1/72:śeṣe iti ucyate| kaḥ śeṣaḥ nāma |
2/72:karmādibhyaḥ ye anye arthāḥ saḥ śeṣaḥ |
3/72:yadi evam śeṣaḥ na prakalpate |
4/72:na hi karmādibhyaḥ anye arthāḥ santi |
5/72:iha tāvat rājñaḥ puruṣaḥ iti rājā kartā puruṣaḥ sampradānam |
6/72:vṛkṣasya śākhā iti vṛkṣaḥ śākhyāyāḥ adhikaraṇam |
7/72:tathā yat etat svam nāma caturbhiḥ etat prakāraiḥ bhavati krayaṇāt apaharaṇāt yāñcāyāḥ vinimayāt iti |
8/72:atra ca sarvatra karmādayaḥ santi| evam tarhi karmādīnām avivakṣā śeṣaḥ |
9/72:katham punaḥ sataḥ nāma avāvivakṣā syāt |
10/72:sataḥ api avivakṣā bhavati |
11/72:tat yathā |
12/72:alomikā eḍakā |
13/72:anudarā kanyā iti |
14/72:asataḥ ca vivakṣā bhavati |
15/72:samudraḥ kuṇḍikā |
16/72:vindhyaḥ vardhitakam iti |
17/72:kimartham punaḥ śeṣagrahaṇam |
18/72:pratyayāvadhāraṇāt śeṣavacanam | pratyayāvadhāraṇāt śeṣavacanam kartavyam |*
19/72:pratyayāḥ niyatāḥ arthāḥ aniyatāḥ tatra ṣaṣṭhī prāpnoti |
20/72:tatra śeṣagrahaṇam kartavyam ṣaṣṭhīniyamārtham |
21/72:śeṣe eva ṣaṣṭhī bhavati na anyatra iti |
22/72:arthāvadhāraṇāt vā |*
23/72:atha vā arthāḥ niyatāḥ pratyayāḥ aniyatāḥ te śeṣe api prāpnuvanti |
24/72:tatra śeṣagrahaṇam kartavyam śeṣaniyamārtham |
25/72:śeṣe ṣaṣṭhī eva bhavati na anyā iti |
26/72:arthaniyame śeṣagrahaṇam śakyam akartum |
27/72:katham |
28/72:arthāḥ niyatāḥ pratyayāḥ aniyatāḥ |
29/72:tataḥ vakṣyāmi ṣaṣṭhī bhavati iti |
30/72:tat niyamārtham bhaviṣyati |
31/72:yatra ṣaṣṭhī ca anyā ca prāpnoti ṣaṣṭhī eva tatra bhavati iti |
32/72:ṣaṣṭhī śeṣe iti cet viśeṣyasya pratiṣedhaḥ |*
33/72:ṣaṣṭhī śeṣe iti cet viśeṣyasya pratiṣedhaḥ vaktavyaḥ |
34/72:rājñaḥ puruṣaḥ iti atra rājā viśeṣaṇam puruṣaḥ viśeṣyaḥ |
35/72:tatra prātipadikārthaḥ vyatiriktaḥ iti kṛtvā prathamā na prāpnoti |
36/72:tatra ṣaṣṭhī syāt |
37/72:tasyāḥ pratiṣedhaḥ vaktavyaḥ |
38/72:tatra prathamāvidhiḥ |*
39/72:tatra ṣaṣṭhīm pratiṣidhya prathamā vidheyā |
40/72:rājñaḥ puruṣaḥ iti |
41/72:uktam pūrveṇa |*
42/72:kimuktam |
43/72:na vā vākyārthatvāt iti |
44/72:yadatrādikhyam vākyārthaḥ saḥ |
45/72:kutaḥ nu khalu etat puruṣe yat ādikhyam saḥ vākyārthaḥ iti na punaḥ rājani yat ādhikyam saḥ vākyārthaḥ syāt |
46/72:antareṇa api puruṣaśabdaprayogam rājani saḥ arthaḥ gamyate |
47/72:na punaḥ antareṇa rājaśabdaprayogam puruṣe saḥ arthaḥ gamyate |
48/72:asti kāraṇam yena etat evam bhavati |
49/72:kim kāraṇam |
50/72:rājaśabdāt hi bhavān ṣaṣṭhīm uccārayati| aṅga hi bhavān puruṣaśabdāt api uccārayatu gaṃsyate saḥ arthaḥ |
