1/14:itthambhūtalakṣaṇe tatsthe pratiṣedhaḥ |*
2/14:itthambhūtalakṣaṇe tatsthe pratiṣedhaḥ vaktavyaḥ |
3/14:api bhavānkamaṇḍalupāṇim chātrama drākṣīt iti |
4/14:na vā itthambhūtasya lakṣaṇena apṛthagbhāvāt |*
5/14:na vā vaktavyam |
6/14:kim kāraṇam |
7/14:itthambhūtasya lakṣaṇena apṛthagbhāvāt |
8/14:yatra itthambhūtasya pṛthagbhūtam lakṣaṇam tatra bhavitavyam |
9/14:na ca atra itthambhūtasya pṛthagbhūtam lakṣaṇam |
10/14:kim vaktavyam etat |
11/14:na hi |
12/14:katham anucyamānam gaṃsyate |
13/14:tathā hi ayam prādhānyena lakṣaṇam pratinirdiśati |
14/14:itthambhūtasya lakṣaṇam itthaṃbhūtalakṣaṇam tasmin nitthaṃbhūtalakṣaṇe iti |

kañcit prakāraṃ prāptaḥ itthambhūtaḥ. tasya lakṣaṇam itthambhūtalakṣaṇam. tatas tṛtīyā vibhaktir bhavati. api bhavān kamaṇḍalunā chātramadrākṣīt? chātreṇopādhyāyam. śikhayā parivrājakam. iha na bhavati, kamaṇḍlupāniśchātraḥ iti, lakṣaṇasya samāse 'ntarbhūtatvāt. itthambhūtaḥ iti kim? vṛkṣaṃ prati vidyotanam.

itthambhūtalakṣaṇe 2.3.21 kañcit prakāraṃ prāptaḥ itthambhūtaḥ. tasya lakṣaṇam itthambhūtalakṣaṇam. tatas tṛtīyā vibhaktir bhavati. api bhavān kamaṇḍalunā chātramadrākṣīt? chātreṇopādhyāyam. śikhayā parivrājakam. iha na bhavati, kamaṇḍlupāniśchātraḥ iti, lakṣaṇasya samāse 'ntarbhūtatvāt. itthambhūtaḥ iti kim? vṛkṣaṃ prati vidyotanam.

itthambhūtalakṣaṇe. , 2.3.21 kañcit prakāramityanena ityamityasyārthamācaṣṭe. tathā hi prakāravacane "idamasthamuḥ" 5.3.24 iti thamupratyaye vihite itthamityedrūpaṃ bhavati. sāmānyasya bhedako viśeṣaḥ prakāra ucyate. āpanna ityanena bhūtaśabdsayārthamācaṣṭe. tathā hi-- "bhū prāptāvātmanepadī" (dhā.pā.1844) ityasya caurādikasya "ā dhṛṣādvā" (dhā.pā.805) ityasyānantaram) iti yadā ṇij nāsti tadā ktapratyaye "bhūta" iti rūpaṃ bhavati. tasyetītvambhūtasya. "lakṣaṇam" iti. lakṣyate cihnyate'neneti lakṣaṇam = cihnam. "api bhavān kamaṇḍalunā chātramādrākṣīt" iti. atra manuṣyatvaṃ sāmānyam, tasya cchātratvaṃ prakāraḥca; taṃ prāptasya cchātrasya kamaṇḍalurlakṣaṇam. "chātreṇopādhyāyam" iti. manuṣyatvaṃ sāmānyam, tasyopādhyāyatvaṃ prakāraḥ; taṃ prāptasyopādhyāyasya lakṣaṇaṃ chātraḥ. "śikhayā parivrājakam" iti. manuṣyatvaṃ sāmānyam, parivrājakatvaṃ prakāraḥ. taṃ prāptasya parivrājakasya lakṣaṇaṃ śikhā. "lakṣaṇasya samāse'ntarbhūtatvāt" iti. ekārthībhāvad bahuvrīhrarthena lakṣaṇārthasyāpṛthagbhāvādityarthaḥ. bahuvrīhāveva vācyatvenāntarbhāvo lakṣaṇasyeti gatārthatvāt tṛtīyā na bhavati. itthambhūtalakṣaṇa iti kim? vṛkṣaṃ pari vidyotate vidyut. nātra vidyotanatvaprāptasya kasyacidvṛkṣeṇa lakṣaṇam. kiṃ tarhi? vidyotanasyaiva॥

itthaṃbhūtalakṣaṇe. ayaṃ prakāra itthaṃ, taṃ bhūtaḥ=prāptaḥ-itthaṃbhūtaḥ. `bhū prāptau' iti caurādikāt `ādhṛṣādvā' iti ṇijabhāve gatyarthākarmaketyādinā kartari ktaḥ. lakṣaṇaṃ=jñāpakam. prakāraviśeṣaṃ prāptasya jñāpake ityarthaḥ. tadāha– kaṃcitprakāramiti. jaṭābhistāpasa iti. tapo'syāstīti tāpasaḥ. `tapassaharuāābhyāṃ vinīnī' `aṇce'ti matvarthīyo'ṇpratyayaḥ. tāpasatvavati vartate. lakṣyalakṣaṇabhāvastṛtīyārthaḥ. tadāha–jaṭājñāpyeti. naca jñāne karaṇatvādeva tṛtīyā siddheti vācyaṃ, karaṇatvā'vivakṣāyāṃ lakṣyalakṣaṇabhāvamātravivakṣāyāṃ tṛtīyārthatvāt.

itthaṃbhūtalakṣaṇe 558, 2.3.21 itthaṃbhūtalakṣaṇe. ayaṃ prakāra itthaṃ, taṃ bhūtaḥ=prāptaḥ-itthaṃbhūtaḥ. "bhū prāptau" iti caurādikāt "ādhṛṣādvā" iti ṇijabhāve gatyarthākarmaketyādinā kartari ktaḥ. lakṣaṇaṃ=jñāpakam. prakāraviśeṣaṃ prāptasya jñāpake ityarthaḥ. tadāha--kaṃcitprakāramiti. jaṭābhistāpasa iti. tapo'syāstīti tāpasaḥ. "tapassaharuāābhyāṃ vinīnī" "aṇce"ti matvarthīyo'ṇpratyayaḥ. tāpasatvavati vartate. lakṣyalakṣaṇabhāvastṛtīyārthaḥ. tadāha--jaṭājñāpyeti. naca jñāne karaṇatvādeva tṛtīyā siddheti vācyaṃ, karaṇatvā'vivakṣāyāṃ lakṣyalakṣaṇabhāvamātravivakṣāyāṃ tṛtīyārthatvāt.

jaṭānāmitthaṃbhūtalakṣaṇatvamupapadayati—jaṭājñāpyeti. jaṭābhijrñāpyaṃ yattāpasatvaṃ, tadviśiṣṭa ityarthaḥ.

itthaṃbhūtalakṣaṇe 500, 2.3.21 jaṭānāmitthaṃbhūlakṣaṇatvamupapādayati---jaṭājñāpyeti. jaṭābhijrñāpyaṃ yattāpasatvaṃ, tadviśiṣṭa ityarthaḥ.