1/28:kim udāharaṇam |
2/28:tilaiḥ saha māṣān vapati iti |
3/28:na etat asti |
4/28:tilaiḥ miśrīkṛtya māṣāḥ upyante |
5/28:tatra karaṇe iti eva siddham |
6/28:idam tarhi |
7/28:putreṇa saha āgataḥ devadattaḥ iti |
8/28:apradhāne kartari tṛtīyā yathā syāt |
9/28:etat api na asti prayojanam |
10/28:pradhāne kartari lādayaḥ bhavanti iti pradhānakartā ktena abhidhīyate yaḥ ca apradhānam siddhā tatra kartari iti eva tṛtīyā |
11/28:idam tarhi |
12/28:putreṇa saha āgamanam devadattasya iti |
13/28:ṣaṣṭhī atra bādhikā bhaviṣyati |
14/28:idam tarhi |
15/28:putreṇa saha sthūlaḥ |
16/28:putreṇa saha piṅgalaḥ iti |
17/28:idam ca api udāharaṇam tilaiḥ saha māṣān vapati iti |
18/28:nanu ca uktam tilaiḥ miśrīkṛtya māṣāḥ upyante |
19/28:tatra karaṇe iti eva siddham iti |
20/28:bhavet siddham yadā tilaiḥ miśrīkṛtya upyeran |
21/28:yadā tu khalu kasya cin māṣabījāvāpaḥ upasthitaḥ tadartham ca kṣetram upārjitam tatra anyat api kiṃ cid upyate yadi bhaviṣyati bhaviṣyati iti tadā na sidhyati |
22/28:sahayukte apradhānavacanam anarthakam upapadavibhakteḥ kārakavibhaktibalīyastvāt anyatra api |*
23/28:sahayukte apradhānavacanam anarthakam |
24/28:kiṃ kāraṇam |
25/28:upapadavibhakteḥ kārakavibhaktibalīyastvāt |
26/28:anyatra api kārakavibhaktirbalīyasī iti prathamā bhaviṣyati |
27/28:kva anyatra |
28/28:gāḥ svāmī vrajati iti |

sahārthena yukte apradhāne tṛtīyā vibhaktir bhavati. putreṇa sahāgataḥ pitā. putreṇa saha gomān. pituratra kriyādisambandhaḥ śabdena ucyate, putrasya tu pratīyamāna iti tasyāprādhānyam. sahārthena ca yoge tṛtīyāvidhānāt paryāyaprayoge 'pi bhavati, putreṇa sārdham iti. vinā 'pi sahaśabdena bhavati, vṛddho yūnā ( 1-2-65 ) iti nidarśanāt. apradhāne iti kim? śiṣyeṇa sahopādyāyasya gauḥ.

sahayukte 'pradhāne 2.3.19 sahārthena yukte apradhāne tṛtīyā vibhaktir bhavati. putreṇa sahāgataḥ pitā. putreṇa saha gomān. pituratra kriyādisambandhaḥ śabdena ucyate, putrasya tu pratīyamāna iti tasyāprādhānyam. sahārthena ca yoge tṛtīyāvidhānāt paryāyaprayoge 'pi bhavati, putreṇa sārdham iti. vinā 'pi sahaśabdena bhavati, vṛddho yūnā 1.2.65 iti nidarśanāt. apradhāne iti kim? śiṣyeṇa sahopādyāyasya gauḥ.

sahayukte'pradhāne. , 2.3.19 kriyāguṇadravyasambandhe hi sati sahayogo bhavati. ataḥ "putreṇa sahāgataḥ" ityādīni kriyādisambandhe yathākramudāharaṇāni vṛttikṛtopanyastāni. sarvatra ca putrasyātrāpradhānyamiti tatastṛtīyā bhavati. nanu cobhayorapi pitāputrayoḥ kriyādisambandhaḥ pratīyate, tatkutaḥ putrasyāprādhānyamitarasya pradhānabhāva ityāha-- "pituratra" ityādi. "yadypyubhayagataḥ kriyādisambandhaḥ pratīyate, tathā'pyupāttaśabdavyāpārāpakṣayā pradhānāpradhānavyavasthāḥ-- śabdena yasya kriyādisambandhaḥ pratyāyyate tat pradhānamitaradapradhānamiti. iha tu piturava kriyādisaṃbandhaḥ pratyāyyate śabdena, na tu putrasya. kuta etat? śabdaśaktasvābhāvyāt. tathāvidhā hi śabdaśaktiryataḥ piturevātra kriyādisambandhaṃ śnoti pratipādayitum, na putrasyeti; evañcāgata ityādavekavacanamupapadyate; anyathā hi dvitvāddvivacanaṃ syāt, yathā-- pitatāputrāvāgatāviti. "putrasya tu pratīyamānatvādaprādhānyam" iti. arthātsa punararthaḥ sahārthayogaḥ. sa ca bhedādhiṣṭhānatvāt putrasya kriyādisambandhamantareṇa na sambhavatīti sambandhasya nāntarīyakatvāt putrasyāpi kriyādisambandhaṃ pratyāyayati. "sahārthena yoge tṛtīyāvidhānāt" iti. kutaḥ punaretadavagataṃ sahārthena yoge tṛtīyāvidhānamiti? yuktagrahaṇāt. tasya caitadeva prayojanam-- sahārthena yoge tṛtīyā yathā syāt, nānyat. "śiṣyeṇa sahopādhyāyasya gauḥ" iti. atra dravyasambandhaḥ ṣaṣṭha()aivopādhyāyasyocyata ityasya prādhānyāt. tatrāsatyapradhānagrahaṇe pradhāne'pyupādhyāye syāt. nanu ca paratvāt ṣaṣṭhī bhaviṣyati? na bhaviṣyati; aśeṣatvāt. sati tvapradhānagrahaṇe śeṣo'yaṃ sampadyata iti ṣaṣṭhī॥

