Kāśikāvṛttī1: 
ābhimukhyakaraṇaṃ, tadadhike prātipadikārthe prathamā na prāpnoti iti vacanam ār 
See More
ābhimukhyakaraṇaṃ, tadadhike prātipadikārthe prathamā na prāpnoti iti vacanam ārabhyate.
sambodhane ca prathamā vibhaktir bhavati. he devadatta. he devadattau. he devadattāḥ.
Kāśikāvṛttī2: sambodhane ca 2.3.47 ābhimukhyakaraṇaṃ, tadadhike prātipadikārthe prathamā na p See More
sambodhane ca 2.3.47 ābhimukhyakaraṇaṃ, tadadhike prātipadikārthe prathamā na prāpnoti iti vacanam ārabhyate. sambodhane ca prathamā vibhaktir bhavati. he devadatta. he devadattau. he devadattāḥ.
Nyāsa2: sambodhane ca. , 2.3.47 sambodhanam = abhimukhīkaraṇam, "tadadhike prātipadikrat See More
sambodhane ca. , 2.3.47 sambodhanam = abhimukhīkaraṇam, "tadadhike prātipadikrathā" iti. abhimukhīkaraṇasya kriyāparatvāt prātipadikārthe tasyāntarbhāvo nāsti, tsayātadātmakatvāt, tasmāta tenādhikaḥ prātipadikārtho bhavati. atha kathamiha prathamā-he-pacanam, he pacamāneti? kathañca na syāt? śatṛśānajbhyāmuktatvāt sambodhanasya. etāvapi "sambodhane ca" iti sambodhana eva vakṣyate. mā bhūdanena, pūrvasūtreṇa bhaviṣyati? sambodhanārthasyeha "kṛttaddhitasamāsāśca" 1.2.46 ityanena prātipadikārthatvāt. yogavibhāga uttarārthaḥ॥
Laghusiddhāntakaumudī1: prathamā syāt. he rāma. iti prathamā. Sū #892
Laghusiddhāntakaumudī2: sambodhane ca 892, 2.3.47 prathamā syāt. he rāma. iti prathamā.
Bālamanoramā1: saṃbodhane ca. iheti. saṃbodhane'dhike gamye'pi prathamā syādityarthaḥ.
saṃbodh Sū #526 See More
saṃbodhane ca. iheti. saṃbodhane'dhike gamye'pi prathamā syādityarthaḥ.
saṃbodhamabhimukhīkṛtya jñāpanam. he rāmeti. `māṃ pāhī'ti śeṣaḥ. iha rāmaṃ prati
madrakṣaṇaṃ jñāpyam. naca `he rājansārvabhaumo bhava' ityatra sārvabhaumaśabdādapi saṃbodhane
prathamā syāditi vācyaṃ, samyagbodhanameva hi saṃbodhanaṃ, samityupasargabalāt. śrotari
visiṣya rājatvādinā jñāte satyeva taṃ prati kaścidarthau jñāpayituṃ śakyaḥ,
nānyathā. tataśca saṃbodhanavibhaktiriyamanuvādyaviṣayaiveti labhyate. na tu vidheyaviṣayā. tathāca
sārvabhaumatvasya vidheyasya idānīmasiddhatvena anuvādyatvā'bhāvānna
sārvabhaumaśabdātsaṃbodhanavibhaktiriti mañjūṣāyāṃ vistaraḥ. [iti prathamā].
Bālamanoramā2: sambodhane ca 526, 2.3.47 saṃbodhane ca. iheti. saṃbodhane'dhike gamye'pi pratha See More
sambodhane ca 526, 2.3.47 saṃbodhane ca. iheti. saṃbodhane'dhike gamye'pi prathamā syādityarthaḥ. saṃbodhamabhimukhīkṛtya jñāpanam. he rāmeti. "māṃ pāhī"ti śeṣaḥ. iha rāmaṃ prati madrakṣaṇaṃ jñāpyam. naca "he rājansārvabhaumo bhava" ityatra sārvabhaumaśabdādapi saṃbodhane prathamā syāditi vācyaṃ, samyagbodhanameva hi saṃbodhanaṃ, samityupasargabalāt. śrotari visiṣya rājatvādinā jñāte satyeva taṃ prati kaścidarthau jñāpayituṃ śakyaḥ, nānyathā. tataśca saṃbodhanavibhaktiriyamanuvādyaviṣayaiveti labhyate. na tu vidheyaviṣayā. tathāca sārvabhaumatvasya vidheyasya idānīmasiddhatvena anuvādyatvā'bhāvānna sārvabhaumaśabdātsaṃbodhanavibhaktiriti mañjūṣāyāṃ vistaraḥ. [iti prathamā].
Tattvabodhinī1: sambodhane ca. mātragrahaṇāttatpratyākhyānapakṣe'pi prātipadikārthe eva
pratham Sū #473 See More
sambodhane ca. mātragrahaṇāttatpratyākhyānapakṣe'pi prātipadikārthe eva
prathameti niyamādvā sambodhanādhikye'prāptāvasyārambhaḥ. iha sambodhanaṃ prakṛtyarthaṃ
prati viśeṣyaṃ, kriyā prati viśeṣaṇam. tathā ca `vrajāni devadatta'ityādau `ekatṅ
vākya'miti vākyatve siddhe `āmantratasya ce'ti nighāto bhavati, kriyāṃ
pratyaviśeṣaṇatve tu bhinnavākyatvānnaitatsiddhet, `samānavākye
nighātayuṣmadasmadādeśā vaktavyāḥ'iti vārtikāt. tathā coktaṃ—`saṃbodhanapada'yacca tat
kriyāyā viśeṣaṇam. vrajāni devadatteti nighāto'tra tathā sati' iti. evaṃ ca `rāma māṃ
pāhī'ti vākyasya rāmasambandhisamvodhanaviṣayo matkartṛkaṃ rakṣaṇamarthaḥ. `vrajāni
devadatte tyatra tu devadattasambandhisaṃbodhanaviṣayo matkartṛkaṃ gamanamarthaḥ. iti
prathamā.
Tattvabodhinī2: sambodhane ca 473, 2.3.47 sambodhane ca. mātragrahaṇāttatpratyākhyānapakṣe'pi pr See More
sambodhane ca 473, 2.3.47 sambodhane ca. mātragrahaṇāttatpratyākhyānapakṣe'pi prātipadikārthe eva prathameti niyamādvā sambodhanādhikye'prāptāvasyārambhaḥ. iha sambodhanaṃ prakṛtyarthaṃ prati viśeṣyaṃ, kriyā prati viśeṣaṇam. tathā ca "vrajāni devadatta"ityādau "ekatṅ vākya"miti vākyatve siddhe "āmantratasya ce"ti nighāto bhavati, kriyāṃ pratyaviśeṣaṇatve tu bhinnavākyatvānnaitatsiddhet, "samānavākye nighātayuṣmadasmadādeśā vaktavyāḥ"iti vārtikāt. tathā coktaṃ---"saṃbodhanapada"yacca tat kriyāyā viśeṣaṇam. vrajāni devadatteti nighāto'tra tathā sati" iti. evaṃ ca "rāma māṃ pāhī"ti vākyasya rāmasambandhisamvodhanaviṣayo matkartṛkaṃ rakṣaṇamarthaḥ. "vrajāni devadatte tyatra tu devadattasambandhisaṃbodhanaviṣayo matkartṛkaṃ gamanamarthaḥ. iti prathamā.
1.Source: Arsha Vidya Gurukulam
2.Source: Sanskrit Documents
 2.3.47.jpg)
