1/28:kimartham idam ucyate |
2/28:sañjñāyām kanthośīnareṣu iti vakṣyati |
3/28:tat atatpuruṣasya nañsamāsasya karmadhārayasya vā mā bhūt iti |
4/28:na etat asti prayojanam |
5/28:na hi sañjñāyām kanthāntaḥ uśīnareṣu atatpuruṣaḥ nañsamāsaḥ karmadhārayaḥ vā asti |
6/28:uttarārtham tarhi |
7/28:upajñopakramam tadādyācikhyāsāyām iti vakṣyati |
8/28:tat atatpuruṣasya nañsamāsasya karmadhārayasya vā mā bhūt iti |
9/28:etat api na asti prayojanam |
10/28:na hi tadādyācikhyāsāyām upajñopakramāntaḥ atatpuruṣaḥ nañsamāsaḥ karmadhārayaḥ vā asti |
11/28:uttarārtham eva tarhi |
12/28:chāyā bāhulye iti vakṣyati |
13/28:tat atatpuruṣasya nañsamāsasya karmadhārayasya vā mā bhūt iti |
14/28:etat api na asti prayojanam |
15/28:na hi chāyāntaḥ bāhulye atatpuruṣaḥ nañsamāsaḥ karmadhārayaḥ vā asti |
16/28:uttarārtham eva tarhi |
17/28:sabhā rājāmanuṣyapūrvā aśālā ca iti vakṣyati |
18/28:tat atatpuruṣasya nañsamāsasya karmadhārayasya vā mā bhūt iti |
19/28:etat api na asti prayojanam |
20/28:na hi sabhāntaḥ aśālāyām atatpuruṣaḥ nañsamāsaḥ karmadhārayaḥ vā asti |
21/28:idam tarhi |
22/28:vibhāṣā senāsurā iti vakṣyati |
23/28:tat atatpuruṣasya nañsamāsasya karmadhārayasya vā mā bhūt iti |
24/28:dṛḍhasenaḥ rājā |
25/28:anañ iti kimartham |
26/28:asenā |
27/28:akarmadhārayaḥ iti kimartham |
28/28:paramsenā uttamasenā |

adhikāro 'yam uttarasūtreṣu upatiṣṭhate. nañsamāsaṃ karmadhārayaṃ ca varjayitvā 'nyas tatpuruṣo napuṃsakaliṅgo bhavati ityetadadhikṛtaṃ viditavyam, yadita ūrdhvam anukramiṣyāmas tatra. vakṣyati vibhāṣā senāsurācchāyāśālāniśānām 2-4-25. brāhmaṇasenam, brāhmaṇasenā. tatpuruṣaḥ iti kim? dṛḍhaseno rājā anañiti kim? asenā. akarmadhāryaḥ iti kim? paramasenā.

tatpuruṣo 'nañkarmadhārayaḥ 2.4.19 adhikāro 'yam uttarasūtreṣu upatiṣṭhate. nañsamāsaṃ karmadhārayaṃ ca varjayitvā 'nyas tatpuruṣo napuṃsakaliṅgo bhavati ityetadadhikṛtaṃ viditavyam, yadita ūrdhvam anukramiṣyāmas tatra. vakṣyati vibhāṣā senāsurācchāyāśālāniśānām 2.4.25. brāhmaṇasenam, brāhmaṇasenā. tatpuruṣaḥ iti kim? dṛḍhaseno rājā anañiti kim? asenā. akarmadhāryaḥ iti kim? paramasenā.

tatpuruṣo'naña. nañsamāsakarmadhārayābhyāṃ bhinnastatpuruṣo vakṣyamāṇakāryabhāgityarthaḥ. tadāha–adhikāro'yamiti. `paravalliṅgamityataḥ prā'giti śeṣaḥ.

tatpuruṣo'nañkarmadhārayaḥ 812, 2.4.19 tatpuruṣo'naña. nañsamāsakarmadhārayābhyāṃ bhinnastatpuruṣo vakṣyamāṇakāryabhāgityarthaḥ. tadāha--adhikāro'yamiti. "paravalliṅgamityataḥ prā"giti śeṣaḥ.

tatpuruṣo'nañ. nañsamāsakarmadhārayabhinnastatpuruṣo vakṣyamāṇakāryabhāgbhavatīti sūtrārthaḥ.

tatpuruṣo'nañkarmadhārayaḥ 713, 2.4.19 tatpuruṣo'nañ. nañsamāsakarmadhārayabhinnastatpuruṣo vakṣyamāṇakāryabhāgbhavatīti sūtrārthaḥ.