1/25:samayānikaṣāhāyogeṣu upasaṅkhyānam | samayānikaṣāhāyogeṣu upasaṅkhyānam kartavyam |*
2/25:samayā grāmam nikaṣā grāmam |
3/25:hāyoge |
4/25:hā devadattam |
5/25:hā yajñadattam |
6/25:aparaḥ āha : dvitīyāvidhāne abhitaḥparitaḥsamayānikaṣādhyadhidhigyogeṣu upasaṅkhyānam |*
7/25:dvitīyāvidhāne abhitaḥparitaḥsamayānikaṣādhyadhidhigyogeṣu upasaṅkhyānam kartavyam |
8/25:abhitaḥ grāmam paritaḥ grāmam |
9/25:samayā grāmam |
10/25:nikaṣā grāmam |
11/25:adhi adhi grāmam |
12/25:dhik jālmam dhik vṛṣalam |
13/25:aparaḥ āha |
14/25:ubhasarvatasoḥ kāryā dhiguparyādiṣu triṣu dvitīyā āmreḍitānteṣu tataḥ anyatra api dṛśyate |*
15/25:ubhaya sarva iti etābhyām tasantābhyām dvitīyā vaktavyā |
16/25:ubhayataḥ grāmam sarvataḥ grāmam |
17/25:dhigyoge |
18/25:dhik jālmam dhik vṛṣalam |
19/25:uparyādiṣu triṣu āmreḍitānteṣu dvitīyā vaktavyā |
20/25:upari upari grāmam |
21/25:adhi adhi grāmam |
22/25:adhaḥ adhaḥ grāmam |
23/25:tataḥ anyatra api dṛśyate |
24/25:na devadattam pratibhāti kim cit |
25/25:bubhukṣitam na pratibhāti kim cit |

dvitīyādayaḥ śabdāḥ pūrvācāryaiḥ supāṃ trikeṣu samaryante, taireva atra vyavahāraḥ. karmaṇi kārake yā saṅkhyā tatra dvitīyā vibhaktirbhavati. kaṭaṃ karoti. grāmaṃ gacchati. ubhasarvatasoḥ kāryā dhiguparyādiṣu kriṣu. dvitīyā āmreḍitānteṣu tato 'nyatra api dṛśyate. ubhayato grāmam. sarvato grāmam. dhig devadattam. uparyupari grāmam. adhyadhi grāmam. adho 'dho grāmam. abhitaḥparitaḥsamayānikaṣāhāpratiyogeṣu ca dṛśyate. abhito grāmam. parito grāmam. samayā grāmam. nikāṣā grāmam. hā devadattam. bubhukṣitaṃ na prati bhāti kiñcit.

karmaṇi dvitīyā 2.3.2 dvitīyādayaḥ śabdāḥ pūrvācāryaiḥ supāṃ trikeṣu samaryante, taireva atra vyavahāraḥ. karmaṇi kārake yā saṅkhyā tatra dvitīyā vibhaktirbhavati. kaṭaṃ karoti. grāmaṃ gacchati. ubhasarvatasoḥ kāryā dhiguparyādiṣu kriṣu. dvitīyā āmreḍitānteṣu tato 'nyatra api dṛśyate. ubhayato grāmam. sarvato grāmam. dhig devadattam. uparyupari grāmam. adhyadhi grāmam. adho 'dho grāmam. abhitaḥparitaḥsamayānikaṣāhāpratiyogeṣu ca dṛśyate. abhito grāmam. parito grāmam. samayā grāmam. nikāṣā grāmam. hā devadattam. bubhukṣitaṃ na prati bhāti kiñcit.

