1/11:ūtaḥ aci |ūtaḥ aci iti vaktavyam |*
2/11:iha mā bhūt |
3/11:sanīsrasaḥ danīdhvasaḥ iti |
4/11:atha ūtaḥ iti ucyamāne iha kasmāt na bhavati |
5/11:yoyūyaḥ rorūvaḥ |
6/11:vihitaviśeṣaṇam ūkārāntagrahaṇan |
7/11:ūkārāntāt yaḥ vihitaḥ iti |
8/11:tat tarhi vaktavyam |
9/11:na vaktavyam |
10/11:iṣṭam eva etat saṅgṛhītam |
11/11:sanīsraṃsaḥ danīdhvaṃsaḥ iti eva bhavitavyam |

yaṅo lug bhavati aci pratyaye parataḥ. cakārena bahulagrahanam anukṛṣyate, na tu chandasi iti. tena chandasi bhāṣāyāṃ ca yaṅo lug bhavati. loluvaḥ. popuvaḥ. sanīsraṃsaḥ. danīdhvaṃsaḥ. bahulagrahaṇādañcyapi bhavati. śākuniko lālapīti. dundubhirvavadīti.

yaṅo 'ci ca 2.4.74 yaṅo lug bhavati aci pratyaye parataḥ. cakārena bahulagrahanam anukṛṣyate, na tu chandasi iti. tena chandasi bhāṣāyāṃ ca yaṅo lug bhavati. loluvaḥ. popuvaḥ. sanīsraṃsaḥ. danīdhvaṃsaḥ. bahulagrahaṇādañcyapi bhavati. śākuniko lālapīti. dundubhirvavadīti.

yaṅo'ci ca. , 2.4.74 "aci pratyaye parataḥ" iti. pratyayagrahaṇamacīti na pratyāhāragrahaṇamiti pradarśanārtham. yadi hi pratyāhāragrahaṇabhimataṃ syāt tadā'ṇīti ṇakāreṇaiva kuryāt. na hi yaṅantādaṇo'nye'caḥ pare sambhavantītyabhiprāyaḥ. idamevājgrahaṇaṃ jñāpakam-- sarve dhātavaḥ pacādyantaḥpātina iti. "loluvaḥ"iti. "dhātorekāco halādeḥ kriyāsamabhihāre" 3.1.22 iti yaṅ, dvarvacanaṃ "sanyaṅoḥ" 6.1.9 ityanena, "guṇo yaṅalukoḥ" 7.4.82 iti guṇaḥ. lolū ya iti sthite pacādyac, yaṅo luk, "na dhātulopa" 1.1.4 ityādinā guṇapratiṣedhaḥ. "aci śnudhātu" 6.4.77 ityādinovaṅa. "sanīruāṃsaḥ. danīdhvaṃsaḥ" iti. "ruānsu dhvansu avaruāṃsane" (dhā.pā.754,755), pūrvavadyaṅdikāryam. " na lumatāṅgasya" 1.1.62 iti pratiṣedhāt pratyayalakṣaṇena "aniditām" 6.4.24 ityādinā'nunāsikalopo na bhavati. "nīgvañcu" 7.4.84 ityādinā'bhyāsasya nīgāgamaḥ. "lālapīti.vāvadīti" iti. lapervadeśca "dīrgho'kitaḥ" 7.4.83 ityabhyāsasya dīrghaḥ. "yaṅo vā" 7.3.94 itīṭ॥

yaṅo'ci pratyaye luk syāt, cakārāttaṃ vināpi kvacit. anaimittiko'ya mantaraṅgatvādādau bhavati. tataḥ pratyayalakṣaṇena yaṅantatvāddvitvam. abhyāsakāryam. dhātutvāllaḍādayaḥ. śeṣātkartarīti parasmaipadam. carkarītaṃ cetyadādau pāṭhācchapo luk..

yaṅo'ci ca 721, 2.4.74 yaṅo'ci pratyaye luk syāt, cakārāttaṃ vināpi kvacit. anaimittiko'ya mantaraṅgatvādādau bhavati. tataḥ pratyayalakṣaṇena yaṅantatvāddvitvam. abhyāsakāryam. dhātutvāllaḍādayaḥ. śeṣātkartarīti parasmaipadam. carkarītaṃ cetyadādau pāṭhācchapo luk॥