sahayukte. `pṛthagvinānānābhiḥ' itivat sahenetyeva siddhe yuktagrahaṇaṃ sahārthakaśabdānāṃ sākamityādīnāmapi grahaṇārthamityāha–sahārtheneti. putreṇeti. pituratrāgamanakriyāsaṃbandhaḥ śābdaḥ, putrasya tu tatsāhityagamya ārthika iti tasyā'prādhānyam. yadyapyāgamanakriyākartṛtvādeva putrāttṛtīyā siddhā tathāpi `putreṇa saha sthūla' ityādyevāsya mukhyodāharaṇamiti bhāṣye spaṣṭam. arthagrahaṇasya prayojanamāha–evaṃ sākamiti. nanu `putreṇāgataḥ pite'tyatra sahādiśabdā'bhāvātkathaṃ tṛtīyetyata āha–vināpīti. vṛddho yūnā tallakṣaṇaścedi'ti sūtre sahādiśabdā'bhāve'pi tadarthāvagame'pi tṛtīyānirdeśadarśanādityarthaḥ.

sahayukte'pradhāne 556, 2.3.19 sahayukte. "pṛthagvinānānābhiḥ" itivat sahenetyeva siddhe yuktagrahaṇaṃ sahārthakaśabdānāṃ sākamityādīnāmapi grahaṇārthamityāha--sahārtheneti. putreṇeti. pituratrāgamanakriyāsaṃbandhaḥ śābdaḥ, putrasya tu tatsāhityagamya ārthika iti tasyā'prādhānyam. yadyapyāgamanakriyākartṛtvādeva putrāttṛtīyā siddhā tathāpi "putreṇa saha sthūla" ityādyevāsya mukhyodāharaṇamiti bhāṣye spaṣṭam. arthagrahaṇasya prayojanamāha--evaṃ sākamiti. nanu "putreṇāgataḥ pite"tyatra sahādiśabdā'bhāvātkathaṃ tṛtīyetyata āha--vināpīti. vṛddho yūnā tallakṣaṇaścedi"ti sūtre sahādiśabdā'bhāve'pi tadarthāvagame'pi tṛtīyānirdeśadarśanādityarthaḥ.

sahayukte. `sahenā'pradhāne'ityeva vācye yuktagrahaṇārthagrahaṇamityāha– sahārtheneti. sahārthakaśabdenasaha–sākaṃ–sārdhamityādinetyarthaḥ. putreṇeti. piturevāgamanakriyāsambandhaḥ śābdaḥ, putrasya tvārtha ityetāvatauvā'syā'prādhānyamucyate. apradhānagrahaṇaṃ tyuktaṃ śakyam. na caivaṃ piturapi tṛtīyāpattiḥ, tatra prātipadikārthamātre antaraṅgatvātprathamopapatteḥ. na ca yatra prathamā na prāpnoti `putreṇa saha piturāgamana'mityādau tatra pradhānātpiturapi tṛtīyā syādatastadvāraṇāyā'pradhānagrahaṇamāvaśyakamiti vācyam. kārakavbhakterbalīyastvāt `kartṛkarmaṇoḥ kṛti'iti ṣaṣṭha\ufffdā eva tatra pravṛtteriti dik.

sahayukte'pradhāne 498, 2.3.19 sahayukte. "sahenā'pradhāne"ityeva vācye yuktagrahaṇārthagrahaṇamityāha--sahārtheneti. sahārthakaśabdenasaha--sākaṃ--sārdhamityādinetyarthaḥ. putreṇeti. piturevāgamanakriyāsambandhaḥ śābdaḥ, putrasya tvārtha ityetāvatauvā'syā'prādhānyamucyate. apradhānagrahaṇaṃ tyuktaṃ śakyam. na caivaṃ piturapi tṛtīyāpattiḥ, tatra prātipadikārthamātre antaraṅgatvātprathamopapatteḥ. na ca yatra prathamā na prāpnoti "putreṇa saha piturāgamana"mityādau tatra pradhānātpiturapi tṛtīyā syādatastadvāraṇāyā'pradhānagrahaṇamāvaśyakamiti vācyam. kārakavbhakterbalīyastvāt "kartṛkarmaṇoḥ kṛti"iti ṣaṣṭha()ā eva tatra pravṛtteriti dik.