51/72:nanu ca na etena evam bhavitavyam |
52/72:na hi śabdakṛtena nāma arthena bhavitavyam |
53/72:arthakṛtena nāma śabdena bhavitavyam |
54/72:tat etat evam dṛśyatām : artharūpam eva etat evañjātīyakam yena atra antareṇa api puruṣaśabdaprayogam rājani saḥ arthaḥ gamyate |
55/72:kim punaḥ tat |
56/72:svāmitvam |
57/72:kiṅkṛtam punaḥ tat |
58/72:svakṛtam |
59/72:tat yathā : prātipadikārthānām kriyākṛtāḥ viśeṣāḥ upajāyante tatkṛtāḥ ca ākhyāḥ prādurbhavanti karma karaṇam apādānaṃ sampradānam adhikaraṇam iti |
60/72:tāḥ ca punaḥ vibhaktīnām utpattau kadā cit nimittatvena upādīyante kadā cit na |
61/72:kadā ca vibhaktīnām utpattau nimittatvena upādīyante |
62/72:yadā vyabhicaranti prātipadikārtham |
63/72:yadā hi na vyabhicaranti ākhyābhūtāḥ eva tadā bhavanti karma karaṇam apādānam sampradānam adhikaraṇam iti |
64/72:yathā eva tarhi rājani svakṛtam svāmitvam tatra ṣaṣṭhī evam puruṣe api svāmikṛtam svatvam |
65/72:tatra ṣaṣṭhī prāpnoti |
66/72:rājaśabdāt utpadyamānayā ṣaṣṭhyā abhihitaḥ saḥ arthaḥ iti kṛtvā puruṣaśabdāt ṣaṣṭhī na bhaviṣyati |
67/72:na tarhi idānīm idam bhavati puruṣasya rājā iti |
68/72:bhavati |
69/72:rājaśabdāt tu tadā prathamā |
70/72:na tarhi idānīm idam bhavati : rājñaḥ puruṣasya iti |
71/72:bhavati |
72/72:bāhyam artham abhisamīkṣya |

karmā'dibhyo 'nyaḥ prātipadikārthavyatirekaḥ svasvāmisambhandhā'diḥ śeṣaḥ, tatra ṣaṣṭhī vibhaktir bhavati. rajñaḥ puruṣaḥ. paśoḥ pādaḥ. pituḥ putraḥ.

ṣaṣṭhī śeṣe 2.3.50 karmā'dibhyo 'nyaḥ prātipadikārthavyatirekaḥ svasvāmisambhandhā'diḥ śeṣaḥ, tatra ṣaṣṭhī vibhaktir bhavati. rajñaḥ puruṣaḥ. paśoḥ pādaḥ. pituḥ putraḥ.

śeṣe ṣaṣṭhī. , 2.3.50 karmādīnāṃ prakṛtatvāt tadapekṣayā śeṣatvaṃ vijñāyata ityāha-- "karmādibhyo yo'nyaḥ" iti. karmādayaḥ kārakaviśeṣāstasya sambandhasya hetubhūtāḥ, sa tu phalabhūtaḥ. hetuphalayośca prasiddhamanyatvamiti tebhyo'nyo bhavati. prātipadikārtha{vyatiriktaḥ-kāśikā.padamañjarī ca} vyatirekaḥ. vyatirekaḥ = ādhikyam. atha vā-- yena prātipadikārtho vyatiricyate = vyatirekīkriyate sa vyatirekaḥ. prātipadikārthasya vyatirekaḥ = prātipadikārthavyatirekaḥ. sa śeṣaḥ. kaḥ punarasavityāha-- "svasvāmikasambandhādiḥ" iti. ādiśabdenovayavāvayaviprabhṛteḥ sambandhasya grahaṇam. sambandhaśca yadyapi dviṣṭhastathāpi tasyaikatvādekata eva sambandhina utpadyamānayā ṣaṣṭha()ā vibhaktyā'bhihitatvāt dvitīyāsambandhinaḥṣaṣṭhī na bhavati. ekasmādutpadyamānā'pi ṣaṣṭhī viśeṣaṇādeva bhavati ; na