karmaṇi dvitīyā. , 2.3.2 dvitīyā tiṅavibhaktirapyastīti tasyā apyatra grahaṇamiti kasyacidāṅkā syāt, atastannirākartumāha-- "dvitīyādayaḥ śabdāḥ" ityādi. karmaśabdeneha sādhanaṃ karma gṛhrate, na tu kriyākarma. tathā hi - ye vibhaktyarthā ekatvādayasteṣāṃ viśeṣaṇatvenaiva karmādayo'nukraṃsyante. na ca kriyākarmaṇi dvitvabahutve staḥ; sādhanakarmaṇi tu vidyete, tasmāt tasyaiva grahaṇaṃ yuktam, netarasya. "ubhasarvatasoḥ"ityādi. ubhasarvaśabdayostasipratyayāntayoḥ prayoge dvitīyāvibhaktiḥ kāryāḥ. śeṣalakṣaṇāyāṃ ṣaṣṭha()āṃ prāptāyāmayamārambhaḥ. ubhasarvatasorityatra yadyupyabhaśabdaḥ paṭhitastathāpi sāmathryādubhayaśabdo gṛhrate; sādhamryāt. na hrubhaśabdastasipratyayānto'sti; tasya nitydavivacanaṭābviṣayatvāt. tathā coktam-- "anyabhāvo ni#e()tyadvivucanaṭābviṣayatvādubhayo'nyatra" (1.1.27-vā.8,9) iti. "ubhayataḥ, sarvataḥ" iti. "pañcamyāstasil" 5.3.7. dhikśabdayoge'pi dvitīyā kāryā. tathoparyādiṣu triṣu yoge dvitīyā kāryā. "āmreḍitānteṣu"iti. kṛtadvirvacaneṣvityarthaḥ. "uparyuyari grāmam" ityādau "uparyadhyadhasaḥ sāmīpye" 8.1.7 iti dvirvacanam. "tato'nyatrāpi dṛśyate" iti. yathoktādanyatrāpi dṛśyate dvitīyeti sambandhaḥ. kva cānyatra dṛśyata ityata āha-- "abhitaḥ" ityādi. "prayabhibhyāñca" 5.3.9 iti tasiḥ. apiśabdo vikalpārthaḥ. api dṛśyate'pi na dṛśyateca. tena hā tāta hā mātarityādi sidhyati॥

anukte karmaṇi dvitīyā syāt. hariṃ bhajati. abhihite tu karmādau prathamā - hariḥ sevyate. lakṣmyā sevitaḥ..

karmaṇi dvitīyā 894, 2.3.2 anukte karmaṇi dvitīyā syāt. hariṃ bhajati. abhihite tu karmādau prathamā - hariḥ sevyate. lakṣmyā sevitaḥ॥

karmaṇi dvitīyā. `anabhihite' ityanuvṛttaṃ vyācaṣṭe–anukte iti. hariṃ bhajatīti. tuṣṭa\ufffdnukūlaparicaraṇātmakavyāpāro bhajerarthaḥ. pūjādivyāpāreṇa hari #ṃ toṣayatītyarthaḥ. kartṛniṣṭhapūjanādivyāpāraprayojyatuṣṭirūpaphalāśrayatvāddhariḥ karma. hariniṣṭhatuṣṭa\ufffdnukūla ekadevadattaniṣṭho vartamāno vyāpāra iti bodhaḥ. `bāvapradhānamākhyāta'miti niruktakārayāskavacanāt. kriyāpradhānaṃ tiṅantamiti tadarthaḥ. evaṃ ca hariniṣṭhatuṣṭa\ufffdnukūlavyāpārāśrayo devadatta iti prathamāntaviśeṣyakabodhastārkikasaṃmato nādartavya iti mañjūṣādau prapañcitam. abihite tviti. `hariḥ sevayte' ityādā'viti śeṣaḥ. prathamaiveti. tadvidhāvanabhihitādhikārā'bhāvāt `abihite prathame'ti vārtikāccāti bhāvaḥ. atra bhāṣye `kaṭaṃ karoti bhīṣmamudāraṃ darśanīyaṃ śobhana'mityatra kaṭaśabdādutpādyamānayā dvitīyayā karmaṇo'bhihitatvādbhīṣmādibhyo dvitīyā na prāpnotītyāśaṅkya `tiṅkṛttaddhitasamāsairabidhāna'miti parigaṇitam. tatra `prāyeṇe'tyadhyāhmatyāha– abhidhānaṃ ceti. `samāsai'rityanantaraṃ `vivakṣita'miti śeṣaḥ. tiṅiti. avibhaktikanirdeśo'yaṃ tiṅabhidhānapradharśanāya. hariḥ sevyata iti. `laḥ karmaṇī'ti karmaṇi' lakāraḥ. `bhāvakarmaṇoḥ' ityātmanepadam. tiṅantenā'bhihitatvāddhareḥ karmaṇo na dvitīyeti bhāvaḥ. hariṃ bhajatīti vākyārthaḥ. kartṛkarmalakārayorekarūpa eva vākyārthabodha iti vaiyākaraṇasamayaḥ. kṛditi. tiṅitivadayamapyavibhaktikanirdeśastadudāharaṇasūcanāya. lakṣmyā sevita iti. `hari'riti śeṣaḥ. bhūte karmaṇi ktaḥ , kartari tṛtīyā. lakṣmīniṣṭhaparicaraṇajanitatuṣṭa\ufffdāśrayo haririti bodhaḥ. sattvapradhānāni nāmānīti yāskasmṛtimanurudhya prātipadikeṣu prathamāntopāttaviśeṣyaka bodhasyaiva sarvasaṃmatatvāt. atra sevitahareḥ karmaṇaḥ kṛtā abhihitatvānna dvitīyā. taddhiteti. ayamapyavibhaktikanirdeśastadudāharaṇasūcanāya. śatya #iti. paṭādiriti śeṣaḥ. `śatācca ṭhanyatāvaśate' iti yatpratyayastaddhitaḥ. atra karmaṇastaddhitenoktatvānna dvitīyā. samāseti. ayamapyavibhaktikanirdeśastadudāharaṇasūcanāya. prāptānanda iti. devadattādiriti śeṣaḥ. `gatyarthākarmake'tyādinā prāpteti kartari ktaḥ. anyapadārthasya karmaṇo bahuvrīhisamāsenābhihitatvānna dvitīyeti bhāvaḥ. ānandakartṛkaprāptikarmībhūta iti bodhaḥ. `prāyeṇe'tyasya phalaṃ darśayati-kvaciditi. `viṣavṛkṣo.?pī'ti `asāmprata'mityatrānveti. `saṃbadhrye'tyatra `chettu'mityatra cānvaye dvitīyāpatteḥ. tatratvarthādviṣavṛkṣamiti gamyate. na sāṃpratamiti vigrahe nañtatpuruṣaḥ. yujyata ityartha iti. yujiryoge karmaṇi lakāraḥ. aucityā na yujyate. aucityayukto na bhavatīti yāvat. `yukte dve sāmprataṃ sthāne' ityamaraḥ. atra vṛkṣasya karmaṇo nipātenābhihitatvānna dvitīyeti bhāvaḥ. vastutastu `chettu'miti tumunnatra durlabhaḥ. `kṛṣṇaṃ draṣṭuṃ yātī'tyatreva kriyārthakriyopapadatvā'bhāvena `tumunṇbulau kriyāyāṃ kriyārthāyā'mityasyā'pravṛtteḥ. `śakadhṛṣe'tyādināpi tumunna, śakādiyogā'bhāvāt. kiṃtu `icchārtheṣu' ityanuvṛttau `samānakartṛkeṣutumun', iti tumun. akriyārthopapadatve'pi tasya pravṛtteḥ. yathā `icchati bhoktu'mityādi. evaṃca tumunaḥ sādhutvāya iṣyata ityadhyāhāryam. viṣavṛkṣo'pi saṃbadhrya chettumiṣyata iti yattadasāṃpratam=āyuktamityarthaḥ. evaṃ cātrāpi tiṅābhihitatvādeva dvitīyānivāraṇāttiṅkṛddhitasamāsairabhidhānamiti parigaṇanavārtike `prāyeṇe'tyadhyāhāro viphala iti śabdenduśekhare sthitam. pakvamodanaṃ bhuṅkta ityatra tu pacibhujikriyānirūpite dve karmatvaśaktī. tatra guṇabhūtapacinirūpitakarmatvaśakteḥ ktapratyayābhihitatve'pi pradhānabhūtabhujikriyānirūpitāmanabhihitāṃ karmatvaśaktimādāya dvitīyā nirbādheti bhāṣye spaṣṭam. nanu yathā `bahupaṭu'rityādau taddhitena bahucpratyayena uktatvātkalpabādayo na bhavanti tathā `kriyate kaṭa' ityādāvapi tiṅādibhiruktatvāddvitīyādayo na bhaviṣyanti, `uktārthānāmaprayogaḥ' iti nyāyāt. kiṃca `kaṭaṃ karotī'tyādau sāvakāśā dvitīyā `kṛtaḥ kaṭaḥ' ityādau na bhavatyeva, anavakāśayā prathamayā bādhāt. naca vṛkṣaḥ plakṣa ityādiḥ prathamāyā avakāśa iti vācyaṃ, tatra gamyamastikriyāṃ prati kartṛtvena tṛtīyāprasaṅgāt. astu vā tatra prathamāyā avakāśaḥ, tathāpyubhayoḥ sāvakāśatve paratvātprathamaiva syāt. evaṃ cānabhihītādhikāro vyartha iti cet, maivam-`karmaṇi dvitāye'tyādīnāṃ `dvyekayordvivacanaikavacane' `bahuṣu bahuvacana'mityanayoścaekavākyatayā karmaṇi yadekatvaṃ dvitvaṃ bahutvaṃ vā tatra ekadvibahuvacanānīti labhyate. tatra `anabhihite'ityārambhe anabhihite karmaṇi yadekatvaṃ tatra dvitīyetyevamarthaḥ syāt. `anabhihite'ityabhāve tu karmaṇi yadekatvaṃ tatra dvitīyaikavacanamityeva paryavasyet. tathā sati `kṛtaḥ kaṭa' ityādau ktena karmamātroktāvapi tadekatvasyānuktatayā dvitīyaikavacanaṃ durvāraṃ syāt. na ca prathamāyā niravakāśatvaṃ śaṅkyaṃ, nīlamidaṃ natu raktamityādau viśeṣaṇāntaranivṛttitātparyake'stikriyāyā anāvaśyakatvena tatra prathamāyāḥ sāvakāśatvāt. nāpi tatra paratvātprathamaiva bhaviṣyatīti vācyaṃ, `kartavyaḥ kaṭaḥ' ityādau tato'pi paratvena kṛdyogalakṣaṇaṣaṣṭhīprasaṅgāt. evaṃ ca saṃkhyā vibhaktyartha' ityāśrīyate, tadā kārakasya ktapratyayādinoktatvānna dvitīyādivibhaktiprasaktiḥ. ekatvādisaṅkhyābodhaśca prātipadikārthamātre pravṛttayā prathamayaiva sambhavati. ataḥ `anabhihite' iti nārabdhavyamiti bhāṣyakaiyaṭakaustubhādiṣu spaṣṭam. ativistarastu mañjūṣāyāmanusandheyaḥ.

