1/17:svastiyoge caturthī kuśalārthaiḥ āśiṣi vāvidhānāt |*
2/17:svastiyoge caturthī kuśalārthaiḥ āśiṣi vāvidhānāt bhavati vipratiṣedhena |
3/17:svastiyoge caturthyāḥ avakāśaḥ svasti jālmāya svasti vṛṣalāya |
4/17:kuśalārthaiḥ āśiṣi vāvidhānasya avakāśaḥ anye kuśalārthāḥ |
5/17:kuśalam devattāya kuśalam devadattasya |
6/17:iha ubhayam prāpnoti |
7/17:svasti gobhyaḥ svasti brāhmaṇebhyaḥ iti |
8/17:caturthī bhavati vipratiṣedhena |
9/17:alamiti paryāptyarthagrahaṇam |*
10/17:alamiti paryāptyarthagrahaṇam kartavyam |
11/17:iha mā bhūt |
12/17:alaṅkurute kanyām iti |
13/17:aparaḥ āha : alam iti paryāptyarthagrahaṇam kartavyam |
14/17:iha api yathā syāt |
15/17:alam mallaḥ mallāya |
16/17:prabhuḥmallaḥ mallāya |
17/17:prabhavati mallaḥ mallāya iti |

namaḥ svasti svāhā svadhā alam vaṣaṭityetair yoge caturthī vibhaktir bhvati. namo devebhyaḥ. svasti prajābhyaḥ. svāhā agnaye. svadhā pitṛbhyaḥ. alaṃ mallo mallāya. alam iti paryāptyarthagrahaṇam. prabhurmallo mallāya. śakto mallo mallāy. vaśaḍagnaye. vaṣaḍindrāya. cakāraḥ punarasya eva samucayārthaḥ. tena āśīrvivakṣāyām api ṣaṣṭhīṃ vādhitvā caturthyeva bhavati. svasti gobhyo bhūyāt. svasti brāhmaṇebhyaḥ.

namaḥsvastisvāhāsvadhā 'laṃvaṣaḍyogāc ca 2.3.16 namaḥ svasti svāhā svadhā alam vaṣaṭityetair yoge caturthī vibhaktir bhvati. namo devebhyaḥ. svasti prajābhyaḥ. svāhā agnaye. svadhā pitṛbhyaḥ. alaṃ mallo mallāya. alam iti paryāptyarthagrahaṇam. prabhurmallo mallāya. śakto mallo mallāy. vaśaḍagnaye. vaṣaḍindrāya. cakāraḥ punarasya eva samucayārthaḥ. tena āśīrvivakṣāyām api ṣaṣṭhīṃ vādhitvā caturthyeva bhavati. svasti gobhyo bhūyāt. svasti brāhmaṇebhyaḥ.

namaḥsvastisvāhāsvadhālaṃvaṣaḍa�āgācca. , 2.3.16 "alamiti paryāptyarthasya grahaṇam" iti. "tasmai prabhavati santāpādibhyaḥ" 5.1.100 ityalaṃśabdasamānārthena prabhavatiśabdena yoge caturthīnirdeśālliṅgāt. nanu cāsmālliṅgādarthasyedaṃ grahaṇam, na tu śabdasyetyeṣo'rthaḥ pratīyate; na tu paryāptyarthasyetyeṣo'rthaḥ. tathā ca bhūṣaṇapratiṣedayorapi grahaṇaṃ syāt. evañca kanyāmalaṃkurute, alaṃ bāle rodanenetyādāvapi caturthī syāt; naiṣa doṣaḥ; sāmathryāt paryāptyarthasyaiva grahaṇaṃ bhaviṣyati, katham? kanyāmalaṅakurute ityatra "upapadavibhakteḥ kārakavibhaktirbalīyasī" (cāṃ.pa.69) iti "karmaṇi dvitīyā" 2.3.2 iti dvitīyayaiva bhavitavyam. "alaṃ bāle rodanena" ityatrāpyata eva hetoḥ karaṇe tṛtīyayaiva. atra hi rodanaṃ karaṇabhāvamāpannameva pratiṣedhena sambadhyata iti sāmathryāt paryāptyarthasya grahaṇaṃ sampadyate. "cakāraḥ punarasyaiva samuccayārthaḥ" iti. yadetannamaḥprabhṛtiyoge caturthīvidhānaṃ tatsamuccayārthaścakāraḥ. tena punarvidhnāt "caturthī cāśiṣyāyuṣya" 2.3.73 ityādināśīrvivakṣāyāṃ pakṣe yā ṣaṣṭhī vidhīyate tāmapi bādhitvā caturthyeva bhavati. yadyavam, kārakavibhaktimapi bādhitvā "kanyāmalaṅkurute" ityādau caturthyeva syāt, tataśca yaduktam- sāmathryāt paryāptyarthasyaiva grahaṇaṃ bhaviṣyatīti, tannopapadyate? naiṣa doṣaḥ; kārakavibhakterbalīyastvāt, punarvidhānasya cānyatra caritārthatvāt. atha vā-- vakṣyamāṇā vibhāṣā siṃhāvalokitanyāyenehāpyupatiṣṭhate. tena "kanyāmalaṅkurute ityādau caturtī na bhavati॥