viśeṣyāt. viśeṣyāttu prathamaiva bhavati; yasmāccheṣaśabdo'yaṃyathā prakṛtādanyaviśeṣaṇamācaṣṭe tathā parārthamapi. evaṃ hrabhiyuktāḥ puruṣā upadiśanti-- śeṣaḥ parārtha iti. rājñā puruṣa iti svasvāmikasambandasyodāharaṇam. atra puruṣasya prādānyam, viśeṣyatvāt. rājño'prādhānyam, viśeṣaṇatvāt. viśeṣaṇasya parārthatvāt śeṣabhāva iti tataḥ ṣaṣṭhī bhavati. yadā tu dvāvapi viśeṣaṇabhūtau tṛtīye sambandhinyapekṣitau bhavataḥ, tadā dvābhyāmapi ṣaṣṭhī bhavati "rājñaḥ puruṣasya gṛham" iti. "paśoḥ pādaḥ" iti. atrāvayavāvayisambandhe ṣaṣṭhī. "pituḥ putraḥ" ityatra janyajanakasambandhe ṣaṣṭhī. atha śeṣagrahaṇaṃ kimartham, yāvatā "karmaṇi dvitīyā" 2.3.2 ityevamādau pratyaniyamo'rthaniyamaśceti dvāvapi pakṣau. tatra pratyayaniyamapakṣe yadi śeṣagrahamaṃ na kriyeta tadā karmaṇyeva dvitīyeti karmāniyatam, dvitīyā tu niyatā; atastatrāpi ṣaṣṭhī syāditi śeṣagrahaṇaṃ katrtavyam. śeṣa eva yathā syādanyatra mābhūditi arthaniyamapakṣe tu śeṣagrahamaṃ śakyamakarttum. yāvatā karmaṇi dvitīyaivaiti karma niyatam, dvitīyā tvaniyatā; tasyāmanyatrāpi prāptāyāṃ ṣaṣṭhītyucyamānaṃ sūtramidaṃ niyamārthaṃ bhaviṣyati-- yatra ṣaṣṭhī cānyā ca prāpnoti tatra ṣaṣṭha()eva bhavati. evamanyatrāpi veditavyam॥

kārakaprātipadikārthavyatiriktaḥ svasvāmibhāvādiḥ saṃbandhaḥ śeṣastatra ṣaṣṭhī. rājñaḥ puruṣaḥ. karmādīnāpi saṃbandhamātravivakṣāyāṃ ṣaṣṭhyeva. satāṃ gatam. sarpiṣo jānīte. mātuḥ smarati. edhodakasyopaskurute. bhaje śambhoścaraṇayoḥ.. iti ṣaṣṭhī.

ṣaṣṭhī śeṣe 904, 2.3.50 kārakaprātipadikārthavyatiriktaḥ svasvāmibhāvādiḥ saṃbandhaḥ śeṣastatra ṣaṣṭhī. rājñaḥ puruṣaḥ. karmādīnāpi saṃbandhamātravivakṣāyāṃ ṣaṣṭhyeva. satāṃ gatam. sarpiṣo jānīte. mātuḥ smarati. edhodakasyopaskurute. bhaje śambhoścaraṇayoḥ॥ iti ṣaṣṭhī.

atha ṣaṣṭhī. ṣaṣṭhī śeṣe. uktādanyaḥ śeṣaḥ. `karmaṇi dvitīyā' ityādisūtreṣu dvitīyādividhiṣu hi karmakartṛkaraṇasaṃpradānāpādānādhikaraṇakārakāṇyanukrāntāni. prathamāvidhau prātipadikārtho'nukrāntaḥ. etebhyo'nyaḥ svasvāmibhāvādisaṃbandhaḥ śeṣapadārtha ityarthaḥ. tatrā'sati bādhake saṃbandho viśeṣarūpeṇa sāmānyarūpeṇa ca bhāsate, `na hi nirviśeṣaṃ sāmānyami'ti nyāyāt. sati tu bādhake `mātuḥ smaratī'tyādau saṃbandhatvenaiva bhānam. karmatvādiviśeṣarūpeṇāpi bhāne dvitīyādiprasaṅgāditi sthitiḥ. `rājña puruṣa' ityatra svasvāmibhāvarūpaviśeṣātmanā saṃbandhatvarūpasāmānyātmanā ca saṃbandhaḥ ṣaṣṭha\ufffdrthaḥ. rājāśritasvāmitnirūpitasvatvātmakasaṃbandhāśrayaḥ puruṣa iti bodhaḥ. āśrayatvādi tu saṃsargamaryādayā