yaṅo'ci ca. yaṅā sāhacaryādacīti pratyayo gṛhrate na tu pratyāhāraḥ. `ṇyakṣatriyārṣe' tyato'tra luganuvartate. tadāha– acpratyaye luk syāditi. cakāreṇa `bahulaṃ chandasī'tyato bahulamityanukṛṣyata ityāha– bahulaṃ luka syāditi. kecittu `chandasī'tyanukarṣanti,teṣāmapi mate kvacidbhāṣāyāṃ yaṅlugbhavatyeva. `bhūsuvo'riti guṇaniṣedhe siddhe bobhūtviti chandasi nipātanājjñāpakāt. etacca mūle eva sphuṭībhaviṣyati. anaimittiko'yamiti. acpratyaye vidhīyamāno yaṅluktu tannimitta eva.tena loluvaḥ popuva ityādau `na dhātulope'ti niṣedhaḥ siddhyati. yaṅantatvāditi. `sanyaṅo'riti ṣaṣṭhī, na tu saptamī, anyathā yaṅo lukā luptatvena pratyayalakṣaṇā'pravṛttedrvatvaṃ na syāditi bhāvaḥ. na cā'ṅgādhikāravihitakāryasyaiva `na lumate'ti niṣedhāddvitvamatra syādeveti saptamīpakṣo'pi nirduṣṭa iti vācyaṃ, `na lumate'tyatrā'ṅgādhikāro na gṛhrate kiṃ tu āṅgamanāṅgaṃ vā pratyaye parataḥ pūrvasya vidhīyamānaṃ sarvamiti siddhāntāt. anyathā `rājapuruṣa' ityādau nalopo na syāt, tvaduktarītyā pratyayalakṣaṇapravṛttau bhatvena padatvabādhāt. yadyapi `ekāca' iti vidhīyamānaṃ dva#itvaṃ `śtipā śape' tyādinā niṣidhyate tathāpi tatsyādeva. `guṇo yaṅlukoḥ', `rugrikau ca lukī'tyādyabhyāsakāryavidhibhirdvitvā'niṣedhasya jñāpanāt. pratyayāpratyayeti. pratyaye ṅittvaṃ dṛśyate `ṛterīya'ṅityādiṣu, apratyaye'pi dṛśyate– citraṅādiṣu. evaṃ ca yaṅo luki pratyayalakṣaṇena yaṅāśritaṅittvaprayuktakāryamātmanepadamatra na śaṅkyamiti bāvaḥ. `ṅita ityanubandhanirdeśā'diti parihārastvatra nokkataḥ, śīṅādīnāmiva bhū ityādidhātūnāmanubandhenā'nirdiṣṭatvāt. yaṅo ṅakārasya pratyayā'nubandhatvena samudāyā'nanubandhatvādyaṅanto'pi dhāturanubandhenā'nirdiṣṭa iti bodhyam. sudṛṣaditi. śobhanā dṛṣado'sminnatiti bahuvrīhau dṛṣacchabdo jasantaḥ. dīrgho neti. `a'siti pratyayo'pratyayaścāstīti pratyayasyā'sādhāraṇarūpānāśrayaṇātpratyayakṣaṇenā'santatvā'bhāvāditi bhāvaḥ. tebhyo'pīti. ye tvanudāttetaḥ, pratyayalakṣaṇaṃ vinaiva ṅitaśca tebhyo'pītyarthaḥ. adādau pāṭhāditi. tathā ca `ādiprabhṛtibhyaḥ śapaḥ' ityanena yaṅlugantātparasya śapo lugityarthaḥ.

yaṅo'ci ca 409, 2.4.74 yaṅo'ci ca. yaṅā sāhacaryādacīti pratyayo gṛhrate na tu pratyāhāraḥ. "ṇyakṣatriyārṣe" tyato'tra luganuvartate. tadāha-- acpratyaye luk syāditi. cakāreṇa "bahulaṃ chandasī"tyato bahulamityanukṛṣyata ityāha-- bahulaṃ luka syāditi. kecittu "chandasī"tyanukarṣanti,teṣāmapi mate kvacidbhāṣāyāṃ yaṅlugbhavatyeva. "bhūsuvo"riti guṇaniṣedhe siddhe bobhūtviti chandasi nipātanājjñāpakāt. etacca mūle eva sphuṭībhaviṣyati. anaimittiko'yamiti. acpratyaye vidhīyamāno yaṅluktu tannimitta eva.tena loluvaḥ popuva ityādau "na dhātulope"ti niṣedhaḥ siddhyati. yaṅantatvāditi. "sanyaṅo"riti ṣaṣṭhī, na tu saptamī, anyathā yaṅo lukā luptatvena pratyayalakṣaṇā'pravṛttedrvatvaṃ na syāditi bhāvaḥ. na cā'ṅgādhikāravihitakāryasyaiva "na lumate"ti niṣedhāddvitvamatra syādeveti saptamīpakṣo'pi nirduṣṭa iti vācyaṃ, "na lumate"tyatrā'ṅgādhikāro na gṛhrate kiṃ tu āṅgamanāṅgaṃ vā pratyaye parataḥ pūrvasya vidhīyamānaṃ sarvamiti siddhāntāt. anyathā "rājapuruṣa" ityādau nalopo na syāt, tvaduktarītyā pratyayalakṣaṇapravṛttau bhatvena padatvabādhāt. yadyapi "ekāca" iti vidhīyamānaṃ dva#itvaṃ "śtipā śape" tyādinā niṣidhyate tathāpi tatsyādeva. "guṇo yaṅlukoḥ", "rugrikau ca lukī"tyādyabhyāsakāryavidhibhirdvitvā'niṣedhasya jñāpanāt. pratyayāpratyayeti. pratyaye ṅittvaṃ dṛśyate "ṛterīya"ṅityādiṣu, apratyaye'pi dṛśyate-- citraṅādiṣu. evaṃ ca yaṅo luki pratyayalakṣaṇena yaṅāśritaṅittvaprayuktakāryamātmanepadamatra na śaṅkyamiti bāvaḥ. "ṅita ityanubandhanirdeśā"diti parihārastvatra nokkataḥ, śīṅādīnāmiva bhū ityādidhātūnāmanubandhenā'nirdiṣṭatvāt. yaṅo ṅakārasya pratyayā'nubandhatvena samudāyā'nanubandhatvādyaṅanto'pi dhāturanubandhenā'nirdiṣṭa iti bodhyam. sudṛṣaditi. śobhanā dṛṣado'sminnatiti bahuvrīhau dṛṣacchabdo jasantaḥ. dīrgho neti. "a"siti pratyayo'pratyayaścāstīti pratyayasyā'sādhāraṇarūpānāśrayaṇātpratyayakṣaṇenā'santatvā'bhāvāditi bhāvaḥ. tebhyo'pīti. ye tvanudāttetaḥ, pratyayalakṣaṇaṃ vinaiva ṅitaśca tebhyo'pītyarthaḥ. adādau pāṭhāditi. tathā ca "ādiprabhṛtibhyaḥ śapaḥ" ityanena yaṅlugantātparasya śapo lugityarthaḥ.