ebhiryoge caturthī. haraye namaḥ. prajābhyaḥ svasti. agnaye svāhā. pitṛbhyaḥ svadhā. alamiti paryāptyarthagrahaṇam. tena daityebhyo hariralaṃ prabhuḥ samarthaḥ śakta ityādi.. iti caturthī.

namassvastisvāhāsvadhālaṃvaṣaḍyogācca 901, 2.3.16 ebhiryoge caturthī. haraye namaḥ. prajābhyaḥ svasti. agnaye svāhā. pitṛbhyaḥ svadhā. alamiti paryāptyarthagrahaṇam. tena daityebhyo hariralaṃ prabhuḥ samarthaḥ śakta ityādi॥ iti caturthī.

namaḥsvasti. yujyata iti yogaḥ. karmaṇi ghañ. `namas' ityādibhiryuktādityarthaḥ. phalitamāha–ebhiryoge iti. na ca tādathryacatuthryā gatārthatvaṃ śaṅkyaṃ, tādathryasya śeṣatvavivakṣāyāṃ ṣaṣṭhīnivāraṇārthatvāt. tādathryaṃ hi upakāryopakārakabhāvaḥ, tasya yadā sambandhatvena bhānaṃ tadā ṣaṣṭhī, yatā `guroridaṃ gurvartha'miti bhāṣye spaṣṭam. evaṃca namaḥsvastyādiyoge tādathryasya śeṣatvavikṣāyāmapi caturthyevetyetadarthamidaṃ sūtram. upapadavibhakteriti. padāntarayoganimittikā vibhaktiḥ-upapadavibhakti, tadapekṣayā kārakavibhaktirbalīyasītyarthaḥ. `antarāntareṇe'ti sūtre bhāṣye paṭhitamidaṃ vacanam. tacca nyāyasiddham. kriyākārakayorhi sambandhaḥ-antaraṅgaḥ. upapadārthena tu yatkiñcitkriyākārakabhāvamūlakaḥ sambandha iti tannimittā vibhaktirbahiraṅgeti kaiyaṭaḥ. anye tūpapadavibhaktyā sambandhasāmānyamavagamyate, viśeṣāvagamastu prakaraṇādiparyālocanayā labhyaḥ. kārakavibhaktyā tu karmatvādisambandhaviśeṣo jhaṭityevāvagamyata iti sā balīyasītyāhuḥ. namaskaroti devāniti. kāraśiraḥsaṃyogādinā toṣayatītyarthaḥ. karaśiraḥsaṃyogādimātrārthatve'karmakatvāpātāt. prajābhyaḥ svastīti. prajāsambandhi kuśalamityarthaḥ. agnaye svāheti. agnyuddeśyakaṃ dravyadānamityarthaḥ. pitṛbhyaḥ svadheti. pittuddeśyakaṃ dravyadānamityarthaḥ. svaṃ rūpaṃ śabdasya' iti alaśabdasyaiva grahaṇe `kumārīṇāmalaṅkāra' ityatrātivyāptiḥ. kiṃca daityebhyo hariralamityatraiva syāt, `daityebhyo hariḥ prabhu'rityādau na syādityata āha–alamitīti. vārtikametat. alamityanena paryāptyarthakaśabdānāṃ grahaṇamityarthaḥ. teneti. paryāptyarthagrahaṇenetyarthaḥ. ityādīti. ādinā `kumārīṇāmalaṅkāra' ityatrātivyāptinirāsasaṅgrahaḥ. nanu `prabhurbubhūṣurbhuvanatrayasye'tyādau kathaṃ ṣaṣṭhītyata āha–prabhvādiyoge ṣaṣṭhīti. kuta ityata āha–sa eṣāṃ grāmaṇārāta nirdeśāditi. nanvevaṃ sati `daityebhyaḥ prabhu'riti caturthī na syāt. alaṃśabdastu paryāptītarārthaka eva bhaviṣyatītyata āha– tasmai prabhavatīti. vaṣaḍindrāyeti. indroddeśyakaṃ havirdānamityarthaḥ. nanu svasti gobhyo bhūyādityāśīrvākye caturthyeveṣyate. tatra `caturthī'cāśiṣyāyuṣye'tyādinā paratvātpakṣe ṣaṣṭhīprasaṅgaḥ ityata āha–cakāraḥ punarvidhānārtha iti. teneti. punarvidhānasāmarthyenetyarthaḥ.