bhāsate. tatra puruṣo mukhyaṃ viśeṣyam. saṃbandhastvādheyatayā puruṣaviśeṣaṇam. rājā tu āśrayatayā saṃbandhaviśeṣaṇam. saṃbandhastvādheyatayā rājānaṃ prati viśeṣyaṃ, `pradhānapratyayārthavacanami'ti vacanena pratyayārthasya prakṛtyarthaṃ prati prādhānyāvagamāt. ata eva puruṣaśabdādapi na ṣaṣṭhī, rājanirūpitasaṃbandhāśrayaḥ puruṣa iti bodhe saṃbandhasya prakṛtyarthapuruṣaṃ prati viśeṣaṇatvena viśeṣyatvena ca bhānānupapatteḥ. yadā tu puruṣagatasvatvanirūpitasvāmityarūpasaṃbandhāśrayo rājeti bodhaḥ, tadā puruṣasya rājeti puruṣaśabdāt ṣaṣṭhī bhavatyevetyanyatra vistaraḥ. satāṃ gatamityādau kartṛtṛtīyādikamāśaṅkyāha–karmādīnāmapīti. karmatvakartṛtvādīnāmapi saṃbandhatvasāmānyātmanā vivakṣāyāṃ ṣaṣṭha\ufffdeva, natu kārakavibhaktaya ityarthaḥ. tathāca `ktasya ca vartamāne' iti sūtre bhāṣyaṃ–`karmatvādīnāmavivakṣā śeṣaḥ' iti. satāṃgatamiti. bhāve ktaḥ. satsaṃbandhi gamanamityarthaḥ. kartṛtvavivakṣāyāṃ tu sadbhirgatamiti tṛtīyā bhavatyeva. kṛdyogalakṣaṇā ṣaṣṭhī tu na bhavati, `na loke'ti niṣedhāt. sarpiṣo jānīte iti. karaṇatvavivakṣāyāṃ sarpiṣā upāyena pravartate ityarthaḥ. karaṇatvasya saṃbandhatvavivakṣāyāṃ tu ṣaṣṭhī, katrrāśritā sarpiḥsambandhinī pravṛttiriti bodhaḥ. mātuḥ smaratīti. karmatvavivakṣāyāṃ mātaraṃ smaratītyarthaḥ. karmatvasya śeṣatvavivakṣāyāṃ tu devadattakartṛkaṃ mātṛsambandhi smaraṇamityarthaḥ. edho dakasyopaskurute iti. edhaśabdo'kārāntaḥ puṃliṅgaḥ, `kārake' iti sūtre `edhāḥ pakṣyante' iti bhāṣyaprayogāt. edhāśca udakāni ceti dvandvāt ṣaṣṭhī. `jātiraprāṇinā'mityekadbhāvaḥ. karmatvavivakṣāyāṃ edodakaṃ śoṣaṇagandhadravyādhānādinā pariṣkurute ityarthaḥ. karmatvasya śeṣatvavivakṣāyāṃ tu edhodakasambandhi pariṣkaraṇamiti bodhaḥ. edhaśśabdaḥ sakārānto'pyasti napuṃsakaliṅgaḥ. `kāṣṭhaṃ dārvindhanaṃ tvedha idhmamedhaḥ samit striyām' iti kośāt. `yathaidhāṃsi samiddho'gniḥ' ityādidarśanācca. tathā sati `edhaḥ-dakasye'ticchedaḥ. udakaśabdasamāveśe edha udakasyetyāpatteḥ. udakaśabdaparyāyo dakaśabdo'pyasti, `bhuvanamamṛtaṃ jīvanaṃ syāddakaṃ ca' iti halāyudhakośāt. tathāca edhaḥ kartṛ udakaṃ pariṣkurute ityarthaḥ. karmatvasya śeṣatvavivakṣāyāṃ tu ṣaṣṭhī, nimbakarañjādikāṣṭhaviśeṣaprajvalitāgnitaptodakasya guṇaviśeṣo vaidyaśāstraprasiddhaḥ. bhaje śambhoścaraṇayoriti. atra caraṇayoḥ karmatvasya śeṣatvavivakṣāyāṃ ṣaṣṭhī. śambhucaraṇasaṃbandhi bhajanamityarthaḥ. phalānāṃ tṛpta iti. atrāpi karaṇatvasya śeṣatvavivakṣāyāṃ ṣaṣṭhī. phalasaṃbandhinī tṛptiriti bodhaḥ.

