīttvam, "śāsivasi"8.3.60 iti ṣatvam. "ādṛtyaḥ" iti. "dṛṅa ādare" (dhā.pā.1141), āṅapūrvaḥ. "juṣyaḥ" iti. "juṣī prītisevanayoḥ" (dhā.pā.1288). atha kimarthaṃ kyabgrahaṇam, yāvatā "vadaḥ supi kyap ca" 3.1.106 ityataḥ kyabgrahamanuvatrtata evetyata āha-- "kyabiti vatrtamāne" ityādi. "bādhakabādhanārtham" iti. etadvispaṣṭīkarttumāha-- "orāvaśyake" iti. stugrahaṇasyāvakāśo yatrāvaśyakaṃ na vivakṣyate-- stutya iti, " orāvaśyake" 3.1.125 ityasyāvakāśo'nyo dhātuḥ-- avaśyalāvyamiti; ihobhayaṃ prāpnoti-- avaśyastutya iti, paratvādbādhako ṇyat syāt. punaḥ kyabgrahaṇāt tamapi bādhitvā kyabbhavati. "vṛgrahaṇena vṛño grahaṇamiṣyate, na vṛṅaḥ" iti. tatkatham? "kṛṣirajoḥ" 3.1.90 ityādeḥ sūtrādiha parasmaipadagrahaṇamanuvatrtate, tena vṛśabdo viśiṣyate-- parasamaipadaṃsya yo vṛśabda iti. kaśca parasmaipadasya vṛśabdaḥ? yasya parasmaipadaṃ prati nimittbhāvo dṛṣṭaḥ. vṛña evobhayapadinaḥ sa dṛṣṭaḥ, na vṛṅaḥ; tasya nityātmanepaditvāt. tena vṛña eva grahaṇaṃ bhavati, na vṛṅaḥ. "śaṃsiduhi" ityādi. ebhyaḥ śaṃsiprabhṛtibhyo vā kyabbhavatītyetadartharūpaṃ vyākhyeyamityarthaḥ. vyākhyānaṃ tu tadeva bahulagrahaṇamāśritya katrtavyam. "śasyam" iti. "śansu stutau" (dhā.pā.728), "aniditām" 6.4.24 iti nalopaḥ. "guhrama" iti. "guhū saṃvaraṇe" (dhā.pā.896). "aḥṅapūrvādañjeḥ" ityādi. upasaṃkhyānaśabdasya pratipādanamarthaḥ. tacca pūrvavat. "añjū vyaktibhramaṇakāntigatiṣu" (dhā.pā.1458). pūrvavannalopaḥ. iyaṃ ca sarpiṣaḥ saṃjñā. "kathamupeyam" iti. iṇa etadrūpamiti manyamānasya praśnaḥ. "īṅa etadrūpam" iti. "īṅa gatau" (dhā.pā.1143) ityasya "aco yat" 3.1.97 iti yati satyetadrūpam, na tviṇaḥ. tasya hi kyapi satyupetyamiti bhavitavyam॥

etistu. eti, stu, śās, vṛ , dṛ, juṣ eṣāṃ ṣaṇṇāṃ samāhāradvandvātprañcamī. supyanupasarge bhāva iti nivṛttm. tadāha– ebhyaḥ kyapsyāditi.

etistuśāsvṛdṛjuṣaḥ kyap 678, 3.1.109 etistu. eti, stu, śās, vṛ , dṛ, juṣ eṣāṃ ṣaṇṇāṃ samāhāradvandvātprañcamī. supyanupasarge bhāva iti nivṛttm. tadāha-- ebhyaḥ kyapsyāditi.

etistu. ebhya iti, supyanupasarge bhāve iti ca nivṛttamiti bhāvaḥ. etītīṇa eva grahaṇaṃ, neṅikoḥ, tayoradhipūrvayoreva grahaṇādetīti nirdeśānupapatteḥ. tathā ca `rakṣārthaṃ vedānāmadhyeyaṃ vyākaraṇa'miti bhāṣye yadeva prayuktaḥ. `iṇvadika iti vaktavyam' iti vacanādiko'pi bhavatītyadhītyā mātetyudāharanti. [ adhītyā = smatrtavyā].

etistuśāsvṛdṛjuṣaḥ kyap 562, 3.1.109 etistu. ebhya iti, supyanupasarge bhāve iti ca nivṛttamiti bhāvaḥ. etītīṇa eva grahaṇaṃ, neṅikoḥ, tayoradhipūrvayoreva grahaṇādetīti nirdeśānupapatteḥ. tathā ca "rakṣārthaṃ vedānāmadhyeyaṃ vyākaraṇa"miti bhāṣye yadeva prayuktaḥ. "iṇvadika iti vaktavyam" iti vacanādiko'pi bhavatītyadhītyā mātetyudāharanti. [ adhītyā = smatrtavyā].