karmaṇi dvitīyā 529, 2.3.2 karmaṇi dvitīyā. "anabhihite" ityanuvṛttaṃ vyācaṣṭe--anukte iti. hariṃ bhajatīti. tuṣṭa()nukūlaparicaraṇātmakavyāpāro bhajerarthaḥ. pūjādivyāpāreṇa hari #ṃ toṣayatītyarthaḥ. kartṛniṣṭhapūjanādivyāpāraprayojyatuṣṭirūpaphalāśrayatvāddhariḥ karma. hariniṣṭhatuṣṭa()nukūla ekadevadattaniṣṭho vartamāno vyāpāra iti bodhaḥ. "bāvapradhānamākhyāta"miti niruktakārayāskavacanāt. kriyāpradhānaṃ tiṅantamiti tadarthaḥ. evaṃ ca hariniṣṭhatuṣṭa()nukūlavyāpārāśrayo devadatta iti prathamāntaviśeṣyakabodhastārkikasaṃmato nādartavya iti mañjūṣādau prapañcitam. abihite tviti. "hariḥ sevayte" ityādā"viti śeṣaḥ. prathamaiveti. tadvidhāvanabhihitādhikārā'bhāvāt "abihite prathame"ti vārtikāccāti bhāvaḥ. atra bhāṣye "kaṭaṃ karoti bhīṣmamudāraṃ darśanīyaṃ śobhana"mityatra kaṭaśabdādutpādyamānayā dvitīyayā karmaṇo'bhihitatvādbhīṣmādibhyo dvitīyā na prāpnotītyāśaṅkya "tiṅkṛttaddhitasamāsairabidhāna"miti parigaṇitam. tatra "prāyeṇe"tyadhyāhmatyāha--abhidhānaṃ ceti. "samāsai"rityanantaraṃ "vivakṣita"miti śeṣaḥ. tiṅiti. avibhaktikanirdeśo'yaṃ tiṅabhidhānapradharśanāya. hariḥ sevyata iti. "laḥ karmaṇī"ti karmaṇi" lakāraḥ. "bhāvakarmaṇoḥ" ityātmanepadam. tiṅantenā'bhihitatvāddhareḥ karmaṇo na dvitīyeti bhāvaḥ. hariṃ bhajatīti vākyārthaḥ. kartṛkarmalakārayorekarūpa eva vākyārthabodha iti vaiyākaraṇasamayaḥ. kṛditi. tiṅitivadayamapyavibhaktikanirdeśastadudāharaṇasūcanāya. lakṣmyā sevita iti. "hari"riti śeṣaḥ. bhūte karmaṇi ktaḥ , kartari tṛtīyā. lakṣmīniṣṭhaparicaraṇajanitatuṣṭa()āśrayo haririti bodhaḥ. sattvapradhānāni nāmānīti yāskasmṛtimanurudhya prātipadikeṣu prathamāntopāttaviśeṣyaka bodhasyaiva sarvasaṃmatatvāt. atra sevitahareḥ karmaṇaḥ kṛtā abhihitatvānna dvitīyā. taddhiteti. ayamapyavibhaktikanirdeśastadudāharaṇasūcanāya. śatya #iti. paṭādiriti śeṣaḥ. "śatācca ṭhanyatāvaśate" iti yatpratyayastaddhitaḥ. atra karmaṇastaddhitenoktatvānna dvitīyā. samāseti. ayamapyavibhaktikanirdeśastadudāharaṇasūcanāya. prāptānanda iti. devadattādiriti śeṣaḥ. "gatyarthākarmake"tyādinā prāpteti kartari ktaḥ. anyapadārthasya karmaṇo bahuvrīhisamāsenābhihitatvānna dvitīyeti bhāvaḥ. ānandakartṛkaprāptikarmībhūta iti bodhaḥ. "prāyeṇe"tyasya phalaṃ darśayati-kvaciditi. "viṣavṛkṣo.