1/3:gopavanādipratiṣedhaḥ prāk haritādibhyaḥ |*
2/3:gopavanādipratiṣedhaḥ prāk haritādibhyaḥ draṣṭavyaḥ |
3/3:hāritaḥ hāritau bahuṣu haritāḥ |

gopavanā'dibhyaḥ prasya gotrapratyayasya lug na bhavati. badādyanatargaṇo 'yam. tato 'ño gotrapratyayasya yañañośca 2-4-64 iti luk prāptaḥ pratiṣidhyate. gaupavanāḥ. śaigravāḥ. gopavana. śigru. bindu. bhājana. aśva. avatāna. śyāmāka. śvāparṇa. etāvanta eva aṣṭau gopavanā'dayaḥ. pariśiṣṭānāṃ haritādīnaṃ pramādapāṭhaḥ. te hi caturthe bidā'diṣu paṭhyante. tebhyaśca bahuṣu lug bhavatyeva, haritaḥ, kiṃdāsāḥ iti.

na gopavanā'dibhyaḥ 2.4.67 gopavanā'dibhyaḥ prasya gotrapratyayasya lug na bhavati. badādyanatargaṇo 'yam. tato 'ño gotrapratyayasya yañañośca 2.4.64 iti luk prāptaḥ pratiṣidhyate. gaupavanāḥ. śaigravāḥ. gopavana. śigru. bindu. bhājana. aśva. avatāna. śyāmāka. śvāparṇa. etāvanta eva aṣṭau gopavanā'dayaḥ. pariśiṣṭānāṃ haritādīnaṃ pramādapāṭhaḥ. te hi caturthe bidā'diṣu paṭhyante. tebhyaśca bahuṣu lug bhavatyeva, haritaḥ, kiṃdāsāḥ iti.

na gopavanādibhyaḥ. , 2.4.67 vidādyantargaṇo'yamiti lukprā()pta darśayati. "śaigravāḥ" iti. "orguṇaḥ" 6.4.146. nanu cānye'pi haritādayo'tra paṭha()nte, tatkimityavadhāryata etāvanta ityata āha-- "pariśiṣṭānām" ityādi. "pramādapāṭhaḥ" iti. anārṣaḥ pāṭhaḥ ityarthaḥ. yadi teṣāṃ pramādapāṭhaḥ, evaṃ tahrravidāditvādañapyebhyo na prāpnotītyata āha-- "te hi" ityādi. te hi caturthe'dhyāye bidādiṣu gopavanādibhyaḥ parve paṭha()nta iti na bhavatyeṣa doṣaprasaṅgaḥ. yastviha gopavanādibhyo'ṣṭabhyaḥ para eṣāṃ pāṭhaḥ, sa pramādapāṭha ityucyate॥

na gopa. bidādyantargaṇo'yamiti. tataśca añaḥ `yañañośce'ti prāptasya luṅ neti bhāvaḥ.

na gopavanādibhyaḥ 1133, 2.4.67 na gopa. bidādyantargaṇo'yamiti. tataśca añaḥ "yañañośce"ti prāptasya luṅ neti bhāvaḥ.

na gopavanādibhyaḥ 944, 2.4.67 vidādyantargaṇo'yamiti. "yañañośce"ti lugatra prāpnotīti bhāvaḥ.