1/18:kim ayam samuccayaḥ |
2/18:prākṣu bharateṣu ca iti |
3/18:āhosvit bharataviśeṣaṇam prāggrahaṇam |
4/18:prāñcaḥ ye bharatāḥ iti |
5/18:kim ca ataḥ |
6/18:yadi samuccayaḥ bharatagrahaṇam anarthakam |
7/18:na hi anyatra bharatā santi |
8/18:atha prāggrahaṇam bharataviśeṣaṇam prāggrahaṇam anarthakam |
9/18:na hi aprāñcaḥ bharatāḥ santi |
10/18:evam tarhi samuccayaḥ |
11/18:nanu ca uktam bharatagrahaṇam anarthakam |
12/18:na hi anyatra bharatā santi iti |
13/18:na anarthakam| jñāpakārtham |
14/18:kim jñāpyate |
15/18:etat jñāpayati ācāryaḥ anyatra prāggrahaṇe bharatagrahaṇam na bhavati iti |
16/18:kim etasya jñāpane prayojanam |
17/18:iñaḥ prācām bharatgrahaṇam na bhavati |
18/18:auddālakiḥ pitā auddālakāyanaḥ putraḥ iti |

bahvacaḥ prātipadikāt ya iñ vihitaḥ prācyagotre bharatagotre ca vartate, tasya bahuṣu lug bhavati. pannāgārāḥ. mantharaiṣaṇāḥ. bharateṣu khalvapi yudhiṣṭhirāḥ. arjunāḥ. bahvacaḥ iti kim? baikayaḥ. pauṣpayaḥ. prācyabharateṣu iti kim? bālākayaḥ. hāstidāsayaḥ. bharatāḥ prācyā eva, teṣāṃ punar grahaṇaṃ jñāpanārtham anyatra prāg grahaṇe bharatagrahaṇaṃ na bhavati iti. tena iñaḥ prācām 2-4-60 iti bharatānāṃ yuvapratyayasya lug na bhavati. arjuniḥ pitā. ārjunāyanaḥ putraḥ.

bahvaciñaḥ prācyabhrateṣu 2.4.66 bahvacaḥ prātipadikāt ya iñ vihitaḥ prācyagotre bharatagotre ca vartate, tasya bahuṣu lug bhavati. pannāgārāḥ. mantharaiṣaṇāḥ. bharateṣu khalvapi yudhiṣṭhirāḥ. arjunāḥ. bahvacaḥ iti kim? baikayaḥ. pauṣpayaḥ. prācyabharateṣu iti kim? bālākayaḥ. hāstidāsayaḥ. bharatāḥ prācyā eva, teṣāṃ punar grahaṇaṃ jñāpanārtham anyatra prāg grahaṇe bharatagrahaṇaṃ na bhavati iti. tena iñaḥ prācām 2.4.60 iti bharatānāṃ yuvapratyayasya lug na bhavati. arjuniḥ pitā. ārjunāyanaḥ putraḥ.

bahvaca iñaḥ prācyabharateṣu. , 2.4.66 "bharatāḥ" iti. yeṣāṃ bharata ādyaḥ saṃjñākārī te bharatāḥ. "pannāgārāḥ" ityādiṣūhāharaṇeṣu "ata iñ" 4.1.95, tasya luk. "bālākayaḥ" iti. bāhvāditvādiñ. "hāstidāsayaḥ" iti. "ata iñ" 4.1.95. "ārjunāyanaḥ" iti. "yañiyośca" 4.1.101 iti phak॥

bahvaca iñaḥ. prācye udāharati–pannāgārā iti. pannāgārasyāpatyānīti vigrahaḥ. ata iño luk. bharatagotre udāharati–yudhiṣṭhirā iti. yudhiṣṭhirasyāpatyānīti vigrahaḥ. kurulakṣaṇaṃ ṇyaṃ bādhitvā bāhvāditvādiñ. tasya luk. ?bahutve tu yaudhiṣṭhiriḥ.

bahvaca iñaḥ prācyabharateṣu 1132, 2.4.66 bahvaca iñaḥ. prācye udāharati--pannāgārā iti. pannāgārasyāpatyānīti vigrahaḥ. ata iño luk. bharatagotre udāharati--yudhiṣṭhirā iti. yudhiṣṭhirasyāpatyānīti vigrahaḥ. kurulakṣaṇaṃ ṇyaṃ bādhitvā bāhvāditvādiñ. tasya luk.?bahutve tu yaudhiṣṭhiriḥ.

yudhiṣṭhirā iti. bahuṣveva luk. neha–yaudhiṣṭhiriḥ. kurulakṣaṇaṃ ṇyaṃ bādhitvā bāhvāditvādiñ.

bahvaca iñaḥ prācyabharateṣu 943, 2.4.66 yudhiṣṭhirā iti. bahuṣveva luk. neha--yaudhiṣṭhiriḥ. kurulakṣaṇaṃ ṇyaṃ bādhitvā bāhvāditvādiñ.