()pī"ti "asāmprata"mityatrānveti. "saṃbadhrye"tyatra "chettu"mityatra cānvaye dvitīyāpatteḥ. tatratvarthādviṣavṛkṣamiti gamyate. na sāṃpratamiti vigrahe nañtatpuruṣaḥ. yujyata ityartha iti. yujiryoge karmaṇi lakāraḥ. aucityā na yujyate. aucityayukto na bhavatīti yāvat. "yukte dve sāmprataṃ sthāne" ityamaraḥ. atra vṛkṣasya karmaṇo nipātenābhihitatvānna dvitīyeti bhāvaḥ. vastutastu "chettu"miti tumunnatra durlabhaḥ. "kṛṣṇaṃ draṣṭuṃ yātī"tyatreva kriyārthakriyopapadatvā'bhāvena "tumunṇbulau kriyāyāṃ kriyārthāyā"mityasyā'pravṛtteḥ. "śakadhṛṣe"tyādināpi tumunna, śakādiyogā'bhāvāt. kiṃtu "icchārtheṣu" ityanuvṛttau "samānakartṛkeṣutumun", iti tumun. akriyārthopapadatve'pi tasya pravṛtteḥ. yathā "icchati bhoktu"mityādi. evaṃca tumunaḥ sādhutvāya iṣyata ityadhyāhāryam. viṣavṛkṣo'pi saṃbadhrya chettumiṣyata iti yattadasāṃpratamāyuktamityarthaḥ. evaṃ cātrāpi tiṅābhihitatvādeva dvitīyānivāraṇāttiṅkṛddhitasamāsairabhidhānamiti parigaṇanavārtike "prāyeṇe"tyadhyāhāro viphala iti śabdenduśekhare sthitam. pakvamodanaṃ bhuṅkta ityatra tu pacibhujikriyānirūpite dve karmatvaśaktī. tatra guṇabhūtapacinirūpitakarmatvaśakteḥ ktapratyayābhihitatve'pi pradhānabhūtabhujikriyānirūpitāmanabhihitāṃ karmatvaśaktimādāya dvitīyā nirbādheti bhāṣye spaṣṭam. nanu yathā "bahupaṭu"rityādau taddhitena bahucpratyayena uktatvātkalpabādayo na bhavanti tathā "kriyate kaṭa" ityādāvapi tiṅādibhiruktatvāddvitīyādayo na bhaviṣyanti, "uktārthānāmaprayogaḥ" iti nyāyāt. kiṃca "kaṭaṃ karotī"tyādau sāvakāśā dvitīyā "kṛtaḥ kaṭaḥ" ityādau na bhavatyeva, anavakāśayā prathamayā bādhāt. naca vṛkṣaḥ plakṣa ityādiḥ prathamāyā avakāśa iti vācyaṃ, tatra gamyamastikriyāṃ prati kartṛtvena tṛtīyāprasaṅgāt. astu vā tatra prathamāyā avakāśaḥ, tathāpyubhayoḥ sāvakāśatve paratvātprathamaiva syāt. evaṃ cānabhihītādhikāro vyartha iti cet, maivam-"karmaṇi dvitāye"tyādīnāṃ "dvyekayordvivacanaikavacane" "bahuṣu bahuvacana"mityanayoścaekavākyatayā karmaṇi yadekatvaṃ dvitvaṃ bahutvaṃ vā tatra ekadvibahuvacanānīti labhyate. tatra "anabhihite"ityārambhe anabhihite karmaṇi yadekatvaṃ tatra dvitīyetyevamarthaḥ syāt. "anabhihite"ityabhāve tu karmaṇi yadekatvaṃ tatra dvitīyaikavacanamityeva paryavasyet. tathā sati "kṛtaḥ kaṭa" ityādau ktena karmamātroktāvapi tadekatvasyānuktatayā dvitīyaikavacanaṃ durvāraṃ syāt. na ca prathamāyā niravakāśatvaṃ śaṅkyaṃ, nīlamidaṃ natu raktamityādau viśeṣaṇāntaranivṛttitātparyake'stikriyāyā anāvaśyakatvena tatra prathamāyāḥ sāvakāśatvāt. nāpi tatra paratvātprathamaiva bhaviṣyatīti vācyaṃ, "kartavyaḥ kaṭaḥ" ityādau tato'pi paratvena kṛdyogalakṣaṇaṣaṣṭhīprasaṅgāt. evaṃ ca saṃkhyā vibhaktyartha" ityāśrīyate, tadā kārakasya ktapratyayādinoktatvānna dvitīyādivibhaktiprasaktiḥ. ekatvādisaṅkhyābodhaśca prātipadikārthamātre pravṛttayā prathamayaiva sambhavati. ataḥ "anabhihite" iti nārabdhavyamiti bhāṣyakaiyaṭakaustubhādiṣu spaṣṭam. ativistarastu mañjūṣāyāmanusandheyaḥ.