ṣaṣṭhī śeṣe 598, 2.3.50 atha ṣaṣṭhī. ṣaṣṭhī śeṣe. uktādanyaḥ śeṣaḥ. "karmaṇi dvitīyā" ityādisūtreṣu dvitīyādividhiṣu hi karmakartṛkaraṇasaṃpradānāpādānādhikaraṇakārakāṇyanukrāntāni. prathamāvidhau prātipadikārtho'nukrāntaḥ. etebhyo'nyaḥ svasvāmibhāvādisaṃbandhaḥ śeṣapadārtha ityarthaḥ. tatrā'sati bādhake saṃbandho viśeṣarūpeṇa sāmānyarūpeṇa ca bhāsate, "na hi nirviśeṣaṃ sāmānyami"ti nyāyāt. sati tu bādhake "mātuḥ smaratī"tyādau saṃbandhatvenaiva bhānam. karmatvādiviśeṣarūpeṇāpi bhāne dvitīyādiprasaṅgāditi sthitiḥ. "rājña puruṣa" ityatra svasvāmibhāvarūpaviśeṣātmanā saṃbandhatvarūpasāmānyātmanā ca saṃbandhaḥ ṣaṣṭha()rthaḥ. rājāśritasvāmitnirūpitasvatvātmakasaṃbandhāśrayaḥ puruṣa iti bodhaḥ. āśrayatvādi tu saṃsargamaryādayā bhāsate. tatra puruṣo mukhyaṃ viśeṣyam. saṃbandhastvādheyatayā puruṣaviśeṣaṇam. rājā tu āśrayatayā saṃbandhaviśeṣaṇam. saṃbandhastvādheyatayā rājānaṃ prati viśeṣyaṃ, "pradhānapratyayārthavacanami"ti vacanena pratyayārthasya prakṛtyarthaṃ prati prādhānyāvagamāt. ata eva puruṣaśabdādapi na ṣaṣṭhī, rājanirūpitasaṃbandhāśrayaḥ puruṣa iti bodhe saṃbandhasya prakṛtyarthapuruṣaṃ prati viśeṣaṇatvena viśeṣyatvena ca bhānānupapatteḥ. yadā tu puruṣagatasvatvanirūpitasvāmityarūpasaṃbandhāśrayo rājeti bodhaḥ, tadā puruṣasya rājeti puruṣaśabdāt ṣaṣṭhī bhavatyevetyanyatra vistaraḥ. satāṃ gatamityādau kartṛtṛtīyādikamāśaṅkyāha--karmādīnāmapīti. karmatvakartṛtvādīnāmapi saṃbandhatvasāmānyātmanā vivakṣāyāṃ ṣaṣṭha()eva, natu kārakavibhaktaya ityarthaḥ. tathāca "ktasya ca vartamāne" iti sūtre bhāṣyaṃ--"karmatvādīnāmavivakṣā śeṣaḥ" iti. satāṃgatamiti. bhāve ktaḥ. satsaṃbandhi gamanamityarthaḥ. kartṛtvavivakṣāyāṃ tu sadbhirgatamiti tṛtīyā bhavatyeva. kṛdyogalakṣaṇā ṣaṣṭhī tu na bhavati, "na loke"ti niṣedhāt. sarpiṣo jānīte iti. karaṇatvavivakṣāyāṃ sarpiṣā upāyena pravartate ityarthaḥ. karaṇatvasya saṃbandhatvavivakṣāyāṃ tu ṣaṣṭhī, katrrāśritā sarpiḥsambandhinī pravṛttiriti bodhaḥ. mātuḥ smaratīti. karmatvavivakṣāyāṃ mātaraṃ smaratītyarthaḥ. karmatvasya śeṣatvavivakṣāyāṃ tu devadattakartṛkaṃ mātṛsambandhi smaraṇamityarthaḥ. edho dakasyopaskurute iti. edhaśabdo'kārāntaḥ puṃliṅgaḥ, "kārake" iti sūtre "edhāḥ pakṣyante" iti bhāṣyaprayogāt. edhāśca udakāni ceti dvandvāt ṣaṣṭhī. "jātiraprāṇinā"mityekadbhāvaḥ. karmatvavivakṣāyāṃ edodakaṃ śoṣaṇagandhadravyādhānādinā pariṣkurute ityarthaḥ. karmatvasya śeṣatvavivakṣāyāṃ tu edhodakasambandhi pariṣkaraṇamiti bodhaḥ. edhaśśabdaḥ sakārānto'pyasti napuṃsakaliṅgaḥ. "kāṣṭhaṃ dārvindhanaṃ tvedha idhmamedhaḥ samit striyām" iti kośāt. "yathaidhāṃsi samiddho'gniḥ" ityādidarśanācca. tathā sati "edhaḥ-dakasye"ticchedaḥ. udakaśabdasamāveśe edha udakasyetyāpatteḥ. udakaśabdaparyāyo dakaśabdo'pyasti, "bhuvanamamṛtaṃ jīvanaṃ syāddakaṃ ca" iti halāyudhakośāt. tathāca edhaḥ kartṛ udakaṃ pariṣkurute ityarthaḥ. karmatvasya śeṣatvavivakṣāyāṃ tu ṣaṣṭhī, nimbakarañjādikāṣṭhaviśeṣaprajvalitāgnitaptodakasya guṇaviśeṣo vaidyaśāstraprasiddhaḥ. bhaje śambhoścaraṇayoriti. atra caraṇayoḥ karmatvasya śeṣatvavivakṣāyāṃ ṣaṣṭhī. śambhucaraṇasaṃbandhi bhajanamityarthaḥ. phalānāṃ tṛpta iti. atrāpi karaṇatvasya śeṣatvavivakṣāyāṃ ṣaṣṭhī. phalasaṃbandhinī tṛptiriti bodhaḥ.

ṣaṣṭhī śeṣe. uktādanyaḥ śeṣaḥ. karmādayaśca prātipadikārdhaparyantā uktāḥ, tatra dvitīyādīnāṃ vidhānāt, ato prati prādhānyādapradhānādeva ṣaṣṭhī. pratyayārthastviha puruṣaviśeṣaṇam. rājanirūpitasevakatvasambandhavān puruṣa ityarthavivakṣāyāṃ pradhānātpuruṣaśabdānna ṣaṣṭhī, uktanyāyavirodhāt, śeṣatvā'bhāvācca. `rājñaḥ puruṣastiṣṭhakatī'tyādau puruṣaśabdo hi prātipadikārthamātravṛttiḥ. `rājñaḥ puruṣeṇa kṛta'mityādau tu kārakārthakaḥ. yadā tu puruṣanirūpita sevyatvasambandhavān rājetyarthavivakṣā tadā puruṣaśabdādapi ṣaṣṭhī bhavatyeva puruṣaya rājeti. yattu `apradhānaṃ śeṣa'iti kaiściduktam. tanna. prātipadikārthamātre śuklaḥ paṭaḥ śyāmo ghaṭa ityādau viśeṣaṇe ṣaṣṭhīprasaṅgāt. na ca prathamāyā bādhaḥ, tasyāḥ pradhāne caritārthatvāt. karmādīnāmapīti. yathā viśeṣā'vivakṣāyāṃ rūpavāniti prayujyate, viśeṣavivakṣāyāṃ tu nīlaḥ pīta ityādi, tathedamapi nyāyasiddhamiti bhāvaḥ. satāṃ gatamiti. satpuruṣasambandhi gamanamityarthaḥ. santo gacchantītyatra tvākhyātena kartṛtvasambandhasyoktatvātsambandhamātravivakṣāṃ kartuṃ na śakyate iti ṣaṣṭhīha na bhavati, kiṃntu prātipadikārthama#ātre prathamaivetyāhuḥ. sarpiṣo jānīte iti. vastutaḥ karaṇasya sambandhamātravivakṣāyāṃ ṣaṣṭhī. sarpiḥ–sambandhi pravartanamityarthaḥ. `akarmakācca' `anupasargājjñaḥ' ityanena vā jānātestaṅ. anye tu vyācakhyuḥ–karmaṇaḥ śeṣatvavivakṣāyā ṣaṣṭhī. sarpiḥsambandhi jñānamityartha iti. edhokasyeti. edhāśca udakaṃ caiṣāṃ samāhāra edhodakam.