1/15:aniravasitānām iti ucyate |
2/15:kutaḥ aniravasitānām |
3/15:āryāvartāt aniravasitānām |
4/15:kaḥ punaḥ āryāvartaḥ |
5/15:prāg ādarśāt pratyak kālakavanāt dakṣiṇena himavantam uttareṇa pāriyātram |
6/15:yadi evam kiṣkindhagandikam śakayavanam śauryakrauñcam iti na sidhyati |
7/15:evam tarhi āryanivāsāt aniravasitānām |
8/15:kaḥ punaḥ āryanivāsaḥ |
9/15:grāmaḥ ghoṣaḥ nagaram saṃvāhaḥ iti |
10/15:evam api ye ete mahāntaḥ saṃstyāyāḥ teṣu abhyantarāḥ caṇḍālāḥ mṛtapāḥ ca vasanti tatra caṇḍālamṛtapāḥ iti na sidhyati |
11/15:evam tarhi yājñāt karmaṇaḥ aniravasitānām |
12/15:evam api takṣāyaskāram rajakatantuvāyam iti na sidhyati |
13/15:evam tarhi pātrāt aniravasitānām |
14/15:yaiḥ bhukte pātram saṃskāreṇa śudhyati te aniravasitāḥ |
15/15:yaiḥ bhukte saṃskāreṇa api na śudhyati te niravasitāḥ |

niravasānaṃ bahiṣkaraṇam. kuto bahiṣkaraṇam? pātrāt. yair bhukte pātraṃ saṃskāreṇa api na śudhyati te niravasitāḥ. na niravasitāḥ aniravasitāḥ. aniravasitaśūdravācināṃ śabdānāṃ dvandva ekavad bhavati. takṣāyaskāram. rajakatantubāyam. aniravasitānām iti kim? caṇḍālamṛtapāḥ.

śūdrāṇām aniravasitānām 2.4.10 niravasānaṃ bahiṣkaraṇam. kuto bahiṣkaraṇam? pātrāt. yair bhukte pātraṃ saṃskāreṇa api na śudhyati te niravasitāḥ. na niravasitāḥ aniravasitāḥ. aniravasitaśūdravācināṃ śabdānāṃ dvandva ekavad bhavati. takṣāyaskāram. rajakatantubāyam. aniravasitānām iti kim? caṇḍālamṛtapāḥ.

śūdrāṇāmaniravasitānām. , 2.4.10 yadyapi "ṣiñ bandhane" (dhā.pā. 1248) iti sinotirbandhane vatrtate; tathāpi niravapūrvo bahiṣkaraṇe vatrtata ityāha-- "niravasānaṃ bahiṣkaraṇam". yairbhukte pātraṃ saṃskāreṇāpi na śuddhyati tasmāt te tato bahiṣkṛtāḥ = pṛthakkṛtāḥ. na labhante tatra bhoktumityarthaḥ॥

śūdrāṇām. `aniravasita'śabdaṃ vyācaṣṭe–abahiṣkṛtānāmiti. `yairbhuktaṃ pātraṃ kṣārodakaprakṣālanena saṃskāreṇāpi na śudhyata te niravasitāḥ,–caṇḍālādayaḥ. yaistu bhuktaṃ pātraṃ saṃskāreṇa śudhyati te'niravasitāḥ'iti bhāṣye spaṣṭamya. śūdrāṇāmiti.traivarṇiketaraḥ śūdraśabdena vivakṣitaḥ, `aniravasitānā'miti liṅgāt. prāgvaditi. samāharadvandva ekavadityarthaḥ. takṣāyaskāramiti. takṣāṇaśca ayaskārāśceti vigrahaḥ. `aniravasitānā'mityasya prayojanamāha–pātrāditi. caṇḍālamṛtapā iti. #etadbhuktapātrasya saṃskāreṇāpi nāsti śuddhiriti-ata eva bhāṣyādvijñeyam. dharmaśātreṣu ca prasiddhametat.

śūdrāṇāmaniravasitānām 904, 2.4.10 śūdrāṇām. "aniravasita"śabdaṃ vyācaṣṭe--abahiṣkṛtānāmiti. "yairbhuktaṃ pātraṃ kṣārodakaprakṣālanena saṃskāreṇāpi na śudhyata te niravasitāḥ,--caṇḍālādayaḥ. yaistu bhuktaṃ pātraṃ saṃskāreṇa śudhyati te'niravasitāḥ"iti bhāṣye spaṣṭamya. śūdrāṇāmiti.traivarṇiketaraḥ śūdraśabdena vivakṣitaḥ, "aniravasitānā"miti liṅgāt. prāgvaditi. samāharadvandva ekavadityarthaḥ. takṣāyaskāramiti. takṣāṇaśca ayaskārāśceti vigrahaḥ. "aniravasitānā"mityasya prayojanamāha--pātrāditi. caṇḍālamṛtapā iti. #etadbhuktapātrasya saṃskāreṇāpi nāsti śuddhiriti-ata eva bhāṣyādvijñeyam. dharmaśātreṣu ca prasiddhametat.

śūdrāṇāṃ. `traivarṇiketaramanuṣyaparaḥ śūdraśabdo na tu śūdratvajātiparaḥ, `aniravasitānā'miti niṣedhāt. pātrāditi. yairbhukte`bhasmanā śudhyate kāṃsya'mityādismṛtyuktasaṃskāreṇāpi pātraṃ na śudhyati teṣāmityarthaḥ.

śūdrāṇāmaniravasitānām 780, 2.4.10 śūdrāṇāṃ. "traivarṇiketaramanuṣyaparaḥ śūdraśabdo na tu śūdratvajātiparaḥ, "aniravasitānā"miti niṣedhāt. pātrāditi. yairbhukte"bhasmanā śudhyate kāṃsya"mityādismṛtyuktasaṃskāreṇāpi pātraṃ na śudhyati teṣāmityarthaḥ.