hariṃ bhajatīti. bhajanakriyayā harau prīterutpādātprītiviśiṣṭatayā kiyāvyāpyatvena hariḥ karma, tadviśiṣṭaṃ bhajanaṃ vākyārthaḥ. hariniṣṭhaprītyanukūla ekadvadattādiniṣṭho vartamāno vyāpāra iti niṣ?ṣṭo'rthaḥ. `hariḥ sevyata'ityatrāpyevameva, `kriyāpradhānamākhyātam'iti siddhāntāt. dhātūpasthitā kriyā tiṅrthaṃ prati viśeṣyā, na tu kṛdarthaṃ pratīva viśeṣaṇamiti hi tasyārthaḥ. ataeva `pācako vrajatī'tivatpacati vrajatīti naikaṃ vākyam. pākakartṛkartṛkaṃ gamanaṃ hi `pācako vrajato'tyasyāparthaḥ. ekakartṛkā pacikriyā, eka kartṛkā gamikriyeti pacativrajatyoḥ pṛthagevā'rthaḥ. evaṃ ca prathamāntaviśeṣyako bodha iti naiyāyikoddhoṣo bhāṣyādyanusāribhirnādartavyaḥ. tanmate hi pākakartā vrajanānukūlakṛtimāniti `pācako vrajatī'tyasyārthaḥ. pacativrajatyostu pākānukūlā kṛtivrrajatītyartha ityevaṃ rūpeṇa vākyārthaparyavasānāt, tasya ca bhāṣyādigranthavirodhāt. kiñca hariṃ bhajati devadattaḥ, hari sevyate devadattenetyatra caikarūpa eva śābdabodha ityuktam. naiyāyikānāṃ mate tu bhidyata eva, `hariniṣṭhaprītyanukūlakṛtyāśrayo devadattaḥ' `devadattaniṣṭhakṛtijanyaprītyāśrayo hari'rityubhayatra bhedena vākyārthaparyavasānāt. tasmātprathamāntaviśeṣyakabodhobhāṣyādyanusāribhirnādatrtavya eva. yāsko'pyāha—- `bhāvapradhānamākhyātaṃ sattvapradhānāni nāmāni'iti. `paśya mṛgo dhāvatī'tyādau tu bhṛgakartṛkaṃ gamanaṃ dṛśikriyaiva. uktaṃ ca—`subantaṃ hi yathā'nekaṃ, tiṅntasya viśeṣaṇam. tathā tiṅantamapyāhustiṅantasya viśeṣaṇam'iti. na ca laukikaprayogeṣu tiṅantasya katiṅantaviśeṣaṇatvaṃ durlabhamiti mantavyam. `purīmavaskanda lunīhi nandanam'iti māghaślokasya puryavaskandananandanalavanādirūpā asvāsthyakriyetyartha iti `samuccaye'nyatarasyām'iti sūtre mūle sphuṭībhaviṣyamāṇatvāt. evaṃ ca `pacati– bhavatī'tyasya pacikriyā bhavatītyartho bhāṣyamate bodhya iti dika. abhihite tviti. nanvevaṃ `pakvamodanaṃ bhuṅkte'ityatrāpi dvitīyā na syāditi cet. maivam. iha hi pācebhujinirūpite dve karmatvaśaktī, tatra pradhānabhūtabhujikriyānirūpitāmanabhihitāṃ śaktimādāya dvitīyatpatteḥ. ataeva `āsane āste'ityatra saptamī saṅgacchate. lyuṭā'dhikaraṇatvasyoktatve'pi tiṅantopasthāpyakriyānirūpitādhikaraṇatvasyānuktatvāt. śatya iti. `śatācca ṭhanyatāśate'iti yat. prāptānanda iti. iha `gatyarthākarmake'ti kartari ktaḥ. ānandakartṛkaprāptikarmībhūtaityarthaḥ. yaduktaṃ `prāyeṇa'ti tasya phalamāha– kvacinnipāteneti. viṣavṛkṣa iti. `saṃvadhrye'tyatra `chettumityatra cārthadviṣavṛkṣamiti gamyata it dhyeyam. yujyata ityartha iti. etena nipātānāṃ dyotakatvameveti niyamo nāstīti dhvanitam. tathā yuktam. tathetyukte kathaṃ yuktamiti jijñāsāyāmāha–.