`jātiraprāṇinām' ityekavadbhāvaḥ. yadvā ca dakaṃ ceti vigrahe pūrvavadekavadbhāvaḥ. yadvā edhāṃsi ca dakaṃ ceti vugrahe pūrvavadekavadbhāvaḥ. udakaparyāyo dakaśabdo'pyasti. tathā ca halāyudhaḥ—`bhuvanamamṛtaṃ jīvanīyaṃ dakaṃ ce'ti. upaskurute iti. gandhanādisūtreṇātmanepadam. `upātpratiyatne'ti suṭ. nacaivaṃ `jño'vidarthasya karaṇe', `adhīgarthadayeśāṃ karmaṇi', `kṛñaḥ pratiyatne', `rujārthānāṃ bhāvavacanānāmajvareḥ', `āśiṣi nāthaḥ', `jāsimiprahaṇanāṭakrāthapiṣāṃ hiṃsāyām',`vyavahmapaṇoḥ samarthayoḥ', `kṛtvorthaprayoge kāle'dhikaraṇe' iti śeṣaṣaṣṭhīvidhānārtheyamaṣṭasūtrī niṣphalā syāditi vācyam, `sarpiṣo jñāna'mityādau tasyāḥ samāsanivṛttiphalakatvāt. tathā hi `jño'vidarthasya–' ityādau `śeṣe' ityanuvartate, śeṣatvena vivakṣate tu karaṇādau ṣaṣṭhī siddha#aiva. tadamarthaḥ–iha ṣaṣṭha\ufffdeva na tu talluk. tathā ca lukaḥ prayojakībhūtaḥ samāsa eva na bhavatīti. na cāṣṭasūtryā luṅbātranivṛttiphalakatvamevāstu, samāsastu svīkriyatāmiti vācyam. iṣṭānurodhena samāsa eva na bhavatīti vyākhyānasyocitatvāt. tathā ca vārtikaṃ`pratipadavidhānā ṣaṣṭhī na samasyate' iti. hariścāha—`kārakaivryapadiṣṭe ca śrūyamāṇakriye punaḥ. proktā pratipadaṃ ṣaṣṭhī samāsasya nivṛttaye' iti. evaṃ ca śeṣatvavivakṣāyāṃ sarpiṣo jñānaṃ, mātuḥ smaraṇamityādīnyasamastānyeva sādhūni. `harismaraṇa'mityādīni tu śeṣatvā'vivakṣāyāṃ kṛdyogaṣaṣṭha\ufffdā samāse bodhyāni. tatra ca kārakapūrvakatvāt `gatikāraka—' ityādinā kṛduttarapadaprakṛtisvareṇa madhyodāttatvaṃ bhavati. śeṣaṣaṣṭha\ufffdā samāse tu antodāttatvaṃ syāttaccā'niṣṭam. tathā ca svarārtheyamaṣṭasūtrīti niṣkarṣaḥ. kiṃ ca `mātuḥ smṛta' mityādau samāsā'bhāvo'pi phalam, na hi tatra kārakaṣaṣṭhī labhyate, `na loke' ti niṣedhāt. āha ca–' niṣṭhāyāṃ karmaviṣayā ṣaṣṭhī ca pratiṣidhyate. śeṣalakṣaṇayā ṣaṣṭha\ufffdā samāsastatra neṣyate' iti. etacca manoramāyāṃ sthitam.

ṣaṣṭhī śeṣe 536, 2.3.50 ṣaṣṭhī śeṣe. uktādanyaḥ śeṣaḥ. karmādayaśca prātipadikārdhaparyantā uktāḥ, tatra dvitīyādīnāṃ vidhānāt, ato prati prādhānyādapradhānādeva ṣaṣṭhī. pratyayārthastviha puruṣaviśeṣaṇam. rājanirūpitasevakatvasambandhavān puruṣa ityarthavivakṣāyāṃ pradhānātpuruṣaśabdānna ṣaṣṭhī, uktanyāyavirodhāt, śeṣatvā'bhāvācca. "rājñaḥ puruṣastiṣṭhakatī"tyādau puruṣaśabdo hi prātipadikārthamātravṛttiḥ. "rājñaḥ puruṣeṇa kṛta"mityādau tu kārakārthakaḥ. yadā tu puruṣanirūpita sevyatvasambandhavān rājetyarthavivakṣā tadā puruṣaśabdādapi ṣaṣṭhī bhavatyeva puruṣaya rājeti. yattu "apradhānaṃ śeṣa"iti kaiściduktam. tanna. prātipadikārthamātre śuklaḥ paṭaḥ śyāmo ghaṭa ityādau viśeṣaṇe ṣaṣṭhīprasaṅgāt. na ca prathamāyā bādhaḥ, tasyāḥ pradhāne caritārthatvāt. karmādīnāmapīti. yathā viśeṣā'vivakṣāyāṃ rūpavāniti prayujyate, viśeṣavivakṣāyāṃ tu nīlaḥ pīta ityādi, tathedamapi nyāyasiddhamiti bhāvaḥ. satāṃ gatamiti. satpuruṣasambandhi gamanamityarthaḥ. santo gacchantītyatra tvākhyātena kartṛtvasambandhasyoktatvātsambandhamātravivakṣāṃ kartuṃ na śakyate iti ṣaṣṭhīha na bhavati, kiṃntu prātipadikārthama#ātre prathamaivetyāhuḥ. sarpiṣo jānīte iti. vastutaḥ karaṇasya sambandhamātravivakṣāyāṃ ṣaṣṭhī. sarpiḥ--sambandhi pravartanamityarthaḥ. "akarmakācca" "anupasargājjñaḥ" ityanena vā jānātestaṅ. anye tu vyācakhyuḥ--karmaṇaḥ śeṣatvavivakṣāyā ṣaṣṭhī. sarpiḥsambandhi jñānamityartha iti. edhokasyeti. edhāśca udakaṃ caiṣāṃ samāhāra edhodakam."jātiraprāṇinām" ityekavadbhāvaḥ. yadvā ca dakaṃ ceti vigrahe pūrvavadekavadbhāvaḥ. yadvā edhāṃsi ca dakaṃ ceti vugrahe pūrvavadekavadbhāvaḥ. udakaparyāyo dakaśabdo'pyasti. tathā ca halāyudhaḥ---"bhuvanamamṛtaṃ jīvanīyaṃ dakaṃ ce"ti. upaskurute iti. gandhanādisūtreṇātmanepadam. "upātpratiyatne"ti suṭ. nacaivaṃ "jño'vidarthasya karaṇe", "adhīgarthadayeśāṃ karmaṇi", "kṛñaḥ pratiyatne", "rujārthānāṃ bhāvavacanānāmajvareḥ", "āśiṣi nāthaḥ", "jāsimiprahaṇanāṭakrāthapiṣāṃ hiṃsāyām","vyavahmapaṇoḥ samarthayoḥ", "kṛtvorthaprayoge kāle'dhikaraṇe" iti śeṣaṣaṣṭhīvidhānārtheyamaṣṭasūtrī niṣphalā syāditi vācyam, "sarpiṣo jñāna"mityādau tasyāḥ samāsanivṛttiphalakatvāt. tathā hi "jño'vidarthasya--" ityādau "śeṣe" ityanuvartate, śeṣatvena vivakṣate tu karaṇādau ṣaṣṭhī siddha#aiva. tadamarthaḥ--iha ṣaṣṭha()eva na tu talluk. tathā ca lukaḥ prayojakībhūtaḥ samāsa eva na bhavatīti. na cāṣṭasūtryā luṅbātranivṛttiphalakatvamevāstu, samāsastu svīkriyatāmiti vācyam. iṣṭānurodhena samāsa eva na bhavatīti vyākhyānasyocitatvāt. tathā ca vārtikaṃ"pratipadavidhānā ṣaṣṭhī na samasyate" iti. hariścāha---"kārakaivryapadiṣṭe ca śrūyamāṇakriye punaḥ. proktā pratipadaṃ ṣaṣṭhī samāsasya nivṛttaye" iti. evaṃ ca śeṣatvavivakṣāyāṃ sarpiṣo jñānaṃ, mātuḥ smaraṇamityādīnyasamastānyeva sādhūni. "harismaraṇa"mityādīni tu śeṣatvā'vivakṣāyāṃ kṛdyogaṣaṣṭha()ā samāse bodhyāni. tatra ca kārakapūrvakatvāt "gatikāraka---" ityādinā kṛduttarapadaprakṛtisvareṇa madhyodāttatvaṃ bhavati. śeṣaṣaṣṭha()ā samāse tu antodāttatvaṃ syāttaccā'niṣṭam. tathā ca svarārtheyamaṣṭasūtrīti niṣkarṣaḥ. kiṃ ca "mātuḥ smṛta" mityādau samāsā'bhāvo'pi phalam, na hi tatra kārakaṣaṣṭhī labhyate, "na loke" ti niṣedhāt. āha ca--" niṣṭhāyāṃ karmaviṣayā ṣaṣṭhī ca pratiṣidhyate. śeṣalakṣaṇayā ṣaṣṭha()ā samāsastatra neṣyate" iti. etacca manoramāyāṃ sthitam.