Kāśikāvṛttī1:
chandasi viṣaye bahulam ado ghaslḷ ādeśo bhavati. ghastāṃ nūnam. sagdhiśca me. n
See More
chandasi viṣaye bahulam ado ghaslḷ ādeśo bhavati. ghastāṃ nūnam. sagdhiśca me. na ca
bhavati. āttāmadya madyato meda udbhṛtam. anyatarasya aṃgrahaṇam eva kasmān na kriyate
tadeva uttarārtham api bhaviṣyati? kāryāntarārthaṃ bahulagrahaṇam. ghastām ityatra
upadhālopo na bhavati.
Kāśikāvṛttī2:
bahulaṃ chandasi 2.4.39 chandasi viṣaye bahulam ado ghasl̥ ādeśo bhavati. ghast
See More
bahulaṃ chandasi 2.4.39 chandasi viṣaye bahulam ado ghasl̥ ādeśo bhavati. ghastāṃ nūnam. sagdhiśca me. na ca bhavati. āttāmadya madyato meda udbhṛtam. anyatarasya aṃgrahaṇam eva kasmān na kriyate tadeva uttarārtham api bhaviṣyati? kāryāntarārthaṃ bahulagrahaṇam. ghastām ityatra upadhālopo na bhavati.
Nyāsa2:
bahulaṃ chandasi. , 2.4.39 "ghastām" iti. laṅa, tasastām, ādādikatvācc
See More
bahulaṃ chandasi. , 2.4.39 "ghastām" iti. laṅa, tasastām, ādādikatvācchapo luk. "bahulaṃ chandasyāmāṅyoge'pi" 6.4.75 ityahāgamābhāvaḥ. atha vā luṅyudāharaṇametat. "mantre ghasahvara" 2.4.80 ityādinā clerluk. "sagdhiḥ" iti. striyāṃ ktin" 3.3.94. "ghasibhasorhali ca" 6.4.100 ityupadhalopaḥ. "jhalo jhali" 8.2.26 iti sakāralopaḥ. atha tu sico'nena lopo vidhīyate tadā cchāndasī varṇalopo draṣṭavyaḥ-- yathā iṣkatrtāramadhvara iti. pūrvavat takārasya dhakāraḥ. ghakārasya jaśtvam(). samānā gdhiriti "pūrvāparaprathama" 2.1.57 ityādinā samāsaḥ, "samānasya cchandasyamūdrdhaprabhṛkatyudarkeṣu" 6.3.83 iti sabhāvaḥ. "attām" iti. "jhalo jhali" 8.2.26 iti sico lopaḥ. tasastām. "khari ca" 8.4.54 iti dakārasya takāraḥ. atha vā laṅyudāharaṇametat. atha bahulagrahaṇaṃ kimartham, anyatarasyāṃgrahaṇameva kasmānna kriyate ityucyate kaḥ punarevaṃ sati guṇe bhavatīti paryanuyogamāśaṅkyāha-- "tadevottarārthamapi bhaviṣyati" iti. etenehānyatarasyāṃgrahaṇe satyuttarasūtre'nyatarasyāṃgrahaṇaṃ na katrtavyaṃ bhavatītīmaṃ guṇaṃ darśayati. tarhīhaivānyatarasyāṃgrahaṇamuttarasūtre'nuvartiṣyate. yadi punaruttarasūtre bahulagrahaṇamanuvartteta tadā kiṃ syāt? anyadapi kiñcita kāryaṃ bhavatītyāśaṅkyeta. kvacidanyadevetyeṣo'pyartho hi bahulagrahaṇasyābhīṣṭa eva. "ghastāmityatropadhālopo na bhavati" iti. "ghasibhasorhali ca" 6.4.100 iti prāptaḥ. sa bahulagrahaṇānna bhavati॥
1.Source: Arsha Vidya Gurukulam
2.Source: Sanskrit Documents