karmaṇi dvitīyā 476, 2.3.2 hariṃ bhajatīti. bhajanakriyayā harau prīterutpādātprītiviśiṣṭatayā kiyāvyāpyatvena hariḥ karma, tadviśiṣṭaṃ bhajanaṃ vākyārthaḥ. hariniṣṭhaprītyanukūla ekadvadattādiniṣṭho vartamāno vyāpāra iti niṣ()ṣṭo'rthaḥ. "hariḥ sevyata"ityatrāpyevameva, "kriyāpradhānamākhyātamiti siddhāntāt. dhātūpasthitā kriyā tiṅrthaṃ prati viśeṣyā, na tu kṛdarthaṃ pratīva viśeṣaṇamiti hi tasyārthaḥ. ataeva "pācako vrajatī"tivatpacati vrajatīti naikaṃ vākyam. pākakartṛkartṛkaṃ gamanaṃ hi "pācako vrajato"tyasyāparthaḥ. ekakartṛkā pacikriyā, eka kartṛkā gamikriyeti pacativrajatyoḥ pṛthagevā'rthaḥ. evaṃ ca prathamāntaviśeṣyako bodha iti naiyāyikoddhoṣo bhāṣyādyanusāribhirnādartavyaḥ. tanmate hi pākakartā vrajanānukūlakṛtimāniti "pācako vrajatī"tyasyārthaḥ. pacativrajatyostu pākānukūlā kṛtivrrajatītyartha ityevaṃ rūpeṇa vākyārthaparyavasānāt, tasya ca bhāṣyādigranthavirodhāt. kiñca hariṃ bhajati devadattaḥ, hari sevyate devadattenetyatra caikarūpa eva śābdabodha ityuktam. naiyāyikānāṃ mate tu bhidyata eva, "hariniṣṭhaprītyanukūlakṛtyāśrayo devadattaḥ" "devadattaniṣṭhakṛtijanyaprītyāśrayo hari"rityubhayatra bhedena vākyārthaparyavasānāt. tasmātprathamāntaviśeṣyakabodhobhāṣyādyanusāribhirnādatrtavya eva. yāsko'pyāha----"bhāvapradhānamākhyātaṃ sattvapradhānāni nāmāni"iti. "paśya mṛgo dhāvatī"tyādau tu bhṛgakartṛkaṃ gamanaṃ dṛśikriyaiva. uktaṃ ca---"subantaṃ hi yathā'nekaṃ, tiṅntasya viśeṣaṇam. tathā tiṅantamapyāhustiṅantasya viśeṣaṇamiti. na ca laukikaprayogeṣu tiṅantasya katiṅantaviśeṣaṇatvaṃ durlabhamiti mantavyam. "purīmavaskanda lunīhi nandanamiti māghaślokasya puryavaskandananandanalavanādirūpā asvāsthyakriyetyartha iti "samuccaye'nyatarasyāmiti sūtre mūle sphuṭībhaviṣyamāṇatvāt. evaṃ ca "pacati--bhavatī"tyasya pacikriyā bhavatītyartho bhāṣyamate bodhya iti dika. abhihite tviti. nanvevaṃ "pakvamodanaṃ bhuṅkte"ityatrāpi dvitīyā na syāditi cet. maivam. iha hi pācebhujinirūpite dve karmatvaśaktī, tatra pradhānabhūtabhujikriyānirūpitāmanabhihitāṃ śaktimādāya dvitīyatpatteḥ. ataeva "āsane āste"ityatra saptamī saṅgacchate. lyuṭā'dhikaraṇatvasyoktatve'pi tiṅantopasthāpyakriyānirūpitādhikaraṇatvasyānuktatvāt. śatya iti. "śatācca ṭhanyatāśate"iti yat. prāptānanda iti. iha "gatyarthākarmake"ti kartari ktaḥ. ānandakartṛkaprāptikarmībhūtaityarthaḥ. yaduktaṃ "prāyeṇa"ti tasya phalamāha--kvacinnipāteneti. viṣavṛkṣa iti. "saṃvadhrye"tyatra "chettumityatra cārthadviṣavṛkṣamiti gamyata it dhyeyam. yujyata ityartha iti. etena nipātānāṃ dyotakatvameveti niyamo nāstīti dhvanitam. tathā yuktam. tathetyukte kathaṃ yuktamiti jijñāsāyāmāha--.