namaḥsvastisvāhāsvadhā'laṃvaṣaḍa�ogācca 575, 2.3.16 namaḥsvasti. yujyata iti yogaḥ. karmaṇi ghañ. "namas" ityādibhiryuktādityarthaḥ. phalitamāha--ebhiryoge iti. na ca tādathryacatuthryā gatārthatvaṃ śaṅkyaṃ, tādathryasya śeṣatvavivakṣāyāṃ ṣaṣṭhīnivāraṇārthatvāt. tādathryaṃ hi upakāryopakārakabhāvaḥ, tasya yadā sambandhatvena bhānaṃ tadā ṣaṣṭhī, yatā "guroridaṃ gurvartha"miti bhāṣye spaṣṭam. evaṃca namaḥsvastyādiyoge tādathryasya śeṣatvavikṣāyāmapi caturthyevetyetadarthamidaṃ sūtram. nanu namaskaroti devānityatrāpi caturthī syādityata āha--upapadavibhakteriti. padāntarayoganimittikā vibhaktiḥ-upapadavibhakti, tadapekṣayā kārakavibhaktirbalīyasītyarthaḥ. "antarāntareṇe"ti sūtre bhāṣye paṭhitamidaṃ vacanam. tacca nyāyasiddham. kriyākārakayorhi sambandhaḥ-antaraṅgaḥ. upapadārthena tu yatkiñcitkriyākārakabhāvamūlakaḥ sambandha iti tannimittā vibhaktirbahiraṅgeti kaiyaṭaḥ. anye tūpapadavibhaktyā sambandhasāmānyamavagamyate, viśeṣāvagamastu prakaraṇādiparyālocanayā labhyaḥ. kārakavibhaktyā tu karmatvādisambandhaviśeṣo jhaṭityevāvagamyata iti sā balīyasītyāhuḥ. namaskaroti devāniti. kāraśiraḥsaṃyogādinā toṣayatītyarthaḥ. karaśiraḥsaṃyogādimātrārthatve'karmakatvāpātāt. prajābhyaḥ svastīti. prajāsambandhi kuśalamityarthaḥ. agnaye svāheti. agnyuddeśyakaṃ dravyadānamityarthaḥ. pitṛbhyaḥ svadheti. pittuddeśyakaṃ dravyadānamityarthaḥ. svaṃ rūpaṃ śabdasya" iti alaśabdasyaiva grahaṇe "kumārīṇāmalaṅkāra" ityatrātivyāptiḥ. kiṃca daityebhyo hariralamityatraiva syāt, "daityebhyo hariḥ prabhu"rityādau na syādityata āha--alamitīti. vārtikametat. alamityanena paryāptyarthakaśabdānāṃ grahaṇamityarthaḥ. teneti. paryāptyarthagrahaṇenetyarthaḥ. ityādīti. ādinā "kumārīṇāmalaṅkāra" ityatrātivyāptinirāsasaṅgrahaḥ. nanu "prabhurbubhūṣurbhuvanatrayasye"tyādau kathaṃ ṣaṣṭhītyata āha--prabhvādiyoge ṣaṣṭhīti. kuta ityata āha--sa eṣāṃ grāmaṇārāta nirdeśāditi. nanvevaṃ sati "daityebhyaḥ prabhu"riti caturthī na syāt. alaṃśabdastu paryāptītarārthaka eva bhaviṣyatītyata āha--tasmai prabhavatīti. vaṣaḍindrāyeti. indroddeśyakaṃ havirdānamityarthaḥ. nanu svasti gobhyo bhūyādityāśīrvākye caturthyeveṣyate. tatra "caturthī"cāśiṣyāyuṣye"tyādinā paratvātpakṣe ṣaṣṭhīprasaṅgaḥ ityata āha--cakāraḥ punarvidhānārtha iti. teneti. punarvidhānasāmarthyenetyarthaḥ.